26
Dialoq və əlaqələr
2012-ci il ərzində biz Azərbaycanda hökumət,
vətəndaş cəmiyyəti, icmalar, kütləvi informasiya
vasitələri və digər maraqlı tərəflərlə bir sıra
istiqamətlərdə qarşılıqlı əlaqədə olduq:
Hökumətlə
Bizim Azərbaycan hökuməti ilə tərəfdaşlığımız
davam edərək genişləndi.
•
Mart ayında Prezident İlham Əliyev BP Direktorlar
Şurasının sədri Karl-Henrik Svanberqi qəbul etdi.
•
Aprel və dekabr aylarında Prezident İlham Əliyev
BP qrupunun baş icraçı direktoru Robert Dadlini
qəbul etdi.
•
Biz Azərbaycan Milli Olimpiya və Milli Paralimpiya
Komitələrinin rəsmi tərəfdaşı olduq və 2012-ci il
London Olimpiya və Paralimpiya Oyunları zamanı
Azərbaycandan xüsusi nümayəndə kimi
seçdiyimiz yeddi idmançıya sponsorluq etdik.
•
Avqust ayında Azərbaycan Respublikası Dövlət
Neft Şirkəti (ARDNŞ) ilə birlikdə Londonda
Azərbaycan Olimpiya Komitəsinin şərəfinə tədbir
təşkil etdik.
•
BP AGT-nin regional prezidenti iyun ayında Xəzər
neft-qaz sərgisində Prezident İlham Əliyevi və
onun qonaqlarını BP-nin stendində qəbul etdi və
interaktiv model vasitəsilə BP-nin regionda
apardığı əməliyyatların miqyasını nümayiş etdirdi.
•
BP qrupunun icraçı vitse-prezidentləri Bernard
Luni (işlənmələr), Bob Frayar (hasilat) və Endi
Hopvud (strategiya və inteqrasiya) ARDNŞ-dəki
həmkarları ilə hasilatla bağlı çətinlikləri müzakirə
etmək üçün oktyabr ayında Azərbaycana səfər
etdi.
•
ARDNŞ ilə hasilatın pay bölgüsü sazişləri, tranzit
əraziyə malik ölkə hökumətləri ilə sazişlər və digər
sazişlər çərçivəsində qarşılıqlı maraq doğuran bir
sıra məsələlər üzərində birlikdə işlədik.
•
İqtisadi İnkişaf Nazirliyində iqtisadi siyasətin təhlili
və proqnozlaşdırma bacarıqlarının inkişaf
etdirilməsi layihəsini başa çatdırdıq.
•
Beynəlxalq Maliyyə Korporasiyasının həyata
keçirdiyi biznesə imkan yaradan mühit layihəsinin
bacarıqların yaradılması komponentini
tərəfdaşlarımızla birlikdə maliyyələşdirdik.
Vətəndaş cəmiyyəti ilə
•
Mineral Ehtiyatların Hasilatı ilə Məşğul olan
Sənaye Sahələrində Şəffaflıq Təşəbbüsü
çərçivəsində gəlirlərin şəffaflığına dəstəyimizi
davam etdirdik.
•
Biz BP-nin Azərbaycanda və dünyada davamlı
inkişaf haqqında hesabatlarını müzakirə etmək
üçün yerli vətəndaş cəmiyyəti qrupları ilə görüş
keçirdik.
BP Azərbaycanda müxtəlif maraqlı tərəflərlə əlaqə saxlayır.
Bu əlaqələr bizə məsuliyyətli qərarlar verməyə kömək edir.
Əməkdaşlarla
Əməkdaşlarımızı işlə bağlı məlumatlandırmaq üçün
bir sıra kommunikasiya vasitələrindən istifadə
edirik. Əməkdaşlarla ünsiyyət və münasibətlər
barədə məlumat almaq üçün səhifə 21-ə baxın.
İcmalarla
•
Azərbaycandakı obyektlərimizin yaxınlığında
yaşayan icmalarda davamlı inkişaf təşəbbüslərinə
dəstəyi davam etdirdik.
•
İşə götürmə, səriştələr üzrə təlim və
infrastrukturun yaxşılaşdırılması məsələləri ilə
bağlı olaraq Səngəçal terminalı yaxınlığında
yaşayan icmalarla ünsiyyətdə olduq.
•
Bakı-Tbilisi-Ceyhan/Cənubi Qafqaz Boru Kəməri
marşrutu boyunca şikayət və narazılıqların yoluna
qoyulması mexanizmi işlək oldu.
