| Titrəyən ələk–Qazıma məhlulunun süxur hissəciklərindən titrəyən ələklə təmizlənməsi mexaniki prosesdir və burada ələyici tərtibatın köməyilə hissəciklərin ayrılması baş verir. Təmizlənmə dərəcəsini və titrəyən ələyin buraxma qabiliyyətini təyin edən əsas faktor ələyici səthin və torun deşiklərinin ölçüsüdür. Titrəyən çərçivə üfqi və maili müstəvidə irəliləyən-qayıdan, ellips şəkilli, dairəvi və kombinasiyalı hərəkət edir. Neft və qaz quyularının qazılması təcrübəsində birpilləli qoşalaşdırılmış titrəyən ələk QTƏ-2 və QTƏ-2B həmçinində bir pilləli iki torlu titrəyən ələk TƏ-1 istifadə edilirdi. Titrəyən ələk TƏ-2 torda deşiklərin ölçüləri 1x5mm olduqda 1san 60 l qazıma məhlulu buraxmaq qabiliyyətinə malikdir. Torun işlək hissəsinin uzunluğu 1,2 m eni 0,9 m-dir. Tor bir dəqiqədə 1600 və ya 2000 tezliklə titrəyir və onun mailliyi 12-180-dir. Titrəyən QTƏ-2B ələyi QTƏ-2-nin təkmilləşdirilmiş variantıdır.
Titrəyən ələkdə TƏ-1 əsasən deşikləri 0,16x0,16: 0,2x0,2; 0,25x0,25; 0,4x0,4 və 0,9x0,9 ölçülərində olan torlardan istifadə olunur. Birinci tor üfqi vəziyyətdə, ikinci tor isə üfqi müstəviyə nisbətin 50 altında yerləşdirilir. Torun rəqs trayektoriyası ellips formasındadır. Ən böyük ikili amplitudası 8 sm, titrəmə tezliyi 1 dəqiqədə 1130 və 1040-dır. Torun işlək səthi 2,7 m2. TƏ-1 torun deşikləri 0,16x0,16 mm olduqda 1 san ərzində 10 l qədər qazıma məhlulu buraxa bilər, torun deşikləri 0,9x0,9 mm olduqda isə 1 san ərzində 100 l qazıma məhlulu buraxmaq qabiliyyətinə malikdir.
Dostları ilə paylaş: |
