To‘plamdan O‘zbekiston Respublikasi oliy ta’lim muassasalari bakalavriatiga 2019-2020-o‘quv yili uchun kirish test sinovlarida foydalanilgan test topshiriqlari o‘rin olgan. Test topshiriqlari mazkur fan bo‘yicha umumiy o’rta maktab hamda akademik litsey va kasb- hunar kollejlari o‘quv dasturlarida keltirilgan mavzular doirasida shakllantirilgan. To‘plam o‘qituvchilar, oliy ta’lim muassasalariga kirish uchun tayyorgarlik ko‘rayotgan abituriyentlar va keng jamoatchilik uchun mo‘ljallangan.
Shuningdek, to‘plamda testologiya sohasida ko‘p yillardan beri faoliyat yuritayotgan fan mutaxassislari tomonidan fan mavzularini o‘zlashtirish, test topshiriqlarini yechish bo‘yicha maslahat va tavsiyalar berilgan.
To‘plamning o‘ziga xos xususiyatlaridan yana biri shundaki, kelgusida abituriyent fan mavzularini qay darajada o‘zlashtira olganligini tekshirishga imkon beruvchi onlayn xizmat ko‘rsatish tizimini ishga tushirish rejalashtirilgan. Tizimdan foydalanishda to‘plamga ilova qilingan javoblar varaqalari yordam beradi. Xizmat ko‘rsatish tizimidan foydalanish tartibi haqida batafsil ma’lumotni Davlat test markazining http://dtm.uz rasmiy saytidan olish mumkin.
Abituriyentlarning o‘zlashtirgan bilimlarini tekshirib borishlaridagi faolliklari keng jamoatchilik bilan Davlat test markazi o‘rtasidagi muloqotni rivojlantiradi va bu o‘z navbatida test topshiriqlari bazasi hamda test sinovlari jarayonlarini takomillashtirishga xizmat qiladi.
Barcha abituriyentlarga omad tilagan holda, ushbu to‘plam fan bo‘yicha bilimlarni yanada chuqurroq o‘zlashtirish uchun xizmat qilishiga umid qilib qolamiz.
Muallifni duo qilib quysangizlar xursand bo’lar edim. Barcha foydalanuvchilar toifadan o’tib olsinlar.
Davlat test markazi