Cek london oyun
Yüklə 1,46 Mb. Pdf görüntüsü
|
www.vivo-book.com 226 məğlubiyyətimizə gülmək adət şəklini almışdı. Demetrios körpünün bir neçə yüz yardlığında yelkənini aşağı salıb, özünü həmişəki çürük torunun əlli futunu açdı. Çarli qəsdən yunanlardan biri eşitsin deyə, ucadan mızıldandı: – Mənə elə gəlir ki, onun köhnə toru tamam-kamal yırtılmasa, bundan əl çəkən deyil. Bu vaxt onlardan biri dilləndi: – Onda mən özümünkünü ona verərəm. Çarli cavab verdi: – Zəhmət çəkmə, mənim özümün köhnə bir torum tapılar. Əgər o mənim yanıma gəlib xahiş eləsə, verərəm. Yunanlar şən-şən gülüşdülər, çünki kələk gəldikləri adamla belə mehriban zarafat edə bilərdilər. Bir dəqiqədən sonra Çarli mənə müraciət etdi: – Hə, oğlum, hələlik. Mən şəhərə, Meloninin yanına gedirəm. Soruşdum: – Qayığı götürə bilərəm? Cavab verdi: www.vivo-book.com 227 – Özün bilərsən, – birdən dönüb tələsmədən uzaqlaşdı. Demetrios tordan iki dənə iri qızılbalıq çıxartdı, mən qayığa atıldım. Kefləri kökəlmiş balıqçılar ətrafımıza yığışmışdılar, mən yelkəni dikəldəndə mənə cürbəcür məsləhətlər verməyə başladılar. Onlar hətta bir-birilə mərc gəlirdilər ki, mən Demetriosu hökmən tutacağam. Onlardan ikisi isə özlərini məhkəmə məmuru yerinə qoyaraq çox ciddi şəkildə məndən icazə istədilər ki, mənimlə səfərə yollansınlar, görsünlər ki, mən bütün bunları nə cür edirəm. Ancaq mən tələsmirdim, vaxtı uzadırdım ki, Çarliyə imkan verim Vallexoya yollansın. Özümü elə göstərirdim ki, guya yelkənin görkəmi xoşuma gəlmədi, mən qafelin yuxarı ucunun saxladığı burazı bir azca dartdım. Hesablamalarıma görə, Çarli Den Meloninin yanına çatıb onun atına minəndən sonra, mən körpüdən aralanıb yelkəni küləyə tərəf qaldırdım. Bərk külək yelkənə dolub onu bir anın içində birdən əydi, qayığa iki vedrəyəcən su doldu. Ən təcrübəli dənizçinin belə, yüngül qayığının başına belə bir hadisə gələ bilərdi, mən şkotu bir anın içində yavaş-yavaş açıb www.vivo-book.com 228 buraxdımsa da, qayığı düzəltdimsə də, çox böyük səhv etmiş adam kimi məni istehzalı əl çalmaqla alqışladılar. Demetrios balıqçı patrul qayığında tək bir adamın, özü də cavan bir uşağın olduğunu görüb, məni ələ salmaq fikrinə düşdü. Yelkənin aşağı ucunu saxlayan ipi qısaltdı. Ondan otuz fut aralıda düz dalınca yollandım, o da şkotu bir qədər açıb buraxdı, körpüyə qayıtdı. O qısa qalslar edərək fırlanmağa, dövrə vurmağa başladı, ona rəğbət bəsləyən tamaşaçıların ürəyindən xəbər verərək, qayığının burnu ilə şütü yarırdı. Mən də bütün vaxtı qayığı onun dalınca sürür, onun elədiklərinin hamısını təkrar edirdim. O hətta belə bərk küləkli havada, iri yelkəndə küləyin istiqaməti ilə qayığı sürüb yelkəni o biri tərəfə keçirmək qorxulu olanda da çəkinmirdi. O belə güman edirdi ki, dənizdə möhkəm qarmaqarışıqlıq yaradan, bərk əsən sahil küləyi, suyun qüvvətli çəkilməsi, suyun axını məni fəlakətə sürükləyər. Ancaq o gün kefim kök idi, heç vaxt qayığı indiki kimi gözəl sürməmişdim. Mən yaxşıca burulmuş mexanizmə bənzəyirdim, beynim yaxşı və sürətlə işləyirdi, əllərim öz www.vivo-book.com 229 işini səhv etmədən görürdü, mən təcrübəli dənizçi kimi hər saniyə əvvəlcədən baş verə biləcək minlərlə xırda hadisələri də nəzərdən qaçırmırdım. Mənim yerimə Demetriosun başına qəza gəldi. Onun qayığının çıxarılan gilində nə isə xarab olmuşdu, korpusa pərçim olub çıxmırdı, gil tamamilə hərəkət etmirdi. Demetrios böyük məharətlə əldə etdiyi fasilə vaxtı tələsik çıxarılan gillə əlləşməyə başladı, onu aşağı salmaq istədi. Ancaq onun vaxtı çox az olduğundan, təzədən sükandan, yelkəndən yapışmalı oldu. Çıxarılan gil onu görünür, bərk narahat edirdi. Onun daha mənə baş qoşmağa halı yox idi. Uzun manevrlər edərək Vallexoya yollandı. Gəmi külək istiqamətində ilk manevr edəndə gördüm ki, qayığım küləyə daha yaxındır, bu məni sevindirdi. Bax, bu vaxt qayığında əlavə bir adam olsaydı, gərəyi olardı. Mən onun bir neçə futluğunda idim, o, sükanı buraxıb, qayığın ortasına keçib, çıxarılan gili aşağı sala bilmirdi. O, qayığını küləyin istiqamətinə daha dik tutub, əvvəlki kimi şkotu bir az yavaş-yavaş açmağa, məni ötüb-keçməyə www.vivo-book.com 230 çalışaraq, daha sürətlə getməyə çalışdı. Mən küləyə üstün gəlmək, Demetriosu haqlamaq üçün bu imkanı ona verdim. Mən ona lap yaxınlaşanda, o, özünü elə göstərdi ki, guya qayığını küləyin istiqamətinə görə dəyişdirir. Mən cəld Demetriosu qabaqlamaq üçün küləyə qarşı manevr etdim, ancaq bu onun tərəfindən həyata keçirilən mahir fırıldaq idi. O əvvəlki istiqaməti götürdü, mən isə ötürülmüş məsafənin yerini doldurmağa çalışdım. Manevr məsələlərində görünür ki, Demetrios məndən bacarıqlı idi. Dəfələrlə o demək olar ki, əlimdə idi. Hər dəfə məni aldadıb əlimdən canını qurtarırdı. Bu yandan külək güclənirdi, bizim əllərimiz bir saniyə belə sakitlik nə olduğunu bilmirdi, yoxsa ki, qayıqlarımız çevrilərdi. Mənim qayığıma gəlincə, o suyun üzündə artıq ballast hesabına qalmışdı. Mən büzüşüb oturmuşdum, bir əlimlə sükandan, o biri əlimlə şkotdan yapışmışdım. Şkot ağac mıxa bir dəfə dolandığından, külək hər dəfə bərk əsdikcə əlimdən çıxırdı. Belə vaxtlarda yelkənin küləyi boşalırdı, mən də sözsüz olaraq geri qalırdım. Bir şeydən təsəlli almaq olardı ki, Demetriosun qayığının da başına belə işlər gəlirdi. Suyun güclü çəkilməsi Yüklə 1,46 Mb. Dostları ilə paylaş:
|