Cek london oyun
Yüklə 1,46 Mb. Pdf görüntüsü
|
www.vivo-book.com 159 Hamıdan əvvəl Qırxayağı gəmiyə mindirdik, polis nəfəri əlini qandallayanda etiraz etməyə başlasa da, həvəslə qabağa düşdü. Sonra suda çox qalmaqdan fağırlaşıb lap itaətkar olan Berçini dartıb gəmiyə saldılar. On nəfəri qayığa mindirib uzaqlaşdıq, dəniz quldurları ikinci şlyupkaya dırmaşmağa başladılar. Üçüncü şlyupkaya ancaq doqquz əsir düşdü, bütün qənimətimiz iyirmi doqquz adamdan ibarət idi. Qırxayaq sevincək dilləndi: – Delfini ki tuta bilmədiniz. Guya Delfinin qaçıb aradan çıxması bizim müvəffəqiyyətimizi heçə endirirdi. Çarli güldü: – Arxayın ol, gördük. Donquldanırdı, sahilə üzürdü, axtalanmış donuz kimi xortuldayırdı. Soyuqdan tir-tir titrəyən fağırlaşmış quldur dəstəsini sahildən istridyə anbarına gətirdik. Çarli qapını döyən kimi qapı taybatay açıldı, içəridən ürəklərə yayılan isti gəldi. Hamımız evə doluşanda Çarli dedi: – Üst-başınızı burda qurudub, isti qəhvə içə bilərsiniz. www.vivo-book.com 160 Əlində buğlanan qəhvə ilə dolu parç olan Delfin ocağın qırağında sakitcə oturmuşdu, Nikolasla mən Çarliyə nəzər saldıq. O şən-şən gülüb dedi: – Buna da fərasət lazımdır. Bir şeyə baxanda gərək hər tərəfdən nəzər salasan. Yoxsa xeyri olmaz. Mən sahilə baxdım, ona görə də orda iki polis nəfəri qoydum ki, qoy nəzarət eləsinlər. Vəssalam, şüd tamam. www.vivo-book.com 161 “LANKAŞİR KRALİÇASI”NIN MÜHASİRƏYƏ ALINMASI Çarli Le Qrantla mənim balıqçı patrul dəstəsində xidməti dövrümüzdə iri dörddorlu ingilis gəmisini mühasirədə saxlamağımız ən çətin iş idi. Axırdan-axıra bu bizim üçün həlli çətin məsələyə çevrildi, ancaq quru təsadüf bizə bu məsələnin də həllini tapmaqda kömək etdi. İstridyə ovlayan dəniz quldurlarının dərisini verəndən sonra biz Oklendə qayıtdıq, ancaq Neyl Partinqtonun xəstə arvadı təhlükədən xilas olunca iki həftə də keçdi. Beləliklə, bizim “Şimal maralı”mız ancaq bir aydan sonra Benişyada göründü. Atlar öləndə itlərin bayramıdır; bu bir ay ərzində balıqçılar lap cızıqlarından çıxmışdılar, qanunu çəkinmədən pozurdular. Biz Pedro burnunun yanından ötəndə istridyə ovlayanlar içərisində canlanma hiss etdik. San-Pablo körfəzi boyunca Yuxarı körfəzdən üzüb gəlmiş, bizi görəndə sudan torlarını çəkib çıxaran, yelkənləri qaldıran balıqçı barkasları üzüb keçdilər. www.vivo-book.com 162 Bütün bunlar bizi şübhəyə salmaya bilməzdi. Biz ordaca təhqiqata başladıq, ələ keçirdiyimiz yeganə qayıqda siyənək balığı ovlamaq üçün qadağan olunmuş tor gördük. Qanuna görə torun ilgəkləri arasındakı məsafə yeddi yarım düymdən az olmamalı idi. Halbuki bizim ələ keçirdiyimiz torun ilgəkləri arasındakı məsafə üç düym idi. Bu, qanunun islahedilməz pozulması idi, biz qayıqdakı iki balıqçını həbs etdik. Onlardan birini Neyl Partinqton “Şimal maralı”nın göyərtəsinə götürdü ki, o bizim patrul dəstəsinin rəisinə gəmini sürməkdə kömək