Şəkil 4. Kolloid bulanlıqların əmələ gəlməsi sxemi
Şərabların kolloid stabilliyini proqnozlaşdırmaq məqsədi ilə onun sürətləndirilməsi üçün potensiostatik üsul istifadə oluna bilər, hansı ki, tarazlıq reaksiyasını (“a”) fenollu ionların əmələ gəlməsi tərəfinə yönəltməyə imkan verir və fasiləsiz O2 generasiyası hesabına kinetik rejimdə PhO oksidləşməsini həyata keçirir.
Şərabların və fenolların ilkin (fenoksil radikal), aralıq (superoksid və hidroperoksidli radikal, hidrogen peroksid) və sonuncu məhsulların əmələ gəlməsini kinetik qanunauyğunluqların oxşarlığı və təhlili koaqulyasiyaya (pıxtalaşmaq) qabiliyyətinə malik olan kolloid hissəciklərinin fenol komponentlərinin oksidləşdirici çevrilmələri nəticəsində əmələ gəlməsini müəyyən etməyə imkan vermişdir. Oksidləşdirici çevrilmələr aşağıdakı tənliyə uyğun olaraq baş vermişdir:
(18)
Burada: -şərabın oksidləşməsi zamanı əmələ gəlmək
qabiliyyətində olanm kolloid hissəciklərinin maksimal
qatılığı,
K-elektrokimyəvi oksidləşmənin sürət sabiti;
τ-reaksiyanın davamiyyəti;
-oksidləşmənin başlanğıcına qədər pıxtalaşan
hissəciklərin qatılığı.
Smoluxovskinin tez koaqulyasiya olunma tənliyinə əsaslanaraq, kolloid hissəciklər çökürlər:
(19)
(18)-ci tənliyi nəzərə alaraq qeyri-fermentativ oksidləşmə şəraitində şərabların kolloid stabilliyini kəmiyyətcə təsvir etmək və proqnozlaşdırmaq üçün ifadə qurmaq mümkündür:
(20)
Burada K0-koaqulyasiya sabiti;
-zamanın hər bir məqamında τ kolloid
hissəciklərin qatılığıdır.
(20) funksiyasının qrafiki >0 və >0 olan zaman (şəkil 5), hava oksigeninin təsiri ilə bulanlıqlığın əmələ gəlməsinə meylli olan şərabların bir çoxu üçün xarakterikdir. Bu zaman nümunələrin havada saxlanmasından sonra bulanıqlıq dərəcəsinə görə müəyyən edilən oksidləşdirici kolloid davamlılıq və törəmə arasında dəqiq korrelyasiya müşahidə olunur: tgα nə qədər az olarsa, şərab bir o qədər kolloid bulanıqlara davamlı olar və ya əksinə.
(21)
Şəkil 5. Şərablarda kolloid hissəciklərin qatılığının
elektrokimyəvi turşuluqdan τ asılı olaraq dəyişmə əyrisi
Törəmənin təhlilində (21) və sxemdən belə bir nəticə çıxarmaq olar ki, oksigenin fenol komponentlərinə təsirinin ilkin məhsulu fenol radikallar PhO• hesab edilir, onların çoxalması kolloid bulanlıqlarının əmələ gəlmə ehtimalını artırır. PhO• qatılığının azalması və onların polimerizasiyada iştirakının qarşısını almaq üçün, yəni şərabların kolloid sabitliyini artırmaq üçün dörd əsas prinsip nəzərdə tutulur:
-
hidrogen peroksidin parçalanması. Bu da PhOH oksidləşməsi zamanı aşağıdakı reaksiya üzrə baş verir:
HO2 + PhOH → H2O2 + PhO (22)
Bu reaksiya üzrə isə sərf olunur
H2O2 + PhOH → HO• + H2O + PhO (23)
-
oksi- və hidroperoksidli radikalların HO2 və HO• aktivliyinin qarşısının alınması, onların hər biri fenolen radikalların PhO• qatılığının artmasına səbəb olur:
HO•[HO] + PhOH → H2O(H2O2) + PhO (24)
-
asan oksidləşən fenol tipli flavan-3,4-diolların və flavantriolların seçilərək kənar edilməsi;
-
polifenol hissəciklərinin əhatəsində formalaşması hesabına kolloidlərin əmələ gəlməsinə mane olan səthi aktiv maddələrin daxil edilməsi.
