MÜASİR İNFORMASİYA SİSTEMLƏRİNİN İDARƏ OLUNMASI
___________________________ 11 ____________________________
Ken Tompson (ingiliscə Kenneth Thompson) 1943-cü ildə
anadan olmuşdur. Kompüter elminin pioneri sayılır, C
proqramlaşdırma dilinin və UNIX əməliyyat sisteminin
yaradıcısıdır.
Funksional altsistemlər və əlavələr dedikdə, seçilmiş
informasiya texnologiyası əsasında konkret funksional oblastda
qərar qəbulu və ya sənəd hazırlanması məqsədi ilə
informasiyanın təhlili və emalını təmin edən ixtisaslaşdırılmış
proqramlar nəzərdə tutulur. Müasir korporativ informasiya
sistemlərində istehsalat, maliyyə, mühasibat uçotu, marketinq
və satış, həmçinin kadr funksional altsistemləri fərqləndirilir.
Funksional altsistemin əsas predmeti daxil olan informasiyanı
təhlil edib sənəd hazırlamaqdan ibarətdir. Bu baxımdan,
funksional altsistemlər korporativ informasiya sistemlərinin
intellektual təməlini təşkil edir və interaktiv xarakter daşıyır,
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 12 ____________________________
yəni, mütəxəssislə dialoq rejimində işləyir. Buna görə də
funksional altsistemlərin
səmərəliliyi
mütəxəssislərin
fəaliyyətindən əhəmiyyətli dərəcədə asılı olur.
Denis Makalisteyr Ritçi (ingiliscə Dennis Macalistair
Ritchie) 1941-ci ildə anadan olmuşdur. Kompüter
mütəxəssisi, BCPL, B, C proqramlaşdırma dillərinin
yaradıcılarından biri, FORTTRAN proqramlaşdırma dili üçün
ALTRAN genişlənməsinin yaradıçısı, Multics və UNIX
əməliyyat sistemlərinin yaradılmasında iştirakçı.
Bəzən informasiya texnologiyası dedikdə, müəssisənin
“kompüter infrastrukturu” göz önünə gətirilir. Lakin iqtisadi
informatika baxımından, önəmli olan verilən bazasıdır.
Verilən bazası – müəyyən qaydalara uyğun təşkil edilmiş
və kompüter yaddaşında saxlanaraq istifadəçi tələbini ödəmək
üçün istifadə edilən verilənlər məcmusudur. Verilən bazası –
veriləni informasiyaya çevirən xüsusi mühitdir.
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 13 ____________________________
İnformasiya texnologiyası informasiya proseslərini təmin
edərkən işin məzmunu arxa plana keçir. Bu, informasiyanın
saxlanmasından, qəbulundan və ötürülməsindən ibarət sırf
texnoloji zəncirdir. Yəni, informasiya texnologiyası dedikdə, bir
ucu istifadəçiyə açılan informasiya emaledici kanal nəzərdə
tutulur.
İnformasiya texnologiyasından fərqli olaraq funksional
altsistemlər dəqiq ixtisaslaşmaya malikdir. Məsələn, kadr
altsistemi, satış uçotunu apara bilməz. Buna baxmayaraq,
bütün funksional altsistemlərin ümumi və daimi vəzifəsi də
vardır ki, bu da qərar qəbulu üçün informsiya şəffaflığı
yaratmaqdan, yəni, şöbələrdə vəziyyət barədə maksimum
dəqiq və cəld informasiya təqdimatını təmin etməkdən
ibarətdir.
İnformasiya texnologiyası və funksional altsistemlər bir-
biri üçün mövcudluq şərtidir. Belə ki, informasiya texnologiyası
yoxdursa, funksional altsistem mövcud ola bilməz, funksional
altsistem yoxdursa, informasiya texnologiyası mənasızdır. Hal-
hazırda çalışırlar ki, funksional altsistemlər informasiya
texnologiyasının konkret platformasından asılı olmasın. Lakin
praktiki olaraq asılılığı tam aradan qaldırmaq mümkün deyildir.
İNFORMASİYA SİSTEMLƏRİNİN İDARƏ EDİLMƏSİ
İnformasiya sistemlərilərinin idarə edilməsi dedikdə,
informasiya texnologiyaları, funksional altsistemlər və onlarla
əlaqədar mütəxəssislər arasında optimal qarşılıqlı fəaliyyət
yaradan və həmçinin onların inkişafını təmin edən komponent
nəzərdə tutulur. Korporativ informasiya sistemlərinin idarə
edilməsi aşağıdakı funksiyaların icrasına yönəldilir:
•
İşçi heyətin idarə edilməsi;
MÜASİR İNFORMASİYA SİSTEMLƏRİNİN İDARƏ OLUNMASI
___________________________ 14 ____________________________
•
İstifadəçilərin idarə edilməsi;
•
İnkişafın idarə edilməsi;
•
Operativ idarəetmə;
•
Keyfiyyətin idarə edilməsi;
•
Maliyyənin idarə edilməsi;
•
Təhlükəsizliyin idarə edilməsi.
Hal-hazırda təsərrüfat qərarlarının hazırlanması və
qəbulunda informasiya sistemləri daim istifadə olunur.
Bunlardan: ümumi təyinatlı Reuters, Bloomberg sistemlərini,
axtarış təyinatlı Yahoo!, Alta Vista, Google, Pambler və Яndex
sistemlərini misal göstərmək olar.
İnformasiya sistemi adətən müəyyən gerçək idarəetmə
sisteminin 3 tərkib hissəsindən:
1) İdarəetmə subyekti;
2) İnformasiya sistemi;
3) İdarəetmə obyekti
biri olduğundan, informasiya sistemlərinin idarə edilməsi,
əslində, mahiyyətcə idarəetmə sisteminə informasiya sistemləri
xidmətinin idarə edilməsidir. Odur ki, “Müasir informasiya
sistemlərinin idarə edilməsi” kursunun predmeti informasiya
sistemləri xidməti fəaliyyətinin predmeti ilə üst-üstə düşür.
Dostları ilə paylaş: |