Coğrafiya
və təbii resurslar, №1, 2015
114 AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
normativ sənədlərin hazırlanması bu günün tələb-
lərindəndir. Azərbaycanda geodeziya-kartoqrafiya
elmi və istehsalatının müasir durumu, problemləri
və inkişaf perspektivlərinin araşdırılması, bu məq-
sədlə müasir geodeziya-kartoqrafiya təminat siste-
minin yaradılmasına xidmət edəcək elmi tədqiqat-
ların aparılması olduqca aktual məsələlərdəndir.
Coğrafi informasiya sistemlərinin texniki
imkanlarının araşdırılması, geodeziya-kartoqra-
fiya elmi və istehsalatı sahəsində tətbiqinin daha
səmərəli üsullarının tapılması,
bu sahədə mütəxəs-
sis hazırlığı işinin təşkili vaxtı yetişmiş məsələ-
lərdəndir. CİS sahəsində kadr hazırlığı işində
BDU-nun coğrafiya fakultəsi aparıcı rol oynaya
bilər.
Göründüyü kimi, Azərbaycanda geodeziya-
kartoqrafiya elmi və istehsalatında uğurlarla ya-
naşı, həllini gözləyən məsələlər də mövcuddur.
Ümidvarıq ki, bu məsələlərin böyük əksəriyyəti
yaxın vaxtlarda elm və istehsalatda çalışan yük-
səksəviyyəli mütəxəssis kadrlarımız tərəfindən öz
həllini tapacaqdır.
ƏDƏBİYYAT
MƏMMƏDOV Q.Ş., QOCAMANOV M.H.
2012. Azərbaycanda geodeziya və kartoqrafiyanın
müasir vəziyyəti, problemləri və inkişaf perspektivləri.
BDU-nun g
eodeziya və kartoqrafiya kafedrasının 40
illik yubileyinə həsr edilmiş IV elmi-praktik konfransın
materialları, Bakı, s. 10-15.
MƏMMƏDOV Q.Ş., QOCAMANOV M.H.
2013. Vahid koordinat sistemi geodezik təminatın əsası
kimi. “
Torpaqşünaslıq və aqrokimya jurnalı”. Cild 21,
№1, s. 132-137.
ГОДЖАМАНОВ М.Г. 2012. Дифференци-
альные формулы связи геодезических координат.
Qloballaşma və Coğrafiya. Prof. M.A.Müseyibovun 85
illik yubileyinə həsr edilmiş Beynəlxalq elmi konfransın
materialları, Bakı, s. 456-464.
ГОДЖАМАНОВ М.Г. 2013. Переход от
геодезической высоты к высоте в поле силы тяжес-
ти. “
Torpaqşünaslıq və aqrokimya” jurnalı. Cild 21,
№1, s. 501-507.
Gojamanov M.H. 2012. The features of the
geodetic reference of the satellite images.
The XXII
Congress of the İnternational Society for Photogram-
metry and Remote Sensing. Melburn, Australia. V.I/V.
Pp. 443-447.
Gojamanov M.H. 2014.
The stability of the geo-
detic points in connection with geodynamic processes
in
Azerbaijan. Prague, Acta Geodynamica et
Geomaterialia, v. 11, No. 3(175).
МЕСТО И ЗНАЧЕНИЕ КАРТОГРАФО-
ГЕОДЕЗИЧЕСКОЙ НАУКИ В
ГЕОГРАФИЧЕСКИХ ИССЛЕДОВАНИЯХ
Г.Ш.Мамедов, М.Г.Годжаманов
В данной статье выполнен анализ состояния
картографо-геодезической науки, занимающей осо-
бое место в рядах наук о Земле, на современном
этапе развития и изложены ее проблемы, указана
роль этой науки в прогрессе других наук, в
частности, более качественно всевозрастающей
роли в географических исследованиях. В статье
приведены также научный концептуальный под-
ход и некоторые рекомендации к созданию совре-
менной системы картографо-геодезического обес-
печения на территории страны.
THE PLACE AND IMPORTANCE OF
CARTOGRAPHIC AND GEODETICAL
SCIENCE IN GEOGRAPHICAL RESEARCHES
Q.Sh.Mammadov, M.H.Gojamanov
In this paper was done the analysis of the state
of cartographic-geodetical science, which occupies a
special place in the ranks of Earth Sciences, at the
present stage of its development and presented its
problems, specify the role of this science in the
progress of other Sciences, in particular, more ef-
ficiently the ever-increasing role in geographical
researches. In the article also were given a scientific
conceptual approach and some recommendations to
establish a modern system of cartographic-geodetic
provision on the territory of the country.
Coğrafiya və təbii resurslar, №1, 2015
AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
115
© O.K.Alxasov, N.S.Seyfullayeva
AZƏRBAYCAN RESPUBLİKASINDA MƏKTƏB COĞRAFİYASININ İNKİŞAFI
O.K.Alxasov
1
, N.S.Seyfullayeva
2
1.Azərbaycan Dövlət Pedaqoji Universiteti, 2.Bakı Dövlət Universiteti
Məqalədə müstəqillik illərində Azərbaycan Respublikasında coğrafiya fənninin tədrisi
sahəsində baş verən dəyişikliklər öz əksini tapmışdır. Coğrafiyadan yeni proqramların və
dərsliklərin hazırlanması mərhələləri təhlil olunmuş və qarşıda duran vəzifələr müəyyən
edilmişdir.
