13
bəşəriyyətin uzun sürən təkamülü prosesində, daha doğrusu,
sivil dövlətlərdə əxlaqsızlıq, qəbahət və rəzalət içərisində
olanlar, hiyləgərlər, “mühitə uyğunlaşanlar” yaşayış uğrunda
mübarizədə, xeyirxah əməllər sahiblərini, əxlaq cəngavərlərini
sıxışdırıb aradan çıxartmışlar. Bunun nəticəsində cəmiyyətdə
əxlaqca cırlaşma, əxlaqi tənəzzül prosesi baş verir, xeyirxah
əməllərin sayı getdikcə azalır, əxlaqsızlığın, qəbahətlərin, şər
əməllərin sayı isə həddindən artıq çoxalır. Əsl əxlaq
qəhrəmanların
yerini
əxlaqsızlar
tutur.
Cəmiyyətdə
insanpərvərlikdən əlçəkmə prosesi baş verir, əxlaqsızlar,
mənəviyyatca
kasıb adamlar, riyakarlar, tamahkarlar,
mərdimazarlar, paxıllar, qisasçılar əsas aparıcı qüvvəyə
çevrilirlər.
Beləliklə, heyvanilik insaniyyətə üstün gələrək, vaxtilə
boğulub gizlədilən vəhşi heyvani instinktlərin inkişafı üçün
geniş meydan açılır.
Bəli,
burjua alimi Hobbsun ilkin kapital yığımı
dövründədediyi “insan insanın canavarıdır” sözləri indi daha
aydın “insan ən yırtıcı heyvandan da yırtıcıdır, qəddardır”,
“insan
öz
xoşbəxtliyindən
daha
çox
başqalarının
bədbəxtliyindən həzz alır”, “müasir insan vəhşiləşmişdir” kimi
fikirləri ilə əvəz olunur.
Ancaq bu fikirlərlə tamamilə razılaşmaq da düzgün
olmazdı. Nə qədər ki, cəmiyyətdə diqqət mərkəzində olmağı
sevməyən, ancaq bütün ömrünü, amalını xalqının tərəqqisinə,
əxlaqi və mənəvi cəhətdən zənginləşməsinə xidmət göstərən
alimlərimiz, sənət adamlarımız, yaradıcı ziyalılarımız var bu
fikirləri özümüzə yaxın buraxmamalıyıq.
Bu gün laqeydlik məngənəsində sıxılan insanları oradan
ancaq inam xilas edə bilər. Heç kəs şöhrətə, rütbəyə, vəzifəyə
arxalanıb öz insanlıq vəzifələrini unutmamalıdır. Ancaq təəssüf
doğurası odur ki, şöhrət doymazları şöhrət qanadları altına elə
sığınıblar ki, cəmiyyətdə gedən əxlaqi tənəzzülün sanki onlara
qətiyyən aidiyyatı yoxdur. Çünki bu sübut olunmuş bir faktdır
14
ki, yoxsullar əxlaqsızlığı, namussuzluğu, qeyrətsizliyi qan ilə
yumuşlar, şöhrətpərəstlər isə bu iyrənc hərəkətləri həmişə pul,
kapital ilə ört-basdır etməyə çalışmışlar. Ona görə də aşağılar,
qara camaat daha çox əzab və iztirablara düçar olurlar.
Filosoflardan biri yazmışdır ki, “ əlacım olsaydı qatillərdən və
cinayətkarlardan əvvəl yoxsulluğu və nadanlığı məhkəməyə
verərdim. Çünki bir çox bədbəxtliklərin banisi bunlardır”.
Cəmiyyətdə baş alıb gedən əxlaqsızlığın əsas səbəblərini
yoxsulluqda, maddi ehtiyacda və mənəvi səbatsızlıqda görənlər
yanılmırlar. Bu gün həyatın əxlaqsızlıq girdabına atılanlar öz
hisslərini, ehtiraslarını vaxtında cilovlamağı bacarmayanlar, ilk
növbədə isə özünü yaxşı görə bilməyən, özünü lazımınca
qiymətləndirməyən insanlardır.
