10
Qadınlara qarşı Zorakılıq və Məişət Zorakılığının Qarşısının
Alınması və Ona qarşı Mübarizə haqqında Konvensiyanın
dəstəklənməsində parlament üzvlərinin rolu
Qadınlara qarşı Zorakılıq və Məişət Zorakılığının Qarşısının Alınması və Ona qarşı Mübarizə haqqında
Konvensiya dəstəklənməsində Parlament üzvləri həlledici rola malikdirlər.
Qanunverici orqanın nümayəndələri və siyasət formalaşdıran şəxslər olaraq parlament üzvləri prosesi
Konvensiyaya imza atmaq və ratifikasiya etmək mərhələsinə qədər çatdıra bilərlər. Bundan başqa, onlar
ratifikasiya prosesində birbaşa iştirak edirlər. Onların üzərlərinə götürə biləcəyi və götürməli olduqları
fəaliyyətlər bunlardır:
Konvensiyanı dəstəklənməsi ilə bağlı hökumətlərinin rəyini öyrənmək;
İmza atma və ya ratifikasiya prosesinin hansı mərhələsinə çatıldığı ilə bağlı hökumətlərindən
məlumat almaq;
Konvensiya ilə bağlı milli səviyyədə, xüsusilə öz parlamentlərində müzakirələr təşkil etmək;
Öz parlamentlərinin sənədləşmə mərkəzində müvafiq məlumat sənədlərinin olmasını
təmin etmək;
Qeyri-hökumət təşkilatları və vətəndaş cəmiyyəti arasında Konvensiya barəsində biliklərin
artırılması üçün təşəbbüslər irəli sürmək və dəstəkləmək;
Konvensiyanı dəstəkləmək məqsədilə ictimai sorğu keçirmək;
Konvensiyanın milli dillərə tərcümə olunmasını təmin etmək.
İstanbul Konvensiyasından asılı olmayaraq belə, parlament üzvləri qadınlara qarşı zorakılığa son qoymaq
üçün bir sıra addımlar ataraq əhəmiyyətli töhfələr verə bilər ki, bura xüsusilə aşağıdakılar daxildir :
Qadınlara qarşı zorakılıq sahəsində qanunlar hazırlamaq və onların beynəlxalq standartları ən
yüksək dərəcədə əks etdirməsini təmin etmək;
Qadınlara qarşı baş vermiş zorakılıq halları haqqında milli səviyyədə sistematik məlumatlar
toplanması ilə bağlı müraciət etmək;
Zorakılıq qurbanlarına yardım edən xidmət qruplarına lazımi resursların ayrılmasını təmin etmək.
Nəhayət, cəmiyyətin fikrinə təsir edə bilən şəxslər olaraq parlament üzvləri mentalitetlərin təkamülünə
təkan verə biləcək imtiyazlı mövqeyə sahibdirlər. Bu səbəbdən, onlar :
mətbuat vasitələri də daxil olmaqla, ictimaiyyət arasında qadınlara qarşı zorakılığı pisləmək və
inkar etmək məqsədilə güclü mövqe nümayiş etdirməli;
qadınlara qarşı zorakılığın tamamilə aradan qaldırılması kimi məsələləri öz partiyalarının siyasi
proqramlarına daxil edilməsi üçün lobbiçilik fəaliyyəti aparmalıdırlar;
ictimaiyyət qarşısında etdikləri hər çıxışda qadınlara qarşı zorakılığın köklü surətdə aradan
qaldırılması məsələsinə toxunmalıdırlar;
İctimai rəyə təsir etmək imkanına malik olan digər şəxslərin, məsələn, jurnalistlərin, yazıçıların,
şou biznes nümayəndələrinin də iştirakı ilə qadınlara qarşı zorakılıqla bağlı maarifləndirmə
tədbirləri təşkil etməlidirlər.