Cek london oyun
Yüklə 1,46 Mb. Pdf görüntüsü
|
www.vivo-book.com 42 Pontanın üstün cəhətidir. O inadkardır, heç elə bil adam deyil, qasırğadır, yumruqlarını elə işə salır ki, rəqibini ilk raundlarda məğlub edir. O, beləliklə, özündən üstün dərəcəli boksçuların çoxunu nokaut 5 edir. Mənim vəzifəm onun hücumuna ancaq davam gətirməkdir. Yaxşıca göz qoy, mənim nə vaxt hücuma keçəcəyimi görəcəksən. O, mənim əlimdən yaxa qurtara bilməz. Onlar lövhəsindən idman klubu olduğu bilinən, əslində isə polis dairələrinin nəzarəti altında boks yarışları keçirilən tünd rəngli binaya yaxınlaşdılar. Co Cenevyevanı arxada qoyaraq, qapıdan içəri keçdi, qız da onun dalınca içəri girdi. Co ona xəbərdarlıq etdi: – Ancaq əlini cibindən çıxartma, heç kəs heç nə başa düşməz. Bir iki dəqiqəliyinə döz. Co polismenlə danışan qapıçıya dedi: – O, mənimlədir. Qapıçı da, polismen də Co ilə dostcasına salamlaşdılar, onun yanındakı adama heç fikir də vermədilər. 5 Nokaut – boksda ən sarsıdıcı zərbə (Tərc. qeydi). www.vivo-book.com 43 Onlar pilləkənlə ikinci mərtəbəyə qalxanda Co pıçıltıyla dedi: – Onların ağlına gəlmədi. Heç kəsin ağlına gəlməz. Əgər bir şey sezən olsa, da fərqi yoxdur, mənim xətrimə susacaqlar. Mənim kimi gətirdiyimi hardan biləcəklər? Bura bax, bura keç. O, kontora oxşar darısqal bir otağın qapısını açdı, Cenevyevanı basılıb əyilmiş oturacağı olan tozlu stulun üstündə oturtdu. Bir neçə dəqiqədən sonra o, parusin ayaqqabıda, uzun xələtdə qayıtdı. Qorxudan tir-tir əsən Cenevyeva ona qısıldı. Oğlan bir əli ilə onu nəvazişlə qucaqladı. O, qıza ürək-dirək verib dedi: – Cenevyeva, qorxma. Mən hər şeyi yoluna qoymuşam. Heç kəs heç nə bilməz. Cenevyeva dilləndi: – Co, mən sənə görə narahatam. Mənə nə olacaq olsun. Mən sənin üçün qorxuram. – Necə ki, nə olacaq olsun? Mən elə bildim ki, sən özünə görə narahatsan. www.vivo-book.com 44 Cenevyeva onu həssaslığı, hisslərinin dərinliyi ilə dəfələrlə mat qoysa da, qadın ürəyinin parlaq böyüklüyünə heyran qalaraq qıza baxdı. Bir anlığa oğlan deməyə söz tapmadı. Sonra isə həyəcandan dili-dodağı təpiyə-təpiyə dilləndi: – Mənə görə narahat olursan? Sənin barəndə nə fikirləşəcəklərini eyninə almırsan? Məndən başqa heç kimi düşünmürsən? Heç nə barədə fikirləşmirsən? Qapının bərkdən döyülməsi “Haralardasan, özünü nə sərinə vermisən?!” – deyən yoğun səs Coyu xəyal aləmindən ayırdı. O, səmimiyyətlə pıçıldadı: – Tez ol, Cenevyeva, məni bir də öp. Bu gün mənim axırıncı yarışımdır, mən bu dəfə həmişəkindən bərk vuruşacağam, axı sən məni rinqdə görəcəksən. Bir dəqiqədən sonra hələ də dodaqlarında onun hərarətli öpüşünü hiss edən qız vurnuxan cavan oğlanların arasındaydı, heç kəs, deyəsən, onu görmürdü. Bu cavanların çoxusunun əynində qolu təkcə çirməkli köynək var idi, pencəksiz idilər. Cenevyevanı əhatə edib qızla bərabər dal www.vivo-book.com 45 qapıdan salona keçdilər, tələsmədən yan yoldan keçib getdilər. Anbara çox oxşayan yarıqaranlıq tamaşaçı salonu adamla dolu idi, sıx tənbəki tüstüsündən adamlar və əşyalar güclə seçilirdi. Cenevyevaya elə gəldi ki, indicə boğulacaq. Salonda kişilərin uğultulu səsi eşidilirdi, arada bir afişa və sodalı su satan oğlan uşaqlarının qulaqbatıran çığırtıları eşidilirdi. Kim isə mərc gəlmək istədi – altı dollara qarşı on. Təklif edən səs Cenevyevaya yeknəsəq, ümidsiz göründü. Qız fəxrlə öz-özünə dedi: “Əlbəttə ki, kim onun Coyuna qarşı çıxmağa cürət edər?” Onu həyəcanlandıran Co ilə fəxr etməsi deyildi. Qadınların gəlməsi qadağan edilən bu davaxanaya girəndə qızın xəyalına cürbəcür şeylər gəldi. Belə macərada maraqlı nə ola bilərdi? Burda hər şey naməlum, sehrli, dəhşətlidir. Bir də ki, qız fəhlə məhəlləsinin sözgəzdirən arvadlarının rəyinə qarşı çıxaraq, ləyaqət qaydalarını pozub belə bir cəsarətli addım atmışdı. Cenevyevanın canına qorxu düşdü, qız bir dəqiqə əvvəl ancaq Co barədə fikirləşsə də, indi özü üçün qorxdu. www.vivo-book.com 46 Cenevyeva salonun o biri başına nə vaxt çatdığını, bir neçə pilləkən qalxıb boksçuların balaca tualet otağına nə vaxt keçdiyini hiss eləmədi. Burda da kişi çox idi, Cenevyeva belə qərara gəldi ki, onların hamısı bu və ya başqa dərəcədə oyunun iştirakçısıdır. Bu vaxt Co onu tərk etdi. Qız özünün gələcək taleyi üçün qorxmağa macal tapmamışdı ki, onun müşayiətçilərindən biri kobudcasına dilləndi: “Ey, səninlə deyiləm, dalımca gəl!” Qız onun dalınca qapıdan içəri keçmişdi ki, gördü bir mühafizəçi də dalınca gəlir. Onlar tamaşaçıların üç sıra oturduqları hündür yerlərdən keçdilər, bu vaxt Cenevyeva ilk dəfə olaraq rinqə nəzər saldı. Qız meydançanın bərabərində yeriyirdi, meydançaya elə yaxın idi ki, əlini uzatsaydı, ətrafdakı burazlara əli çatardı. Döşəməyə brezent döşəmişdilər. Cenevyeva rinqin arxasında, onun hər iki tərəfində adamla dolu salonu sanki duman arxasında gördü. Qızın çıxdığı otaq rinqin künclərindən birində yerləşirdi. Ona bələdçilik edənlə sıralar arasından keçən Cenevyeva rinqin o biri tərəfindəki balaca otağa girdi. Yüklə 1,46 Mb. Dostları ilə paylaş:
|