31
əsrdə çoxsaylı fəlsəfi və sosial nəzəriyyələrin yaranması da
elə buradan irəli
gəlir ki, bu nəzəriyyələr də ya tərəqqini
bilvasitə və ya bilavasitə inkar edir, yaxud da bu anlayışı ya
dövri hərəkət ideyaları (Şpengler, Toynbi, Sorokin) və ya da
“sosial dəyişikliklər” kimi “neytral” anlayışla əvəz etməyi
təklif edirlər. Həmçinin, “dünyanın sonu” adlı müxtəlif
konsepsiyalar və bir sıra pessimist utopiyalar da geniş
yayılır. Müasir dövrün qlobal problemləri – ekoloji,
demoqrafik, ərzaq, enerji, xammal,
nüvə müharibəsi
təhlükəsi, əhalinin psixi və fizioloji sağlamlığının
qorunması və s. bir çox problemlər məhz bu ruhda təsvir və
şərh olunur.
Ümumiyyətlə, müasir ədəbiyyatda ictimai tərəqqinin
sosial meyarı haqqında başlıca suala yekdil cavab tapmaq
çətindir. Çox az sayda müəlliflər ictimai tərəqqinin vahid
sosial meyarı ilə bağlı sualın qoyuluşunun özünü yanlış
hesab edirlər. Onların fikrinə görə, dünya ictimaiyyəti
mürəkkəb bir mexanizmdir və müxtəlif istiqamətlər üzrə
inkişaf etdiyinə görə vahid meyarın
müəyyən edilməsi
mümkün deyil. Əksər müəlliflər isə vahid ümumsosioloji
meyarın müəyyən edilməsini mümkün saysalar da, bu
meyarın formulə edilməsində ciddi fikir ayrılıqları ortaya
çıxır.
13
Sonda qeyd etməliyik ki, cəmiyyətin inkişaf prosesi
tədqiq olunarkən ictimai tərəqqi meyarlarının tətbiqi
kompleks xarakter daşımalıdır. İqtisadi, sosial, siyasi və
mənəvi sahələrdəki problemlər ayrı-ayrılıqda deyil, tamın
13
«Понятие общественного прогресса в социальной философии
».
http://filreferat.popal.ru/printout1389.html
32
tərkib
hissələri, vahid ictimai sistemin öz tarixi olan
sistemaltıları kimi nəzərdən keçirilməlidir.
Müasir dövrün qlobal problemləri:
təsnifatı və ümumi həlli yolları
Müasir dövrdə hansı qlobal problemlər var və onların
əsas həlli yolları hansılardır?
İnsan fəaliyyətinin tarixi
inkişafı prosesində köhnəlmiş texnoloji üsullar və onlarla
birlikdə həmçinin insanla təbiət arasındakı sosial qarşılıqlı
əlaqə sistemləri sıradan çıxır. Bəşər tarixinin ilkin
dövrlərində
adaptasion (uyğunlaşma) qarşılıqlı əlaqə
mexanizmlər üstünlük təşkil edirdi. İnsan təbiət qüvvəlrinə
tabe olur, təbiətdə baş verən dəyişikliklərə uyğunlaşır və
buna uyğun olaraq öz təbiətini də dəyişirdi. Sonralar isə
istehsal qüvvələrinin inkişafı ilə əlaqədar olaraq insanın
təbiətə,
başqa insanlara utilitar (fayda, mənfəət güdən)
münasibəti üstünlük təşkil etməyə başlayır. Müasir dövrdə
isə yeni sosial mexanizmlər yoluna keçid məsələsi qoyulur
və bu yol koevolyusiya və ya harmoniya yolu adlandırılır.
Bəşəriyyətin düçar olduğu qlobal şərait insanın təbiətə və
sosial resurslara istehlakçı münasibətinin ümumi şəkildə
böhranlı xarakter aldığını özündə əks etdirir və ifadə edir.
Zəka bəşəriyyəti
«İnsan-Texnika-Təbiət» qlobal sistemində
əlaqə və münasibətlərin harmonizasiyasının vacibliyini
getdikcə daha çox düşünməyə vadar edir.
Bununla əlaqədar
olaraq müasir dövrün qlobal problemlərinin, onların
səbəblərinin, qarşılıqlı əlaqələrinin və həlli yollarının araş-
dırılması mühüm əhəmiyyət kəsb edir.