Oksidləşdirici və xəstəliyə davamlı şərabların alınması texnologiyasında göstərilən imkanlar aşağıdakı kimi realizə oluna bilər:
-
maya irqlərinin və ya qıcqırma şəraitlərinin seçimi, hansı ki, H2O2 parçalayan və məhsulun orqanoleptik xüsusiyyətlərinə mənfi təsir göstərməyən sulfhidril birləşmələrinin kifayət qədər miqdarı təmin edilir;
-
asan oksidləşən fenolların oksidləşməsini, kondensasiyasını və flokulyasiyasını təmin edən şirənin dozalı aerasiyası;
-
endogen səthi aktiv maddələrin, o cümlədən polyar lipidlərin maksimal miqdarının saxlanması.
Bu nəzəriyyələr Ukraynanın EA-nın A.V.Boqatski adına “Fizika-kimya” İnstitutunun elmi işlərində öz əksini tapmışdır. Ağ süfrə şərablarının bu texnologiya əsasında işlənməsi həmçinin keçmiş Ümumittifaq ETÜŞ “Maqaraç” İnstitutunda yerinə yetirilmişdir. Burada üzüm şirəsinin və şərabın “oksidləşdirməklə” emalı nəzərdə tutulmuşdur.
Aerasiya yolu ilə emalı zamanı ilk növbədə şirənin fenol birləşmələri ayrılır və nəticədə ağ süfrə şərablarının havanın oksigeninə qarşı davamlılığı artır.
Şirəyə daxil edilən oksigenin optimal miqdarı atmosfer təzyiqdə 10-20 mq/dm3, izafi təzyiqdə 15-20 mq/dm3 təşkil edir. Oksigenin miqdarı 30-40 mq/dm3 olan zaman şərabın orqanoleptik göstəriciləri azalır.
Məhsulun keyfiyyətinin yaxşılaşmasına istiqamətlənən texnoloji üsulların səmərəliliyini tez qiymətləndirmək üçün hiperbolik asılılıqdan istifadə etmək olar:
(25)
Burada: A və B- sabitlərdir;
τ-zəmanətli saxlanma müddəti.
Ağ süfrə şərabları üçün A və B sabitləri uyğun olaraq 9∙10-3 və 0 bərabərdir.
Şərabçılıq sənayesində şərabların, şirələrin və başqa içkilərin kolloid sabitliyinin və oksidləşdirici tündləşmənin proqnozlaşdırılması üsulunun praktiki istifadəsi üçün azqabaritli cihaz işlənib hazırlanmışdır.
Bu cihaz potensiostatın, polyaroqrafın və spektrofotometrin bəzi funksiyalarını özündə cəmləşdirir.
Fəsil 15. MELANOİDLƏRİN ƏMƏLƏ GƏLMƏ REAKSİYASI VƏ DİGƏR
FİZİKİ-KİMYƏVİ VƏ BİOKİMYƏVİ PROSESLƏR
Şərabların orqanoleptik xüsusiyyətlərinin formalaşmasında fiziki-kimyəvi və biokimyəvi proseslər zamanı əmələ gəlmiş bir çox məhsullar mühüm rol oynayırlar. Bu məhsullar bir çox mürəkkəb reaksiyaların nəticəsində əmələ gəlir. Melanoidlərin əmələ gəlməsi reaksiyasını bunlara aid etmək olar.
Melanoidlərin əmələ gəlmə reaksiyası
Melanoidlərin əmələ gəlməsi reaksiyası karboksil qruplu maddələr və amin tərkibli birləşmələr arasında baş verir. Bu reaksiya Mayer, şəkəramin, karbonilamin reaksiyası kimi məşhurdur. Bu reaksiya ilk dəfə 1912-ci ildə Mayer tərəfindən təsvir olunmuşdur.
Aminbirləşmələrdən tərkibində amin qrupu olan maddələr–aminturşular, ilkin aminlər, peptidlər, zülallar, eləcə də ammonyak, karbonil birləşmələrdən isə - aldehidlər, ketonlar, monoşəkərlər, oliqosaxaridlər, melanoidlərin əmələ gəlməsi reaksiyasında asanlıqla iştirak edirlər. Aminturşular və zülallar üçün melanoidlərin əmələ gəlməsi reaksiyasının əsas mərhələləri bir-birinə bənzəyir, bununla belə sonuncuların quruluşunun mürəkkəbliyi reaksiyanın gedişatına və sonuncu məhsulların tərkibinə əhəmiyyətli dərəcədə təsir edirlər.