•
BP, icma üzvləri və təhlükəsizliyi təmin edən
hökumət orqanları arasında
dialoqa kömək edən
Təşkilatlararası Təhlükəsizlik Komitəsinin forumu
ilə birgə işlədik.
•
Əməkdaşların cəlb edilməsi proqramı vasitəsilə
əməkdaşlarımız icma inkişafına və təhsilə öz
töhfələrini verdilər.
Kütləvi informasiya vasitələri ilə
•
Azərbaycanda fəaliyyətlərimizin nəticələri barədə
məlumat vermək üçün kütləvi informasiya
vasitələrinə biznes əməliyyatları üzrə rüblük
hesabatlar veririk.
•
Region üzrə prezidentimiz biznes sahəsində
yazan bir qrup yerli
və xarici jurnalistlərlə
mütəmadi surətdə görüşərək onlara BP
tərəfindən həyata keçirilən layihələrdəki yeniliklər
haqqında məlumatlar verdi.
•
Azərbaycandakı fəaliyyətlərimiz barədə yerli və
xarici jurnalistlər üçün qrup şəklində və fərdi
brifinqlər keçirdik, müntəzəm olaraq yeni
məlumatları çatdırdıq və televiziya müsahibələri
verdik.
•
Yerli jurnalistlər üçün üç media seminarı keçirilib.
Yerli və beynəlxalq informasiya agentlikləri, o
cümlədən BBC, “Bloomberg” və “Le Figaro”
üçün sahələrimizə 22 səfər təşkil olunub.
•
2012-ci il ərzində mətbuat üçün biznes
fəaliyyətimizdəki nailiyyət və irəliləyişləri əhatə
edən 23 pres-reliz və altı məlumat bülleteni
buraxdıq.
•
Mətbuat nümayəndələrinin suallarını
cavablandırmaq üçün 24 saat fəaliyyət göstərən
xəttimiz açıq oldu.
Digər maraqlı tərəflərlə
İşgüzar səfərlər
Səngəçal terminalında siyasətçiləri, jurnalistləri və
tərəfdaşımız olan şirkətlərin nümayəndələrini,
habelə 20 ölkədən olan maliyyə, təhsil və hərbi
təşkilatların nümayəndələrini qəbul etdik və bu cür
səfərlərin sayı 50-dən çox oldu.
Tələbələrlə
•
Mühəndislik, o cümlədən kimya və mexanika
mühəndisliyi ixtisasları üzrə bakalavr kurslarını
əhatə edərək imkanlarını genişləndirməsi üçün
Qafqaz Universitetinə dəstəyimizi davam etdirdik.
•
“BP Azərbaycanda. Davamlı inkişaf haqqında
hesabat 2011”lə əlaqədar tələbələrin rəy və
təkliflərini öyrənmək üçün altı yerli universitetin
tələbələri ilə müzakirələr apardıq.
•
Həm Azərbaycanda, həm də ölkədən kənarda
təqaüd proqramlarına dəstək verdik.
•
Biz tələbələr üçün BP-nin Azərbaycandakı
müxtəlif şöbələrində təhsildən ayrılmadan əmək
təcrübəsi əldə etmələri məqsədilə təcrübə
proqramı həyata keçirdik.
Podratçılarla
BP-nin idarə etdiyi layihələrdə yerli şirkətlərin
iştirakını artırmaq məqsədilə öz podratçılarımız
üçün məlumatlandırma və bilik mübadiləsi
tədbirləri təşkil etdik.
Geniş ictimaiyyətlə
•
2012-ci ilin noyabr ayında Xəzər Beynəlxalq Ətraf
Mühit Sərgisində – Xəzər və Qafqaz regionunda
bu qəbildən ən böyük tədbirdə iştirak etdik.
•
İki dildə Azərbaycan və regiondakı fəaliyyətlərimizi
işıqlandıran
bp.com/xezer veb-saytımız
ictimaiyyətlə mühüm ünsiyyət vasitəsi olaraq
qaldı. Hər gün sayta orta hesabla 590 nəfərdən
artıq insan daxil olub, 2011-ci ilə nisbətən 23%
çox. Bundan əlavə, onlayn sorğu forması
vasitəsilə 632 sorğu aldıq ki, bu da 2011-ci ildə
qəbul olunmuş sorğulardan 60% çoxdur.
Yerli kütləvi informasiya vasitələrinin nümayəndələri
tikinti sahəsinə səfər zamanı.
Biz necə işləyirik
BP Azərbaycanda. Davamlı inkişaf haqqında hesabat 2012