Depozitlərin sığortalanması sisteminin yaranması
tarixi və məqsədi
Depozitlərin sığortalanması sistemi bu və ya digər formada istər inkişaf etmiş ölkələrdə,
istərsə də inkişaf etməkdə olan ölkələrdə fəaliyyət göstərir. Belə sistemin yaradılmasının
əsas səbəbi:
a)
Son yüz ildə dünyanın əksər ölkələrinin dəfələrlə maliyyə-bank böhranı ilə
qarşılaşması və son zamanlar getdikcə böhranların daha tez-tez təkrarlanması;
b)
Dünya iqtisadiyyatının qloballaşması;
c)
Bank fəaliyyətinin risklərə həssas olması (bazar riskləri) bankların riskli biznes
növü kimi xarakterizə olunması;
d)
Bir və ya bir neçə bankın müflis olması nəticisində əhalinin vəsaitlərini itirməsi,
əhalinin bank sisteminə inamın azalması (domino effekti) digər banlkarın da
müflis olmasına səbəb olur və nəticədə maliyyə böhranı baş verir.
Depozit Sığortaçılarının Beynəlxalq Assosiasiyası (İADİ) tərəfindən depozitlərin
sığortalanmasına aşağıdakı kimi tərif verilmişdir:
Depozitlərin Sığortalanması — sığorta hadisəsi baş verdikdə, yəni bank əmanətçilər
qarşısında öhdəliklərini icra etmək qabiliyyətini itirdikdə, sığortalanmış depozitlərin
itirilməsi riskinin qarşısını almaqla əmanətçilərin maraqlarının qorunması üçün
yaradılmış sistemdir.
Depozitlərin sığortalanması sisteminin yaradılması istiqamətində tarixi baxımdan atılmış
addımları araşdırdıqda aydın olur ki, bu istiqamətdə dünyada ilkin cəhdlər 1829-cu ildə
ABŞ-da ayrı-ayrı ştatlar səviyyəsində həyata kecirilmişdir. Belə eksperimentlər 1917-ci ilə
qədər 14 ştatda həyata keçirilmişdir. Lakin müxtəlif səbəblər üzündən bu cəhdlər uğurlu
alınmamışdır. Belə cəhdlərin uğurlu alınmamasının əsas səbəblərdən biri həmin dövrdə
ABŞ-da vahid pul və bank sisteminin olmaması ilə bağlı olmuşdur. Hazırda ABŞ-da
istifadə olunan müasir ikipilləli bank sistemi isə 1913-cü ildən tətbiq olunmağa
başlamışdır.
Nəhayət, 1933-cü ildən ABŞ-da depozitlərin sığortalanması üzrə federal koorparasiya
sistemi (FDİC) rəsmən tətbiq olunmağa başlanmışdır. Qeyd edək ki, bu məsələ ilə bağlı
ABŞ-da uzun müddət müzakirələr aparılmış və ABŞ konqresi depozitlərin qorunması ilə
bağlı təqribən 150-yə yaxın müxtəlif növ əmanətçilərin maraqlarının qorunmasını təmin
edən qanun layihəsini nəzərdən keçirmişdir. Həmin dövrdə “depozitlərin sığortalanması
sistemi” ideyasının geniş şəkildə yayılması ABŞ-ın bank sisteminin xüsusiyyətlərindən
irəli gəlirdi: Belə ki, bu xüsusiyyətlərə aşağıdakıları aid etmək olar,
a)
Minlərlə kiçik və orta bankların mövcudluğu;
b)
Federal rezerv sistemin zəyifliyi,
c)
Həmçinin 1930-cu illərin əvvəllərində dünyada böyük iqtisadi böhranın baş
verməsi.
ABŞ-da yaradılan depozitlərin sığortalanması üzrə federal koorparasiya sistemi dövlət
orqanları ilə birlikdə özünün sonrakı funksiyalarının işlənib hazırlanmasında fəal iştirak
etmişdir. Bu məsələ həmin dövrdə prezident Ruzveltin “yeni iqtisadi siyasəti”nin prioritet
istiqamətlərindən biri kimi çıxış etmişdir.
Depozitlərin sığortalanması sisteminin tətbiq edildiyi ikinci ölkə 30 ildən sonra Hindistan
oldu. Hindistanda 1962-ci ildə Depozitlərin Sığortalanması Korporasiyası yaradıldı.
Ölkənin ən iri iki bankının – Laxmi Bank və Palai Mərkəzi Bankının müflis olması
Korporasiyanın yaradılmasını zəruri etdi. 1978-ci ildə Korporasiya Kreditlərin
Sığortalanması Korporasiyası ilə birləşərək bu gündə fəaliyyət göstərən Depozitlərin və
Kreditlərin Sığortalanması Korporasiyasına çevrildi. 1974-cü ildə bu cür sistem 12 ölkədə,
1980-ci ildə isə artıq 20 ölkədə tətbiq edilməyə başladı.