Melanoidlərin əmələ gəlməsi reaksiyası bir sıra ayrı-ayrı reaksiyaların məcmusundan ibarətdir. Reaksiya müəyyən mərhələdə suda həll olmayan tünd rəngli maddələrin toplanması ilə izah olunur. Bu zaman müşahidə olunan reaksiya mühitinin tündləşməsi, reduksiyaedici şəkərlərin və amin qrupundakı azotun azalması, aminturşuların, şəkərlərin tərkibindən asılı olaraq mühitdə müxtəlif ətirlərin formalaşması melanoidlərin əmələ gəlməsinin xarakterik əlamətləri hesab olunurlar. Melanoidlərin əmələ gəlməsi reaksiyası mühitin pH-dan, temperaturundan, reaksiyaya girən maddələrin kimyəvi quruluşundan, qatılığından və nisbətindən asılıdır. Belə ki, neytral və qələvi mühitlərdə o daha intensivləşir, turş mühitdə isə zəifləyir.
Melanoidlərin əmələ gəlməsi reaksiyasının sürəti aminturşuların əsas xüsusiyyətlərinin qabarıq şəkildə ifadə olunması zamanı daha da artır. Karbon turşularından diaminokarbon turşuları (lizin, ornitin) reaksiyaya daha asan girir və daha intensiv rəng verirlər. Monoaminokarbon turşularının karboksil və aminoqruplar arasında məsafəsinin artması melanoidlərin əmələ gəlməsinə səbəb olur. Şəkərlərdən ksiloza, sonra isə arabinoza, fruktoza, qlükoza daha asan reaksiyaya girir. Qatı məhlullarda melanoidlərin əmələ gəlmə reaksiyası asan baş verir. Reaksiyaya girən maddələrin nisbətinin vahidə yaxın olması optimal hesab edilir. Etil spirti olan mühitdə və temperatur rejimi 65-700C-də şəkəramin melanoidlərin əmələ gəlmə intensivliyi sürətlənir. NaHSO3, H2SO3 və bəzi birləşmələrin mövcudluğu melanoidlərin əmələ gəlməsinin qarşısını alır. Melanoidlərin əmələ gəlməsi reaksiyası nəticəsində yaranan ayrı-ayrı məhsullar bəzi mikroorqanizmlərin inkişafını sürətləndirir, ayrı-ayrı patogen mikroorqanizmlər isə melanoidlər tərəfindən məhv olurlar. Şərabın hazırlanması zamanı bu cür reaksiyaların baş verməsini ilk dəfə A.İ.Oparin, A.L.Kursanov, V.L.Kretoviç, N.F.Saenko, E.N.Bezinger və onların əməkdaşları tədqiq etmişlər. Onlar müəyyən etmişlər ki, şampan şərabının ikinci dəfə qıcqırması zamanı yüksəkmolekullu azotlu maddələr əmələ gəlir, onlar da aminturşularla və şəkərlərlə əlaqələnirlər. Şəkəramin reaksiyası barədə məlumatların təhlilindən belə bir nəticə alınmışdır ki, bəzi şərab növlərinin, tokay şərablarının spesifik xarakteri çovdar çörəyinin özünəməxsus ətri onların tərkibində olan aminturşuların şəkərlərlə qarşılıqlı əlaqəsi nəticəsində alınan melanoidlərin əmələ gəlməsi ilə izah olunur. Şərablarda spesifik ətrin və tamın formalaşmasına başqa aminturşular, onların digər birləşmələri, eləcə də şəkərlərin dehidratasiya məhsulları təsir göstərir.
