2-3(50-51)2015
70
VII SİNİFDƏ KİMYADAN LABORATORİYA İŞLƏRİNİN TƏŞKİLİ VƏ
KEÇİRİLMƏSİNƏ AİD DİDAKTİK MATERİALLAR
Akif Əliyev
Dərslik və dərs vəsaitlərinin metodologiyası şöbəsinin
aparıcı elmi işçisi, p.e.d.
Aynur Zülfüqarova
Bakı Dövlət İqtisadiyyat kolleci
Ümumtəhsil sistemində kimyadan laboratoriya işlərinin təşkili və
keçirilməsi mühüm təlim-tərbiyəvi əhəmiyətə malikdir. Nəzəriyyənin praktika ilə
əlaqələndirilməsində, biliklərin qavranılması və möhkəmləndirilməsində, kimyəvi
anlayışların və elmi dünyagörüşün formalaşdırılmasında kimya eksperiment
böyük rol oynayır. Unudulmamalıdır ki, heç bir audiovizual və elektron vəsait
təbii kimyəvi eksperimentlərin yaratdığı effekti əvəz edə bilməz.
Kimyəvi eksperiment aşağıdakı təlim-tətbiyə məsələlərinin həllində
mühüm amildir:
- kimyəvi hadisələrin dərk edilməsi;
- mülahizələrin, fərziyələrin, nəticələrin, həmçinin müəllimin verdiyi
məlumatların və şagirdlərin dərslikdən öyrəndiklərinin doğru və ya səhv
olduğunun təsdiqlənməsi;
- maddələrlə, kimyəvi avadanlıqlarla davranma vərdişlərinin formalaşması
və təkminləşməsində;
- nəzəri biliklərin imkişafı, təkmilləşməsi və möhkəməndirilməsi;
- şagirdlərin bilik və bacarıqlarının yoxlanılması;
- şagirdlərin kimya fənnini öyrənmək marağının formalaşmasında, onların
müşahidə qabiliyyətinin təşəbbüskarlığının inkişaf etməsi;
- müstəqil şəkildə araşdırma aparmaq, bilikləri təkmilləşdirməyə və
onların praktikada tətbiqinə cəhdlər edilməsi.
Müasir məktəblərdə kimyəvi eksperimentin 3 növündən daha çox istifadə
olunur: 1) nümayiş təcrübələri; 2) laboratoriya təcrübələri; 3) praktik məşğələlərdə
aparılan təcrübələr. Dərsdənkənar məşğələlərdə aparılan kimyəvi təcrübələr
əsasən tədqiqat xarakterli olub uzun müddətə aparılır. Bu təcrübələri şagirdlər
fərdi, cütlər və kiçik qruplar şəklində müəllimdən məsləhət alaraq yerinə
yetirirlər.
Kimyəvi təcrübələrin bütün növləri biri-birilə əlaqəli şəkildə müəyyən
məqsədi əldə etmək üçün aparılmalıdır. Dərslərdə təcrübələrin hər hansı bir
Kimya məktəbdə
71
növünün ayrıca aparılması ilə nəzərdə tutulan təlim-tərbiyə məqsədinə tam nail
olmaq mümkün deyil.
Kimyəvi eksperimentin təşkili və keçirilməsində biri-birilə əlaqəli olan iki
cəhəti fərqləndirmək lazımdır: təcrübənin aparılmaslı texnikası (necə aparılır,
hansı avadanlıqla, hansı ardıcıllıqla) və ondan istifadə metodikası ( nə məqsədlə
və hansı metodlarla aparılır)
Kimyadan laboratoriya işlərinin, kimyəvi təcrübələrin təşkili və
keçirilməsinin təhlükəsizlik texnikası qaydalarına ciddi surətdə əməl olunmasını
tələb edir. Bu qaydaların ən mühümləri ilə tanış olaq.
I. Laborotoriya işlərinin yerinə yetirilməsi qaydaları:
- kimyəvi təcrübənin aparılmasına aid təlimat diqqətlə öyrənilməlidir;
-
işin aparılması üçün hər şeyin (qablar, cihazlar, reaktivlər və s.) olduğunu
yoxlamadan təcrübəyə başlanılmamalıdır;
-
iş zamanı təlimatda göstərilən əməliyyatların ardıcıllığına əməl
olunmalıdır;
-
işin gedişində bütün təhlükəsizlik tədbirləri (tez alışan maddələrlə
ehtiyatla davranılmaq, zəhərli və pis iyli maddələrlə təcrübələri sorucu şkafda
aparmaq və s.) gözlənilməlidir;
- təcrübənin gedişində baş verən dəyişikliklər izlənilməli, onlara qarşı
gərəkli tədbirlər görülməli, təcrübə qurtardıqdan sonra iş yeri səliqəyə
salınmalıdır;
- aparılan laboratoriya işinə, təcrübələrə aid qeydlər edilməli, hesabat
yazılmalı, təcrübə aparılan cihazın şəkli çəkilməlidir.
