Coğrafiya
və təbii resurslar, №1, 2015
112 AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
4. Müstəqillik illərində Azərbaycanda
geodeziya-kartoqrafiya istehsalatının inkişafı
Azərbaycanda geodeziya-kartoqrafiya elm
və istehsalatının yaranması XIX əsrə təsadüf edir.
Lakin bu sahənin mütəşəkkil inkişafı əsasən 1969-
cu ildə ulu öndər Heydər Əliyevin Azərbaycanda
siyasi hakimiyyətə gəlişi ilə başlamış və geo-
deziya, topoqrafiya və kartoqrafıya işlərinin yeni
mərhələdə yerinə yetirilməsinə start verilmişdir.
Respublikamızda kənd təsərrüfatı, sənaye, nəq-
liyyat və digər sahələrdə aparılan əsaslı quruculuq
işləri yerli geodeziya, topoqrafiya və kartoqrafıya
istehsalatının təşkilini zəruriləşdirmişdi. Ona görə
də Heydər Əliyev SSRİ Nazirlər Soveti qarşısında
məsələ qaldıraraq Azərbaycanda geodeziya-
kartoqrafiya istehsalatı üzrə ixtisaslaşmış 16 №-li
Bakı müəssisəsinin yaradılmasına nail olmuşdur.
Bu müəssisədə yerinə yetirilən işlər, hazırlanan
məhsullar Vətənimizin iqtisadi qüdrətinin inki-
şafına xidmət etmişdir. Müxtəliftəyinatlı və
miqyaslı ümumcoğrafi, inzibati, siyasi-inzibati,
turist xəritələri, böyük miqyaslı topoqrafik plan və
xəritələr, Azərbaycanın 1:300000 miqyaslı siyasi-
inzibati xəritəsi nəşr edildi. Keçmiş SSRİ-də ilk
dəfə olaraq Xəzər dənizi şelfinin dib relyefinin
xəritəyə alınmasına başlanıldı. XX əsrin 80-ci illə-
rində plan və xəritə nəşri üzrə bir sıra Ümum-
ittifaq sifarişləri, o cümlədən orta məktəblər üçün
tarix atlasları, kontur xəritələrinin böyük bir qismi
Bakı kartoqrafiya fabrikində nəşr olunurdu. 1991-
ci ilədək olan dövrdə respublika ərazisi 1:25000
və 1:10000 miqyaslı topoqrafik xəritələrlə tam
təmin olunmuş, böyük şəhərlərin topoqrafik
planları hazırlanmış, o cümlədən Bakı şəhərinin
1:500 miqyasda yerüstü topoqrafik planları və
yeraltı kommunikasiya xətlərinin plana alınması
həyata keçirilmişdi. Respublika ərazisində tekto-
nik proseslərin öyrənilməsi məqsədi ilə yaradılmış
geodinamik
poliqonlarda
yüksəkdəqiqlikli
geodeziya ölçmələrinin aparılması, bu işlərin
icrasını həyata keçirə biləcək yerli mütəxəssislərin
hazırlanması və s. bu dövrə təsadüf edir. Lakin bu
dövrdə istehsalatın aparıcı sahələrində yerinə
yetirilən işlərin, xəritə və planların sənədləşdi-
rilməsi əsasən rus dilində aparılmaqla yanaşı,
şöbələrdə çalışan mütəxəssislərin də böyük əksə-
riyyəti yerli kadrlar deyildi.
