Coğrafiya
və təbii resurslar, №1, 2015
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
113
1:2000, 1:1000 və 1:500 miqyaslı topoqrafik plan-
lar üçün şərti işarələr kitabı hazırlanıb çap
etdirilmişdir. Kitabda 492 növ obyektin adı və on-
lara müvafiq texniki göstəriciləri verilmiş, həm-
çinin müxtəlif miqyaslarda şərti işarələri
göstərilmişdir. Şərti işarələrdən istifadəni asanlaş-
dırmaq məqsədi ilə ayrıca mətn şəklində onların
izahları, şərti işarələrə dair terminlər lüğəti və to-
poqrafık planlarda çox işlədilən qısaldılmış söz-
lərin siyahısı verilmişdir.
Azərbaycan Dövlət Torpaq və Xəritəçəkmə
Komitəsində 1:10000, 1:25000, 1:50000 və
1:100000
miqyaslı
topoqrafik
xəritələrin
tərtibində istifadə üçün Azərbaycan dilində şərti
işarələr kitabları hazırlanaraq çap olunmuşdur.
1:10000 miqyaslı topoqrafik xəritələr üçün şərti
işarələr kitabında 500-dən artıq şərti işarənin adı
və təsviri, 600-a yaxın şərti qısaldılmış sözlərin
siyahısı verilir. 1:25000, 1:50000, 1:100000
miqyaslı topoqrafık xəritələr üçün şərti işarələr
kitabında isə 350-dən artıq şərti işarənin adı və
400-ə yaxın şərti qısaldılmış sözlərin siyahısı əks
etdirilir. Bundan başqa, rəqəmli xəritələrin
tərtibində istifadə olunması nəzərdə tutulan şərti
işarələrin, qısaldılmış sözlərin kodlaşdırılması və
informasiya daşıyıcılarında (kompüterdə) toplan-
ması üzrə işlər aparılır.
Ölkə ərazisində topoqrafiya-geodeziya və
kartoqrafiya təminatı funksiyasını öz üzərinə gö-
türmüş Azərbaycan Respublikası Dövlət Torpaq
və Xəritəçəkmə Komitəsi müstəqillik illərində
elmi yüklü, böyükhəcmli layihələr yerinə yetir-
miş, yüksək nailiyyətlər əldə etmişdir. Bunlara
qlobal peyk naviqasiya sistemlərindən istifadə
əsasında dövlət geodeziya şəbəkəsinin yenidən
qurulması və təkmilləşdirilməsi istiqamətində gö-
rülmüş işlər, Azərbaycan dövlətinin əsas atribut-
larından sayılan dövlət sərhədlərinin delimi-
tasiyası və demarkasiyası, transmilli neft və qaz
kəmərləri, su və nəqliyyat kommunikasiya xət-
lərinin çəkilişi zamanı geodezik təminatın aparıl-
ması, çoxsaylı kadastr və rəqəmli xəritələrin tər-
tibi və nəşri və s. misal ola bilər. Azərbaycan
Respublikası Dövlət Torpaq və Xəritəçəkmə Ko-
mitəsində milli atlasın hazırlanmasında BDU-nun
coğrafiya fakultəsinin, o cümlədən geodeziya və
kartoqrafiya kafedrasının əməkdaşları da yaxın-
dan iştirak etmişlər.
Azərbaycanda geodeziya-kartoqrafiya elm
və istehsalat müəssisələrinin mütəxəssisləri res-
publikamızda bir çox idarə, müəssisə, komitə və
nazirliklərin, o cümlədən Azərbaycan Respublika-
sı Dövlət Torpaq və Xəritəçəkmə Komitəsinin,
Azərbaycan Respublikası Əmlak Məsələləri üzrə
Dövlət Komitəsinin, Azərbaycan Respublikası
Ekologiya və Təbii Sərvətlər Nazirliyinin, “Azər-
su” ASC, Meliorasiya və Su Təsərrüfatı ASC və
başqa müəssisələrin yerinə yetirdiyi çoxsaylı
layihələrin
geodeziya-kartoqrafiya
təminatını
həyata keçirir, eləcə də AMEA akademik
H.Ə.Əliyev adına Coğrafiya İnstitutu, Geologiya
və Geofizika İnstitutu və başqaları ilə elmi əmək-
daşlıq edir.
5. Azərbaycanda geodeziya-kartoqrafiya
elmi və istehsalatının problemləri
Qeyd olunan müvəffəqiyyətlərlə yanaşı,
Azərbaycanda geodeziya-kartoqrafiya elmi və is-
tehsalatının öz həllini gözləyən bir sıra prob-
lemləri də mövcuddur (Məmmədov, Qocamanov,
2012). Belə ki, son on ildən artıq müddət ərzində
“Azərbaycan Respublikasının inzibati ərazi
bölgüsü” kitabı nəşr olunmamışdır. Nəticədə bir
sıra yaşayış məntəqələrinin adlarının xəritələrdə
düzgün yazılmasında çətinliklər yaranır. Rayon-
lararası
inzibati
sərhədlərin
kodlaşdırılmış
koordinatlarının tam olmaması da həmin sər-
hədlərin xəritədə təsvirində bir sıra çətinliklər
yaradır. Növbətçi xəritələrin Azərbaycan dilində
işlənərək yeniləşdirilməsinə böyük ehtiyac vardır.
Təqdirəlayiq haldır ki, AMEA Coğrafiya Institutu
ilə birlikdə 1:50000 miqyaslı topoqrafik xəritələr
əsasında artıq 165 nomenklatur vərəqi üzrə coğ-
rafi adların Azərbaycan dilində siyahısı toplanmış
və onların yeri, coğrafi koordinatlarla göstəril-
mişdir. Lakin respublikamızın işğal altında olan
əraziləri, eləcə də Naxçıvan Muxtar Respublikası
ərazisində də həmin işlərin davam etdirilməsi,
daha sonra siyahılarda toplanmış adların dəqiq
variantlarının aydınlaşdırılmasına ehtiyac vardır.
Məlum olduğu kimi, SSRİ dövründə yer
qabığının üfüqi və şaquli hərəkətlərini öyrənmək
üçün Azərbaycan ərazisində bir neçə geodinamik
poliqon yaradılmışdı (Gojamanov, 2014). Hal-
hazırda həmin poliqonlarda ölçmə müşahidələri,
demək olar ki, tamamilə dayandırılmışdır. Ona
görə də bu sahədə işlərin davam etdirilməsi üçün
AMEA Geologiya və Geofizika İnstitutu ilə birgə
səyləri artırmaq lazımdır.
Dövlət Torpaq və Xəritəçəkmə Komitəsi
mütəxəssislərinin səyi ilə orta məktəblərdə tədris
vəsaiti kimi bir sıra divar xəritələri hazırlanmışdır.
Dünya atlasının, Azərbaycan Respublikası atlası-
nın, digər növ tematik atlasların hazırlanması da
əhəmiyyətli olardı.
6. Nəticə
XX əsrin sonuncu onilliyindən başlayaraq
geodeziya-kartoqrafiya alətşunaslığı sahəsində bö-
yük inkişaf baş vermişdir. Ona görə də innovasion
geodeziya alətlərinin dəqiqliyinə uyğun gələn
müvafiq ölçmə üsulları, metodikaları, təlimat və