www.vivo-book.com
118
Bir-birimizin əlini sıxıb yatmağa getdik. Hə, biz
öhdəmizə asan iş götürməmişdik. Adamı brakonyerlikdə
29
təqsirləndirmək
üçün onu gərək cinayət başında
yaxalayasan, tutasan, qarmaqlarını, tilov iplərini, balıq
ovladığı bütün əşyayi-dəlilləri zəbt edəsən. Bu o demək idi
ki, biz Yunanların kralını açıq dənizdə, ona yaxınlaşanda,
bizi görəndə, bizi də hamının qarşıladığı top-tüfənglə
qarşılayanda tutmalı idik.
Bir dəfə Çarli səhər-səhər dedi:
– Biz onu aldada bilmərik. Ancaq qayıqlarımız bir-
birinə yaxınlaşsa, qüvvələrimiz bərabər gələr. Bunu
sınaqdan keçirməkdən başqa ayrı əlacımız yoxdur. Gedək,
oğlum!
Biz istridyə ovlayan çinlilərə basqın edilən Kolumbiya
çayından yelkənli qayıqla yola düşdük. Su çəkilmişdi. Solan
körpüsündən dövrə vurub üzəndə Böyük Aleki iş başında
gördük, o tilovlara baş çəkir, balıqları seçirdi.
Çarli əmr verdi:
29
Brakonyerlik –icazəsiz ov etmək (Tərc. qeydi).
www.vivo-book.com
119
– Yerlərimizi dəyişək. Düz qayığının dal tərəfinə sür,
özünü elə göstər ki, guya biz tərsanəyə yollanırıq.
Mən rumpeldən
30
yapışdım, Çarli orta skamyada oturub
tapançanı yanına qoydu.
Çarli xəbərdarlıq etdi:
– Əgər o atəş açmağa başlasa, qayığın dibində uzan,
qayığı ordan elə sür ki, ancaq əlin görünsün.
Mən başımı tərpətdim, biz susduq, qayıq suyun üzəri ilə
yavaşca üzüb Yunanların kralına yaxın, lap yaxın gəlirdi.
Biz artıq onu açıq-aydın görürdük, onun dəstəli çəngəli nərə
balıqlarına ilişdirib çıxartdığını, balıqları qayığa yığdığını,
köməkçisinin isə tilov ipləri boyunca yeriyib, suya atmazdan
qabaq qarmaqları təmizlədiyini görürdük. Biz ancaq
onlardan beş yüz yard
31
aralı olardıq ki, nəhəng balıqçı bizi
səsləyib qışqırdı:
– Ey, sizinləyəm! Sizə burda nə lazımdır?
Çarli pıçıldadı:
30
Rumpel – sükanı çevirmək üçün qol (Tərc. qeydi).
31
Yard – 0,91 sm-ə bərabər ingilis uzunluq ölçüsü (Tərc. qeydi).
www.vivo-book.com
120
– Qayığı saxlama, özünü elə göstər ki, guya eşitmirsən.
Sonrakı bir neçə an çox narahatçılıq çəkdik. Hər saniyə
ötdükcə biz onlara lap yaxınlaşırdıq, o isə bizi sınayıcı
baxışlarla süzüb, düz gözümüzün içinə baxırdı.
O, birdən sanki bizim kim olduğumuzu və niyə bura
gəlib çıxdığımızı başa düşüb qışqırdı:
– Canınıza heyfiniz gəlirsə, buralardan rədd olub gedin!
Yoxsa əlimdən sağ qurtara bilməzsiniz.
O, karabini
32
çiyninə qoyub məni nişan aldı. Böyük
Alek tələb etdi:
– Hə, nə oldu, rədd olub gedirsiniz?
Çarli narazı-narazı köksünü ötürüb pıçıltıyla mənə dedi:
– Qayığı döndər, bu dəfəlik bəsimizdir.
Sükandan əlimi çəkdim, şkotu
33
boşaltdım, bizim qayıq
beş-altı rumb
34
döndü. Böyük Alek gözünü bizdən çəkmirdi,
biz çox uzaqlaşanda qayıdıb işini görməyə başladı.
32
Karabin – gödək lüləli tüfəng (Tərc. qeydi).
33
Şkot – gəmi yelkəninin aşağı küncünə bağlanan ip (Tərc. qeydi).
34
Rumb – kompasın 32 bölgüsündən biri (Tərc. qeydi).
www.vivo-book.com
121
Karmintel elə o axşam, əsəbi-əsəbi dedi:
– Böyük Alekdə yaxşısı budur, işiniz olmasın.
Çarli mənalı-mənalı soruşdu:
– Nə olub ki, sənə şikayət edib?
Karmintel qıpqırmızı qızardı:
– Böyük Alekdə yaxşısı budur ki, işiniz olmasın! – o
yenə təkrar etdi. – O, qorxulu adamdır, onunla haqq-hesab
çəkməyin mənası yoxdur.
Çarli özünü ələ alaraq dilləndi:
– Əlbəttə, əlbəttə, mən eşitmişəm, onda işimiz olmasa,
bizi xeyri dəyər.
Bu açıq-aydın Karmintelə söz atmaq idi. Karmintelin
üzünün ifadəsindən başa düşdük ki, zərbə hədəfə dəyib.
Yunanların kralının dalaşqan olduğu hamıya məlum olduğu
kimi, çox həvəslə rüşvət verdiyini də bilirdilər. Son vaxtlar
çox patrul dəstəsinə pul verib razılığa gəlmişdi.
Karmintel qəzəblə dedi:
– Sən demək istəyirsən ki...
Çarli onun sözünü ağzında qoyub dedi:
www.vivo-book.com
122
– Mən heç nə demək istəmirəm. Sən mənim nə
dediyimi eşitdin, amma soğan yeməmisən, için niyə
göynəyir?..
Çarli çiyinlərini çəkdi, Karmintelsə ağzını açıb bir söz
demədi, ona ancaq qəzəbli bir nəzər saldı.
Bir dəfə biz Yunanların kralına səhər alaqaranlıqdan
yaxınlaşmaq istəyəndə, bədbəxtlikdən güllə atəşinə
tutulanda Çarli mənə dedi:
– Bilirsən, zirək tərpənə bilmirik.
Bundan sonra mən bir neçə gün baş çatlatdım.
Fikirləşib elə şey tapmaq istəyirdim ki, onun köməyilə biz
ikimiz gecə-gündüz yanında silah olan, tüfəng-tapançanın
dilini yaxşı bilən açıq dənizdəki adamı tutaq. Böyük Alek
hər dəfə su dayaz olanda günün günortaçağı Çin tilovu ilə
nərə balığı tuturdu. Hər şeydən çox bizi yandıran o idi ki,
Benişyadan tutmuş Vallexova qədər bütün balıqçılar onun
bizi saya almadığını bilirdilər. Karmintel də bizə rahatlıq
vermirdi, o bizi hər dəqiqədən bir siyənək tutanların
özbaşınalıq etdiyi San-Pabloya qovurdu, ona görə də
Yunanların kralı ilə məşğul olmağa vaxtımız qalmırdı.
Dostları ilə paylaş: |