Azərbaycan Respublikasının demokratik
dövlət quruculuğu yolunda inkişafının ən vacib
istiqamətlərindən biri təhsil islahatıdır. Həyata
keçirilməli olan daha möhtəşəm məsələlərin həl-
linin yüksək səviyyəli mütəxəssislər və ixtisaslı
işçi qüvvəsi olmadan yerinə yetirilməsini təsəvvür
etmək mümkün deyildir. Müasir təhsil sistemi
dövləti çevik düşünmə qabiliyyətinə malik olan,
beynəlxalq tələblərə cavab verən kadrlarla təmin
etməlidir.
Respublikamızda təhsil islahatının əsas isti-
qamətlərindən biri tədris proqramlarının, təlimin
məzmununun və tədrisi metodikasının müasir
tələblər səviyyəsində yeniləşdirilməsidir. Onlar
zamanın tələblərinə uyğun gəlməli, Azərbaycan
iqtisadiyyatının inkişaf meyillərini nəzərə almalı
və beynəlxalq təcrübəyə əsaslanmalıdır.
Bu mənada coğrafiya fənninin də üzərinə
müəyyən vəzifələr düşür. Coğrafiyanın təlimi şa-
girdləri təbiət və cəmiyyətin qarşılıqlı əlaqəsi
haqqında biliklərlə silahlandırır, onlarda bir sıra
həyati əhəmiyyətli bilik və bacarıqların formalaş-
dırılmasına şərait yaradır.
Müasir dövrdə informasiya bolluğundan
baş açmağı bacaran, informasiyanı təhlil edib
ümumiləşdirmək qabiliyyətinə malik, müstəqil bi-
lik mənbələri ilə sərbəst işləyən gənclər hazırla-
maq məktəbin qarşısında duran ən mühüm vəzifə-
lərdən biridir.
Müstəqillik illərində məktəb coğrafiyasının
məzmununda və quruluşunda (strukturunda) əsaslı
dəyişikliklər aparılmışdır. Keçmiş imperiya ideo-
logiyasından azad, müstəqil dövlətimizin ərazi
bütövlüyünü, iqtisadiyyatın inkişaf meyillərini,
xalqımızın mənəvi dəyərlərini əksetdirən yeni
dərsliklərin hazırlanması vacib bir məsələ kimi
qarşıda dururdu. Bu məqsədlə də ilk növbədə
coğrafiyadan tədris proqramlarının təkmilləşdiri-
lərək yenidən tərtib olunması həyata keçirilmişdir.
Coğrafiya fənn proqramının təkmilləşdi-
rilməsi ilə bağlı aparılan dəyişiklikləri və mərhə-
lələri nəzərdən keçirək.
Müstəqilliyimizin ilk günündən orta ümum-
təhsil məktəbləri üçün yeni proqram hazırlanması
qarşıya qoyulmuşdur. 1992/1993-cü dərs ili üçün
ilk proqram hazırlandı. Proqram daha çox keçmiş
sovet dövründə verilən tələblər əsasında tərtib
olunsa da, burada əsaslı dəyişikliklər də
aparılmışdır. XI sinifdə “Türk dünyasının coğra-
fiyası”nın tədrisinin həyata keçirilməsi coğrafi-
yanın tədrisi ilə bağlı çox böyük irəliləyiş hesab
oluna bilər. SSRİ coğrafiyasının əvəzinə Azər-
baycan Respublikasının coğrafiyası daha çox saat
ayrılmaqla tədris olunmalı idi.
Proqramın tələsik və kosmetik dəyişiklik-
lərlə tərtib olunduğunu nəzərə alsaq, 1993/1994-
cü dərs ilində daha yeni və təkmilləşdirilmiş proq-
ramın hazırlanmasını qənaətbəxş hesab etmək
olar. Bu proqramda aparılan əsaslı dəyişikliklər
aşağıdakılardan ibarət olmuşdur: 1) VII sinifdə
“Materiklər və ölkələr coğrafiyası”nın tədrisi
icbari təhsilin VIII sinifdə bitməsi ilə əlaqədar
bəzi mühüm dövlətlər haqqında qısa məlumat
verilməsinin vacibliyi ilə izah olunurdu. 2) İlk
dəfə olaraq IX sinifdə “Yerşünaslıq” kursunun
tədris olunması; 3) “Dünyanın iqtisadi və sosial
coğrafiyası” kursunun IX sinifdə III və IV rübdə,
X sinifdə il boyu tədris olunması; 4) VI, IX
siniflərdə “Atmosfer” bölməsinin “Hidrosfer”
bölməsindən əvvəl tədris
edilməsi; 5) Materiklərin
öyrənilməsi ardıcıllığının dəyişdirilərək Avrasiya-
dan başlanması. Beləliklə, coğrafiya proqramının
bu variantındakı yenilik əvvəlkindən əsaslı
sürətdə həm struktur, həm də məzmun cəhətdən
fərqlənməsidir (Alxasov, 2013).
1999-cu ildə yeniləşdirilmiş coğrafiyanın
tədris proqramı keçən dövr ərzində təhsildə baş
verən dəyişiklikləri nəzərə almaqla tərtib olun-
muşdur. Bu proqram da məktəb coğrafiyasının
tədrisində bir sıra struktur və məzmun dəyişiklik-
lərini özündə əks etdirirdi. 1) İlk növbədə ümumi
icbari təhsilin məktəbin son sinfinə - XI sinifə
keçirilməsi ilə əlaqədar VII sinifdə “Materiklər və
okeanlar coğrafiyası” kursunun bərpa edilməsi
qeyd olunmalıdır; 2) “Azərbaycan Respublikası-
COĞRAFİ TƏHSİL