saçlarına çəkəcəyim tumara həsrət
sinəmə baş qoyub yatmaq ,
totuq əllərini üzümə toxundurmaq arzusu
gözündə qalan...
özümə nifrət edirəm, nifrət!!!
offf, ağlamayacam Şəbnəm
lənət, şeytana lənət...
elə tənhayam ki, Şəbnəm
ağlamaq-ömrü tükətmək qədər bəsitdi
elə kədərliyəm ki, Şəbnəm
içmək, bu ürək ağrılarıyla ən axmaq
hərəkətdi...
üzümü söykəyib ağlayacağım divarlar
məndən daha tənhadı...
damağımdakı siqaret
daha yaxşı bilir yanmağı
bacarırsansa ovundur
ovundur
bu axmağı....
bir də, nəyinə lazımdı bu şeiri oxumaq
üzülmək bu bürkülü gecədə
bağışla ki, yordum səni,
necə də axmağam, necə də...
11
suallar
Gülər Cəbrayılın doğum gününə
niyə dost olur adamlar,
və niyə düşmən olur?
hər şeydə bir az təmənna payı varsa...
niyə müdrik olmağa çalışırıq?
bacarmırıq özümüz olmağı
həyat səhnəsində kiməsə dost
kiməsə düşmən obrazındayıq...
kimin yanındayıq, nə fərqi?
nədir bu yalana maraq?
ən yaxındakı adama
bir az dost kimi doğmayıq,
bir az düşmən kimi uzaq...
niyə doğma olur adamlar,
və niyə bu qədər yad olur?
niyə üzülür adamlar,
və niyə sevincli, şad olur?
Nədir bu dərd, sevinc, kədər?
dünya beş günlükdürsə
nədən narahatıq bu qədər?
son ucu ölümlüdürsə
dünya nəyimizə gərək?
axı biz niyə darıxaq,
axı biz niyə üzülək?
12
niyə aşiq olur adamlar,
və niyə bu qədər unudur?
sevgi ruhumuzun deyil
bədənin istəyidirsə...
niyə uydurur adamlar
saflıq, təmizlik, böyüklük?
insan bir dəfə sevirsə
biz niyə bu qədər bölündük?
bəlkə kiçik hisdir sevgi,
biz öz gözümüzdə böyütdük?
niyə saxtadır adamlar
və niyə bu qədər səmimi?
bədənə can atırıqsa
sevgi ehtiras deyilmi?
niyə qəddar olur adamlar,
və niyə bu qədər qayğıkeş?
insan ən ali varlıqsa,
bəs nədir qovğa, keşməkeş?
niyə vəhşi olur adamlar,
və niyə bu qədər mülayim?
eh, bu qədər sualların
cavabın kim tapacaq, kim?
niyə tənhadır adamlar
və niyə bu qədər çoxuq?
bir az hamı üçün varıq
bir az heç kəs üçün yoxuq...
13
hər gün qarşımıza çıxır
bizi unudan adamlar.
sonra yenə gözdən itir
bir az etibarlı, doğma
bir az unutqan adamlar...
bəs niyə kimsə laqeyid
kimsə çox istiqanlıdır?
sual verə biliriksə
yaşamaq həyəcanlıdır...
14
bu səni xatılamaq deyil
səndən sonra çox şey dəyişib həyatımda,
gecələr bir az uzanıb,
telefonuma gələn zənglər kəsilib,
arıqlamışam bir az,
saqqal saxlamışam,
gözlərim çuxura düşüb yuxusuzluqdan.
günümə üç qutu siqaret,
bir də göz yaşları tənha gecələrdə.
hər gün sevdiyin şeyləri xatırlayıram,
sənin sevdiyin mahnıları
indi sənsiz dinləyirəm.
birlikdə çəkdirdiyimiz rəsmləri
çarpayımın yanında divara vurmuşam,
hər gün oyananda səni görmək üçün.
səndən sonra
səni unutmağa çalışıram hər gün.
yersiz mübahisələrimiz düşür yadıma,
səni unutmağa çalışanda
birlikdə baxdığımız filmlər,
oxuduğumuz kitablar
səni unutmağa qoymur.
hərdən hörümçəkdən qorxmağını xatırlayıb
gülürəm,
deyinirəm etibarsızlığına.
cavabsız SMS-lər yazıram sənə
və səni xatırladan
15
əzab verən hər şeyi sevirəm.
səndən sonra
əsəblərim çox pozulub,
maddi sıxıntılar çoxalıb,
alnımda qırışlar sıxlaşıb bir az da.
içirəm səni xatırladıqca
səndən sonra dəyişmişəm.
məni görsən, tanımazsan,
indi başqa adamam,
indi hər gün daha çox
səni unutmağa çalışıram.
16
toxun mənə, tanrım!
əgər varsansa danış,
sirli-sirli susmağın ümidimi öldürür.
əgər varsansa, bir mesaj at
günlərlə susan telefonuma
ya da bir mail yaz...
əgər varsansa şəhərin mərkəzində görüşək,
ya bir çay,
ya bir viski,
ya da cibimizə görə nə varsa...
içək.
əgər varsansa sərxoş ol,
əgər varsansa
bir siqaret yandır üzü küləyə....
əgər varsansa
başımı çiyninə söykəyim,
əgər varsansa
səsindən ən sərxoş mahnılar dinləyim...
əgər varsansa, Dionis yoxdu demək...
əgər varsansa, Afrodita uydurmadı....
əgər varsansa, özünə şərab süz,
əgər varsansa...
əgər varsansa, vədələşək
görüşək məscidlərin birində,
istəsən kilsədə
17
Dostları ilə paylaş: |