Hesabatımız barəsində
Bu hesabat 31 dekabr 2014-cü ildə bitən təqvim ilini
əhatə edir. Bəzi hallarda 2015-ci ildə baş vermiş
mühüm hadisələr də hesabata daxil edilib.
Başqa cür göstərilməyibsə, mətndə
“BP p.l.c.” və onun törəmə şirkətləri
və filiallarının əməliyyatları və
fəaliyyətləri arasında fərq qoyulmur.
Xüsusi olaraq göstərilən hallar istisna
olmaqla, bu hesabatda “bizə”, “biz”
və “bizim” sözlərinə edilən istinadlar
Azərbaycanda BP şirkətinə edilən
istinadlardır. Əgər hesabatda “BP
Azərbaycanda” deyilərək istinad
edilirsə, bu o deməkdir ki, yalnız
Azərbaycanda olan əməliyyatlarımıza
istinad edilir. Əgər biz “BP AGT”yə
istinad ediriksə, onda bizim
Azərbaycan, Gürcüstan və
Türkiyədəki fəaliyyətlərimizə istinad
edirik. “BP” və “BP qrupu”na edilən
konkret istinadlar “BP p.l.c.”, onun
törəmə şirkətləri və filialları deməkdir.
Dollarla ifadə edilən bütün məbləğlər
ABŞ dollarını nəzərdə tutur və digər
pul vahidlərindən çevrilibsə, bu
məbləğin ayrılması anına olan
məzənnəni əks etdirir. Qaz həcmləri
standart kubmetr və ya standart
kubfutla verilir.
Bu hesabat hər il Azəri-Çıraq-
Dərinsulu Günəşli yatağı üçün birgə
əməliyyat şirkətinin əməliyyatçısı və
idarəedicisi, həmçinin Ze Bakı-Tbilisi-
Ceyhan Payplayn Kompani (“The
Baku-Tbilisi-Ceyhan Pipeline
Company”) şirkətinin idarəedicisi
qismində çıxış edən BP Eksploreyşn
(Kaspian Si) Limited (“BP Exploration
(Caspian Sea) Limited”) ilə Şahdəniz
yatağının əməliyyatçısı və Sauf
Kokazus Payplayn Kompani (“South
Caucasus Pipeline Company”)
şirkətinin texniki operatoru qismində
çıxış edən BP Eksploreyşn (Şahdəniz)
Limited (“BP Exploration (Shah
Deniz) Limited”) tərəfindən nəşr
edilir. Bu şirkətlərin hər biri bu
hesabatın məqsədlərinə uyğun
olaraq öz layihələri üzrə müvafiq
məlumatları vermişdir.
BP-nin Azərbaycanda davamlı inkişaf haqqında 2014-cü il üçün hesabatında öncədən söylənmiş,
məsələn, çıxarıla bilən həcmlər və ehtiyatlara, əsaslı, əməliyyat xərcləri və digər xərclərə, həmçinin
gələcək layihələrə aid müəyyən bəyanatlar ola bilər. Bir sıra amillərdən, o cümlədən tələb və təklifin
dəyişməsindən, qiymət və işlərin gedişi məsələlərindən, həmçinin siyasi, hüquqi, maliyyə,
kommersiya və sosial şəraitdən asılı olaraq faktiki nəticələr belə bəyanatlardakı göstəricilərdən
fərqlənə bilər.
Xəbərdaredici bildiriş
Üz qabığındakı şəkil
BP-nin Azərbaycanda tikinti üzrə aparıcı
mütəxəssisi Tofiq Qorçuyev Bakıdan təxminən
15km cənuba doğru, Şahdəniz Mərhələ 2
layihəsi üçün iki platformanın üst modulları inşa
olunan Amek-Tekfen-Azfen tikinti sahəsində
işlərə nəzarət edir və podratçı işçilərə
göstərişlər verir.