Azərbaycanda geodeziya-kartoqrafiya elmi
və istehsalatının daha geniş miqyasda dinamik
inkişafı ölkəmiz 1991-ci ildə müstəqillik əldə
etdikdən sonrakı dövrə təsadüf edir. 1993-cü ildə
respublikada yaradılmış iqtisadi-siyasi sabitlik,
bütün sahələrdə olduğu kimi, geodeziya-karto-
qrafiya işlərində də əsaslı dəyişikliklər və isla-
hatlar aparmaq imkanları açdı. Belə ki, ulu öndər
Heydər Əliyevin ölkə rəhbərliyinə qayıdışından
sonra geodeziya-kartoqrafiya sahəsinin respubli-
kanın həyatındakı əhəmiyyəti düzgün qiymətlən-
dirilmiş və bu sahənin inkişaf etdirilməsinin
vacibliyi ön plana çəkilmiş, bu sahəyə qayğı və
diqqət daha da artırılmışdır. Bu gün möhtərəm
Prezidentimiz İlham Əliyev tərəfindən də geode-
ziya və kartoqrafiya sahəsinə olan diqqət və qayğı
davam etdirilir.
1991-2000-ci illərdə müxtəlif məzmunda və
miqyasda 80 adda xəritə və atlas tərtib olunaraq
nəşr edilmiş, Bakı və Gəncə şəhərlərində yeraltı
kommunikasiyalar göstərilməklə 1:500 miqyaslı
planlarının yeniləşdirilməsi başa çatdırılmışdır.
2000-ci ildə Azərbaycan
və Yaponiya hökümətləri
arasında razılığa əsasən 1:50000 miqyasda 130
nomenklatura vərəqindən ibarət yeniləşdirilmiş
rəqəmli xəritələrin hazırlanması Azərbaycanda
kartoqrafıya sahəsində mühüm hadisə olmuşdur.
Vətənimizin təhlükəsizliyinin möhkəmlən-
məsində özünəməxsus yeri olan geodeziya, to-
poqrafiya və kartoqrafiya istehsalatında həqiqi
milli dirçəliş dövrü 2001-ci ildən başlayır.
Azərbaycan Respublikası Prezidentinin 18 aprel
2001-ci il tarixli Fərmanı ilə Dövlət Torpaq və
Dövlət Geodeziya və Kartoqrafiya komitələri ləğv
edilərək, onların bazasında yeni Dövlət Torpaq və
Xəritəçəkmə Komitəsi yaradıldı. Bununla da geo-
deziya, topoqrafiya və kartoqrafiya istehsalatının
çevikliyinə və istehsal gücünün artırılmasına nail
olundu. Respublika Prezidentinin 18 iyun 2001-ci
il tarixli «Dövlət dilininin tətbiqinin təkmil-
ləşdirilməsi haqqında» Fərmanı ilə müxtəlif-
miqyaslı topoqrafik plan və xəritələrin, tematik
xəritələrin, atlasların və s. kartoqrafik məhsulların
Azərbaycan dilində istehsalına başlanıldı.
2001-ci ildən başlayaraq Dövlət Torpaq və
Xəritəçəkmə Komitəsində topoqrafik plan və
xəritələrin Azərbaycan dilində kütləvi istehsalının
təşkili milli kartoqrafiya istehsalatında mühüm
hadisədir. İstehsalat inkişaf etdikcə xəritə və
planlarda işlədilən terminlərin, şərti işarələrin,
hərfi işarələrin istifadəsində, çərçivəkənar yazı-
ların tərtibatında standart yanaşmanın tətbiq
edilməsi ehtiyacı duyulurdu. Onu da qeyd etmək
lazımdır ki, ölkə daxilində topoqrafiya, geodeziya
və kartoqrafiya fəaliyyəti ilə məşğul olan bütün
təşkilat, müəssisə və idarələrdə xəritə və planların
tərtibi zamanı ümumi qəbul edilmiş şərti işarələr,
hərfi işarələr və çərçivəkənar yazıların tərtibatı
qaydalarından istifadə edilməlidir. Əks halda,
həmin məhsullardan istifadə edərkən müxtəlif
anlaşılmazlıqlar və çətinliklər meydana çıxır. Ona
görə də Dövlət Torpaq və Xəritəçəkmə Komi-
təsində ilk dəfə olaraq Azərbaycan dilində 1:5000,