Cek london oyun
Yüklə 1,46 Mb. Pdf görüntüsü
|
www.vivo-book.com 17 Cenevyeva ilə Coyun mənsub olduğu fəhlələr mühitində onlar bir növ zadəgan sayılırdılar. Cenevyeva ilə Co onları əhatə edən miskinliyin, çirkabın içərisində ruhi sağlamlıqlarını, saflıqlarını qoruyub saxlaya bilmişdilər. Şəxsi ləyaqət hisslərini qoruduqlarından, nəzakətlə, zərif həyat tərzi sürdüklərindən, öz mühitlərinin adamlarından uzaq qaçırdılar. Onlar hər adamla oturub-durmur, nə oğlanın, nə də qızın ürək qızdırdığı yaxın dostu yox idi. Bununla belə onların ikisi də adama tez yovuşandı, adamlarla ancaq ona görə dostluq etmirdilər ki, bu onların saflığına, təmizliyinə xələl gətirərdi. Cenevyeva kimi xarici aləmdən təcrid edilmiş, qapalı həyat keçirən işçi qadın tapılmazdı. Onu əhatə edən mühitin kobudluğu, amansızlığı qıza təsir etməmişdi. Qız ancaq görmək istədiyini görürdü, o ancaq yaxşı şeyləri görmək istəyirdi, inamla, çox da səy göstərmədən, hər cür eybəcərlikdən, bayağılıqdan boyun qaçırırdı. O, kiçik yaşlarından tənhalığa alışmışdı. Cenevyeva ailənin tək övladı idi, küçədə qonşu uşaqlarla oynamaq, əylənmək əvəzinə, xəstə anasına qulluq edərdi. Kontor qulluqçusu, www.vivo-book.com 18 ciyərləri zəif, arıq atası çox xeyirxah idi, anadangəlmə adamlardan çəkindiyi üçün onlardan uzaq gəzər, vaxtının çoxunu evdə keçirərdi. Atasının sayəsində onların balaca ailəsində həmişə sakitlik olardı, onlar bir-birinə mehribançılıq yetirərdilər. Cenevyeva on iki yaşından yetim qaldı. Atasını dəfn edib qayıdan kimi o Silverstaynların yanına getdi, onların qənnadı dükanının üstündəki mənzildə yaşamağa başladı; qocalar onunla yaxşı rəftar edirdilər, yedizdirib geyindirirdilər, qız da piştaxta dalında dayanıb onlara kömək edirdi. Silverstaynlar Cenevyevanın xətrini bir də ona görə istəyirdilər ki, qız şənbə günləri dinləri onlara qadağan edəndə belə dükanda olurdu. Burda, bu sakit dükanda qızın gəncliyinin altı ili keçdi. Tanışları demək olar ki, yox idi. Cenevyevanın rəfiqəsi yox idi, dostluq etmək istədiyi qız da yox idi. Cenevyeva məhəllələrin başqa on beş yaşına çatmış qızları kimi öz küçələrinin oğlanları ilə gəzmək istəmirdi. Qızlar onun barəsində “Bu lovğa kuklaya bax”, – deyirdilər. Buna baxmayaraq, gözəlliyinə və özünü çəkməsinə görə onu www.vivo-book.com 19 istəməsələr də, Cenevyevaya hörmətlə yanaşırdılar. Cavan oğlanlar yavaşcadan, rəfiqələri yaxında olmayanda onları acıqlandırmamaq üçün qıza “Şaftalı” deyirdilər, onlardan heç birinin ağlına da gəlmirdi ki, Cenevyeva ilə tanış olsunlar. Onlar qıza əsrarəngiz, məlahətli, onlar üçün əlçatmaz, yüksək məxluq kimi baxırdılar. Cenevyeva sözün əsl mənasında gözəl idi. O, əsl amerikalı idi. O hərdənbir fəhlələr arasında təsadüf edilən, sanki