38 •
/
№37, 2011
D
ialoq nəticəsində elə təəssürat
yarana bilər ki, gələcəkdə
ciddi cinayət əməllərinin ifşa
edilməsinə gətirib çıxara bilən çox
əhəmiyyətli məlumat MMX-yə ona
görə təqdim edilmir ki, məsul şəxs öz
mövqeyini, bankın gələcəkdə qarşılaşa
biləcəyi xoşagəlməz nəticələri qəti və
aydın şəkildə izah edə bilmir. Bu səbəb,
əhəmiyyətli olsa da, əsas deyildir. Əsas
olan səbəb, bankda bu cür dialoqla-
rın aparılmasının normal praktika kimi
qəbul edilməsidir.
Təcrübə göstərir ki, bankda belə
söhbətlərin aparılmasına, ümumiyyətlə,
şərait yaradılmamalıdır. Əməliyyatın
şübhəli olub-olmaması barədə qərar
məsul şəxs tərəfindən şəxsən qəbul
edilməlidir; bu cür məsələlər iki şəxsin
şifahi müzakirəsi əsasında həll olun-
mamalıdır. Bununla yanaşı, məsul şəxs
müvafiq qərarın qəbul edilməsi üçün
məsəlini kollegial (İdarə Heyətinin və
ya Müşahidə Şurasının) müzakirəsinə
çıxartmaq hüququndan da məhrum
edilməməlidir. Hər bir halda, banklarda
bu məqsədlər üçün müvafiq prosedur-
lar qabaqcadan müəyyən edilməlidir.
Məlumatı MMX-yə təqdim edib-
etməmək barədə tərəddüd yarandıqda
isə, məsul şəxs hansı addımı atacağını
konkret bilməlidir.
Əməliyyatın şübhəli olub-olmamasına
dair tərəddüdləri minimuma endirmək
üçün, bankda artıq aparılmış olan
bütün əməliyyatları ən azı iki əsas qrupa
bölməkdə fayda vardır: qeyri-adi və
şübhəli əməliyyatlar.
Məncə bu əməliyyat şübhəlidir...
1
Bu məqalənin məqsədləri üçün, “şübhəli əməliyyat” dedikdə “Cinayət yolu ilə əldə edilmiş pul vəsaitlərinin və ya digər əmlakın
leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun yalnız 7.2.1-ci
maddəsində nəzərdə tutulmuş “pul vəsaitlərinin və ya digər əmlakın cinayət yolu ilə əldə edilməsi və ya terrorçuluğun maliyyələşdirilməsi ilə
bağlı olmasına şübhə və ya belə şübhə üçün kifayət qədər əsaslar yaradan hallar” ilə bağlı əməliyyatlar başa düşülməlidir.
2
Bank əməliyyatçıları tərəfindən qeyri-adi əməliyyatların ifşa edilməsi üçün tələb olunan əlavə tədbirlər və səriştəyə dair bəzi mülahizələrə bax.
“Banklar və Biznes” jurnalı, №5(36), 2011, s.30-33
əgər əməliyyat şübhəlidirsə
1
, Maliyyə Monitorinqi Xidmətinə (MMX) onun barəsində
məlumatın təqdim edilməsinə dair tərəddüd yaranmır – məlumat təqdim edilir. əsas
məsələ əməliyyatın şübhəli olub-olmadığının müəyyən edilməsi zamanı məsul şəxsin
qərarvermə müstəqilliyinin təmin edilməsidir.
...
Məsul şəxs (M):
Verməliyik! Axı bu hal şübhəlidir!
İdarə Heyətinin sədri (S):
Konkret bu hal qanunvericiliyimizdə nəzərdə tutulubmu?
M:
Konkret bu hal yoxdur, amma ...
S:
Maliyyə Monitorinqi Xidmətinin təsdiq etdiyi “Xüsusi indikatorlar”da bu hal varmı?
M:
Orada da yoxdur, buna baxmayaraq ...
