~ 26 ~
məhvedici təsir göstərir. Bu onların yanması və su itirməsi
hesabına baş verir. Respublikamızın əksər rayonlarında dəni nazik
qatda (5-4 sm-lik) günəş altında sərməklə, 40
0
C və daha yüksək
temperatura qədər qızdırmaq olur. Həmin temperatur, dəndəki zə-
rərvericiləri məhv edir.
Həşarat və gənələrin inkişafına dən kütləsindəki zədələnmiş
dənlər və xırda üzvi qarışıqlar təkan verir. Çünki, həmin məhsul-
lar zərərvericilər üçün yaxşı qida mənbəyidirlər.
Dən saxlayıcılarının divar, dayaq və döşəməsindəki çatlarda
yığılmış məhsul qalıqlarında inkişaf edən zərərvericilər yeni yığıl-
mış dən məhsuluna yoluxurlar.
Saxlayıcılarda dən kütləsinin zərərvericilərlə yoluxması gəmi-
ricilər və quşların fəaliyyəti nəticəsində də baş verir. Belə ki, hə-
min canlıların bədənində çox vaxt böyük miqdarda gənələrə və
digər xırda həşəratlara təsadüf olunur. Bundan başqa zərərverici-
lər saxlayıcıya qab və inventarlarla, hətta kuləklə yaxınlıqdakı
yoluxmuş obyektdərdən gətirilə bilər.
Ona görə də dən saxlayıcılarına düzgün xidmət göstərilməklə,
dən kütləsinin yoluxmasına vaxtaşırı nəzarət olunmalıdır.
Dən kütləsini zərərverici həşərat və gənələrdən, gəmiricilər və
quşlardan qorumaq üçün tətbiq olunan mübarizə tədbirlərini iki
qrupa bölmək olar:
1) Profilaktiki tədbirlər;
2) Qırıcı tədbirlər.
Profilaktiki tədbirlər daha ucuz və asan başa gələn olub, müha-
fizənin əsasını təşkil edirlər. Bu tədbirlərə riayət olunması zərər-
vericilərlə kütləvi yoluxmanın və digər obyektlərə yayılmanın
qarşısını alır.
Qırıcı tədbirlər texniki cəhətdən mürəkkəb və baha olub, küt-
lədə və keyfiyyətdə itki ilə nəticələnsə də, ciddi ehtiyac olduqda
tətbiq olunmalıdır.
Mühafizə tədbirlərinə məhsul yığımından əvvəl - bütün ob-
yektlərin (anbarlar, maşınlar və s.) ciddi mexaniki təmizlənməsi
və sonra bütün qalıqların məhvi (yandırılması) ilə başlanılır. İsti-
fadə olunacaq qalıqlar zərərvericilərdən təmizlənib, ayrı yerdə
~ 27 ~
saxlanmağa qoyulur.
Təmizlənmiş obyektlər, profilaktiki dezinseksiya olunur. Mə-
sələn, avtomobilin yük yeri və təkərləri, ağac inventarlar və baş-
qaları 15%-li natrium sodası, yaxud qaynar su ilə yuyulur. Anbar-
lar sulu aerozol, yaxud qaz dezinseksiya vasitələri ilə işlənir.
Sulu dezinseksiyanın yeni radikal vasitəsi kimi karbofos, üç-
metilnitrofos 3, xlorofos və başqaları üzvi fosfor birləşmələrindən
istifadə olunur.
Boş saxlayıcıların dezinseksiyası aerozolla da aparıla bilər.
Tam hermetik olmayan binaların qazlaşdırmaqla dezinfeksiyası
aparılmır. İri və kifayət qədər hermetik dən saxlayıcıları bromlu
metil, metallilxlorid, 242 preparatı ilə işlənir.
Gəmiricilər, xüsusilə də siçovullarla mübarizəyə xüsusi diqqət
verilməlidir. Bunun üçün profilaktiki tədbir kimi siçovul keçmə-
yən saxlayıcılar tikilməli, siçovulların yem mənbələri və zibillik-
lər ləğv olunmalıdır.
