Cek london oyun
Yüklə 1,46 Mb. Pdf görüntüsü
|
www.vivo-book.com 170 başladım. Bizim tamaşaçılarımız, dənizçilərimiz sevindiklərindən coşmuşdular, hamı bir nəfər kimi qaçıb aradan çıxan italiyalılara ürək-dirək verirdi. Çarli qalxıb oturmuşdu, əli ilə başını tutub təəccüblə ətrafına boylanırdı. Çarli tapançasını çıxarıb dedi: – İndi onlara qaçıb aradan çıxmağa heç cürə imkan verməyəcəyəm. Biz ikinci dövrəni vuranda o tapançasını qaldırıb italiyalıları hədələdi, onlar hallarına təfavüt etmədən böyük sürətlərini saxlayaraq, silaha heç fikir vermədən avar çəkirdilər. Çarli qəzəblə qışqırdı: – Dayanmasanız, atəş açacağam! Ancaq hədənin heç bir nəticəsi olmadı, bir neçə güllə onların yaxınlığından ötüb keçəndə belə, onlar təslim olmaqdan boyun qaçırdılar. Onlara bizdən yaxşı məlum idi ki, Çarli silahsız adamlara atəş açmaz, onlar əvvəlki kimi inadla gəminin dövrəsində fırlanırdılar. Çarli qışqırdı: www.vivo-book.com 171 – İndi ki, belədir, biz onları əldən salarıq! Onlar ilan dili çıxarıb yalvararlar. Biz onların axırına çıxarıq. Beləliklə, təqib davam edirdi. İtaliyalıları biz hələ iyirmi dəfə də “Lankaşir kraliça”sının başına dolanmağa məcbur etdik, axırdan-axıra gördük ki, onların dəmir əzələləri də zəiflədi. Onlar lap əldən düşmüşdülər, bir neçə dəfə dövrə vursaydılar, əgər iş başqa şəkil almasaydı, lap əldən-dildən düşərdilər. Hər dəfə üzü küləyə gedəndə onların vəziyyəti bizimkindən yaxşı olurdu, belə ki, “Lankaşir kraliçası” gəmisinin ortasına çatanda, bu vaxt ancaq onun burun tərəfində olurduq. Sonuncu dəfə “Lankaşir kraliçası”nın burun tərəfindən dövrə vuranda gördüm ki, italiyalılar gəmidən salınan pilləkənlə yuxarı qalxırlar. Bu görünür ki, kapitanın razılığı ilə dənizçilərin təşəbbüsü idi, çünki biz yaxınlaşanda pilləkəni yuxarı çəkmişdilər. Yalik havada gəmi şlyupbalkalarının 52 üstündə yellənirdi. 52 Şlyupbalka – qayıqları gəminin bortuna qaldırmaq və ya endirmək üçün qurğu (Tərc. qeydi). www.vivo-book.com 172 Kapitanla sonrakı danışığımız qısa və aydın oldu. Kapitan bizə “Lankaşir kraliçası”nın göyərtəsinə qalxmağı qadağan etdi. İtaliyalıları təhvil verməkdən tamamilə boyun qaçırdı. Bu vaxt Çarli də bizim yunan kimi özündən çıxmışdı. O, uzun çəkən və mənasız təqibdən nəinki müvəffəqiyyətsizliyə uğramışdı, hələ üstəlik, əlimizdən çıxan brakonyerlər başına zərbə ilişdirib gicəlləndirmişdilər. O, yumruğunu düyünləyib, o biri əlinin ovcuna vurub qətiyyətlə dedi: – Əgər bu iki nəfər qaçıb məndən yaxa qurtarsalar, qoy məni assınlar! Mən nə qədər ki, burdayam, icazəm var, onların keşiyini çəkəcəyəm, mən onları Əzrailə can verməmişdən əvvəl tutmasam, heç Çarli Le Qrant deyiləm. Beləliklə də həm balıqçıların, həm də balıqçı patrulunun tarixi “salnaməsində” qeyd olunan “Lankaşir kraliçası”nın mühasirəsi başlandı. “Şimal maralı”nın siyənək balığı tutan qayıqları mənasız təqibindən sonra Benişyaya qayıdanda Çarli Neyl Partinqtondan xahiş etdi ki, qızıl balıq ovlayan qayığın içərisinə adyallar, ərzaq ehtiyatı və soba qoyub bizə göndərsin. Qayıqlarımızı günəş batanda www.vivo-book.com 173 dəyişdik, qanunu pozduğu üçün Benişyada həbsxanada yatmalı olan bizim yunanla xudahafizləşdik. Çarli ilə mən şamdan sonra səhər açılınca növbə ilə dörd saat növbə çəkdik. Bu gecə balıqçılar qaçıb aradan çıxmağa cəhd etmədilər, ancaq gəmidən sahilə kəşfiyyat məqsədi ilə qayıq göndərildi. Ertəsi günü biz müntəzəm olaraq gəmini mühasirəyə aldıq, öz rahatlığımızı da yaddan çıxarmayıb planımızı müəyyənləşdirdik. Benişyadan bir qədər aşağıda yerləşən Solan körpüsü adlanan dokun 53 bizə yaxşı köməyi dəydi. Sən demə, “Lankaşir kraliçası”, Terner tərsanəsi və Solan körpüsü iri, müxtəlif tərəfli üçbucaq əmələ gətirir. Üçbucağın bir tərəfi gəmidən sahilədək olan məsafədir, bunu italiyalılar qət edə bilərdilər, bu tərəf, italiyalılar sahilə çıxa bilsinlər deyə – bizim keçəcəyimiz məsafə Solan körpüsündən sahilə qədərdi. Ancaq yelkənli gəminin sürəti avarlı gəmidən artıq olduğundan, italiyalılara üçbucağın o tərəfinin yarısını qət etməyə imkan verib, sonradan 53 Dok – gəmi təmir olunan yer (Tərc. qeydi). www.vivo-book.com 174 dallarınca düşmək olardı. Biz italiyalılara imkan versəydik ki, yolun yarısından çoxunu keçsinlər, onlar sahilə bizdən tez çatardılar. Onlar yolu yarı eləməmiş dallarınca düşüb təqib etsəydik, bizdən qaçıb gəmidə gizlənə bilərdilər. Biz italiyalıların sahilə üz tutacağı üçbucağın o tərəfini xəyalən iki yerə böləndə, sərhədin körpünün axırından bir qədər sahildən o tərəfdə yerləşən yel dəyirmanına uzandığını müəyyənləşdirdik. Bu xətt bizə imkan verdi ki, təqibə başlamazdan əvvəl onların ora çatmasına imkan verək. Günlərlə biz durbinlə italiyalıların yolun yarısındakı nöqtəyə çatanacan tələsmədən, avar çəkmələrinə göz yetirir, onların dəyirmanının yaxınlığına üzdüyünü görən kimi biz bir göz qırpımında öz qayığımıza atılır, yelkənləri dikəldirdik. Ancaq bizim təqibə hazırlaşdığımızı görən kimi onlar qayığı döndərir, tələsmədən geri “Lankaşir kraliçası”na tərəf üzür, bilirdilər ki, onları haqlaya bilmərik. Xay havalarda, yelkənli qayıq səmərəsiz olanda, avarları içəri qatlanmış pərli, yüngül yalikimiz var idi. Külək əsməyən günlərdə italiyalılar gəmidən aralanan kimi biz körpünü tərk edirdik. Gecələr isə biz gəminin bilavasitə Yüklə 1,46 Mb. Dostları ilə paylaş:
|