Cek london oyun
Yüklə 1,46 Mb. Pdf görüntüsü
|
www.vivo-book.com 200 bütün bu qayıqlar və siqnal üzgəcləri dalımızca elə sürətlə cumurdular ki, balıqçılar bir-birinə toqquşmamaq üçün qayığı güclə idarə edirdilər. Yunanlar boğazlarını yırta-yırta bizdən tələb edirdilər ki, gəmini dayandıraq, onlara elə gəlirdi ki, bu sərxoş dənizçilərin şən zarafatıdır, onların ağlına da gəlmirdi ki, şxunda balıqçı patrulu var. Bir toru dartıb sürümək çətin işdir. Çarli ilə Ole Eriksen belə qərara gəldilər ki, arxadan külək əssə də “Meri- Rebekka” on dənədən artıq toru çəkib apara bilməz. Ona görə də, onacan toru ilişdirib içərisində iyirmi balıqçı olan on qayığı dalınca sürüyüb aparan biz, gəmi dəstəsini arxada qoyub Kollinsvilə yola düşdük. Biz sevinirdik. Çarli sükanın başında elə durmuşdu ki, sanki yarışlarda qələbə çalmış yaxtanı evə aparırdı. “Meri-Rebekka”nın cəmi-cümlətanı iki dənizçidən ibarət ekipajı zarafatlaşır, dişlərini ağardırdılar. Ole Eriksen uşaq kimi sevincək idi, nəhəng əllərini ovuşdururdu. O elə təzəcə ağzını açıb: – Mən bildim, sizin balıqçı patrul Ole Eriksenin şxunundakı kimi heç vaxt belə uğur qazanmaz, – demişdi ki, gəminin arxasında atəş səsi eşidildi, güllə kayutun təzəcə www.vivo-book.com 201 rənglənmiş örtüsü üstündən çırtıldayıb, mıxa dəyib vıyıltı ilə kənara sıçradı. Bu Ole Erikseni özündən yaman çıxartdı. Yeni örtünün zədələndiyini görüb ayağa sıçradı, balıqçıları yumruğu ilə hədələdi, bu vaxt ikinci güllə başının üstündə altı düymlükdən keçib kayutun divarına dəydi. O, tez göyərtədə tir çəkib uzandı, gəminin arxasında gizləndi. Balıqçıların hamısının silahı var idi, indi onlar hamısı birdən atəş açmağa başladı. Biz hərəmiz bir tərəfdə gizləndik, hətta Çarli belə sükanı əlindən buraxmalı oldu, arxamızda sürünən ağır torlar olmasaydı, yəqin ki, qəzəblənmiş balıqçıların əlinə düşərdik. Ancaq “Meri- Rebekka”nın altına bərk dolaşmış torlar, onun dal tərəfini küləyə tərəf itələyir, o əvvəlki istiqamətini dəqiq saxlaya bilməsə də, üzürdü. Göyərtədə uzanmış Çarli əlini sükan çarxının aşağı oxlarına çatdıra bilsə də şxunu belə idarə etmək çox narahat idi. Bu vaxt Ole Eriksenin yadına düşdü ki, anbarda iri polad təbəqə var. Bu yaxınlarda Qızıl darvaza yaxınlığında qəzaya www.vivo-book.com 202 uğramış “Nyu-Cersi” paroxodunun kənar örtüyünün bir parçası idi, “Meri-Rebekka” onun xilasında iştirak etmişdi. İki dənizçi, Ole, mən ehtiyatla göyərtə boyu sürünüb iri ağır polad təbəqəni dartıb yuxarı gətirdik, onu gəminin dal tərəfindən sükanı balıqçılardan qorumaq üçün qalxan kimi ucaltdıq. Güllələr şaqqıldayır, Çarli gizləndiyi yerdə gülümsünür, sükanı sakitcə idarə edirdi. Beləliklə, biz arxamızda qəzəbdən fəryad qoparan bir dəstə yunan, qabaqda Kollinsvil, ətrafımızda isə fit çalan, qaynaşan güllələr irəli cumurduq. Çarli birdən zəif səslə soruşdu: – Ole, bilmirəm, indi nə edək? Ole gəminin lap kənarında arxası üstə uzanmışdı, göyə baxıb gülümsünürdü, böyrü üstə çevrilib Çarliyə baxdı. – Mən elə bilir ki, əvvəl istədin Kollinsvilə gedərik. Çarli dilləndi: – Biz orda dayana bilmərik. Mən dayana bilməyəcəyimizi heç təsəvvürümə gətirmirdim. Ole Eriksenin enli sifətindən özünü tamamilə itirdiyi bilinirdi. www.vivo-book.com 203 Əfsus ki, bu həqiqət idi. Arxamızda arı yuvası var idi, Kollinsvildə gəmini saxlamaq, arı yuvasına çöp uzatmaq kimi bir şey idi. Dənizçilərdən biri şən-şən dedi: – Bu lənətə gəlmiş yunanların hamısının tüfəngi var. İkinci dilləndi: – Hələ balıqçılarını demirsən. Bu vaxt Ole Eriksen inildədi: – Mən şved adamına nə lazım, özgə işlərinə meymun kimi qarış. Güllə gəminin arxa tərəfinə dəyib şaqqıldadı, sağ tərəfdən keçib hirslənmiş arı kimi vızıldadı. Şən dənizçi dedi: – Təkcə sahilə yan almaq, “Meri-Rebekka”nı qoyub qaçmaq qalır. Ole Eriksen təsvir edilməz dəhşətlə səsləndi: – Necə yəni “Meri-Rebekka”nı qoyub qaçmaq?! Dənizçi cavab verdi: – Özünüz bilərsiniz. Bu oğlanlar gəminin içinə doluşanda Allahdan istərdim ki, burdan min mil aralıda www.vivo-book.com 204 olaydım. – O, dalımızca dartıb sürüdüyümüz özündən çıxmış yunanları göstərdi. Biz suyu köpükləndirə-köpükləndirə Kollinsvilə təzəcə çatmışdıq, körpünün lap yaxınlığından keçirdik. Körpüyə daş atmaq olardı. Çarli bizim əsirlərə gözaltı baxaraq dedi: – Ümidim bir şeyə qalıb, külək kəsməsin. Ole qəmgin-qəmgin soruşdu: – Küləyin bizə nə xeyri?! Tezliklə çaydan... çaydan keçmək olmaz, onda... onda... Biz çayın mənsəbinə çatanda nələr olacağını götür-qoy edəndə Ole əlavə etdi: – Onda biz əlçatmaz yerlərə gedib, yunanların cənginə düşərik. Biz çayın iki qola ayrıldığı yerə çatdıq. Soldakı Sakramento, sağdakı San-Xoakin çayının mənsəbi idi. Şən dənizçi irəli süründü, foku aşağı saldı, Çarli sükanı sağa döndərdi, biz sağa – San-Xoaki çayının mənsəbinə döndük. Bizi irəli, düz gilin üstünə qovan daldan əsən külək, indi Yüklə 1,46 Mb. Dostları ilə paylaş:
|