Nələri qlobal problemlər adlandırırlar? Bu
problemlər elə problemlərdir ki, onlar ümumibəşəri xarakter
daşıyır, bütövlükdə bəşəriyyətin və ayrı-ayrılıqda Yer
kürəsinin istənilən nöqtəsində yaşayan hər bir insanın
maraqlarını əhatə edir. Məsələn, nüvə bombası fəlakəti
təhlükəsi, təbii mühitin deqradasiyası və bəşəriyyətin
33
ekoloji intiharı təhlükəsi, ərzaq problemi, bəşəriyyət üçün
təhlükə yarada bilən xəstəliklərə qarşı mübarizə və s. Bütün
bu problemlər bəşəriyyətin pərakəndəliyi,
onun qeyri-
bərabər inkişafı nəticəsində əmələ gəlmişdir. Şüuri
başlanğıc heç də bəşəriyyətin vahid şəkildə bütöv olması
üçün mühüm təməl rolunu oynaya bilməmişdir. Ayrı-ayrı
ölkələrin, xalqların, insanların qarşılıqlı şəkildə razılışdırıl-
mamış, düşünülməmiş hərəkətlərinin mənfi nəticələri qlobal
miqyasda toplanmış, dünya iqtisadiyyatının və sosial
inkişafın güclü obyektiv amilinə şevrilmişdir və onlar ayrı-
ayrı ölkələrin və regionların inkişafına ciddi təsir göstərir.
Bu problemlərin həlli çox sayda dövlətlərin və beynəlxalq
təşkilatların qüvvələrinin birləşdirilməsəini tələb edir.
Müasir dövrün qlobal problemlərini aşağıdakı 3
qrupda cəmləşdirmək olar:
1.
İqtisadi və siyasi sahədə dövlətlərin qarşılıqlı
fəaliyyət problemləri:
a) dünya nüvə müharibəsi təhlükəsinin qarşısının alın-
ması, bütün ölkələrin və xalqların sosial tərəqqisi üçün
münbit şəraitin yaradılması;
b) inkişaf etməkdə olan ölkələrin texnoloji və iqtisadi
geriliyinin aradan qaldırılması və yeni beynəlxalq dünya
nizamın yaradılması.
2. Cəmiyyət və təbiət arasında qarşılıqlı fəaliyyət
problemləri:
a) ətraf mühitin ifrat çirkləndirilməsinin qarşısının
alınması;
b) bəşəriyyətin lazımi təbii resurslarla (xammal,
enerji, ərzaq) təmin olunması;
c) dünya okeanlarından və kosmosdan istifadə.
3. İnsanlar və cəmiyyət arasında qarşılıqlı əlaqə
problemləri:
a) əhali artımı problemi;
34
b) insanların sağlamlığının qorunması və möhkəmlən-
dirilməsi;
c) təhsil və mədəni inkişaf problemləri.
Birinci qrup
problemləri intersosial, əksər hallarda
isə
siyasi problemlər adlandırırlar. Bu təsadüfi deyil, çünki
dövlətlərarası münasibətlər, demilitarizasiya problemi
müasir dövrün başlıca qlobal problemləridir. Militarizm
bəşəriyyətin bədənində “xərçəng şişi”nə çevrilmişdir. Onu
demək kifayətdir ki, hazırda dünya alimlərinin dörddə biri
müharibələrə hazırlıq işinə cəlb olunmuşdur.
Hərbi-sənaye
kompleksləri xeyli əmək, material və maliyyə resurslarının
quruculuq işlərinə cəlb olunmasına mane olur. Nüvə
dövlətləri N sayda dağıdıcı materiallar toplamışlar ki, bu
silahlar Yer kürəsini bir neşə dəfə tamamilə məhv etməyə
imkan verir və nəhayət onu demək lazımdır ki, hərbi xərclər
bütün qlobal problemlərin həlli yolunda başlıca maneəyə
çevrilmişdir.
Beynəlxalq iqlimin «mülayimləşdiyi», silahlanmanın
azaldılması şəraitində nüvə təhlükəsinin qarşısının alınması
üçün müəyyən zəmin yaradılsa belə, bəşəriyyətin demili-
tarizasiyası sahəsində əldə olunan müvəffəqiyyətlərlə arxa-
yınlaşmaq hələ çox tezdir. Ona görə ki: a) ayrı-ayrı
dövlətlər arasındakı qarşıdurma və lokal
münaqişə və kiçik
müharibə təhlükələri hələ də qalmaqdadır; b) atom
enerjisinin inkişaf etdiyi bir şəraitdə atom silahının
nəzarətsiz yayılması və bu silahların siyasi manyakların və
ya terrorçuların əlinə düşmək ehtimalı istilik-nüvə ka-
taklizmləri təhlükəsini artırır.
Bəşəriyyətin tam demilitarizasiyası probleminin həlli
yalnız bir xalqın digər xalq tərəfindən əsarət və istismarının,
inkişaf etməkdə olan ölkələrin iqtisadi geriliyinin aradan
qaldırılması və ədalətli beynəlxalq iqtisadi nizamın
yaradılması ilə mümkündür.