Davlat va jamiyat

Mustaqillik yilnomasi 2001

DAVLAT VA JAMIYAT

 

6 yanvar. O‘zbekiston Rsepublikasi Prezidentining 2001 yil 4 yanvarida qabul qilgan "O‘zbekiston Respublikasi Konstitutsiyasini o‘rganishni tashkil etish to‘g‘risida"gi Farmoyishi e’lon qilindi. 20 yanvar. O‘zbekiston Respublikasi Prezidenti Islom Karimovning "Milliy mustaqillik g‘oyasi: asosiy tushunchalar va tamoyillar" fani yuzasidan o‘quv dasturlari yaratish va ularni respublika ta’lim tizimiga joriy etish to‘g‘risida"gi Farmoyishi bosilib chiqdi.

 
23 fevral - Vazirlar Mahkamasining "Qurbon hayitni nishonlash to‘g‘risida"gi 92-son qarori qabul qilindi.

7 dekabr. An’anaga ko‘ra, mustaqil O‘zbekiston Respublikasi konstitutsiyasi kuni arafasida "Turkiston" saroyida tantanali marosimga respublikaning mashhur siyosiy va ijtimoiy arboblari, madaniyat va san’at namoyondalari, poytaxt jamoatchiligi, O‘zbekistonda faoliyat yuritayotgan elichixona va xalqaro tashkilotlar vakillari jam bo‘ldilar.

Yig‘ilishda O‘zbekiston Prezidenti Islam Karimov nutq so‘zladi.

Unda davlat rahbari xalq hayotida yuz berayotgan katta o‘zgarishlarning asosiy mohiyati konstitutsiyamizda belgilangan va qayd etilgan huquq va imkoniyatlar, asosiy tamoyillarni singdirish bilan bog‘liq ekanligini alohida ta’kidlab o‘tdi.

Davlat rahbari 2002 yilni Qariyalarni qadrlash yili deb e’lon qildi. "Qarisi bor uyning parisi bor" deb xalq bejiz aytmagan. Darhaqiqat, qayerda qariyalar bo‘lsa va qayerda ularga e’tibor qaratilsa, o‘sha yerda farovonlik va mo‘lchilik qaror topadi. Bunday uyni xudoning o‘zi asraydi, deb ta’kidladi respublika rahbari.

IQTISODIYOT

 

4 iyul. O’zbekiston Resbublikasi fond birjasi birinchi marotaba 700 korxonaning aktsiyalarini savdoga qo’ydi/ 6 iyul. “Westen Union” tizimi orqali birinchi marta pul o’tkazildi. 20 iyuldan – 5 sentyabrgacha. “O’zekspomarkaz” respublika savdo ko’rgazmasi varkazida “O’zbekiston: mustaqillik yo’lida 10 yil” savdo-iqtisodiy ko’rgazmasi o’tkazildi.

 
Iyun. "O‘zDEUavto" O‘zbekiston-Janubiy Koreya qo‘shma korxonasida "Neksiya" avtomobili ishlab chiqaradigan liniya ishga tushirildi.

17 avgust. Koreya Respublikasi Savdo vaziri Du Yun Xvan boshchiligidagi delegasiya O’zbekistonga tashrif buyurdi.

4 sentyabr. O’zbekiston Resbublikasi Markaziy banki 2001 yil namunasidagi qiymati 5, 10, 50 so’m bo’lgan tanga pullarini muomalaga chiqardi.

7 sentyabr. Birinchi Milliy Internet Festivali doirasida O’zbekiston Respublikasi Mustaqilligining 10 yilligiga bag’ishlangan “Internet-Forum” o’tkazildi.

29 sentyabr. Urganchda “Asia tiextile LTD” O’zbekiston-Xitoy q’oshma korxonasi ish boshladi.

21 noyabr. O‘zbekiston tashqi iqtisodiy aloqalar Vazirligida "O‘zbekiston-Yevropa Ittifoqi" hamkorlik qo‘mitasining majlisi bo‘lib o‘tdi.

O‘zbekiston yildan-yilga YEI mamlakatlari bilan siyosiy, iqtisodiy va ijtimoiy aloqalarni kengaytirmoqda. Agar raqamlarga murojaat etsak, o‘tgan yili O‘zbekiston va YEI davlatlari o‘rtasidagi mahsulot almashinuvi hajmi bir milliard AQSH dollaridan oshib ketdi.

13 noyabr. O‘zbekiston Respublikasi Prezidenti Islom Karimov Oqsaroy qarorgohida Yevropa tiklanish va taraqqiyot banki (YETTB) prezidenti Jan Lemyerni qabul qildi.