Bir çox tədqiqatçılar melanoidlərin əmələ gəlməsini iki mərhələyə bölürlər. Birincisi, şəkərlərin aminturşu qarışığı ilə qızdırılması zamanı şəkəramin kondensasiyasından başlayır, nəticədə N-qlikozidlər əmələ gəlir. Bu proses aşağıdakı kimi gedir:
Qızdırılma zamanı N-qlikozidlər daxili molekulyar Amadori qruplaşmasına məruz qalırlar, nəticədə enol birləşmələrin əmələ gəlməsinə şərait yaranır. Melanoidlərin əmələ gəlməsi reaksiyasının birinci mərhələsindəki məhsullar rəngsiz olur və spektrin ultrabənövşəyi hissəsində udulma qabiliyyətinə malik olurlar. İkinci mərhələ Amadori qruplaşması məhsullarının dehidratasiyasından başlayır, nəticədə karbonil komponentli aralıq məhsullar əmələ gəlir (furfurol, oksimetilfurfurol, piroüzüm turşusu və onun aldehidi, aseton, diasetil və başqaları). Eyni vaxtda daha mürəkkəb birləşmələr də əmələ gəlir– reduktonlar, dehidroreduktonlar və Ştrekkerə görə aldehidlərin əmələ gəlməsi ilə aminturşuların müəyyən miqdarının dehidratasiyası baş verir. Bu reaksiyalar polimerizasiya və kondensasiya reaksiyaları ilə birlikdə gedir və nəticədə, tünd rəngli məhsullar alınır. Alınan məhsulların tərkibi qeyri-sabit olur və əhəmiyyətli dərəcədə reaksiyanın şərtləri ilə müəyyən edilir.
Melanoidlərin əmələ gəlməsi zamanı şəkərlərin dehidratasiyası mühitin şərtlərindən asılı olaraq müxtəlif yollarla baş verə bilər. Belə ki, furfurolun və ya oksimetilfurfurolun əmələ gəlməsini göstərmək olar. Bu zaman üç su molekulunun itməsi nəticəsində furfurol və ya oksimetilfurfurol əmələ gəlir. Alınan birləşmələr suyu birləşdirərək uyğun olaraq furfurola və ya oksimetilfurfurola və sərbəst aminturşusuna parçalana bilərlər. Onlar həm də azot tərkibli tünd rəngli melanoidlərin əmələ gəlməsi ilə kondensasiya oluna bilərlər:
Beləliklə, tünd rəngli məhsulların bu üsulla əmələ gəlməsində furfurolun törəmələri böyük rol oynayırlar. Bir çox tədqiqatçılar melanoidlərin əmələ gəldiyi mühitdə furfurolun və oksimetilfurfurolun olmasını müəyyən etmişlər. Ancaq onu da qeyd etmək lazımdır ki, furfurol və onun törəmələri melanoidlərin əmələ gəlməsi reaksiyasında əsas aralıq məhsullar hesab olunmurlar, xüsusilə də bu reaksiyalar neytral və qələvi mühitdə baş verərsə. Belə ki, pH 2-dən 7-yə qədər dəyişən zaman oksimetilfurfurol qızdırılan qlükoza və aminturşular məhlulların rənglənməsinə az təsir edirlər. Bu nəzəriyyə həm də ona əsaslanır ki, oksimetilfurfurolun əmələ gəlməsinin optimal şərtləri (turş mühit) intensiv tündləşmə üçün əlverişli sayılmır. Melanoid reaksiyasının baş verdiyi mühitdə oksimetilfurfurolun əhəmiyyətli miqdarda toplanması onun aşağı reaksiya qabiliyyəti ilə izah olunur.
Belə hesab edilir ki, tünd rəngli polimerlərin əmələ gəlməsində 3-dezoksiqlükozon və uyğun doymamış ozonlar xüsusi rol oynayırlar.
Təcrübələrdən belə bir nəticə əldə olunmuşdur ki, tərkibində qlisin və oksimetilfurfurol, qlisin və 3-dezoksiqlükozon olan qatışıqların qızdırılması zamanı mühitin tündləşmə sürəti birinci halda ikincidən əhəmiyyətli dərəcədə aşağı olur.
Ozonlar 1-N-1-dezoksi-2-ketozaların dehidratasiyası prosesində əmələ gələ bilərlər. Reaksiyanı aşağıdakı kimi göstərmək olar.
1-N-1-dezoksi-2-ketozaların dehidratasiyası (2 su molekulunun itməsi ilə) tsiklik quruluşun dağılması ilə müşahidə olunur və altı karbon reduktonları əmələ gəlir.
OH OH H O O
–C=[C–C]n=C – C =; –C–[ –C–C– ]n –C–.
Redukton Reduktonun dehidrofoması
1-N-1-dezoksi-2-ketozaların dehidratasiya yollarından biri şəkərlərin müxtəlif parçalanma məhsullarının əmələ gəlməsi ilə müşahidə olunur: aldehidlərin, ketonların, turşuların. Ehtimal olunur ki, bu reaksiya zamanı triozoredukton yaranır (CHO=CO=CHO), hansı ki, aminturşularla və aminlərlə reaksiyaya girmək qabiliyyətinə malikdir. Şəkərlərin parçalanma məhsulları şərabların ətrinə və tamına təsir göstərirlər.