Kimyəvi təcrübələr zamanı maddələri və ya ionları təyin etmək üçün
istifadə olunan birləşmələrə kimyəvi reaktiv deyilir. Kimyəvi reaktivlərdən
istifadə edərkən onların mühüm xassələrini (tez alışan olması, zəhərli olması,
başqa maddələrlə qarışdıqda partlayış verməsi və s.) bilmək lazımdır. Hər bir
reaktivin saxlandığı qabın üstündə onun etiketi olmalı və bu etiketdə onun
təmizlik dərəcəsi, məhlul olduqda isə qatılığı qeyd olunmalıdır. Əgər qabın
üstündə etiketi yoxdursa ondan müəllimin icazəsi olmadan istifadə etmək olmaz.
II. Kimyəvi reaktivlər və onlarla davranma qaydaları.
Kimyəvi reaktivlə işləyərkən aşağıdakı qaydalar gözlənilməlidir:
1.Təlimatda təcrübəni aparmaq üçün reaktivin miqdarı verilmirsə, ondan çox az
miqdarda götürülməlidir ( 0,1-1qr, 2-3 ml).
2.Təcrübəni apardıqdan sonra reaktivin artığını yenidən onun saxlandığı qaba
tökmək olmaz.
3.Saxlandığı qabdan reaktiv götürüldükdən sonra onun qapağı tez bağlanmalıdır.
2-3(50-51)2015
72
4.Quru reaktivdən götürmək üçün çini və ya metal qaşıqdan, şpateldən istifadə
etmək, sonra onu süzgəc kağızı ilə silmək lazımdır. Maye reaktiv pipetlə
götürülməlidir.
III.Kimyəvi təcrübələrin aparılması zamanı ehtiyatlılıq tədbirləri:
-
zəhərli və pis iyli maddələrlə təcrübələr sorucu şkafda aparılmalı, orada da
saxlanılmalıdır;
- maddələrin, eləcə də təcrübənin gedişində aparılan qazların iyini yaxından
yoxlamaq təhlükəlidir. Mayenin və ya qazın iyi yoxlandıqda qabdan buruna tərəf
əl ilə yelləməli və ehtiyatla nəfəs alınmalıdır;
- qatı turşulardan (xüsusilə, H
2
SO
4
turşusundan) duru turşu hazırlandıqda turşunu
ehtiyatla, az-az suya tökmək lazımdır;
- qızdırılan və qaynayan maye üzərinə əyilmək, baxmaq təhlükəlidir (maye
qabdan sıçraya bilər) ;
- bir maye reaktivi başqasının üzərinə tökəndə də qaba tərəf əyilmək olmaz;
- sınaq şüşəsində maye qızdırıldıqda onun ağzını nə özünə, nə də yoldaşına tərəf
tutmamalı;
- əgər ələ və ya sifətə maye reaktivi sıçrantısı düşərsə, oranı çoxlu su ilə yumaq
lazımdır. Sonra turşu düşən yeri zəif çay sodası məhlulu, qələvi düşən yeri isə zəif
sirkə məhlulu ilə isladıb yenidən su ilə yumaq lazımdır;
- tez alışan maddələrlə təcrübələr alovdan aralı yerdə aparılmalıdır.
Kimyəvi eksperimentin əsas növlərinin mahiyyəti, məqsədi və aparılma
metodikası ilə yaxından tanış olaq.
Nümayiş təcrübələ -.Kimyəvi eksperimentin əasa növlərindən biri olub aşağıdakı
hallarda aparılır:
- kimya təliminin ilk mərhələsində, şagirlərin müstəqil şəkildə kimyəvi təcrübə
aparmaq vərdişləri olmadıqda;
- təcrübənin aparılması mürəkkəb texniki təchizat təşkili və keçirilməsi dəqiqlik
tələb etdikdə;
- vaxta və reaktivlərə qənaət etmək tətləb olunduqda ;
- təhlükəsizlik texnikası baxımından təcrübədə istifadə olunacaq maddələrlə
şagirdlərin işləməsi məsləhət görülmədikdə;
- xarici effektliliyinə və inandırıcılığına görə təcrübəni nümayiş etdirməyə
üstünlük verildikdə.
Nümayis təcrübələr əsasən yeni dərs materialı izah edildikdə müəllim və
ya laborant, yaxud müəllimin rəhbərliyi ilə əvvəlcədən hazırlıq keçmiş fəal
şagirdlər tərəfindən aparılır.
Nümayis təcrübələr, eləcə də kimyəvi eksperimentin başqa növləri
aparılmazdan əvvəl mütləq əvvəlcədən yoxlanmalı, sınaqdan keçirilməlidir. Ən
təcrübəli eksperimentator belə təcrübəni apararkən kiçik də olsa səhv edə bilər.
Dostları ilə paylaş: |