Həyatda
yaxşını-pisdən,
xeyiri-şərdən,
xeyirxahlığı-
naqislikdən, alicənablığı-riyakarlıqdan, ayırd etmək, paxıllığı,
mərdimazarlığı, kinliliyi, qısqanclığı, qeybəti, tamahkarlığı və
i.a. kimi qəbahətləri konkret şəraitdə və konkret halda görə
bilmək üçün hər kəsin öz ağıl və emosiyalarının, zəka və
ehtiraslarının düzgün işləməsi, tərbiyə edilməsi lazımdır ki, bu
da öz növbəsində doğru-düzgün dünya görüşündən, möhkəm
əqidə və inamdan, sarsılmaz həyat qanunlarına çevrilmiş
vərdişlərdən aslıdır. Məhz buna görə də biz özünənəzarətin, öz
hərəkətlərini təhlil etməyin, özünə kənardan baxa bilməyin,
özünü yaxşı görə bilməyin əhəmiyyətini xüsusi qeyd etməliyik.
İnsanın böyüklüyü hər şeydən əvvəl özünü daxilən yaxşı görə
bilməsindədir, öz-özünə obyektiv hökm çıxara bilməsindədir.
Təəssüf ki, müəyyən mənada cəmiyyətdə baş alıb gedən kapital
burulğanı gənclərimizin əxlaq və mənəvi dünyasına nəzər
salmağa imkan belə verməyərək, onları hiss və ehtiraslar
dənizində öz ağuşuna alır. Bu zaman artıq gec olur. Bu dənizə
atılmazdan qabaq hər şeyi yaxşıca, özü də ağılla götür-qoy
etmək lazımdır. Bu dənizin sularında üzənlər, bu suyun acısını
dadanlar sahilə çıxandan sonra canlı varlıq olsalar da, cəmiyyət
üçün onlar artıq “əşyaya”, “alətə” çevrilirlər. Bu həyatın insana
15
verdiyi ən amansız, həm də ən layiqli cəzasıdır. Görəsən, onları
bu çirkaba atılmazdan qabaq saxlamaq mümkündürmü?!
Əlbəttə, mümkündür. Axı, onlar bu iztirablı çirkaba atılmazdan
əvvəl özləri üçün həmdəm insan, yoldaş, dost axtarışında
olurlar. Həyatda əsil dostun, yoldaşın, əqidənin, etibarın,
inamın itdiyini görəndən sonra, digər tərəfdən də kapitalın
hissolunmaz gücü, ecazkar qüvvəsi onların səmtini istər-
istəməz dəyişməyə məcbur edir. İnsanların laqeyidlik azarına
tutulması isə bu faciənin daha da dərinləşməsinə, eyni zamanda
kütləvi vüsət almasına şərait yaradır. Nə etməli?!
Yenə
də
əlimizi-əlimizin üstünə qoyub nəyi isə
gözləməliyikmi?! Xeyir! Əsla! Bu gün qəbahətlərimizə qarşı
açıq mübarizəyə qalxmaq üçün həyacan təbilini səslən-
dirməliyik!
Cəmiyyətdə
baş alıb gedən əxlaqsızlığı, mənəvi
pozğunluğu, rüşvətxorluğun doğurduğu iyrənc əməlləri yabanı
alaq otları kimi vaxtında təmizləyə bilməsək, onda gələcək
nəsildə sağlam tərbiyəli gənclərimizin mövcudluğu sual altında
ola bilər. Bu gün cəmiyyətimizdəki çirkab suların çoxalmasının
əsas səbəbi digər tərəfdən də bu işdə lazımi vaxtda, düzgün və
cəsarətli addım atmamağımız səbəb olubdur. Artıq bu sahədə
cəsarətli vəqəti addımlar atmağın çoxdan vaxtı çatıbdır.
Düzdür, bu gün bizi uğursuzluq, müvəffəqiyyətsizlik
yaxalayıbsa, biz əllərimizi göyə qaldırıb tez təslim
olmamalıyıq, bu baxımdan özümüzü məğlub hesab
etməməliyik. Əgər gələcəkdə yaxşı, rahat, firavan və
gözəlhəyatda yaşamaq istəyiriksə, milli mənəvi dəyərlərimizin
qorunması yolunda durmadan, gecikmədən yaxşı da işlər
görməliyik.
Bu gün hamımızı düşündürən bir məsələ var. Biz bu gün
Müstəqil
Respublika
olaraq
özümüzü
Azərbaycan
Cümhuriyyətinin varisi, yoxsa Azərbaycan SSR-nin varisi
hesab etməliyik. Milli ideologiya baxımından ilk növbədə
Azərbaycan Respublikasının varislik probleminə, yəni özünü
Dostları ilə paylaş: |