Eterifikasiya
Məlumdur ki, mürəkkəb efirlər–spirtlərin və turşuların qarşılıqlı təsiri nəticəsində əmələ gəlirlər. Onlar şərablarda iki üsulla əmələ gəlirlər: 1) bioloji–qıcqırma prosesində mayaların və ya bakteriyaların sintezi nəticəsində (etilasetat, etillaktat və başqaları); 2) fiziki-kimyəvi–şərabın saxlanması və emalı zamanı. Efirlərə üzümdə də az miqdarda rast gəlinir və qıcqırma prosesi nəticəsində onlar üzümdən şəraba da keçirlər.
Bioloji üsulla qıcqırma zamanı əsasən neytral mürəkkəb efirlər, kimyəvi eterifikasiyada isə turş efirlər (etiltartarat, etilsuksinat və b.) sintez olunur.
Eterifikasiya prosesi çox ləng və məhdud şəkildə baş verir. Onu yalnız bir neçə aydan sonra müşahidə etmək mümkün olur. Eterifikasiya sürəti reaksiyaya girən turşunun və spirtin miqdarından, onların xüsusiyyətlərindən, temperaturundan asılı olur. Xeres tipli şərablarda eterifikasiya quru süfrə şərablarına nisbətən 1,6-6 dəfə sürətlidir. Şərablarda etanol və sirkə turşusu çox olduğundan ümumi efirlərin əsasını etilasetat təşkil edir. Mürəkkəb efirlər asetil-CoA və spirtin qarşılıqlı təsiri nəticəsində əmələ gəlirlər. Asetil-CoA oksigenin iştirakı ilə dekarboksilləşməsi prosesi nəticəsində sirkə turşusunun ATF-lə və ya ketoturşu ilə (piroüzüm) aktivləşməsi nəticəsində əmələ gəlir. Əgər reaksiyada yüksək molekulyar kütləyə malik turşu iştirak edərsə, asetil-CoA əmələ gəlir. Onun spirtlərlə qarşılıqlı təsiri zamanı daha yüksək molekullu efirlər sintez olunur.
Qıcqırma prosesində efirlərin miqdarı qıcqırmanın üçüncü günündə maksimal həddə çatır və sonradan azalma müşahidə olunur. Mühitə doymuş yağ turşularının əlavə edilməsi (C14–C16) mürəkkəb efirlərin əmələ gəlməsini stimullaşdırır, doymamış turşular isə bunun (C18-1, C18-2) qarşısını alır.
Qıcqırma zamanı efirlərin əmələ gəlməsi mühitdə uyğun turşunun olmasından və ya olmamasından asılı olmur. Hər bir efirin sintezi spesifik ferment sistemi ilə həyata keçirilir. Müxtəlif qıcqıran sistemlərdə efirlərin əmələ gəlməsi və toplanan biokütlə arasında korrelyasion asılılıq müşahidə olunmur. Belə ki, S. cerevisiae mayaları, S. uvarum mayalarından fərqli olaraq daha çox mürəkkəb efir sintez edirlər, S. oviformis mayaları isə S. vini mayalarından fərqli olaraq çox efir əmələ gətirirlər. Sonuncular daha çox etilkapronatın və etilkaprilatın əmələ gəlməsində iştirak edirlər.
Qıcqırma zamanı nisbətən çoxlu miqdarda şərab, alma və kəhrəba turşularının mono və dietilefirləri sintez olunurlar. Şərablarda alma-süd turşusu qıcqırması baş verən zaman 100-200mq/dm3-ə qədər etillaktat toplanır.
Şərablarda C4-dən C20-ə qədər yağ turşularının mürəkkəb efirlərinin əmələ gəlməsinə az rast gəlinir, bu da onların az miqdarda olması ilə əlaqədardır. Şərablarda ali spirtlər az olduğundan onların efirlərinin miqdarı da etil spirti efirlərindən fərqli olaraq az olur.
Yetişmə prosesində, xüsusilə də köhnəlmə zamanı üzvi turşuların etil spirti ilə tədricən eterifikasiyası baş verir. Eterifikasiya prosesinin azalma sürətinə görə şərabın əsas turşularını aşağıdakı qaydada yerləşdirmək mümkündür: kəhrəba, alma, süd, şərab, limon, sirkə. Efirlərin ümumi miqdarının son həddə nisbəti (Bertlo formulasına görə hesablanmış) şərabın yaş göstəricisi hesab olunur (cədvəl 35).
