| Nəşrlərin üç tərəfli kəsilməsi
Kitablar, broşürlər və jurnallar cildlə birlikdə üç tərəfdən kəsilir. Nəşrlərin belə kəsilməsi normativ texniki sənədlərin tələblərinə görə onların ölçülərinin istismar xüsusiyyətlərinin, xarici görünüşünün yaxşılaşmasını təmin edir. Kəsmə adətən üçbıçaqlı kəsmə maşınında yerinə yetirilir. Bu maşında bir iş tsiklində nəşrlərin topası üç tərəfdən eyni zamanda kəsilir. Bu maşınlar texnoloji imkanlarına, mexanikləşdirmə və avtomatlaşdırma dərəcəsinə görə fərqlənirlər.
Belə maşınlarda üçtərəfli kəsmə aşağıdakı kimi yerinə yetirilir (şəkil 2).
Nəşrlərin 1 bağlamasını düzləndirib ötürücünün 2 üstünə qoyurlar. İlkin sıxıcı 3 nəşrləri sıxır və ötürücü sıxıcı ilə birlikdə onları stol 4 üzrə kəsmə zonasına ötürür. Burada əsas sıxıcı 5 aşağı enir, ilkin sıxıcı isə əvvəlki vəziyyətə qayıdır. Sıxılmış nəşrlərə yan bıçaqlar 6 endirilir. Bıçaqlar eyni zamanda yuxarı və aşağı
Şəkil 2. Üçtərəfli kəsmə maşınında nəşrlərin kəsilməsi sxemi
sahələr üzrə onları kəsir. Yan bıçaqlar yuxarı qalxdıqdan sonra üçüncü qabaq bıçaq 7 nəşri qabaq sahə üzrə kəsir. Kəsilmiş bağlama sıxıcının altından azad olur və transportyor 8 üzərinə çıxarılır. Maşının yüklənməsi və boşaldılması əl ilə yerinə yetirilir. Kəsilmiş məhsulun formatı dəyişdirildikdə bıçaqların müvafiq nizamlanması aparılır.
Bu tip maşınların bəziləri bağlamaların samonaklad yığıcıları, məhsulun avtomatik kənarlaşdırılması və elektron idarəetmə sistemləri ilə təchiz olunmuşlar. Belə maşınlar həm müstəqil, həm də avtomatik xətlərin tərkibində işləyə bilir.
Hazır məhsulların qablaşdırılması onların əlverişli və etibarlı nəql olunması üçün vacibdir. Nəşrin təyinatından və poliqrafiya müəssisəsinin təchizatından asılı olaraq qablaşdırma müxtəlif üsullarla yerinə yetirilir.
Dostları ilə paylaş: | 
