göyqurşağı
isa şahmarlının ölümünə...
səni söyənlərin hamısı öldü
küçə davalarında,
həbsxana künclərində
çoxusu da rənglərini gizlədib
sirr apardı içlərində…
"Requiem aeternam dona eis, Domine"
1
biz sovetlərdə
seksin olmadığı vaxtlarda
dünyaya gəlmişik
bizi leyləklər gətirib dimdiklərində
uzaq ölkələrdən
kələm ləklərində tapıblar bizi
biz
yaradılışı belə bilmişik.
atamla anamın sevişdiyini biləndə
nifrət eləmişdim
ikisinədə
atamdan zəhləm getmişdi
1
"İlahi, onlara əbədi rahatlıq ver" (latınca)
39
bilmirəm,
deyəsən
zəhləm gedir hələ də…
biz cinsimizin “kişi” olmasıyla öyündük,
“yaxşı oğlana”
“pis oğlana”
bölündük…
"Requiem aeternam dona eis, Domine"
bıçaq da çıxardıq küçə davalarında
qızlara söz atdıq bulvarda
dalanlarda…
“elşad xose yek”
“i love break”
yazdıq divarlarda…
“mavi”lərə, “şampunçiklərə” ilişdik,
“şöbəyə” düşdük
“kazbek” də eşdik.
bircə adam ola bilmədik, qardaşım.
neçə uşaqlıq dostumu itirdim
“ana-bacı” söhbətində
əlimdə təsbehim, dayanmışam
sənin intihar etdiyin evin tinində…
"Requiem aeternam dona eis, Domine"
40
ilk dəfə mənə yazılmayan bir məktub,
mənim ünvanıma gəlib.
“gedirəm,
haqqınızı halal edin.
bu ölkə, bu dünya mənə görə deyil.”
ağırdı...
“anama deyərsiniz ki,
onu çox sevirəm…
mən xoşbəxt olmağa gedirəm…”
ilahi, dəhşətə gəlirəm!!!
səni sevənlərin hamısı hüzünlü
hamıya əzab qoyub getmisən, ömürlük…
“bu dünya mənim rənglərimi daşıyacaq
qədər deyil rəngli…”
bir az əsəb,
bir az narahatlıqla baxıram yazdıqlarına..
tanrının belə ehtiyacı var
sənin məsum dualarına…
son sözün: “əlvida!”
"Requiem aeternam dona eis, Domine"
arxanca söyənlərin söyənlərin hamısı öldü
elə gözümün qabağında
qapqara oldu üzləri
amma başları üstündə ağlayan oğlan
uşaqlarının
41
maviyə çalırdı gözləri…
ölkə “yaxşı oğlana”
“pis oğlana” bölündü.
sevinən oldu ölümünə,
hərə bir maska keçirdi üzünə
hamı büründü cəhalətin rənginə…
sənin günühın nəydi ki?
ömründə bircə dəfə heç kəsə
bıçaq çıxarmamışdın,
dayanıb küçədə
qızlara söz atmamışdın,
tum qabığı tüpürməmişdin
heç kəsin üzünə…
unutma,
fürsət düşəndə tanrıya
pıçılda
rənglərin göy qurşağıydı
səni gizlində ən çox ağlayan
rənglərini gizlədən
dostlarını daşa basan
məhlə uşağınıydı…
"Requiem aeternam dona eis, Domine"
42
məmləkətimi düşünürəm
oturub məmləkətimi düşünürəm,
gülürəm....
bilirəm,
tanrıların da yadından çıxmışıq
günahkarıq...
maraqlıdır ki, niyə
heç olmasa qar yağmır günahlarımızın
üstünə?
43
sən yoxdun
sən yoxdun
əllərimi sevməzdim,
özümü üzməzdim
ağlamazdım heç kəsin yoxluğuna
alışmışdım,
sevgilərin birnəfərlik olduğuna...
sən yoxdun içkini sevərdim,
tüstünü nəfəs kimi içimə çəkərdim
döyərdim bir gecəlik qadınların qapısını
sonra...
sonra isə diz çöküb
saxlayardım uzaq sevdaların yasını
sən yoxdun
içimdəki hüznü, kədəri sevərdim
gülərdim qadınsızlığa,
insansızlığa
unudurdum hamını
məni təklik öyrətmişdi amansızlığa
sən yoxdun
gecələr darıxmaq dolardı içimə
vəhşi mahnılar dinləyib
ağlamalı şeirlər yazardım
söyüş söyərdim
ağlayardım...
indi sən varsan
əllərimi sevirəm
amma özümü üzürəm
44
yenə də
bir gecəlik qadınların qapısını döyürəm
şeir yazıram,
söyüş söyürəm,
ağlayıram, gülürəm...
sənin varlığın olan yerdə
bunlar boş şeydi bilirəm...
daha bir nöqtəyə dəli kimi baxmıram
daha sənsizliyi yazmıram
offf...beynim qarışdı yenə
cəhənnəm olsun hər şey
mən darıxmıram!
darıxmıram...
darıxmıram?
45
yad dildə
pərviz cəbrayıl üçün
I
dalğalar çırpılırdı sahilə və bir qağayı acıq
verirdi göy üzünə
erato ətrafımda rəqs edirdi
mən isə yorğun, yenə lövbər atmışam
günahlar dənizinə
susdum.
sonra bir şeir pıçıldadım, su üstündəki ayaq
izlərimə.
dalğalar intihar edirdi qayalara çırpılıb
aciz bir günahkar qollarını açmışdı
boşluqlara
yenə bütün şairlər oyaqdı.
gecənin səssizliyində polis patrulları
dolaşırdı sahildə.
mən tanrıları çağırırdım, bilmədiyim yad
dildə...
Dəniz başdan başa cəsəddi...
46
Dostları ilə paylaş: |