Cədvəl 35
Şərabın yaşı
|
Efirlərin faktiki miqdarı (a) və son həddi (e) arasındakı nisbət
|
|
min və max a/e
|
orta a/e
|
22-dən 43 ilədək
|
0,73-0,79
|
0,75
|
6-dan 10 ilədək
|
0,57-0,71
|
0,66
|
4-dən 5 ilədək
|
0,59-0,73
|
0,64
|
3 illik
|
0,49-0,67
|
0,62
|
2 illik
|
0,50-0,65
|
0,56
|
1 illik
|
0,28-0,38
|
0,34
|
Çoxəsaslı turşular əsasən turş efirlər sintez edirlər. Efirlərin miqdarı şərabın ikinci saxlanma ilindən sonra əhəmiyyətli dərəcədə artır. Ancaq sonradan eterifikasiya prosesi son həddinə çatmır və hətta köhnə şərablarda (50 il yaşı olan) mümkün olan efirlərin ¾ toplanır.
Şərabın saxlanması zamanı eterifikasiya prosesi ilə yanaşı deeterifikasiya və pereeterifikasiya prosesləri də baş verir. Əgər şərabda amonyakın miqdarı çox olarsa, o, efirlərlə birləşərək amidlər əmələ gətirir.
Belə ki, bu zaman asetamidin sintez olunması şərabda siçan tamı iyinin (hissinin) yaranmasına səbəb ola bilər. Bunun şərabda əmələ gəlməsi yaxşı hal sayılmır və şərabın bu xəstəliyi ilə əlaqədar olaraq şərabçı daim mübarizə aparmalıdır.
Ona görə də şərabın saxlanmasında elə şərait yaradılır ki, onun tərkibində sərbəst ammonyak olmasın. Parçalanma prosesləri şərabın alınmasının bütün mərhələlərində baş verir və onun formalaşmasına təsir göstərir.
Bu proseslər həm fermentativ, həm də kimyəvi yolla baş verir. Şərabçılıqda hidrolitik proseslərə, dehidratasiya, dezaminsizləşdirmə, dekarboksilsizləşdirmə və avtoliz proseslərinə daha çox rast gəlinir.
Hidrolitik proseslər. Bu proseslər şərabın əmələ gəlməsinin ilkin mərhələlərində daha aktiv olur. Üzüm gilələrini tərkibini təşkil edən bəzi maddələrin hidrolizi şərab turşusunun təsiri ilə baş verdiyinə baxmayaraq bu prosesdə fermentlər əhəmiyyətli rol oynayırlar.
Üzüm gilələrinin əzilməsindən sonra şirədə β-fruktofuranozidaza fermentinin mövcudluğu saxarozanın inversiyasına səbəb olur. Pektolitik fermentlər pektin maddələrini parçalayır, nəticədə metil spirti və sərbəst qalakturon turşuları əmələ gəlir.
Bu baxımdan bir sıra texnoloji əməliyyatların keçirilməsi asanlaşır – sıxılma, şirənin durulaşması üzümün pektolitik fermentlərinin aktivliyi aşağı olduğundan şirədə və cecədə olan pektin maddələrinin hidrolizini sürətləndirmək məqsədi ilə pektolitik ferment preparatları istifadə olunur.
Onların tətbiqi şirə çıxımının artırılmasına, ekstraktiv maddələrlə zənginləşməsinə və onun şəffaflaşmasına, özlülüyün aşağı salınmasına, süzülmə prosesinin yaxşılaşdırılmasına köməklik göstərməsindən ibarətdir. Bu zaman şirə çıxımı orta hesabla 1-3% artır.
Bundan başqa pektin maddələrinin parçalanması və şirənin özlülüyünün dəyişməsi nəticəsində şərabların ətrini, dadını və rəngini şərtləndirən maddələrin qabıq və gilə hüceyrələrindən tamamilə diffuziya olunmasına əlverişli şərait yaranır. Əlavə edilən ferment preparatının miqdarı onun aktivliyindən asılı olaraq təyin edilir.