S:
Elə isə, mən də bunu şübhəli hesab etmirəm. “Bank sirri” deyilən anlayışla tanışsan? Sən bilirsən ki, belə
müştəriləri itirməklə, bankımız nələrdən məhrum olacaq. Yoxsa əmək haqqının və mükafatlarımızın hansı
vəsaitlərdən formalaşdığından xəbərdar deyilsən?!
M:
Aydındır ...
(Qərara alınır ki, sözügedən hal “şübhəli” deyil və bu barədə məlumat MMX-yə təqdim edilməməlidir.)
Məlumatı Maliyyə
Monitorinqi Xidmətininə
təqdim edib-etməmək
barədə tərəddüd
yarandıqda, məsul şəxs
hansı addımı atacağını
konkret bilməlidir
bankÇILIQ
№37, 2011
/
• 39
Müştərinin qəribə və müəmmalı dav-
ranışı, eləcə də normal işgüzar prak-
tikaya və ya münasibətlərə uyğun
olmayan, qeyri-tipik, mürəkkəb, irrasi-
onal və ya ağlabatan iqtisadi mahiyyəti
olmayan əməliyyatlar qeyri-adi kimi
qəbul edilməlidir. Lakin bütün bu
cür əməliyyatlar barədə məlumatların
MMX-yə təqdim edilməsinə nəinki ehti-
yac yoxdur, hətta, belə demək olar ki,
onlar MMX-yə təqdim edilməməlidir.
Bütün qeyri-adi əməliyyatlar ilk
olaraq bankın qabaqcadan hazırlan-
mış prosedur və qaydalarına uyğun
olaraq müəyyən edilmiş müva-
fiq əməkdaşlarının (xüsusilə, məsul
şəxsin) “süzgəcindən” keçirilməlidir.
Əməliyyatın “qeyri-adi” kateqori-
yasından “şübhəli” kateqoriyasına
keçirilməsinə dair qərar əlavə araşdırma
(əlavə eyniləşdirmə) aparıldıqdan sonra
verilir. Belə araşdırma zamanı bu hal-
lar ortadan qalxdıqda, yəni əməliyyatın
ağlabatanlığı əsaslandırıldıqda və həmin
əsaslar təsdiqləndikdə əməliyyat “nor-
mal, adi” kimi qəbul edilir və onun
barədə məlumat MMX-yə təqdim edil-
mir. Əməliyyat yalnız o halda şübhəli
hesab olunur ki, araşdırma nəticəsində
onu qeyri-adi hesab etməyə əsas verən
hallar ortadan qalxmamış olsun.
Müştərinin müəmmalı davranışının
və ya birdəfəlik əməliyyatların qeyri-
adiliyinin müəyyən edilməsi yalnız
bank əməliyyatçılarının qabiliyyətindən
asılı olacaq.
2
Digər əməliyyatların qeyri-adiliyi
isə qabaqcadan təsbit edilmiş konkret
meyarlar əsasında müəyyən edilməlidir.
Bu meyarlar hər bir bank tərəfindən
fərdi təsbit edilir. Meyarların sayı və
təfərrüatı bankın sərəncamında olan
resurslardan, habelə onun məruz qal-
dığı nisbi risk səviyyəsindən asılı ola-
caqdır. Nisbi risk səviyyəsi bankın
ölçüsündən (ştat və filial sayından),
onun təklif etdiyi xidmət və məhsulların
həcm və çeşidindən, habelə müştəri
kontingentindən asılı olaraq müxtəlif
ola bilər. Bu parametrlər nə qədər geniş
olsa, bankın məruz qaldığı nisbi risk
səviyyəsi də bir o qədər yüksək olacaq.
Bank nə qədər çox lazımi resurs və
imkanlara malik olsa, onun məruz qal-
dığı nisbi risk səviyyəsi nə qədər yüksək
olsa müəyyən edilmiş meyarlar da bir o
qədər daha təfərrüatlı, onların sayı daha
çox və istifadə edilən limitləri daha aşağı
olacaqdır.
