Cek london oyun
Yüklə 1,46 Mb. Pdf görüntüsü
|
www.vivo-book.com 37 hesabsız ehtiyacları, daima rənglənməli və ağardılmalı ev, vergilər, əlavə vergilər, Cenevyevanın doğacağı uşaqlar, Xensenin anbarından aldığı maaşın miqdarı bir anda Coyun gözləri qarşısında canlandı. Ancaq o tezcənə, adətən, belə hallarda olduğu kimi idrakın xəbərdaredici bu dəhşətli səhnələrini özündən uzaqlaşdırır, o təkcə Cenevyevanı görürdü, bütün varlığı ilə ona eşq yetirdiyini hiss edirdi, o, götür-qoy etmədən qızın iradəsinə tabe oldu, qız da onun kimi başısoyuqluqla onun həyatı, hərəkətləri üçün özünü səlahiyyətli saydı. Oğlanın iyirmi, qızın on səkkiz yaşı var idi, bəşər nəslini davam etdirmək üçün dünyaya gəlmiş cavan nişanlıların ikisi də gümrah, sağlam, çəhrayı yanaqlı idi. İkilikdə körfəzin sahilində bazar günü gəzintisinə çıxanda, tanış olmayan izdihamın içindəkilərin gözləri onlarda qalırdı. Coyun əsl kişi gözəlliyi Cenevyevanın qızlıq təravətindən geri qalmırdı, qızın məlahəti oğlanın gücünə, zərif, qəşəng bədən quruluşu onu qədd-qamətli əzələli bədən quruluşuna yaraşırdı. İctimai mənşəcən Codan çox yüksəkdə duran bir çox qadınlar onun bir-birindən xeyli aralı olan www.vivo-book.com 38 parlaq, göygözlü, səmimi, sadəlövh sifətindən gözlərini çəkmirdilər. Oğlan özü bu baxışları görmürdü, onların yalvarışla dolu ana kimi nəvazişli baxmasına məhəl qoymurdusa da, ancaq Cenevyeva bunu görür, başa düşürdü, oğlanın onun özünün olduğunu, ixtiyarının da onda olduğunu fikirləşəndə qızın qəlbini coşqun bir sevinc bürüyürdü. Bir şeyi də demək lazımdı ki, Co da kişilərin Cenevyevaya nə cür baxdığını görürdü, bu baxışlar onu əsəbiləşdirirdi də, Cenevyeva özü də bu baxışların mənasını onların özündən yaxşı hiss edirdi. III FƏSİL Cenevyeva Coyun altlığı nazik, zərif çəkmələrini geydi, qəhqəhə çəkərək ayaqlarını irəli uzatdı. Lotti də şən qəhqəhələrlə aşağı əyildi ki, onun şalvarının ətəyini qatlasın. Coyun bacısı Lotti onların sirrindən xəbərdar idi, qız anasını dilə tutmuşdu ki, çıxıb qonşuya getsin, indi bütün ev gənclərin ixtiyarında idi. Qızların ikisi də Coyun onları www.vivo-book.com 39 gözlədiyi aşağı mətbəxə düşdülər. O, Cenevyevanı görəndə yerindən dik atıldı, üzündən məhəbbət və xoşbəxtlik yağırdı. Oğlan qışqırdı: – Tez ol, Lotti. Onun yubkasını yuxarı qaldır. Gərək tələsək. Belə də yaxşı olar. Şalvarın ancaq balaqları görünəcək, palto hər şeyi örtəcək. İndi baxaq görək necə olur. Mən Krisin paltosunu almışam. Yaxşı oğlandır! Aman, aman, yaman diribaşdır! Boyu balacadır, cəlddir, – Co Cenevyevaya paltonu geyindirə-geyindirə danışırdı; palto lap onun dabanlarına çatırdı, ancaq qızın əynində qutu kimi dururdu, elə bil əyninə biçilmişdi. Co papağı qızın başına qoydu, yaxalığını qaldırdı. Yaxalıq elə enli idi ki, papağın qıraqlarına çatırdı. Cenevyevanın saçları bunun altında görünməz oldu. Co paltonun üst düyməsini bağlayanda yaxalığın ucları Cenevyevanın yanaqlarını, ağzını, çənəsini örtdü, ancaq diqqətlə baxanda papağının günlüyü altındakı gözlərini, bir azca ağaran burnunu görmək olardı. Qız otaqda var-gəl etməyə başladı, ancaq yeridikcə paltonun altından şalvarın balaqları nəzərə çarpırdı. www.vivo-book.com 40 Co əlinin səliqəsinə heyran qalaraq, gülə-gülə dedi: – Heç bir yarışdan geri qalmayan ehtiraslı oyunçusan ki, durmusan. Zökəm tutmusan, baş-gözünü bağlamısan ki, xəstələnməyəsən. Yanında çoxlu pulun var? Mən altıya qarşı ondan mərc gəlirəm. İstəyirsən, altıdan mərc gələk? Cenevyeva soruşdu: – Altı deyəndə kimi nəzərdə tutursan? Lotti incik səslə dilləndi: – Pontanı, – Cenevyevanı başa salmaq istədi ki, buna heç şübhə-zad ola bilməz. Cenevyeva tez təsdiq etdi: – Yaxşı, ancaq bir şey var ki, mənim bundan heç başım çıxmır. Bu dəfə Lotti susdu, ancaq üz-gözündən bilinirdi ki, Cenevyevanın sözü yenə onun xoşuna gəlmədi. Co saata baxıb dedi, getmək vaxtıdır. Lotti qardaşını qucaqlayıb, dodaqlarından bərk-bərk öpdü, sonra o Cenevyeva ilə öpüşdü. Co bacısının belindən qucaqladı, qız onları qapıyadək ötürdü. Onlar küçəyə çıxanda Cenevyeva soruşdu: www.vivo-book.com 41 – Ona qarşı altı nə deməkdir? – Onların addım səsləri şaxtalı havada uğultu ilə səslənirdi. Co cavab verdi. – Bu o deməkdir ki, mən favoritəm 3 . Rinqdə tamaşaçılar on dollardan mərc gəlirlər ki, mən bu yarışda qalib gələcəm, o birilər isə altı dollardan mərc gəlirlər ki, mən uduzacağam. – Əgər sən favoritsənsə, hamı sənin udacağına arxayındırsa, sənin əleyhinə niyə mərc gəlirlər? Co güldü: – Yarışın gözəlliyi elə bundadır. Hərə bir fikir yürüdür. Bundan başqa, sərrast zərbəyə, gözlənilməz hadisəyə ümid çoxdur. Çox şey ola bilər! – o ciddiyyətlə əlavə etdi. Qız qorxdu, onu qucaqlayıb köksünə sıxdı, sanki onu təhlükədən qorumaq istəyirdi, o şən-şən güldü: – Dayan, dayan, özün görəcəksən. Sən bircə əvvəlcədən qorxub eləmə. İlk raundlar 4 yaman dəhşətli olur. Bu 3 Favorit – yarışlarda birinciliyə şansı olan adam (Tərc. qeydi). 4 Raund – boksda yarış müddəti (Tərc. qeydi). Yüklə 1,46 Mb. Dostları ilə paylaş:
|