Cəlil Cavanşir
Yüklə 5,62 Kb. Pdf görüntüsü
|
58 9 Dost dosta tən gərək... (Azərbaycan atalar sözü) Elxan Könüldən cavab gözlədiyi halda doktor Orxan- dan zəng gəldi: – Salam Elxan. Necəsən? – Təşəkkür edirəm, həkim, salamatam. – Uzatmayacam. Sənə bir sual verim. Sən gecədən bəri düz beş dəfə Könülə mesaj yazmısan. Xəstəsən? Elxan tutuldu. – Nicatla bağlı danışmaq istəyirəm. – Yaxşı görək. Nicatla bağlı danışmaq istəyirsənsə, bir mesaj kifayətdir. Qır-saqqız olub gijdıllağlıq eləmə. Bu nə mesajdı yazmısan? – “Gözəlim, mənə Nicatdan danışmalısan. Danış- masan, öz bildiyim kimi yazacağam. Bu da, yəqin sənə sərf eləməz” . Yox bir, “Mənə bir az ondan danış”... Yazıq qızın başına gələnlər azdı ki, sən də onu təhdid edirsən? – Nə təhdid etmək? Sadəcə istəyirəm ki, danışsın – Elxan mı- zıldandı. – Yaxşı, sırtıqlıq eləmə. Yazıçıya yaraşmaz bu cür münasibət. İnsan kimi zəng elə, görüş. Girişməyə ehtiyac yoxdu. Könül onsuz da barda işləyir və pul müqabiləndə istənilən kişi ilə görüşür. Yəni belə axmaq mesajlardan qorxacaq qadınlardan deyil. – Bayaq deyirdin ki, “yazıq qız...” – Fahişəlik eləsə də, dünyasını dəyişən dostumuzun sevgili- sidi. Yox, əgər qeyrətin götürmürsə, get öldür. Əgər yatmaq 59 istəyirsənsə, adam kimi pulunu ver yat. Yaxşı oğlan belə hə- rəkət eləməz... – Hansı oğlan? – Sikdir! Elxan telefonu sağollaşmadan bir kənara tullayıb, doktoru söydü: – Get rədd ol, xiyarın biri xiyar. 4-5 dənə yazını oxuyub, ya- zarın psixoloji durumunu izah edə bilmir, mənə ağıl öyrədir. 60 10 "Qadının sevmədiyi kişiyə heç vaxt yazığı gəlməz" Viktor Hüqo Könül saunadan kefsiz çıxmışdı. Onu müştərilərlə birlikdə saunaya aparan taksi indi zəng gözləyirdi. Dərnə- gül yolunda yerləşən saunadan çıxıb, küçə lampalarının işı- ğında addımlamağa başladı. Sonra nə fikirləşdisə, taksi sürü- cüsünə zəng elədi: – Hardasan? – Saunaya çatıram. – Saunanı keçən kimi, birinci dayanacaqdayam. Bir az gəziş- mək istədim. – 10 dəqiqəyə ordayam. Könül taksini gözləyə-gözləyə bir siqaret yandırdı. Yanında saxlayıb, şit-şit söz atan sürücülərə fikir vermədən Nicatla keçirdiyi xoş günləri xəyalında canlandırdı. Xəyallar onu çox uzaqlara apardı. Fikirdən ayılanda evə çatmışdı. Taksiyə necə mindiyini, dördüncü mərtəbəyə necə qalxdı- ğını xatırlamırdı. Nicatın kədərli çöhrəsi gözünün qabağı- ndan getmirdi. Qapını tənbəl-tənbəl açıb içəri keçdi. Birotaq- lı mənzildən həmişəki kimi, içki və siqaret qoxusu gəlirdi. İşığı yandırdı. Evdə səliqəsizlik öz qaydasındaydı. Kosmeti- ka ləvazimatları güzgünün qarşısında pərakəndə vəziyyətdə idi. Fen yemək stolunun üstünə atılıb qalmış, evin bir kün- cündəki kreslonun üstünə çirkli paltarlar qalaqlanmışdı. Üç- dörd gün bundan əvvəl içilmiş pivə şüşələrindən üfunət iyi 61 gəlirdi. Çirkli çəngəllər, qaşıqlar və boşqablar yığılıb qal- mışdı. Könül həvəssiz şəkildə əl çantasını boş kreslonun üs- tünə atıb dağınıq yatağa çökdü. Divarın hər tərəfinə Nicatın şəkilləri vurulmuşdu. Laqeydliklə yerindən qalxıb pəncərəni açdı. Amansız mart soyuğu acgözlüklə çılpaq çiyinlərini ya- ladı. Yerinə