Hesabatın
içindəkilər
“BP Azərbaycanda. Davamlı inkişaf
haqqında hesabat 2014” bizim
2014-cü təqvim ili ərzində nail
olduğumuz istehsalat göstəricilərini,
ətraf mühitin mühafizəsi ilə bağlı
gördüyümüz işləri və Azərbaycandakı
fəaliyyətlərimizin digər sahələrini
əhatə edir. Bu hesabat bizim davamlı
inkişaf haqqında 12-ci hesabatımızdır
və əvvəlki hesabatlar barədə
aldığımız rəyləri özündə əks etdirir.
2 Giriş sözü
Regional prezident 2014-cü ildə həyata
keçirdiyimiz müxtəlif fəaliyyətlərin əsas
məqamları barədə düşüncələrini və gələcək
planlarımızı bölüşür.
4 BP Azərbaycanda – ilk baxışda
Təşkilati strukturumuz ilk baxışda, 2014-
cü ildə əsas nailiyyət və çətinliklərmizin
xülasəsi.
Ümumi baxış
6 Əməliyyatlarımız
Biz Xəzərdə əsas karbohidrogen yataqlarını
işlədir, onları region və dünya bazarları ilə
birləşdirən boru kəmərlərini idarə edirik.
13 Əməkdaşlarımız
Məqsədimiz işçi heyətimizin istedadlarını
inkişaf etdirmək, güclü cəhətlərimiz və
bacarıqlarımızı daha da artırmaq üçün ən
yaxşıları işə cəlb etməkdir.
19 Əməyin təhlükəsizliyi
Diqqəti təhlükəsiz, etibarlı və qaydalara uyğun
əməliyyatlara yönəldir, gördüyümüz hər işdə
əməyin təhlükəsizliyi və əməliyyat risklərinin
idarə edilməsini əsas götürürük.
23 Ətraf mühit
Biz başa düşürük ki, ətraf mühitə təsirlərin
idarə olunması neft və qazın məsuliyyətli
şəkildə hasil olunması prosesinin mühüm bir
hissəsidir.
27 Cəmiyyət
Biz təhsil, icma və sahibkarlığın inkişafı
sahəsində layihələrimiz vasitəsilə və gəlirlərin
şəffaflığı sahəsində əməkdaşlıq etməklə
cəmiyyətə və yerli iqtisadiyyata müsbət təsir
göstərməyə can atırıq.
Əsas istiqamətlər
34 Hesabat prosesi, rəy və təkliflər
Məqsədimiz fəaliyyətlərimiz barədə tam və
şəffaf hesabat vermək, əvvəlki hesabatlar
barədə maraqlı tərəflərin rəy və təkliflərinə
cavab verməkdir.
35 Beşillik icra göstəriciləri
Hasilat, əməyin təhlükəsizliyi, ətraf mühit
və sosial xərcləri əhatə edən əsas icra
göstəricilərimiz.
Bizim hesabat prosesi və əsas icra göstəricilərimiz
BP-nin Azərbaycanda həyata keçirdiyi davamlı
inkişaf fəaliyyətlərinə dair məlumat, açıqlama
və bəyanatların faktlara və izahlara əsaslandığı
barədə BP rəhbərliyində əminlik yaratmaq
məqsədi ilə biz BP-nin Azərbaycanda 2014-cü
il üçün hazırladığı davamlı inkişaf haqqında
hesabatı yoxlamışıq. Gördüyümüz işlərin əhatə
dairəsi və gəldiyimiz nəticələrlə səhifə 36-da
tanış olmaq olar.
“Ernst & Young” şirkəti
Yoxlama prosesinə giriş sözü
Ümumi baxış
Əməliyyatlarımız
Əməyin təhlükəsizliyi
Ətraf mühit
Cəmiyyət
Hesabat prosesi
Əməkdaşlarımız
1
BP Azərbaycanda Davamlı inkişaf haqqında hesabat 2014