- Dunyoning eng obro‘li va qudratli moliyaviy tashkilotlaridan biri bo‘lgan Yevropa tiklanish va taraqqiyot banki O‘zbekistonda o‘tkazilayotgan iqtisodiy islohotlarga salmoqli hissa qo‘shmoqda, dedi davlatimiz rahbari. - Ehtimol, mamlakatimiz iqtisodiyotida bu tashkilot ishtirok etmagan biror-bir soha yoki yirik loyiha bo‘lmasa kerak.

Islom Karimov bunday hamkorlik yildan-yilga mustahkamlanib borayotganidan mamnun ekanligini bildirdi.

Bugungi kunda O‘zbekistonda YETTB ishtirokida umumiy qiymati 671,2 million AQSH dollari bo‘lgan 14 ta loyiha amalga oshirilmoqda. Ular mamlakat iqtisodiyotining turli tarmoqlarini, xususan, kichik va o‘rta biznesni qo‘llab-quvvatlash, sanoatni rivojlantirish, bank va savdo tizimini takomillashtirish, shuningdek, ekologiyaga bog‘liq sohalarni qamrab olgan.

20 dekabr. Qashqadaryoda Sho‘rtan gaz-kimyo majmuining xalqaro taqdimoti bo‘lib o‘tdi. Unda respublikamizning tegishli vazirliklari va idoralari rahbarlari, diplomatik korpus vakillari, majmuani barpo etishda ishtirok etgan xalqaro tashkilotlar, xorijiy kompaniyalar va qurilish tashkilotlari, shuningdek xorijiy va respublika ommaviy axborot vositalari vakillari ishtirok etdilar.

Tantanada O‘zbekiston Respublikasi Prezidenti Islom Karimov nutq so‘zladi.

TASHQI SIYOSAT

 

Yanvar. BMT qochoqlar ishlari bo‘yicha Oliy Komissarining Termizdagi boshqarmasi Termiz Davlat universitetida markaz ochdi. 27 yanvar. Amerika qo‘shma Shtatlarining yanga saylangan Prezidenti Jorj Bushning O‘zbekiston Respublikasi Prezidenti Islom Karimovga yo‘llagan telegrammasi matbuotda e’lon qilindi. Prezident o‘z telegrammasida qo‘shma Shtatlar Prezidenti lavozimiga saylanishi munosabati bilan yo‘llangan tabrik uchun samimiy minnatdorchilik so‘zlari izhor etgan.

 
14 iyun. O‘zbekiston Respublikasi "Shanxay forumi"ga a’zo bo‘ldi.

28 noyabr. Prezident Islom Karimovga bizning mamlakatimizda Favqulodda va Muxtor elchi bo‘lib tayinlangan Shveytsariya Konfederatsiyasi, Quvayt davlati, Bangladesh Xalq Respublikasi, Koreya Xalq-Demokratik Respublikasi vakillari, shuningdek, Birlashgan Millatlar Tashkilotining yangi vakili ishonch yorliqlarini topshirdilar.

28 noyabr. O‘zbekiston Respublikasi Afg‘onistonga 2000 ming tonnadan ortiq insonparvarlik yuklarini yubordi. Uning tarkibida - 1239 tonna un, shuningdek dori-darmonlar, bolalar uchun oziq-ovqatlar, kiyim-kechaklar va chodirlar mavjud.

14 noyabr. O‘zbekiston Respublikasi Prezidenti Islom Karimov Oqsaroy qarorgohida Buyuk Britaniya mudofaa vaziri Jeffri Xunni qabul qildi.

4 noyabr. O‘zbekiston Respublikasi Prezidenti Islom Karimov Oqsaroy qarorgohida Amerika Qo‘shma Shtatlari mudofaa vaziri Donald Ramsfeldni qabul qildi.

Uchrashuvda mintaqadagi harbiy-siyosiy vaziyat muhokama etildi, xususan, Afg‘onistondagi vaziyat va u yerda o‘tkazilayotgan terrorchilikka qarshi amaliyotlar tilga olindi. Tomonlar O‘zbekiston va AQSH o‘rtasidagi harbiy-texnik masalalar bo‘yicha fikr almashdilar.

8 dekabr. O‘zbekiston Respublikasi Prezidenti Islom Karimov Oqsaroy qarorgohida mamlakatimizga xizmat safari bilan tashrif buyurgan AQSH Davlat kotibi Kolin Paullni qabul qildi.

Uchrashuv chog‘ida ikki tomonlama munosabatlar, mintaqaviy xavfsizlik, Afg‘onistonda davom etayotgan terrorchilikka qarshi amaliyotlar va o‘zaro manfaatli bo‘lgan qator masalalar bo‘yicha fikr almashildi. Xususan, tomonlar demokratiyani mustahkamlash, inson huquqlari, matbuot erkinligiga tegishli masalalarni muhokama qildilar. Tomonlar ko‘plab xalqaro masalalar, xususan, terrorchilikka qarshi amaliyotlarning borishi va natijalari borasida to‘la hamfikrlikka erishdilar.