qayıdıb siqaret yandırdı və Nicatın şəkillərinə baxmağa başladı. O heç bir fotoda gülmürdü. Heç gülümsə- yən fotosu da yoxdu. Könülün gözlərində yaş parıldadı. Evin səliqəsiz halı da Nicatı xatırladırdı. Nicat onun evinə nadir hallarda gələr, gələndə də evi səliqəsiz saxladığı üçün ona əsəbiləşərdi. Boş-boş danışma mən ölüm, guya şair səliqəliydi? Pintinin yekəsi idi, vicdan haqqı. Qeyri-ixtiyari ayağa qalxıb evi səliqəyə salmağa baş- ladı. Əvvəlcə çirkili qabları mətbəxə daşıdı, küncdəki kreslo- nun üstündə qalaqlanmış kirli paltarları paltaryuyana dol- durub, işə saldı. Tozsoranla xalçanı təmizlədi, evi iki dəfə sil- di. Yataqdakı çirkli mələfələri tərtəmiz, qar kimi bəyaz mə- ləfələrlə əvəzlədi. Evi əməlli-başlı sahmana salandan sonra kompüterin tozunu silib, açdı. Yutubdan Nicatla birlikdə dinlədiyi mahnılardan birini – Ray Charles “I got a woman” – mahnısını tapdı. Ray Charles Nicatın sevimli müğənnilə- rindəndi. Evdə hənirtinin olması onu daha da ürəkləndir- mişdi. İndi daha həvəslə və şövqlə işləyirdi. Dəhlizi, hamamı təmizlədi, çaydanı doldurub qazın üstünə qoydu, çayniki yuyub quruladı, çay dəmlədi. Gecədən içdiyi içkinin tamı ürəyini bulandırdı. Ha- mama keçib gözlərindən yaş gələnə qədər öyüdü, üzünü yu- maq üçün suyu açdı. Güzgüdə özünə baxanda dəhşətə gəldi. 62 Gözləri dibsiz quyuya bənzəyirdi. Dişlərini fırçalayandan sonra çay süzdü. Bu dəfə Ray Charles-dan “What'd I Say” mahnısını açdı və kresloya çökdü. Evdəki təmizlik onu əv- vəlki günlərə apardı. Nə vaxtsa ev işlərini canla-başla görən, yemək bişirib paltar yuyan sadə bir qadın olduğu günlər çox uzaqdaydı. Nicatın sözlərini xatırladı: “Qadının həyatında hər şeyin yolunda getdiyini onun təmizliyindən anlamaq olar, əgər natəmizsənsə, deməli, nələrsə yolunda deyil”. Boğazı qəhərdən tıxandı. “Heç nə yolunda deyil Ni- cat. Məni qoruya bilmədin. Heç özüm də özümü qorumaq istəmədim. İndi adidən də adi fahişəyəm. İndi bardan evə yorğun qayıdıb səni dinləmədiyim üçün əzab çəkirəm. Kaş ki, sağ olaydın, məni uşaq kimi danlayaydın. İnan ki, o gün- lərə bircə anlıq qayıtmaq üçün bütün həyatımdan, ya- şadıqlarımdan imtina etməyə hazıram. Nə pul, nə bahalı ge- yimlər, nə də gözqamaşdıran dəbdəbəli yaşam tərzi sənin kasıb sevgini əvəz eləmir. Bilmədim sənli günlərimin qəd- rini, bilmədim”. Dodağını dişlərinin arasında bərk-bərk sıxıb ağlama- mağa cəhd elədi. Mahnı qurtaran kimi, siqaret yandırdı. Ey- vandan sökülən dan yerinə, qızaran buludlara baxdı. Saata baxdı – 7-yə beş dəqiqə qalırdı. Nicat hər gün avtomatik ola- raq bu vaxtda qalxır, əl-üzünü yumamış kofe hazırlayardı. Yarıyuxlu kompüteri açıb sosial şəbəkələrə, saytlara göz atır- dı. Eh Nicat, Nicat... Məhəccərə söykənib, qutudan növbəti siqareti çıxar- dı. Tüstü boğazını yandırırdı. İndi yadına düşdü ki, dünən axşamüstü yediyi yeməyin üstündədir. Mətbəxə keçib soyu- muş çayını təzələdi. Soyuducunu açıb meyvə çıxardı. Aya- qüstü sərin meyvələrin hərəsindən bir az dadıb ağzındakı acılığın keçməsini gözlədi. Yavaş-yavaş özünə gəldi və hiss Yüklə 5,62 Kb. Dostları ilə paylaş:
|