35
Ekoloji problemlər təbiətdən istifadənin yeni tipinə,
bəşəriyyətin təbiətlə harmoniyası və özlüyündə inkişaf
mexanizmlərinə keçidində başlıca problem olaraq qalır.
Ekoloji problemlərin mahiyyəti bəşəriyyətin mövcud olması
üçün biosfer proseslərin tarazlığının pozulmasından
ibarətdir. Məlumdur ki, Yer üzərindəki həyat sintez və
destruksiya proseslərinin qarşılıqlı təsirinə əsaslanan
orqanik maddələrin biotik dövriliyi formasında baş verir.
Hər bir orqanizm növü biotik dövriliyin, orqanik
maddələrin yenidən istehsalı prosesinin bir hissəsidir. Bu
prosesdə sintez funksiyasını yaşıl bitkilər, destruksiya
funksiyasını isə mikroorqanizmlər yerinə yetirir.
İnsan öz tarixinin ilkin mərhələlərində biosferin və
biotik dövriliyin təbii bir bəndi
olmuşdur və onun təbiətdə
etdiyi dəyişikliklər biosferə elə də güclü təsir göstərə
bilməmişdir. Bu gün isə insan ən böyük planetar qüvvəyə
çevrilmişdir. Onu demək kifayətdir ki, hər il Yerin təkindən
10 milyard ton faydalı qazıntı çıxarılır, 3-4 milyard ton bitki
kütləsi istifadə olunur, atmosferə 10 milyard ton sənaye
karbon qazı buraxılır. Okeanlara və çaylara 5 milyon ton
neft və neft məhsulları axıdılır. İçməli su problemi günü-
gündən kəskinləşir. Müasir
sənaye şəhərlərinin hava
atmosferi tüstü, zəhərli buxarlanma və tozların qarışığından
ibarətdir. Bir çox heyvan və bitki növlərinin kökü
kəsilmişdir və bu proses bu gün də davam edir.
Təbiətin tarazılığı o dərəcədə pozulmuşdur ki,
“bəşəriyyətin ekoloji intiharı” barədə xoşagəlməz
proqnozlar da meydana çıxmışdır. Hətta təbii tarazılığa hər
cür sənaye müdaxilələrindən imtina etməyin vacibliyi,
texniki tərəqqini dayandırılması barədə şüarlar da
səslənməyə başlanmışdır. Lakin ekoloji problemlərin
bəşəriyyətin orta əsrlərə geri atılması yolu həlli də
utopiyadır. Yalnız ona görə yox ki, insanlar texniki
tərəqqinin nailiyyətlərindən imtina etməzlər. İş burasındadır
36
ki,
biosferdəki dəyişikliklər, o cümlədən təhlükəli dəyişik-
liklər insanlardan asılı olmayaraq baş vermişdir və baş
verəcəkdir. Ona görə də söhbət təbiətə tam tabe olmaqdan
deyil, təbii və sosial proseslərin elmi-texniki tərəqqinin
humanistləşdirilməsi və bütün ictimai münasibətlər siste-
minin köklü şəkildə yenidən təşkilinə əsaslanaraq
harmonizasiyalaşmasından gedə bilər. Bunlarsız üçüncü
qrupa daxil olan problemlərin həlli mümkün deyil.
Bunlardan birincisi əhali problemidir. Əhali prob-
lemini yalnız əhali artımı, onun
yaş və cins tərkibi ilə məh-
dudlaşdırmaq düzgün deyil. Burada söhbət ilk növbədə
əhali artımı prosesi ilə maddi nemətlər istehsalının ictimai
üsulları arasındakı qarşılıqlı nisbətdən gedir. Dialektik-
materialist sosial fəlsəfə əhali artımının Maltus konsepsi-
yasını, artımın izahında biologizator yanaşmasını təkzib
edir. Bununla belə, Maltus konsepsiyasında xoşagəlməz
tərzdə ifadə olunsa da, cəmiyyətin inkişafı üçün istehsalın
əhali artımına nisbətən daha sürətlə inkişaf etdirilməsi
haqda fikirlər də vardır. Əgər maddi nemətlər istehsalının
artımı əhali artımından geri qalırsa, insanların maddi
vəziyyəti pisləşir. Əksinə, əhali artımı azalırsa, bu, nəticə
etibarı ilə əhalinin qocalmasına
və maddi nemətlər
istehsalının azalmasına gətirib çıxarır.
XX əsrin sonlarında Asiya, Afrika və Latın Ame-
rikasında əhalinin sürətlə artması ilk növbədə bu ölkələrin
müstəmləkədən azad olmaları və yeni iqtisadi inkişaf
mərhələlərinə qədəm qoymaları ilə bağlıdır. Buradakı yeni
“demoqrafik partlayış” kortəbiilikdən, qeyri-bərabərlikdən
və cəmiyyətin inkişafının antaqonist xarakterindən irəli
gələn problemləri daha da kəskinləşdirmişdir. Bütün bunlar
əhalinin qidalanmasının, sağlamlığının və təhsilinin
kəskin şəkildə pisləşməsinə gətirib çıxarmışdır.
