Cek london oyun
Yüklə 1,46 Mb. Pdf görüntüsü
|
www.vivo-book.com 47 Cavan oğlan divardakı deşiyi qıza göstərib dedi: – Burda sakitcə oturub sənin dalınca gələcəyimi gözlə. IV FƏSİL Qız özünü gözcük tərəfə atdı, rinqi lap qarşısında gördü. Sanki ovcunun içindəydi. Təkcə tamaşa salonunun bir hissəsini qız görmürdü. Meydançanın üstündə qaz lampası gur işıq saçırdı. Qızın dövrəsindən keçdiyi hündür yerlərin ətrafında, birinci sırada əlində karandaş və bloknot olan adamlar oturmuşdular. Cenevyeva başa düşdü ki, bu yerli qəzetlərin reportyorlarıdır, onlardan biri saqqız çeynəyirdi. Qalan iki sıranı yaxındakı yanğınsöndürən hissənin yanğınsöndürənləri, əynində forma olan polismenlər tutmuşdular. Birinci sırada iki reportyorun arasında lap cavan polis rəisi oturmuşdu. Cenevyeva rinqin o tərəfindəki tamaşaçılardan birinin mister Klauzen olduğunu görüb təəccübləndi. Ağbəniz, qırmızıyanaq, sıx bakenbardlı Klauzen lap rinqin yanında birinci sırada özünü www.vivo-book.com 48 çəkərək oturmuşdu. Bir neçə adam o yanda, həmin sıradaca Cenevyeva həyəcandan üz-gözü pörtmüş, qırış-qırış sifətli Silverstaynı gördü. Tamaşaçıların seyrək alqışları altında əynində pencək olmayan bir neçə cavan oğlan əllərində vedrələr, butulkalar, əl-üz dəsmalları, burazları qaldırıb, meydançadan keçib Cenevyevanın olduğu otağın çəpindəki küncə keçdilər. Onlardan biri kətilin üstündə oturub kürəyini buraza söykədi. Onun əynində qalın ağ yun köynək, corabsız ayağında parusin çəkmə var idi. Yerdə qalan cavan oğlanlar da düz Cenevyevanın oturduğu küncdə əyləşdilər. Bərk alqış səsləri gəldi, qız diqqətlə baxanda Coyu tanıdı, o əynində həmin uzun xələti stulda oturmuşdu, oğlanın qısaca vurulmuş şabalıdı, qıvrım saçları qızın gözünün qabağının bir metrliyində idi. Sıx saçları olan, hündür nişastalı yaxalıqlı, əyninə qara kostyum geymiş cavan oğlan rinqin ortasına çıxdı, əlini qaldırıb dedi: – Möhtərəm tamaşaçılardan xahiş edirik, papiros çəkməyin. www.vivo-book.com 49 Bu xahişi bərkdən eşidilən narazılıqla qarşıladılar, onu fitə basdılar. Cenevyeva təəssüflə gördü ki, hamı sakitcə papiros çəkməyindədir. Mister Klauzen yarışlara başçılıq edənin xəbərdarlığına, əlində yanan kibrit olduğu halda qulaq asdı, heç bir şey olmamış kimi siqaretini çəkdi. Cenevyevanın ondan möhkəm acığı gəldi, onun Coyu, belə tüstü dumanın içində necə döyüşə bilər? Qız da nəfəs ala bilmirdi, amma bir şey var ki, o yerindən tərpənmədən oturub. Yarışlara başçılıq edən Coya yaxınlaşdı. O ayağa durdu, uzun xələti çiynindən sürüşüb düşdü. Co rinqin ortasına parusin çəkmələrdə, qısa ağ tumanda, çılpaq halda çıxdı. Cenevyeva utandı. Qız tək idi, onu heç kəs görmürdü, buna baxmayaraq, sevgilisini çılpaq görüb, utandığından yaman qızardı. Buna baxmayaraq, yenə baxdı, vicdan əzabı çəksə də, baxdı, onu sözsüz ki, belə görmək günahdır. Qəlbinin həyəcanlanması da, qızı ona cəzb edən ehtiraslı meyli də sözsüz ki, günahdır. Ancaq bu xoşagələn günah idi, qız ümumi əxlaq qaydalarını pozaraq gözünü sevgilisindən çəkmirdi. İbtidaidən olan instinkti, ilkin günah, xasiyyət www.vivo-book.com 50 özünü büruzə verdi. Sanki keçmiş minilliklərdəki anaların pıçıltılı səsi, hələ anadan olmamış körpələrin çığırtısı eşidildi. Ancaq qız bunu bilmirdi, bircə şeyi bilirdi ki, günahkardır, başını fəxrlə yuxarı qaldırdı, qərara aldı ki, bütün yasaqlardan azad olacaq, başdan-ayağacan günaha batacaq. Qız geyim altında olan insan bədəni haqqında heç vaxt fikirləşməmişdi. Bədən onun təsəvvüründə sifət, əllər kimi yaşayırdı. İnsana geyim verən mədəniyyətin övladı Cenevyeva, insanı geyimsiz təsəvvürünə belə gətirə bilmirdi. Adamlar nəsli onun üçün çılpaq üzlü, çılpaq qollu, başında saçları olan ikiayaqlı məxluq idilər. O, Co barədə fikirləşəndə saçları qıvrım, qız kimi çəhrayıyanaq, göy gözlü cavan sevgilisini göz önünə gətirirdi, sözsüz ki, geyimli- kecimli. İndi isə həddindən artıq gözəl, üstünə ağ işıq düşən sevgilisini görürdü. Cenevyevanın qəfildən ağlına gəldi ki, Allahı həmişə çılpaq şəkildə, duman içində, yarı gizlənmiş halda təsəvvürünə gətirirdi. Sevgilisini Allaha yaxınlaşdıran belə bir müqayisə ona dəhşətli, günahkar, küfr göründü, qız sanki bundan ən ağır günah kimi qorxdu. www.vivo-book.com 51 Cenevyevanın zövqü oleoqrafiyalarla 6 tərbiyə olunmuşdu, ancaq anadangəlmə gözəlliyi duymaq hissi onu başa saldı ki, qarşısındakı əsl gözəllik mücəssəməsidir. Coyun zahiri görünüşü həmişə onun xoşuna gəlirdi. Ancaq zahiri görkəm ayrılmaz şəkildə geyimlə bağlı idi, Cenevyevaya elə gəlirdi ki, Co ona görə belə cazibədardır ki, belə gözəl geyinir. Qızın ağlına da gəlmirdi, geyim altında bu mükəmməl gözəllik ola bilər. Bu kəşf onu heyran etdi. Coyun dərisi qadın dərisi kimi ağ idi, ancaq qadınınkından daha hamar, ipək kimi, tüksüz idi. Cenevyeva bunu gördü. O, Coyun üzünün zərif cizgilərinə, yaxşı inkişaf etmiş bədəninin əzələlərinin bir-birini tamamlamasına tamaşa edib heyran qaldı. Coyun bütün görkəmindən saflıq və zəriflik yağırdı. Gülümsəyən sifəti, yonulmuş kameyaya 7 bənzəyirdi, həmişəkindən daha cavan görünürdü. Yarışlara başçılıq edən əlini Coyun çiyninə qoyub üzünü izdihama tərəf döndərib dedi: 6 Oleoqrafiya – yağlı boyalarla çəkilmiş şəkli litoqrafiya vasitəsi ilə çap etmə üsulu (Tərc. qeydi). 7 Kameya – daş və balıqqulağından qayırılmış bəzək əşyası (Tərc. qeydi). Yüklə 1,46 Mb. Dostları ilə paylaş:
|