40
və PSA2 nasos stansiyasından axın üzrə aşağıda
və yuxarıda yerləşən sahələrdən səth suyu
nümunələri götürüldü. Bütün nəticələr layihədən
öncəki ilkin göstəricilərə uyğun idi və bu, su
ehtiyatlarında çirklənmənin olmamasını göstərir.
2012-ci ildə üçüncü tərəfin vurduğu ziyan
nəticəsində BTC üzrə iki qrunt suyunun monitorinqi
quyusuna ziyan dəyib. Bunların əvəzinə yeni
quyular 2013-cü ildə quraşdırılacaq.
2011-ci ildə Səngəçal terminalı ətrafında aparılmış
quş tədqiqatları zamanı 88 quş növü müşahidə
edilib. Bunlardan 23-ü adətən bütün il boyu
ərazidə mövcud olan yerli quş növü, 65-i isə
köçəri quşlar idi. Səngəçal terminalının cənub və
cənub-şərqindəki ərazilər quş növlərinin ən böyük
zənginliyinə malikdir, bunun əsas səbəbi həmin
yerlərdə təbii yaşayış mühitlərinin müxtəlifliyidir.
Buraya kollar, qamışlıqlar, açıq sahəli dayaz
bataqlıqlar/gölməçələr, su axarları və gödək
ağaclardan ibarət səhralıq və az rütubətli ərazilər
aiddir. Qeyd etmək yerinə düşər ki, Səngəçal
terminalının şərq, şimal və qərb tərəfindəki
sahələrdə növlərin zənginliyində müəyyən qədər
azalma müşahidə edilir, bu isə əsasən BP-yə aid
olmayan fəaliyyətlərin (tikinti işləri) quşların təbii
yaşayış mühitlərinə mənfi təsirləri ilə bağlı ola
bilər. Səngəçal terminalının ətrafı suda-quruda
yaşayanların iki növü, sürünənlərin 11 növü və
məməlilərin 10 növü üçün yaşayış mühitidir. Lakin
Səngəçal terminalının şərqi və cənubundakı
su-bataqlıq sahələrdə torpaq qazma işləri və
digər antropogen fəaliyyətlərin (əsasən BP-yə aid
olmayan) təbii yaşayış mühitinin müəyyən qədər
itkisinə səbəb ola bilməsi əlamətləri var ki, bu da
gələcəkdə biomüxtəlifliyin itirilməsinə gətirə bilər.
Bitki örtüyünün 2009-11-ci illər ərzində aparılmış
monitorinqi Səngəçal terminalı ətrafında 18 çoxillik
bitki növünün mövcudluğunu qeydə aldı (Səngəçal
terminalı ətrafında Amaranthaceae fəsiləsinə aid
altı növ, Fabaceae fəsiləsi üzrə iki növ, Poaceae
üzrə iki, Juncaceae üzrə iki, Tamaricaceae
üzrə iki və Asteraceae, Iridaceae, Solanaceae
və Chenopodiaceae üzrə bir növ qeydə alınıb).
Azərbaycan Respublikasının Qırmızı Kitabına daxil
edilmiş Iris acutiloba süsən çiçəyinə bir monitorinq
sahəsində rast gəlinib. Əksər sahələrdə Salsola
nodulosa növünün üstünlük təşkil etdiyi müəyyən
edilib, quraq və yarımquraq şərtlərdə sağ qala
bildiyinə görə Suaeda dendroides, Poa bulbosa və
Artemisia lerchiana növləri də geniş yayılıb.
Tikinti üçün təsdiqlənmiş və hal-hazırda tikinti
gedən ərazilərin BP fəaliyyətlərinin təsirinə
gözlənildiyi kimi, aşkar olaraq məruz qalmasına
baxmayaraq, Səngəçal terminalındakı
əməliyyatların ərazidəki yaxın ətraf mühitə mənfi
təsir göstərdiyinə heç bir dəlil yoxdur.
