MÜASİR İNFORMASİYA SİSTEMLƏRİNİN İDARƏ OLUNMASI
___________________________ 6 ____________________________
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 7 ____________________________
GİRİŞ
İnformasiya sistemi dedikdə, qərarın hazırlanması və
qəbulu ilə bağlı olan informasiya proseslərini və idarəetmə
servisini həyata keçirən aparat və proqram vasitələrinin,
həmçinin informasiya resurslsrının əlaqəli məcmusundan ibarət
texniki sistem başa düşülür.
İnformasiya sistemlərinin işlənib hazırlanması və
tətbiqindən əsas məqsəd şirkətin idarə edilməsi üçün müasir
informasiya infrastrukturunun yaradılmasıdır. Şirkət 3 səviyyədə
idarə edilir: strateji, taktiki və operativ.
Strateji
idarəetmə
səviyyəsində
informasiya
sistemlərinin vəzifəsi şirkət rəhbərliyini uzunmüddətli inkişaf
meyli, ən yaxşı texnologiya, ən yaxşı məhsul, ən yaxşı
idarəetmə metodları barədə olan informasiya ilə təmin
etməkdən ibarətdir ki, bu da şirkətin uzaq perspektivdə rəqabət
qabiliyyətini qoruyub saxlamağa imkan verən strategiyanın
hazırlanmasında istifadə edilir.
Taktiki
idarəetmə
səviyyəsində
informasiya
sistemlərinin vəzifəsi şirkətdəki orta və yüksək idarəetmə
həlqələrinin mütəxəssislərini maksimum cəld və keyfiyyətli
informasiya ilə təmin etməkdən ibarətdir ki, bu da ən yaxşı
qərar qəbulu üçündür.
Operativ idarəetmə səviyyəsində informasiya
sistemlərinin vəzifəsi ilkin informasiyanın daxil edilməsi,
işlənməsi və lazımi sənədlərin təqdim edilməsi ilə bağlı, çoxqat
təkrar edilən bezdirici işlərin cəld və keyfiyyətli icrasını təmin
etməkdən ibarətdir.
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 8 ____________________________
Qərar qəbulu dedikdə, mövcud informasiya əsasında
mümkün həll variantlarının ən yaxşısının seçilməsi nəzərdə
tutulur. Qərar qəbulu həmişə risklə bağlı olur. Lazımi
informasiya cəld və keyfiyyətli hazırlandıqda risklər minimum
olur. İnformasiya sistemlərinin əsas funksiyalarından biri məhz
bununla bağlıdır.
İQTİSADİ İNFORMATİKA VƏ BİZNES PROSESLƏRİ
İnformasiya texnologiyaları müəssisənin əsas fəaliyyət
prosesinə necə daxil olur?
Müəssisənin
mənfəətinin
artmasında,
rəqabət
qabiliyyətinin qorunmasında informasiya texnologiyaları necə
iştirak edir?
İstehlak
dəyərinin
artmasında
informasiya
texnologiyalarının rolu nədən ibarətdir?
Bu suallara cavab vermək üçün 20-ci əsrin 90-cı illərində
Harvard biznes məktəbində dəyərin yaradılması (və ya
artırılması) zənciri konsepsiyası işlənib hazırlanmışdır.
Konsepsiya müəllifi Maykl Porter göstərdi ki, şirkətin rəqabət
qabiliyyətli olması çoxsaylı əsas və köməkçi proseslərin
optimallaşdırılması yolu ilə mümkündür. Bu proseslərin
optimallaşdırılması isə zəngin, aktual və keyfiyyətli
informasiyadan, başqa sözlə, optimal fəaliyyət göstərən
informasiya sistemlərindən birbaşa asılıdır.
Biznes-proses dedikdə, girişi resurs sərfindən, çıxışı isə
istehlak dəyərindən ibarət olan müxtəlif növ fəaliyyətlər zənciri
nəzərdə tutulur. Bu tərif qara qutu səviyyəsini ifadə etdiyindən,
səmərəli deyil. Çünki, sözügedən zəncirin optimallaşdırılması
üçün onun hansı həlqələrdən ibarət olması və zəif həlqələrin
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 9 ____________________________
necə möhkəmləndirilməsi barədə informasiyaya malik olmaq
lazımdır.
Bu baxımdan, biznes-proses – vahid natural və ya dəyər
kriterisi ilə xarakterizə olunan nəticəyə gətirən bircins işlər
ardıcıllığıdır. Biznes-prosesə aid iş biznes-proses addımı adlanır.
Biznes-prosesin modelləşdirilməsi iqtisadi informatikanın
əsas metodudur.
Maykl Yucin Porter (ingiliscə Michael Eugene Porter)
1947-ci ildə anadan olmuşdur. Amerika iqtisadçısı, Harvard
biznes
məktəbinin
professoru,
iqtisdadi
rəqabət,
ümumdünya bazar rəqabəti və ölkələr və regionlar arası
rəqabət sahəsində sayılan mütəxəssisdir. Ölkələrin rəqabətdə
üstünlük nəzəriyyəsini işləyib hazırlamışdır.
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 10 ____________________________
İNFORMASİYA TEXNOLOGİYALARI VƏ
FUNKSİONAL ALTSİSTEMLƏR
İnformasiya
texnologiyaları
dedikdə,
informasiya
proseslərinin reallaşmasını təmin edən infrastruktur nəzərdə
tutulur. İnformasiya texnologiyalarını informasiyanın ötürüldüyü
rabitə kanalları, informasiyanın yığılması, saxlanması, emalı
(işlənməsi, təhlili) və təqdim edlməsi prosedurlarını idarə edən
proqramlar və həmin proqramların icrasını təmin edən
kompüter və digər aparat vasitələri formalaşdırır. İnformasiya
texnoloji səviyyədə verilən kimi iştirak etdiyindən, verilən
informasiya texnologiyasının təşkiledicisi sayılır. İnformasiya
proseslərinin reallaşmasında iştirak edən proqramlaşdırma
dilləri, informasiyanın ötürülməsini reallaşdıran protokollar,
verilənlərin saxlanması və ötürülməsi modelləri və s. kimi
instrumentlər də informasiya texnologiyalarına aid edilir.
Beləliklə, informasiya texnologiyalarının infrastrukturu bir
tərəfdən, aparat-proqram mühiti və telekommunikasiyadan
ibarətdirsə, digər tərəfdən də, informasiya proseslərinin həyata
keçirilməsi instrumentariyasından ibarətdir. Verilənlər isə
infrastrukturun nüvəsini təşkil edir.
İnformasiya texnologiyası adətən standart texnoloji
platformaya, məsələn, ORACLE verilən bazası ilə işləyən HP UX
serverlərində reallaşdırılmış UNİX platformasına əsaslanır.
Dostları ilə paylaş: |