Cek london oyun
Yüklə 1,46 Mb. Pdf görüntüsü
|
www.vivo-book.com 241 çəkəcəkdi. Neyl bu şəhərdə yaşayırdı, məktəbi qurtaranadək mən onlarda qalacaqdım, ona görə də mənə təklif elədi ki, sandıqçamı şlyupun içinə aparıb qoyum ki, birlikdə üzək. Sandıqçanı apardım, günün axırında biz burazları açıb yelkəni dikəltdik. Payız idi, hava adam aldadandı. Yayda hər gün bir qayda olaraq, sahildən əsən külək, bərk əsən şıltaq küləklərlə əvəz olunurdu. Göyün üzünü buludlar örtdü. Səfərimizin nə qədər çəkəcəyini deyə bilməzdik. Biz su çəkilməyə başlayanda yola düşdük. Karkinez boğazından keçəndə Benişyaya vaxtı ilə “Lankaşir kraliçası”nı mühasirəyə alıb yunanların kralı Böyük Aleki tutduğumuz yerə, Terner tərsanəsi yaxınlığındakı körpüyə xeyli baxıb vidalaşdım. Boğazdan çıxanda isə, həmin yerə böyük maraqla tamaşa etdim, hansı ki, bir neçə gün bundan qabaq Demetrios Kontos alicənablıq göstərib məni xilas etməsəydi, hökmən batacaqdım. İrəlidə, San-Pablo körfəzinin üzərində göz-gözü görməyən duman sürünürdü, bir neçə dəqiqədən sonra “Şimal maralı” qaranlıq rütubətin arasında kor-koranə irəliləyirdi. Ancaq Çarlinin duyğu hissi qüvvətli idi, o www.vivo-book.com 242 şlyupu səhv etmədən inamla idarə edirdi. O özü bizə etiraf edib deyirdi ki, özü də bilmir ki, buna necə nail olur. O nə isə sanki möcüzə ilə, hər şeyi: külək axınını, məsafəni, vaxtı, dreyfi 75 , hərəkətin sürətini nəzərə ala bilirdi. Biz kor-koranə bir neçə saat üzəndən sonra Neyl Partinqton dedi: – Deyəsən, duman dağılır. Çarli saata baxıb dedi: – İndi altıdır. Suyun çəkilməsi hələ üç saat da çəkəcək. Neyl üst-üstdən dedi: – Hal-hazırda görəsən, hardayıq? Çarli bir qədər fikirləşib cavab verdi: – Suyun çəkilməsi bizi bir qədər kənara aparıb, ancaq duman çəkilsə – deyəsən, elə belə də olacaq, görərsiniz – biz Mak-Nira körpüsündən min mil aralanmışıq. Neyl qaşqabağını sallayıb mızıldandı: – Sən bir qədər də dəqiq ola bilərdin. Çarli dilləndi: 75 Dreyf – gəminin külək və axının vasitəsilə yolundan çıxması (Tərc. qeydi). www.vivo-book.com 243 – Düz sözümdür. Mak-Nira körpüsünə milin dörddə birindən çox qalmayıb. Külək soyuyurdu, bərk əsdikcə duman yavaş-yavaş çəkilirdi. Çarli külək əsən tərəfə işarə edərək dedi: – Körpü, bax, ordadır. Biz üçümüz də diqqətlə dumana baxırdıq ki, birdən “Şimal maralı” çatırtı ilə nəyəsə toxunub dayandı. Özümüzü şlyupun burnuna verdik. Gördük ki, bizim buşpritimiz qısa, qalın dor ağacı olan balaca bir gəminin iplərinə ilişib. Sən demə, bizim şlyupumuz lövbər salmış Çin conkasına ilişibmiş. Biz özümüzü şlyupun burun tərəfinə verəndə, narahat edilmiş arılara bənzər beş çinli gözlərini ovuşdura-ovuşdura darısqal kayutdan çıxdılar. Hamıdan qabaqda ucaboylu, qüvvətli bir nəfər göyərtədə göründü, onun çopur üzü, başındakı sarı ipək yaylıq nəzərimi cəlb etdi. Bu bizim bir il bundan qabaq qanunsuz istridyə ovladığı üçün həbs elədiyimiz mənim köhnə tanışım olan həmin çinli idi. O vaxt o “Şimal www.vivo-book.com 244 maralı”nı az qala batıracaqdı, indi də gəmi hərəkət qaydalarını kobudcasına pozduğuna görə bizi batıracaqdı. Çarli qəzəblə qışqırdı. – Ey, sarısifət meymun, burda farvateri nə kəsdirib durmusan, özün də siqnal vermirsən? – Hə də, – Neyl sakitcə dilləndi, – siz ora yaxşıca baxın. Biz Neylin işarə etdiyi tərəfə baxıb gördük ki, conkanın anbarı təzəcə tutulmuş istridyələrlə doludur. İstridyələrin içərisində isə çoxlu xırda, dörddə bir düym böyüklüyündə balıqlar var idi. Sarı Yaylıq su qabarmağa başlamamış torunu çəkib çıxarmış, dumandan istifadə edib toru təzədən atmışdı, həyasızcasına lövbər salıb dayanmışdı ki, su azalanda bir də ov etsin. Neyl peysərini qaşıdı. – Hə də, hə də! Neçə illərdir brakonyerləri tuturam, nələr görməmişəm, amma qanunu pozanın öz əl-ayağı ilə gəlib çıxmasını heç görməmişəm. Bura bax, Çarli, indi onunla nə edək? Çarli dedi: www.vivo-book.com 245 – Buksirdə onları San-Rafaelə apararıq, vəssalam, şüd tamam. – Üzünü mənə tutdu. – Dostum, conkada qal, sənə buksir ipini ataram. Külək dəyişməsə, çay dayazlaşmamış keçib gedərik, San-Rafaeldə gecələyərik, sabah günorta üstü Oklenddə olarıq. Çarli və Neyl bu sözləri deyə-deyə “Şimal maralı”na qayıtdılar, biz conkanı buksirdə apara-apara yola düşdük. Mən tutulan gəmini idarə etməyi öhdəmə götürdüm, gəminin arxa tərəfində dayanıb xəlbirə oxşar, içərisindən, dəlmə-deşiyindən su axan, Nuh əyyamından qalmış sükanla onu hərəkətə gətirdim. Duman çəkildi, sanki heç yox imiş. Gördük ki, Çarli yerimizi düzgün müəyyənləşdirib. Mark- Nira körpüsü bizdən yarım mil aralı idi. Qərb sahili ilə üzüb, Pedro burnunun ətrafından dövrə vurub keçdik, çinlilərin qəsəbəsinin yanından ötüb keçdik, onlar conkalarını buksirdə balıqçı patrul şlyupu apardığını görüb bir hay-küy qaldırdılar ki, gəl görəsən. Sahildə bərk külək əsir, hərdənbir azalır, istərdik ki, o bərk əssin. San-Rafaelə üzüb əsirləri hökumət dairələrinə təhvil verməli olduğumuz çay, ucsuz-bucaqsız Yüklə 1,46 Mb. Dostları ilə paylaş:
|