Dərslik baki-2017 s giriş. Мящсулдар лайларын чирклянмясинин гаршысынын алынмасы 4

Söndürülmüş əhəng Ca(OH)₂–əhəng südü adlanan sulu suspenziya şəklində işlədilir. Qazıma məhlulunun özlülüyünü azaltmaq lazım gəldikdə, əhənglə işlənmiş qazıma məhluluna SSC, nitroliqnin və s., suverməni azaltmaq lazım olduqda isə KQR, KSSB, KMS və s. əlavə edilir.

Gips (CaSO₄)–130⁰C temperaturdan yuxarı əhənglə işlənmiş qazıma məhlulunun keyfiyyəti pisləşir, belə ki, bu zaman həll olmayan kalsiumun alümosilikatları əmələ gəlir və məhlul qatılaşmağa başlayır. Bu hadisənin qarşısını almaq üçün əhəng əvəzinə gipsdən istifadə edirlər. Özlülüyü azaltmaq üçün məhlula SSC-nin törəmələrindən olan xromliqnosulfanatlardan biri əlavə edilir.

Kalsium xlorid (CaCl₂)–bu reagent çoxlu sayda kalsium ionları əmələ gətirə bilir. Qazıma məhlulunun filtratında daha çox kalsium ionları əldə etmək üçün xlorlu kalsiumdan istifadə edirlər. Bu reagent stabilləşdiricilər olan KSSB, yaxud KMS ilə birlikdə işlənir.
Struktur əmələ gətirən reagentlər
Xörək duzu (NaCl)–qazıma məhlulunun struktur-mexaniki xassələrini gücləndirmək üçün istifadə edilir. Bu reagent məhlulun suverməsini bir qədər artırır.