Cek london oyun
Yüklə 1,46 Mb. Pdf görüntüsü
|
www.vivo-book.com 180 göyərtəsində, növbətçilikdə keçirdik. Çarli təəccüblə qışqırdı: – Ey! Sən öz insafınla düzünü de görüm, bu nədir belə? Belə bir əcaib gəmi görmüsənmi? Hə, əslində təəccüblənməli idi, çünki körpüdə əvvəllər, doğrudan da, rastıma çıxmamış bir barkas var idi. Ona əslində barkas da demək olmazdı, ancaq o başqa gəmilərdən çox barkasa bənzəyirdi. Onun uzunluğu yetmiş fut olardı, ancaq çox ensiz gövdəsi var idi, heç bir üst tikilisi yox idi, ona görə də olduğundan balaca görünürdü. Onu poladdan qayırmışdılar, qara rəngə boyamışdılar, ortasında bir- birindən xeyli aralı, barkasın arxasına tərəf əyilmiş üç tüstü borusu var idi, barkasın uzun və bıçaq kimi iti burnundan bilinirdi ki, o böyük sürət götürə bilər. Biz barkasın arxa tərəfindən keçəndə, yanında xırda hərflərlə yazılmış “Ox” sözünü gördük. Çarli ilə mən maraqdan özümüzə yer tapmırdıq. Bir neçə dəqiqədən sonra biz barkasın içində idik, göyərtədə dayanıb günəşin batmasına tamaşa edən mexaniklə söhbət edirdik. O bizim marağımızı həvəslə təmin etdi, tezliklə öyrəndik ki, “Ox” dünən axşamdan xeyli www.vivo-book.com 181 ötmüş, San-Fransiskodan gəlib. Bu gəlişi sınıq saymaq olar, gəminin yiyəsi Kaliforniya mədənləri sahibi gənc milyoner Sayles Tetdir, o iti sürətli yaxtaların dəlisidir. Sonra turbenli 56 mühərriklərdən, buxardan istifadə olunmaqdan, porşen 57 , ştok 58 , krivoşipdən 59 , bir sözlə, mənim baş açmadığım şeylərdən danışdılar, mənim ancaq yelkənli gəmilərdən başım çıxırdı. Ancaq mexanikin axırıncı sözlərini çox yaxşı başa düşdüm. O fəxrlə dedi: – İstəyirsiniz inanın, istəmirsiniz yox, ancaq “Ox”un gücü dörd min at qüvvəsində, sürəti saatda qırx beş mindir. Çarli həyəcanla dilləndi: – Dostum, bunu təkrar edin! Təkrar edin! Mexanik mehribanlıqla gülümsünüb təkrar etdi: 56 Turben – içərisində buxar, qaz və ya axar suyun enerjisi mexaniki qüvvəyə çevrilən mühərrik (Tərc. qeydi). 57 Porşen – piston nasoslarda və s.-də mayeləri, buxarı, qazları qovan silindrik hissə (Tərc. qeydi). 58 Ştok – lövbər qolu (Tərc. qeydi). 59 Krivoşip – çarx qolu maşının valını hərəkətə gətirmək üçün manivela (Tərc. qeydi). www.vivo-book.com 182 – Dörd min at qüvvəsi və saatda qırx beş min! Çarli vəcdlə soruşdu: – Onun yiyəsi hanı? Onunla söhbət eləmək olar? Mexanik başını yelləyərək cavab verdi: – Deyəsən, yox. O hələ də yatır. Bu vaxt əyninə sürməyi gödəkcə geymiş cavan bir oğlan göyərtəyə qalxdı, barkasın arxa tərəfinə keçib göyə tamaşa eləməyə başladı. Mexanik dedi: – Bax, bu da mister Teyt. Çarli barkasın dal göyərtəsinə keçib onunla danışmağa başladı. O, nə barədəsə əl-qolunu ölçə-ölçə danışırdı, barkasın cavan yiyəsinin sir-sifətindən bilinirdi ki, onun danışığı xoşuna gəlib. Görünür, o, Terner tərsanəsi yaxınlığında suyun nə qədər dərinliyi olduğunu soruşub. Çünki mən Çarlinin əl-qol hərəkəti ilə onu başa salmağa çalışdığını görürdüm. Bir neçə dəqiqədən sonra əhvali- ruhiyyəsi yaxşılaşan Çarli qayıdıb gəldi. O mənə dedi: www.vivo-book.com 183 – Gedək, oğlum. Körpüyə gedək. İndi bizdən yaxa qurtara bilməzlər. Nə yaxşı ki, “Ox”u tez tərk etdik, çünki bu vaxt bizə göz qoyan balıqçıların biri göründü. Çarli ilə mən körpüdə – “Ox”dan bir qədər qabaqda “Lankaşir kraliçası”na göz qoymaq mümkün olan yerdə, qayığımızın yanında yerimizi tutduq. Saat doqquzacan sakitlikdi, sonra biz italiyalıların üçbucağın öz tərəfindən sahilə yollandıqlarını gördük. Çarli çox sakitcə oturmuşdu, italiyalılar yolun dörddə birini qət etmişdilər ki, o həyəcanla pıçıldadı: – Saatda qırx beş mil... Onlar xilas ola bilməzlər... Onlar əlimizdədirlər. İtaliyalılar tələsmədən avar çəkir, demək olar ki, yel dəyirmanının xəttinə çatmışdılar. Biz adətən bu an qayığımıza atılır, yelkənləri dikəldirdik, yalikdəki iki nəfər bizim indi hərəkət etmədiyimizi görüb görünür ki, mat qaldılar. Onlar sahildən və gəmidən eyni məsafədə aralı olanda, dəyirmana çatanda, biz onlara sahilə indiyədək yaxınlaşmağa imkan verdiyimizdən yaxın şübhəyə düşdülər. www.vivo-book.com 184 Biz durbinlə onların öz yaliklərində bizim nə edəcəyimizi bilmək üçün ayağa durduqlarını gördük. Yanımızdakı körpüdə oturmuş casusu da fikir götürmüşdü. O bizim niyə yerimizdən tərpənmədiyimizdən baş açmırdı. İtaliyalılar lap yaxına gəldilər, təzədən ayağa durdular, diqqətlə sahilə tamaşa etməyə başladılar, sanki biz orda gizlənmişdik. Bu vaxt sahildə bir nəfər göründü, əlindəki yaylığı yelləyib işarə etdi ki, yol açıqdır. Bu vaxt italiyalılar qəti qərara gəldilər. Onlar avarlara güc verib irəli cumdular, ancaq Çarli hələ də gözləyirdi. Onlar “Lankaşir kraliçası” ilə sahil arasındakı məsafənin dörddə üç hissəsini ötəndə, sahilə dörddə bir mildən bir qədər çox qalanda Çarli əlini çiynimə vurub qışqırdı: – Girə keçdilər! Girə keçdilər! Bizimlə “Ox” arasındakı məsafəni biz bir neçə addımla keçib onun göyərtəsinə atıldıq. Bir an içində onun burun və arxa tərəfindəki iplər açıldı, “Ox” sürətlə irəli cumdu. Körpüdə qalan, bizə göz qoyan casus tapançasını çıxarıb nəfəsini dərmədən havaya beş güllə boşaltdı. İtaliyalılar başa düşdülər ki, onlara xəbərdarlıq edirlər, dəli kimi əkildilər. Yüklə 1,46 Mb. Dostları ilə paylaş:
|