Təəssüflə demək lazımdır ki, bu gün təxmiən 500
mln. insan (hər on nəfərdən biri) xroniki şəkildə doyunca
37
qidalanmır, yarıac həyat sürür. Acınacaqlı haldır ki, bu
vəziyyət məhz kənd təsərrüfatının inkişafı üçün ən münbit
şərait olan ölkələrdə baş verir. YUNESKO-nun məlumatına
görə, bu ölkələrdəki aclığın
səbəbini burada kənd
təsərrüfatında hakim olan monokultura (pambıq, kakao,
banan və s.) və zəif aqrotexniki səviyyə ilə əlaqələndirmək
lazımdır. Planetin bütün qitələrində kənd təsərrüfatı ilə
məşğul olan əhalinin böyük əksəriyyəti torpağı hələ də
kətmən və cütlə becərir. Aclıqdan ən şox uşaqlar əziyyət
çəkirlər. Ümumdünya Səhiyyə Təşkilatının məlumatına
görə, aclıqdan hər gün 5 yaşına çatmamış 40 min uşaq ölür,
bu isə bir ildə 15 mln. insan deməkdir. Mütəxəssislərin
fikrincə, onları xilas etmək mümkündür.
Kəskin qlobal problemlərdən biri
təhsil problemidir.
Hazırda planetimizin 15 yaşdan yuxarı hər dördüncü sakini
təhsilini davam etdirmək imkanında deyildir. Savadsızların
sayı hər il 7 mln. nəfər artır. Bu problemin, elə cə də digər
qlobal problemlərin həll olunmaması vəsait çatışmazlığı ilə
izah olunur
və bu o halda baş verir ki, yuxarıda qeyd
etdiyimiz kimi, hərbi-sənaye kompleksləri ölçüyəgəlməz
resursları sərf edir. Bu xərclərin azaldılması və onların
bəşəriyyətin rifahı naminə istifadə olunması üçün
bəşəriyyətə yeni dünya nizamı, yeni təfəkkür və yeni
düşüncəli insan gərəkdir.
Bəşəriyyətin gələcəyini proqnozlaşdırarkən üç
mühüm cəhətin nəzərə alınması tövsiyə olunur:
1.
Elmi-texniki inqilab istehsalın avtomatlaşdırılması
və texnikanın intellektuallaşdırılması yolu ilə texnoloji
prosesdə insanın yerini və rolunu köklü şəkildə dəyişir.
2.
Elmi-texniki inqilab elə işçini nəzərdə tutur ki, o,
intellektual inkişaf səviyyəsinə və hərtərfliliynə görə insanın
həyatı və fəaliyyəti üçün lazımi süni mühit (noosfer)
yaratmağı bacarır. Universal, harmonik cəhətdən inkişaf
etmiş, yaradıcı və sosial cəhətdən məsuliyyətli insana olan
38
ehtiyac filosofların uydurması deyil. Öz qərarlarını və
işlərini bəşəriyyətin maraqları və işləri ilə müqayisə
etməyən insansız ictimai tərəqqi mümkün deyildir.
3.
İnsanlar yeni təfəkkürə nail olmalı, rasionallığın
yeni növlərinə keçməlidirlər. Cəmiyyətin birtərəfli şəkildə
əşya istehsalına və yaxud
mənfəət götürməyə yönəlmiş
tərzdə rasionallaşması ümumilikdə bəşəriyyət üçün,
həmçinin ayrı-ayrı fərdlər üçün irrasional təhlükəli
nəticələrə gətirib çıxara bilər. Bu cür rasionallıq harmonik
inkişaf rasionallığı ilə əvəz olunmalıdır. Yalnız insanın
təbiətə və başqa insana münasibətinin harmonizasiyası və
bunun dünya miqyasında gerçəkləşməsi bəşəriyyətin xilası
üçün zəmin ola bilər. Deyirlər ki, gözəllik dünyanı xilas
edəcək. Lakin özü-özlüyündə gözəllik deyil, insanın insana
münasibətinin gözəlliyi, hər bir şəxsin yaradıcı fəaliyyətinin
hərəkətverici qüvvəsinə çevrilmiş gözəllik dünyanı xilas edə
bilər.
Jurnalistlər
qlobalistikanın yaranması və inkişafı
barədə də müəyyən biliyə yiyələnməlidirlər.
Qlobalistika
nədir? “Qlobalistika” sözü etimologiyasına görə latın sözü
- globus – olub, mənası şar deməkdir. “Qlobalistika”
termini altında müasir dövrdə planetar miqyaslı problemləri,
yəni Yer kürəsinə xas olan problemləri əhatə edən elm
sahəsi başa düşülür. Bu termini əyani şəkildə təsəvvür
etmək üçün Yer üzündə həyatın hansı
sosial təbii
proseslərlə müşayiət olunduğunu dərk etməyə çalışan hər
hansı bir yadplanetlini təsəvvür etmək olar.
Bütün Yer kürəsi miqyasında baş verən prosesləri
adətən
qlobal adlandırırlar. Çünki onların aktuallığı məhz
qlobal problemlərlə bağlıdır.
Beləliklə,
qlobalistika Yer
kürəsində baş verən sosial təbii prosesləri əks etdirən
qlobal problemlərin təhlili ilə məşğul olur.
Qlobal problemlər və sosial təbii proseslər dedikdə nə
nəzərdə tutulur? Qlobal problemlər və sosial təbii proseslər