Coğrafiya
və təbii resurslar, №1, 2015
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
117
verildi. Hazırda isə VIII sinif dərslikləri üzərində
ciddi iş gedir. Kurikulum əsasında hazırlanan
dərsliklər ənənəvi dərsliklərdən köklü surətdə
fərqlənir. Yeni dərsliklərdə məzmun, dil və yazı
üslubu, dizayn və illüstrasiyaların tərtibatına olan
tələblər şəxsiyyətyönümlü və nəticəyönümlü xa-
rakteri ilə fərqlənir. Müasir dərsliklərdə gender,
irq, etnik və din məsələlərinə həssas yanaşma diq-
qət mərkəzindədir. Məktəb coğrafiyasında ən
mühüm yeniliklərdən biri isə siniflər üzrə dərs-
liklər kompleksində müəllimlər üçün metodiki və-
saitin tərtib edilməsidir.
Qeyd etmək lazımdır ki, kurikulum əsasın-
da hazırlanmış ilk dərsliklər də müəllim və
mütəxəssislər arasında birmənalı qarşılanmamış-
dır. Onun mahiyyətini, metodikasını qəbul edənlər
çox olsa da, konservativ düşünmələr də var.
Fikrimizcə, bu sahədə hələ ciddi işlər davam edə-
cək və təkmilləşdirmələrə, axtarışlara ehtiyac ola-
caq.
Ümumiyyətlə, coğrafiya üzrə fənn proq-
ramlarının və dərsliklərin işlənib hazırlnamsında
coğrafiya üzrə görkəmli alim və mütəxəssislə-
rimizin, qabaqcıl coğrafiya müəllimlərinin gərgin
əməyini, zəhmətini qeyd etmək lazımdır.
M.Müseybov, B.Budaqov, N.Allahverdi-
yev, B.Paşayev, T.Qərayzadə və başqa mərhum
alimlərimizin adlarını qeyd etməyə bilmərik. Bu
sahədə E.Əlizadə, V.Əfəndiyev, T.Həsənov,
N.Əyyubov, Y.Qəribov, F.İmanov, D.Ələsgərov
və s. alimlərimizin, Ş.Hümbətova, E.Əliyeva,
R.Məmmədov və s. kimi orta məktəb müəllim-
lərinin əməyini qiymətləndirməliyik.
Məktəb coğrafiyasının inkişafında ən mü-
hüm sahələrdən biri də müəllim kadrlarının hazır-
lığıdır. Təməli 1935-ci ildə Azərbaycan Dövlət
Pedoqoji İnstitutunda qoyulmuş coğrafiya ixtisası
üzrə mütəxəssis hazırlığı mühüm tarixi yol keç-
mişdir. Hazırda respublikanın 7 ali məktəbində, o
cümlədən BDU, ADPU, LDU, SDU, GDU, NDU,
Xəzər Universiteti və Bakı Qızlar Universitetində
coğrafiya müəllimliyi, ADPU, AMİ və Qazax,
Sumqayıt, Şamaxı, Şəki, Zaqatala, Ağ-cabədi,
Salyan, Cəlilabad, Quba, Gəncə, Lənkəran filial-
larında tarix-coğrafiya müəllimliyi üzrə bakalavr
pilləsi, ADPU və SDU-da coğrafiya müəllimliyi
üzrə magistr pilləsi üzrə mütəxəssis hazırlanır
(Seyfullayeva, 2011a).
Məktəb coğrafiyasının müasir inkişafı ali
məktəbdə coğrafiya tədrisi metodikası kursunun
məzmunu və təşkili ilə bilavasitə bağlıdır. Hazırda
orta məktəb coğrafiya kurslarının məzmununun
fərqli olması ali məktəbdə tədris proqramlarının
məzmunu ilə əlaqələndirilməlidir. Çünki kuriku-
lum üzrə tərtib edilən orta məktəb coğrafiya kursu
fiziki, iqtisadi coğrafiya və kartoqrafik biliklərin
sintezindən yaranan konstruktiv coğrafiyanı əks
etdirir. Əvvəldə olduğu kimi, ayrı-ayrı siniflərdə
"Ümumi fiziki coğrafiya", "Materik və okeanlar
coğrafiyası", "Azərbaycanın fiziki coğrafiyası",
“Azərbaycan Respublikasının iqtisadi və sosial
coğrafiyası", "Dünyanın iqtisadi və sosial coğrafi-
yası", "Yerşunaslıq", "Türk dünyasının coğrafiya-
sı" kursları tədris edilmir. Məktəb coğrafiyasında
yaranan dəyişikliklərdən biri də orta məktəbdə
“Həyat bilgisi" fənninin tədrisinin rəsmi olaraq
coğrafiya və biologiya müəllimlərinə həvalə edil-
məsidir. Coğrafiya müəllimliyi ixtisası üzrə
bakalavr pilləsində "Həyat bilgisi" və onun tədrisi
ilə əlaqədar fənnin daxil edilməsi məqsədəuy-
ğundur. Digər yeniliklərdən biri də əvvəllər orta
məktəbdə 9-11 siniflərdə tədris edilən "İqtisadiy-
yatın əsasları" fənninin tədris planından çıxarıl-
ması və fənnin məzmununun məktəb coğrafiyası
kursunun tərkibinə verilməsidir. Coğrafiya müəl-
limi hazırlığında bu məsələnin də həll edilməsinə
ehtiyac vardır.
Orta məktəblərdə coğrafiyanın tədrisi üçün
ayrılan saatların miqdarı da köklü surətdə də-
yişilmişdir. Belə ki, ənənəvi təlimdə fənnin təd-
risinə VI-IX siniflər üzrə cəmi 307 saat vaxt ay-
rılırdısa, kurikulum layihəsinin tətbiq edilməsi
şəraitində məktəb coğrafiyasına ayrılan saatların
miqdarı 420 saata çatdırılması nəzərdə tutulmuş-
dur. Məktəb coğrafiyasının inkişafının bilavasitə
ali məktəblərdə coğrafiya tədrisi metodikası ilə
əlaqəli olması "Coğrafiya tədrisi metodikası" fən-
ninin tədrisində köklü dəyişikliklərin edilməsinə
tələbat yaradır.
Orta məktəblərdə coğrafiyanın
tədrisi məsə-
lələrindən danışırıqsa, ali məktəblərə qəbul imta-
hanlarının test üsulu ilə aparılması və onunla bağlı
görülən işləri də qeyd etməmək olmaz. Bu sahədə
TQDK-nın, onun coğrafiya üzrə ekspert şurasının
üzvlərinin, coğrafiya üzrə fəaliyyət göstərən me-
todik seminarın işinin uğurlu və qənaətbəxş olma-
sını da vurğulamaq lazımdır. Bu dövr ərzində
TQDK-da coğrafiya üzrə metodik vəsait ayrı-ayrı
siniflər üçün və hazırda isə kurikulum üzrə
hazırlanmış dərsliklərə əsasən test tapşırıqları top-
lusu hazırlanaraq nəşr olunmuşdur.
Coğrafiyadan yeni fənn proqramının (kuri-
kulumun) tətbiqinin ilk mərhələsində görülən
işlərin təhlili gələcəkdə hansı istiqamətlərə daha
ciddi diqqət yetirilməsini ehtiva edən qənaətləri-
mizi söylməyə imkan verir.
1. Yeni proqramın üzərində mütəxəssislərin
bir neçə il işləməsinə baxmayaraq, yeni dərslik-
lərin hazırlanması və onların tədrisi prosesində alt
və üst standartların tam təkmil olmasına nail