2
Az 2
A 46
Redaktor: f.d. Allahverdi Hacıyev
Rəyçilər: f.e.d. Lalə Əhmədova
f.d. Tamam Mehrabova
f.d. Tamilla Hüseynova
A 46 Akif Bayramov, Ziyəddin Məhərrəmov,
Mustafa Ġsgəndərzadə.
Azərbaycan dili
və nitq mədəniyyəti
(ali məktəb tələbələri üçün dərs vəsaiti). Bakı, "ULU", 2015, 236 səh.
Bu dərs vəsaitində müasir nitq mədəniyyətinin ən aktual məsələlə-
ri nəzərdən keçirilir, mövcud dərsliklərə və digər mənbələrə əsaslana-
raq nitq normalarının, natiqlik sənətinin mahiyyəti, xüsusiyyətləri açıq-
lanır, tədris prosesində ondan istifadə qaydaları, üsulları göstərilir.
Vəsaitdən bu problemlərlə maraqlanan humanitar və qeyri-huma-
nitar fakültələrin tələbələri, magistrləri, aspirantları və müəllimləri,
eləcə də jurnalistlər və digər sahə mütəxəssisləri istifadə edə bilərlər.
―Azərbaycan dili və nitq mədəniyyəti‖ vəsaiti əsasən Azərbaycan
Respublikasının Prezidenti yanında Dövlət İdarəçilik Akademiyasının
tələbələri üçün nəzərdə tutulmuşdur. Vəsaitdə müasir Azərbaycan
dilinin bütün struktur elementləri əsasən nitq mədəniyyəti problemləri
ilə əlaqələndirilmişdir.
A 46
4601000000–001
elansız
090–15
3
GĠRĠġ
Dil xalqın böyük sərvətidir. Ədəbi dilin tərəqqisi olmadan
mənəvi mədəniyyətin tərəqqisi mümkün deyildir.
H.Əliyev
Ötən əsrlərin min bir kataklizmlərindən üzüağ çıxan, xalqımızın
və milli mədəniyyətimizin əbədiyaşarlığını təmin edən ana dilimiz
müasir dövrdə də, çox təəssüf ki, müəyyən sıxıntılarla üzləşməkdə,
çətinliklərlə qarşılaşmaqdadır. Bu, yaşadığımız qloballaşma döv-
rünün təzadlı təsirləri ilə bağlıdır. Artıq heç kimə sirr deyildir ki,
mövcud qloballaşma prosesi bütün dünya ölkələrinı mühüm dilem-
malar, faktlar qarşısında qoymuşdur. Dünyanın informasiya üçün
açıq olması, texnoloji inqilabın doğurduğu nəticələrdən düzgün
istifadə olunmaması, sənaye cəhətdən inkişaf etmiş ölkələrin kom-
munikasiyalarının yaxınlaşması, telekommunikasiya, internet texno-
logiyalarının sürətli inkişafı və digər amillər özü ilə müəyyən pozitiv
yeniliklər gətirsə də, neqativ cəhətləri də az deyildir. Bu amil, ictimai
həyatın əksər sahələrində olduğu kimi, milli dil və mədəniyyət sahə-
sində də özünü göstərir. Açıq dünya məkanında milli dillərə yerli-
yersiz mütəmadi yeni sözlər daxil olur, mədəniyyətə yad-yaman
meyillər aşılanır. Bu da istər-istəməz haqlı narazılıq doğurur.
Cəmiyyətin nitq mədəniyyəti milli dilə münasibət ilə müəy-
yən olunur. Öz növbəsində, milli dilin vəziyyəti (səviyyəsi) bü-
tövlükdə millətin inkişaf səviyyəsini əks etdirir. Dilə, nitq mədə-
niyyətinə olan xarici təsirlərə bir sıra inkişaf etmiş ölkələrdə necə
qısqanclıqla yanaşıldığına diqqət yetirək.
İkinci Dünya Müharibəsindən məğlub çıxan alman xalqı və
onun yeni rəhbərliyi Hitler rejimi dövründə ədəbi dil normala-
rının xeyli aşağı düşdüyündən narahatçılıq keçirirdilər.
Fransızların öz ölkərinə hər hansı bir kənar müdaxiləyə necə
qısqanclıqla yanaşmaları da yaxşı məlumdur. Hətta onların bu
münasibətlərini ―dil şovinizmi‖ adlandıranlar da az deyil. O da