Qırıcı tədbir kimi tələlərin qurulması və sink fosfid, zooku-
marin və s. zəhərlərin tətbiqini göstərmək olar.
1.7.2. Dənin uzunburunlarla gizli zədələnməsinin təyini
Uzunburunların inkişafı dənin daxilində də getdiyindən, açıq
zədələnmə ilə yanaşı gizli də təyin edilməlidir. Təyin etmək üçün
orta nümunədən seçilmədən 50 ədəd bütöv dən götürülür. Bıçaq,
yaxud iynə ilə deşilir (qurdalanır). Sonra ona lupa ilə baxılır. Dən-
də hər hansı yoluxma əlaməti tapılarsa, o, zədələnmiş hesab olu-
nur. Zədələnmiş dənlər hesablanır və götürülən dənin miqdarına
görə faizi tapılır.
Dənin gizli zədələnmə dərəcəsini Bruduno üsulu ilə də təyin
edirlər. Orta nümunədən 15 q götürüb, dən və zibil qarışıqların-
dan təmizləyirlər. Sonra nümunə metal tor ələyə tökülüb, 30
0
C
temperatura malik suda 1 dəqiqə saxlanır. Nümunələr isti suyun
təsirindən şişir və genişlənir. Sonra stəkanı tərkibində 1%-li
KMnO
4
olan məhlula salır və sonra dən soyuq, təmiz suda və ya
H
2
SO
4
ilə hidrogen peroksid məhlulu ilə yuyulur. Bunun üçün
dən həmin məhlulda 20-30 saniyə saxlanır. 100 ml 1%-li sulfat
~ 28 ~
turşusu məhluluna 1 ml 3%-li hidrogen peroksid götürülür. Nü-
munələr qara rəngə boyanır və tez dənin səthinə çıxır. Zədəli dən-
lərdə qara nöqtələr yaranmış olur.
15 q dəndə tapılmış zədəli dənlər 1 kq-a görə hesablanır.
Lazım olan avadanlıq
1.
Müxtəlif dənlərin nümunəsi;
2.
Müxtəlif diametrli metal ələklər;
3.
Tərəzi və çəki daşları;
4.
Seçici taxtalar;
5.
Eksikator, termometr, isti su;
6.
1%-li KMnO
4
;
7.
100 ml 1%-li H
2
SO
4
və 3%-li hidrogen peroksid.
1.7.3. Dənlərin anbar zərərvericiləri ilə zədələnmə dərəcəsinin
təyini
Laboratoriyada zərərvericiləri təyin etmək üçün götürülən
nümunədə təhlil həmin gün aparılır. Təhlil olunanadək nümunələr
ağzı möhkəm bağlı şüşə bankalarda saxlanır. Anbarda saxlanılmış
dənlərdən nümunə götürdükdə temperaturu təyin olunan qatlar-
dan, yəni hər 100 m
2
seksiyadan üç qatdan - aşağı, yuxarı və orta
qatdan; hündürlüyü 1,5 m-ə qədər olan dən topasında iki qatdan -
üst və aşağı qatdan nümunə götürülür. Seksiyaların hər birindən
götürülən nümunənin miqdarı 1 kq təşkil edir.
Birinci növbədə nümunədə dənin gənələrlə zədələnmə dərəcəsi
yoxlanır. Bu məqsədlə 1 kq nümunə diametri 1,5 mm olan ələkdə
əl vasitəsilə ələnir. Ələnmə 3 dəqiqədə müddətində 120 dəfə hərə-
kət etdirməklə yerinə yetirilir. Ələkdən keçmiş nümunəyə seçici
taxta üzərində lupa ilə baxılır. Gənələrin miqdarı müəyyənləşdiri-
lərək dənin zədələnmə dərəcəsi təyin edilir.
Zədələnmə dərəcəsi
1 kq dəndə gənələrin miqdarı
I
1-20 ədəd
II
20-dən yuxarı
III
Gənələr böyük təbəqə təşkil edir
Dostları ilə paylaş: |