| Təbaşir əsaslı qazıma məhluluna - 5-6% SAM əlavə edilir və kimyəvi reagentlərlə yaxşı işlənilir. Təbaşir əsaslı qazıma məhlulu aşağıdakı kimi kimyəvi işlənir – КССБ 10-15%, kalsium xlor 2-3%. Bu məhlul təbaşirlə işlənildikdə qazıma məhlulunun sıxlığını 1,5 q/sm3 saxlamaq olur.
Məhlulda olan təbaşir fazası məhsuldar süxurdakı məsamələrə daxil olduqda turşu ilə işlənilərək məsamələrdən çıxarmaq olur.
Köpük əsaslı qazıma agenti – hazırlanan zaman tərkibinə 1-2% SAM (sulfanol, DC-PAC) əlavə etməklə davamlı köpük alınır ki, bunlar mexaniki möhkəmliyə malik olduğundan laydakı məsamələrə daxil olmur.
Qaz agentlə - məhsuldar laylarda qzıma aparılan zaman təbii keçiriciliyi saxlanılır.
Məhsuldar laylara daxil olma üsulları
Məhsuldar laya daxil olmaq dedikdə məhsuldar layın qazılması və möhkəmləndirilməsinin ardıcıllığı nəzərdə tutulur. Məhsuldar laya daxil olunması hal-hazırda beş qayda ilə aparılır:
I qayda. Məhsuldar lay dabanına qədər qazılır və quyu dibinə istismar kəməri endirilərək sementləmə aparılır. İstismar kəmərinin içərisi ilə məhsuldar lay arasında əlaqə yaratmaq üçün kəmərdə perforasiya aparılır, daha doğrusu, kəmərdən çoxlu miqdarda deşiklər açılır (şəkil a). Bu üsulla məhsuldar layın açılmasında layın çirklənmə dərəcəsi çox olur.
Dostları ilə paylaş: |