Quruda tədqiqatlar
Azərbaycanda Səngəçal terminalı, Sərəncə
təhlükəli tullantıların idarə edilməsi obyekti
(TTİEO) və Bakı-Tbilisi-Ceyhan (BTC) boru kəməri
boyunca 2 nömrəli nasos stansiyasında (PSA2)
hava keyfiyyətinin monitorinqi aparıldı. 2012-ci
ildə Səngəçal terminalında hava keyfiyyətinin
rüblük monitorinqi göstərdi ki, monitorinq
edilmiş parametrlər – azot monoksidin (NO), azot
dioksidin (NO
2
), kükürd dioksidin (SO
2
) ölçülmüş
konsentrasiyaları havanın keyfiyyəti üzrə milli
standart göstəricilərindən xeyli aşağı idi, benzol
və uçucu üzvi birləşmələrin ümumi miqdarı
(UÜBÜM) konsentrasiyaları bütün monitorinq
yerlərində havanın keyfiyyəti üzrə müvafiq standart
göstəricilərdən aşağı idi.
2011-ci ilin monitorinqində Sərəncə TTİEO-da
qeydə alınmış bərk hissəciklərin (PM
10
) yüksək
konsentrasiyaları 2012-ci ildə müşahidə edilmədi.
Bu isə bu yüksək göstəricilərin müvəqqəti xarakter
daşıyaraq küləyin ətrafdakı çöllük ərazilərdən
gətirdiyi toza görə baş verməsi və Sərəncə TTİEO-
dakı fəaliyyətlərlə əlaqəsi olmaması fikrinə əsas
verir. Ölçülmüş NO, NO
2
, SO
2
konsentrasiyaları
havanın keyfiyyəti üzrə milli standart
göstəricilərindən xeyli aşağı, benzol və UÜBÜM
konsentrasiyaları bütün monitorinq yerlərində
havanın keyfiyyətinə dair uzunmüddətli (illik orta)
standart göstəricilərdən aşağı idi.
PSA2 BTC nasos stansiyasında hava keyfiyyətinin
monitorinqi göstərdi ki, ölçülmüş parametr
(NO
2
) tənzimləyici orqanın təsdiqlədiyi hüdudlar
daxilindədir.
2011-ci ildə Sərəncə TTİEO-da səth və qrunt
sularının keyfiyyəti üzrə aparılmış tədqiqatlar
(yarımillik və aylıq quyu monitorinqi) göstərdi ki,
qrunt sularının dərinliyi və axın istiqaməti həmin
müddət ərzində nisbətən ardıcıl olub. BTEK
a
,
poliaromatik karbohidrogenlər və ya fenolların
yüksək səviyyələri qeydə alınmayıb, lakin əməliyyat
sahəsindən yamac üzrə aşağı istiqamətdə
ammonium, fosfor, nitrit və bəzi metalların (arsen,
kadmium, dəmir, civə, nikel və sink) müəyyən
qədər artmış səviyyələri qeydə alınıb. Bu ərazidə
ammoniumun yeganə məlum olan potensial
mənbəyi Sərəncə TTİEO-dakı bio-remediasiya
sahəsidir, lakin hazırda artmış səviyyədə olan
bu komponentlərin təsir göstərə biləcəyi
nəzərəçarpan reseptor (yəni səth suları) mövcud
deyil.
2012-ci ilin may və noyabr aylarında BTC boru
kəməri boyunca səth və qrunt sularının monitorinqi
aparıldı. Qarayazı sulu horizontundakı beş
monitorinq quyusundan qrunt suyu nümunələri
götürüldü və İPA1 aralıq ərsinləmə stansiyasından
a
Benzol, Toluol, Etil Benzol və Ksilol.
Təcrübədən alınmış dərslər:
sahənin bərpası üçün toxum
əvəzinə canlı bitkilərin istifadəsi
Əvvəllər bir qayda olaraq BTC dəhlizi boyunca
və eroziyaya meylli ərazilərdə bitki örtüyünün
bərpası üçün toxumlar səpilirdi və bunların
təbii şəkildə artıb böyüməsi gözlənilirdi.
Lakin təcrübə göstərdi ki, bu halda bitkilərin
sağ qalma əmsalı çox aşağı olur (adətən
5-10%). Şitilliklərdən kəmər dəhlizindəki bərpa
sahələrinə canlı bitkilərin köçürülməsi ilə
bağlı aparılmış sınaq daha səmərəli nəticələr
(təxminən 47%) verdi. Ona görə də bu təcrübə
gələcəkdə də Azərbaycandakı boru kəmərləri
boyunca sahələrin bərpası/eroziyanın qarşısının
alınması işlərində istifadə olunacaq.
Ətraf mühit
BP Azərbaycanda. Davamlı inkişaf haqqında hesabat 2012