1994-cü ildə depozitlərin sığortalanması Avropa Birliyinin bank və maliyyə sistemi üçün
standart kimi qəbul edildi. 30 may 1994-cü ildə “Depozitlərin sığortalanması sistemi
haqqında” Direktiva qəbul edildi ki, həmin Direktivaya əsasən hər bir Avropa Birliyi
ölkəsi bir və ya bir neçə depozitlərin sığortalanması sisteminə malik olmalı idi.
Direktivaya uyğun olaraq sistemin üzvü olmayan kredit təşkilatı depozit cəlb etmək
hüququna malik ola bilməz.
Əgər sistem 1990-cı illərin ikinci yarısına qədər yalnız inkişaf etmiş ölkələrdə mövcud
idisə, 1990-cı illərin ikinci yarısından etibarən inkişaf etməkdə olan ölkələrdə də tətbiq
olunmağa başladı. Hazırda 113 ölkədə depozitlərin sığortalanması sistemi fəaliyyət
göstərir və 40 ölkə sistemi tətbiq etməyi planlaşdırır.
2003-cü ildən etibarən Azərbaycanda da depozitlərin sığortalanması sisteminin
yaradılması üzrə intensiv işlər aparılmağa başladı. Bank rəqabətinin güclənməsi, bank
xidmətlərinin çeşidinin artırılması, investisiyaların genişlənməsi və bank xidmətləri
bazarında bu kimi digər meyllərin artması bankları müxtəlif mənbələrdən vəsait cəlb
etməkdə maraqlı edirdi. Belə bir şəraitdə əmanətçilərdən cəlb edilmiş vəsaitlərinin etibarlı
qorunması xüsusi əhəmiyyət kəsb edirdi. Bu məqsədlə depozitlərin sığortalanması
mexanizmlərinin yaradılması üçün görülən tədbirlərin nəticəsi olaraq 29 dekabr 2006-cı
ildə “Əmanətlərin sığortalanması haqqında” Azərbaycan Respublikasının Qanunu qəbul
edildi. Qanun əsasında 2007-ci ilin iyul ayında Əmanətlərin Sığortalanması Fondu təsis
edilərək, avqust ayının 12-dən rəsmi fəaliyyətə başladı.
Adı çəkilən Qanun Azərbaycan Respublikasında fəaliyyət göstərən banklarda fiziki
şəxslərin əmanətlərinin kollektiv icbari sığortalanması sisteminin yaradılması və
fəaliyyəti, o cümlədən əmanətlər üzrə kompensasiya mexanizmlərini müəyyən edir.
Qanunun 1-ci maddəsinə uyğun olaraq, əmanətlərin sığortalanması sisteminin
yaradılmasının məqsədi banklar və xarici bankların yerli filialları ödəmə qabiliyyətini
itirdikdə, fiziki şəxslərdən əmanətə qəbul olunmuş pul vəsaitinin itirilməsi riskinin
qarşısını almaq, maliyyə və bank sisteminin sabitliyini və inkişafını təmin etməkdir.
İstifadə olunan mənbələr:
1.
Depozit Sığortaçılarının Beynəlxalq Assosiasiyasının rəsmi internet
səhifəsi -
http://www.iadi.org/
2.
ABŞ Federal Depozitlərin Sığortalanması Korporasiyasının rəsmi internet səhifəsi –
https://www.fdic.gov
3.
Hindistan Depozitlərin sığortalanması və Kreditlərin təminatı Korporasiyasının rəsmi internet səhifəsi -
http://www.dicgc.org.in
4.
Avropa Parlamenti və Şurasının Depozitlərin təminatı sistemləri üzrə 30 may 1994-cü il tarixli 94/19/EC nömrəli
Direktivası
5.
Deposit Insurance around the Globe Where Does It Work (Kane E, Demirguc-Kunt A, September 2001).pdf
6.
Система страхования вкладов -
http://xn--e1ajboegrb.xn--p1ai/analytics/sistema_strakhovaniya_vkladov/
7.
Calomiris, Charles W. (1990).
"Is Deposit Insurance Necessary? A Historical Perspective"
(PDF)
.
The Journal of Economic
History
8.
“
Əmanətlərin sığortalanması haqqında” 29 dekabr 2006-cı il tarixli Azərbaycan Respublikasının Qanunu
9.
Azərbaycan Respublikasının Mərkəzi Bankının rəsmi internet səhifəsi -
http://www.cbar.az/pages/about-
us/history/