Şərabların adi şəraitlərdə saxlanması zamanı zülalların hidrolizi çox ləng gedir. İstisna deyil ki, şərabın yetişməsinin ilkin mərhələlərində o, fermentativ yolla yerinə yetirilə bilər, xüsusilə də bəzi spesifik şərab növlərinin (şampan, xeres) hazırlanmasında. Şərabların yetişməsini sürətləndirən üsullardan bəziləri (isti emal) bu prosesə yaxşı təsir göstərir.
Dehidratasiya. Şərabda şəkərlərin dehidratasiyası özbaşına getməklə əsasən furan sırasına aid aldehidlər sintez olunur. Bu zaman pentozalardan–furfurol, metilpentozadan–metilfurfurol, heksozalardan–oksimetilfurfurol əmələ gəlir. Metallar (Fe), fosfatlar və bəzi üzvi turşular (alma, şərab, limon) bu reaksiyanı kataliz edirlər.
Şəkərlərdən ən asan pentozaların nümayəndəsi olan arabinoza və sonda ksiloza parçalanır. Heksozalar isə bu mühitdə daha davamlı olurlar.
Qeyd etmək lazımdır ki, fruktoza qlükozadan daha asan dehidratasiya olunur. Bu zaman əmələ gəlmiş furan sıra aldehidləri kifayət qədər tez özbaşına kondensasiyaya məruz qalır və nəticədə tünd rəngli məhsullar əmələ gəlir.
Şərabları isti üsulla emal etdikdə və konyak spirti alınan zaman dehidratasiya prosesləri daha intensiv gedir. Məlumdur ki, adi şəkərin (şəkər rafinadının) qızdırılması prosesində dehidratasiya zamanı tünd rəngli polimer məhsullar (koler) əmələ gəlir.
Bu proses karamelizasiya zamanı əmələ gəlmiş koler adı ilə şərabçılıqda geniş istifadə olunur. Kolerdən şərabçılıq sənayesində, ulduzlu konyakların istehsalında, arrope, kotto (malaqa və marsala üçün) şərab materiallarının və başqa məhsulların istehsalında istifadə olunur.
Avtoliz
Maya hüceyrələrinin əsasən hidrolitik fermentlərin təsiri ilə parçalanması prosesi bir çox şərab növlərinin texnologiyasında mühüm rol oynayır.
Mühitdə oksigenin çox olmasına görə hüceyrə mübadiləsinin pozulması, qıcqıran şirələrin olmaması, maya metabolitlərinin onda toplanması avtoliz prosesinin əsas səbəbləri sayılırlar. Hüceyrə membranlarının müdafiə funksiyasının itirilməsi nəticəsində proteolitik fermentlərin (proteinazaların, peptidazaların) tənzimlənməyən təsiri baş verir.
Bu zaman fermentlərin koordinasiya əlaqəsi və hüceyrə tənzimlənməsi pozulur və hüceyrədaxili orqanellalar dağılır, zülalların lipidlərlə və polişəkərlərlə sitoplazmatik komplekslərinin parçalanması müşahidə olunur. Bu zaman hüceyrənin ölçüləri azalır, forması dəyişir və dağılır.
Hüceyrənin parçalanma müddəti onun genetik xüsusiyyətindən, fizioloji təsirdən və mühitin tərkibindən çox asılıdır.
Avtoliz prosesi zamanı şəraba maya hüceyrələrindən fermentlər (proteolitik, hidrolitik, dehidrogenazalar), azotlu maddələr (zülallar, peptidlər, aminturşuları, nuklein turşuları), polisaxaridlər, vitaminlər, lipidlər, fosforlu birləşmələr, efirlər, terpenoidlər və başqa üzvi və qeyri-üzvi maddələr keçirlər.
Bu məhsullar şərabın ekstraktiv maddələrlə zənginləşməsinə, onun daha ətirli və dadlı olmasında aktiv iştirak edirlər. Qeyd etmək lazımdır ki, fermentlər şəraba yalnız avtoliz prosesi zamanı keçmirlər.
Onlara həm də şərabda mövcud hüceyrələrin daxilində, onların sitoplazmasında və ayrı-ayrı orqanoidlərində olan fermentlər də təsir göstərirlər.
Elə ona görə də şərabda olan maya hüceyrələri fermentativ reaksiyaların mərkəzi hesab olunurlar. Müəyyən olunmuşdur ki, maya hüceyrələrində olan bir sıra fermentlərin aktivliyi şərabda hətta 2-3 ilə qədər davam edə bilər.
Dostları ilə paylaş: |