Coğrafiya
və təbii resurslar, №1, 2015
116 AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
nın fiziki və iqtisadi-sosial coğrafiyası” müvafiq
olaraq VIII sinifdə I-II və III-IV rüblərdə tədris
olunur; 3) “Dünyanın iqtisadi və sosial coğra-
fiyası”nın iki tədris ilində (IX və X siniflərdə)
deyil, yalnız IX sinifdə il boyu tədris olunması; 4)
“Yerşünaslıq” kursunun tədrisinin IX sinfindən X
sinifə keçirilməsi (Seyfullayeva, 2011).
2002-2003-cü dərs ilindən ayrı-ayrı fənlərin
icbari tədris və seçmə proqramlarla
tədrisi nəzərdə
tutulduğundan coğrafiya fənni üzrə proqramın da
minimum və maksimum variantları hazırlanaraq
nəşr olundu. Onu da qeyd edək ki, fənnin ayrı-ayrı
kurslarının siniflər üzrə tədris ardıcıllığı və hər bir
kursun əvvəlki illərdə yaranmış və təkmilləşdiril-
miş məzmunu, strukturu, ardıcıllığı pozulma-
mışdır.
Lakin maksimum proqram əsasında tədris
uzun müddət çəkmədi və nəticədə minimum
proqram üzrə coğrafiyanın tədrisi üçün ayrılmış
həftəlik tədris saatlarının miqdarı azaldılmış oldu.
VII sinifdə həftəlik tədris 3 saatdan 2 saata,
“Azərbaycan coğrafiyası”nın tədrisinə ayrılmış il
boyu həftəlik 3 saat 2 saata endirilmişdir. Eyni
zamanda, “Dünyanın iqtisadi və sosial coğrafi-
yası” kursunun tədrisi də həftədə 3 saatdan 2 saata
endirilmiş oldu. Bir müddət sonra “Azərbaycan
Respublikasının iqtisadi və sosial coğrafiyası”nın
tədrisi üçün həftəlik 2 saat vaxt da azaldılaraq 1
saata düşmüşdür.
Nəhayət, 2011-ci ildə təsdiq olunmuş fənn
proqramlarına (kurikuluma) əsasən, bir sıra fən-
lərdə olduğu kimi, coğrafiyanın tədrisində də
əsaslı dəyişikliklərə start verilmiş oldu. Coğ-
rafiyanın uzuin illər tətbiq olunan strukturu
tamamilə yeni mahiyyət daşımağa başladı. Məlum
olduğu kimi, məktəb coğrafiya kursları ali məktəb
kurslarının bir növ kiçik modelini təşkil edirdi.
Nəzəri
coğrafiya kursları (“Ümumi fiziki
coğrafiya”, “Yerşünaslıq”, “Dünyanın iqtisadi və
sosial coğrafiyası”) və ölkəşünaslıq kursları (“Ma-
teriklər və okeanların fiziki coğrafiyası”, “Türk
dünyasının coğrafiyası”, “Azərbaycan coğrafiya-
sı”) bir-biri ilə növbələşərək tədris edilir, coğra-
fiyanın hər iki qolu (fiziki və iqtisadi coğrafiya)
təmsil olunurdu. Yeni proqramda (kurikulumda)
bütün bunlar ləğv olunur, coğrafiyanın 3 əsas
məzmun xətti üzrə - “Coğrafi mövqe”, “Təbiət”
və “Cəmiyyət” məzmun xətləri üzrə VI sinifdən
XI sinfə qədər yüksələn xətt üzrə inkişaf etdiril-
məsi nəzərdə tutulur. Hər bir məzmun xətti, mü-
vafiq olaraq, üst və alt standartlara, açar sözlərə,
məzmuna malik olmaqla tərtib olunmuşdur
(edu.gov.az).
Məktəb coğrafiyası proqramının strukturu-
nun köklü surətdə dəyişdirilməsinin nə dərəcədə
uğurlu və ya uğursuz olacağını indidən demək
çətindir. Bu sahədə yeni dərsliklərin hazırlanması,
məktəbdə qazanılacaq təcrübə və gələcəkdə
aparılacaq metodik tədqiqatlar bu suala bir
müddət sonra cavab verə biləcək. Buna həm də
dövlətimizin təhsil sahəsində apardığı siyasətin və
islahatın nəticəsi kimi də baxmaq lazımdır.
Hazırda məktəb coğrafiyası sahəsində çalı-
şan bütün mütəxəssislərin diqqəti məhz bu sahəyə
yönəldilməlidir.
Lakin indidən bəzi mülahizələrimizi bölüş-
mək istəyərdik. Yeni dərsliklərin hazırlanması ilə
bağlı proqram üzərində gələcəkdə yenidən işlənil-
məsinə, təkmilləşdirmə aparılmasına ehtiyac du-
yulur. Standartların, açar sözlərin sisteminə, ar-
dıcıllığına daha ciddi yanaşılmalıdır. Bu çatışmaz-
lıq özünü dərsliklərin hazırlanmasına da öz tə-
sirini göstərir. Ümumiyyətlə, coğrafiya fənn proq-
ramı (kurikulum) şagirdlərin biliklərinin həcminin
artırılmasına deyil, onların fəaliyyətinə, müstəqil
düşünmələrinə, müxtəlif bilik mənbələri ilə
işləmək bacarığı qazanmağa, bilikləri sərbəst əldə
etmələrinə yönəldildiyi üçün proqramın yeni
strukturu daha əlverişli metodik imkanlar yarat-
malıdır.
Respublikada orta ümumtəhsil məktəbləri
üçün yeni coğrafiya dərsliklərinin hazırlanması və
nəşrini üç mərhələyə ayırmaq olar.
Birinci mərhələ 1993-2000-ci dərs ilinə
qədər olan dövrü əhatə edir. Bu dövrdə yeni milli
dərsliklərin nəşr edilməsi yaxşı hal hesab olunsa
da, çatışmazlıqlar və nöqsanlar da mövcud idi.
Onlardan aşağıdakıları göstərmək olar:
- dərsliklərin texniki keyfiyyəti yüksək de-
yildi,
ağ-qara formada verilmişdir;
- qısa vaxt ərzində hazırlandığı üçün me-
todik aparatı üzərində ciddi işlənilməsi lazım gə-
lirdi;
- əyanilik, illüstrativ materiallar az və key-
fiyyətsiz idi;
- rəqəm materialları və nomenklatura ilə
həddindən artıq yüklənmişdi və s.
İkinci mərhələ təxminən 2000-ci ildən baş-
layaraq 2012-ci ilə qədər olan dövrü əhatə edir.
Əvvəlki dərsliklər təkmilləşdirilərək yenidən nəşr
olundu. Bu nəşr dərsliklər keyfiyyətcə yeni mər-
hələ hesab oluna bilər (Alxasov, 2013a).
Nəhayət, yeni fənn kurikulumunun hazır-
lanması və təsdiq edilməsindən sonra coğrafiya
dərsliklərinin hazırlanmasında üçüncü mərhələ
başlandı. 2013/2014-cü dərs ilindən VI siniflər
üçün ilk kurikulum dərsliyi nəşr olunaraq tədris
edilir. 2014-cü ildən VII sinif üçün də yeni kuri-
kullum əsasında hazırlanmış dərslik və müəllimlər
üçün vəsait müəllim və şagirdlərin istifadəsinə