miskin, bəhərsiz torpaqda nadir ətirli çiçək kimi açmışdı. Qızın hər şeyi qəşəng idi; zərif çəhrayı yanaqları vardı, yanağının rənginə görə “Şaftalı” ləqəbini almışdı, üzünün düzgün cizgiləri, qıza məxsus zərifliyi vardı. Onun səsi yavaş çıxırdı. Hərəkətləri asta idi. O özünü sadə, bununla bərabər ləyaqətli aparırdı, anadangəlmə yaxşı zövqü var idi, geyinib-kecinməyi yaxşı bacarırdı, əyninə nə geyinirdisə, gözəl görünürdü, ona yaraşırdı. Bütün bunlarla bərabər, o çox zərif, mülayim xasiyyətli, istiqanlı idi, gələcək arvad, ana kimi qəlbində közərən məhəbbət işartısı (gələcəkdə onu sevən arvad, əsl ana olacağı) hiss olunurdu. www.vivo-book.com 20 Ancaq bu gizli hisslər uzun illərdi ki, onun qəlbində mürgü vurur, gələcək sevgilisini gözləyirdi. Bir dəfə bürkülü şənbə günü Silverstaynın şirniyyat dükanına Co dondurma yeməyə gəlib çıxdı. Cenevyeva ona heç məhəl qoymadı, çünki başqa müştəri ilə məşğuldu, altı- yeddi yaşlı bir oğlan uşağı piştaxtanın qabağında dayanıb şüşənin altındakı, üstünə “beşi beş sent” sözləri yazılmış qənnadı ustalarının məharətli məhsulları olan cəzbedici pirojnaları diqqətlə götür-qoy edirdi, şirniyyat seçməkdə səhv edəcəyindən qorxurdu. Qız içəri girənin “Xahiş edirəm, sodalı su ilə dondurma verin” dediyini eşitdi. Qız gələnin üzünü gördü, soruşdu: “Hansı dondurmadan istəyirsiniz?” Qız cavan oğlanlara diqqət yetirməzdi. Oğlanlar ona qəribə, anlaşılmaz məxluq kimi görünərdi. Gənclər ona baxanda pərt olardı, onlardan xoşu gəlməzdi; onlar qıza kobud, yonulmamış görünərdi. Qız həyatın bu tərəfi barədə heç fikirləşməmişdi. Gördüyü oğlanlar onu heç cürə cəzb etmirdi, qız sadəcə olaraq onları görmürdü. Bir sözlə, Cenevyevadan soruşsaydılar ki, yer www.vivo-book.com 21 üzündə kişilər niyə mövcuddur, bu suala cavab verə bilməzdi. Qız stəkana dondurma qoyanda təsadüfən gözü Coya sataşdı, oğlanın üzü o dəqiqə xoşuna gəldi. Elə bu an oğlan ona baxdı, qız nəzərlərini aşağı salıb içində sodalı su olan sifona doğru getdi. Qız qədəhi dolduranda Cenevyeva yenə özündən asılı olmayaraq, cavan oğlana bir anlıq nəzər saldı. Çünki oğlan qızın gözlərinin içinə baxmağa çalışırdı, oğlanın üz-gözündən elə heyranlıq yağırdı ki, Cenevyeva tələsik üzünü döndərmək fikrinə düşdü. Qızı bir şey mat qoydu ki, tanımadığı yad bir kişi onun belə xoşuna gələ bilərmiş. Qız sadəlövhlüklə fikirləşdi: “Qəşəng oğlandır”, ancaq oğlanın onu belə cəlb etməsini təkcə xoşagələn zahiri görkəmlə izah etmək olmazdı. Qız dondurmanı onun qarşısında qoyub gümüş pulu alarkən üçüncü dəfə onunla göz-gözə gələndə öz-özünə dedi: “Yox, o heç də qəşəng deyil”. Qızın söz ehtiyatı az idi, o öz fikirlərini ifadə etmək üçün bir o qədər də asanlıqla söz tapmırdı, ancaq gənc Yüklə 1,46 Mb. Dostları ilə paylaş:
|