etsin, Çarli ilə mən ikincini özümüzlə tutduğumuz barkasda irəli apardıq. Bu ara siyənək balığı ovlayan qayıqlar var gücləri ilə San-Pablo körfəzindən keçib Petaluma sahillərinə yol aldı və biz daha bir də balıqçı görmədik. Bizim əsirimiz – gündən qaralmış, saqqallı yunan qaşqabağını sallayaraq, torunun üstündə oturmuşdu, biz isə onun gəmisini sürürdük. Bu, qızıl balıq ovlamaq üçün qayırılmış Kolumbiya çayı barkası idi, görünür, ilk dəfə idi səfərə çıxmışdı, bu gəmini idarə etmək adama ləzzət verirdi. Bizim əsirimiz ağzını açıb bir söz demədi. Çarli onun barkasını tərifləyəndə belə, sanki www.vivo-book.com 163 bizi görmədi, tezliklə biz onunla daha maraqlanmadıq, belə qərara gəldik ki, o həddindən artıq qaradinməz adamdır. Biz Karkinez boğazını keçdik, dənizin sakit olduğu Terner tərsanəsi yanındakı körfəzə girdik. Orada, Böyük Alekin tutulduğu həmin yerdə qəflətən nərə balığı tutmaq üçün Çin tilovu və içərisində iki italiyalı olan bir yalik və yeni məhsulun buğdasını gözləyən bir neçə dəmir korpuslu ingilis yelkən gəmisi dayanmışdı. Bu tamamilə bizim üçün də, onlar üçün də gözlənilməz oldu: onlar heç özlərinə gəlməmişdilər ki, biz başlarının üstünü kəsdirdik. Çarliyə qayığı küləyə tərəf döndərmək, onların dalına keçmək nəsib oldu. Mən irəli qaçıb burazı atdım, əmr etdim ki, ləngitmədən onu bərkitsin. İtaliyalılardan biri burazı taxta mıxa sarımağa başladı, mən də tələsik yelkəni yığdım. Barkas yaliki ardınca dartaraq geriyə can atdı. Çarli gəminin burun tərəfinə keçdi ki, əsir tutduğumuz gəmiyə atılsın, ancaq mən yaliki yaxına çəkmək üçün burazdan yapışanda italiyalılar qaçmağa üz qoydular. Su bizi külək tutan yerə atdı, bu ara onlar bir cüt avar tapıb özlərinin yüngül gəmilərini düz küləyə qarşı sürdülər. Bu hərəkət www.vivo-book.com 164 əvvəl bizi çaşdırdı, çünki biz özümüzün iri, ağır yüklənmiş qayığımızda onlara çata bilməzdik. Birdən əsirimiz dadımıza çatdı. Onun qara gözləri parıldadı, özünü ələ almağa çalışsa da sifəti pörtmüşdü. O siyirtmə gili 50 aşağı saldı, bir sıçrayışla özünü gəminin burnuna verib yelkəni dikəltdi. Çarli gülə-gülə dedi: – Nahaq demirlər ki, yunanların italiyalıları görən gözü yoxdur! – belə deyib özünü gəminin dal tərəfindəki rumpelə tərəf atdı. Əvvəllər ömrümdə görməmişdim ki, bir nəfər belə bizim əsir kimi bu təqib vaxtı başqasını tutmaq istəsin. O elə coşmuşdu ki, sanki gözləri hədəqəsindən çıxacaqdı, burun pərələri isə qəribə bir tərzdə açılıb örtülürdü. Çarli sükanı, o isə yelkəni idarə edirdi. Çarli pişik kimi əldən iti, çevik olsa da, yunan öz hövsələsizliyinin qarşısını çətinliklə alırdı. İtaliyalılar sahilə çıxa bilməzdilər, ən azı bir miləcən yolları qalmışdı. Əgər onlar birbaşa sahilə üz tutsaydılar, biz də 50 Gil – gəmi gövdəsinin alt hissəsinin əsasını təşkil edən və gövdə uzununa qoyulan tir (Tərc. qeydi). Yüklə 1,46 Mb. Dostları ilə paylaş:
|