Eyni zamanda, belə meyarlardan
istifadə etmək üçün bankın bütün
müştərilərini öncədən müəyyən edilmiş
risk kateqoriyalarına bölmək lazım ola-
caqdır. Bununla bağlı üç əsas faktordan
asılı olaraq ən azı üç risk kateqoriyası
müəyyən edilməli olacaqdır.
3
Müştərilər risk kateqoriyaları-
na görə bölünərkən, müştərilərin
profillərinə xüsusi diqqət yetirilməlidir.
Müştərilərin profilləri həm hər konkret
müştəri üçün, həm də oxşar fəaliyyət
əsasında formalaşan müştəri qrupları
üçün müəyyən edilməlidir. Müştərilərin
doğru profillərinin müəyyən edilməsi
isə bank əməliyyatçıları tərəfindən
eyniləşdirmə tədbirlərinin səriştəli
yerinə yetirilməsindən asılı olacaqdır.
Profillər hər zaman reallığı əks
etdirməli, yəni statik deyil, dinamik
olmalıdır. Müştərilərin risk dərəcələri,
onların hazırkı reallığa uyğunluğu
mütəmadi olaraq yoxlanılmalı, müştəri
və müştəri qruplarının profilləri (onla-
rın eyniləşdirmə məlumatları) vaxtı-
vaxtında yenilənməlidir.
Əməliyyatların qeyri-adiliyini ölçən
konkret meyarlara misal olaraq, aşa-
ğıdakı indikatorları göstərmək olar:
– bir müştərinin konkret saydan artıq
sayda benefisiarının, kontragentinin
və/və ya nümayəndəsinin olması;
– müştərinin və ya müştəri qrupları-
nın (o cümlədən, siyasi xadimlərin)
profillərini
müəyyən
edən
əməliyyatların həcminin, sayının və/və
ya növlərinin konkret göstəricilərdən
fərqli olması;
– MMX tərəfindən müəyyən edilmiş
dövlət və ərazilərdən başqa digər
dövlət və ərazilərlə (o cümlədən, off-
şor zonalarla) bağlı əməliyyatların
aparılmış olması və onların sayının və/
və ya həcminin müəyyən göstəricidən
artıq olması;
Eyni zamanda, qeyd olunmuş meyarlar
müştərilərin risk kateqoriyalarına görə
bölgüsünü asanlaşdırır və ayrı-ayrılıqda
proqram alqoritmləri kimi qəbul edilə
bilər. Bu məqsədlə, bank daxilində
müvafiq proqram təminatından istifadə
edilməsi zərurəti yaranır.
Yalnız müvafiq proqram təminatı və
risk-əsaslı yanaşma çərçivəsində bu kimi
alqoritmlərdən istifadə edildikdə, habelə
əməliyyatın “şübhəli əməliyyatlar” kate-
qoriyasına aid edilməsinə dair xüsusi
prosedur və qaydalar hazırlanıb tətbiq
olunduqda banklar tərəfindən effektiv
monitorinq
4
(nəzarət) tədbirlərinin
aparıldığından danışmaq mümkün ola-
caqdır.
Zaur N. HACILI
Maliyyə Monitorinqi Xidmətinin
böyük mütəxəssisi, Azərbaycan Bank
Tədris Mərkəzinin eksperti
3
Risk kateqoriya və dərəcələri, habelə onların asılı olduqları faktorlar barədə daha ətraflı bax. Zaur Hacılı, Çirkli Pulların Yuyulmasına qarşı
Mübarizə, “Abşeron” nəşri, 2010, s.113-120
4
Burada “monitorinq” dedikdə “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun
maliyyələşdirilməsinə qarşı mübarizə haqqında” Azərbaycan Respublikası Qanununun 1.0.6-cı maddəsində qeyd olunmuş tədbirlər nəzərdə tutulur.
Əməliyyat o halda şübhəli
hesab olunur ki, araşdırma
nəticəsində onu qeyri-adi
hesab etməyə əsas verən
hallar ortadan qalxmamış
olsun
bankÇILIQ