• 
  
  

IJTIMOIY HAYOT

  

4 yanvar. Ma’naviyat va ma’rifat sohasida 1998-2000 yillarda nashr etilgan eng yaxshi monografiya, darslik, o‘quv qo‘llanmasi uchun O‘zbekiston Respublikasi Fan va texnika Davlat qo‘mitasi tomonidan o‘tgan yilning mart oyida e’lon qilingan birinchi Respublika tanlov yakunlari e’lon qilindi. O‘zbekiston Respublikasi Prezidenti huzuridagi Davlat va jamiyat qurilishi akademiyasidan A.Begmatovning "Ma’naviyat falsafasi yoxud Islom Karimov asarlarida yangi falsafiy tizimning yaratilishi" asari birinchi o‘rinni oldi.

15 yanvar. Oqsaroy qarorgohada bo‘lgan uchrashuvda M.Lomonosov nomidagi Moskva Davlat universitetining rektori Viktor Sadovnichiy davlatimiz boshlig‘iga tantanali vaziyatda faxriy professor diplomini topshirdi. Islom Karimov O‘zbekiston-Rossiya munosabatlarini, fan, maorif va madaniyat sohasidagi hamkorlikni rivojlantirishga qo‘shgan juda katta hissasi uchun mazkur unvonga sazovor bo‘ldi.

Islom Karimov o‘z mehnatiga berilgan yuksak baho va ko‘rsatilgan hurmat uchun moskvalik olimlarga minnatdorchilik izhor etdi.

Yanvar. M.Lomonosov nomidagi Moskva Davlat universiteti delegatsiyasi O‘zbekistonda mehmon bo‘ldi. Mehmonlar respublika Oliy va o‘rta maxsus ta’lim vazirligida bo‘ldilar, bu yerda vazirlik bilan Moskva Davlat universiteti o‘rtasida hamkorlik to‘g‘risida Shartnoma imzolandi.

10 aprel - Prezident Islom Karimov Oqsaroy qarorgohida Amerika Oliy islom kengashi raisi shayx Muhammad Hishom Qabboniy hamda naqshbandiya tariqati rahnamosi shayx Muhammad Nozim Odil Haqqoniyni qabul qildi.

25 aprel. O‘zbekiston Respublikasi "Kamolot" yoshlar ijtimoiy harakati tuzilgan kun.

12 iyun "2001/2002 o‘quv yilida O‘zbekiston Respublikasining oliy ta’lim muassasalariga qabul to‘g‘risida" Vazirlar Maxkamasining qarori qabul qilindi.

28 sentyabr. Toshkent metrosining Yunusobod yo‘nalishi sinovdan o‘tkazildi.

3 noyabr. Urganchda "Avesto" kitobining 2700 yilligini nishonlash munosabati qurilgan yodgorlik majmuasi ochilish marosimi bo‘lib o‘tdi. Tantanada O‘zbekiston Respublikasi Prezidenti Islom Karimov nutq so‘zladi. Darhaqiqat, ming yillar davomida u kishilar hayotida o‘ziga xos yo‘lchi yulduz bo‘lib xizmat qildi. U yovuz kuchlar, shavqatsizlik, jaholatga qarshi kurashda oliyjanoblik, ezgulik, yaratuvchanlik va bilimga da’vat etdi. Bu kitob insoniyat tarixida buyuk ahamiyatga qadimiy yozma yodgorliklar safida turadi. Agar unga axloqiy-falsafiy qarashlar, davlatchilik asoslari, insonning jamiyatdagi o‘rni haqidagi fikrlar nuqtai nazaridan qaralsa, "Avesto" shunday kitobki, unga biror-bir asar teng kela olmaydi.

O‘zbekiston rahbari ta’kidlaganidek, bu noyob kitob biz istiqomat qilayotgan bu qadimiy o‘lkada, bu zaminda buyuk davlat, buyuk madaniyat, buyuk ma’naviyat mavjud bo‘lagnidan guvohlik beruvchi tarixiy hujjatdir.

25-26 noyabr - Rus Pravoslav cherkovi Toshkent va O‘rta Osiyo Yeparxiyasining 130 yilligiga bag‘ishlangan tantanali yig‘ilish va ilmiy anjuman o‘tkazildi.

7 dekabr - Vazirlar Mahkamasining "Muborak haj ziyoratiga boruvchilarga yordam ko‘rsatish haqida"gi 467-son qarori qabul qilindi.