~~~ 57 ~~~
işinə yarayan qəhrəmanlıq, qoçaqlıq kimi gözəl keyfiyyətlər
düşündürür” [80, 16].
Alim yazılı ədəbiyyatdakı bu meyli dövrün tələbi kimi
dəyərləndirmiş “Koroğlu” eposunun eyni adlı qəhrəmanının
da məhz bu dövrdə fəallaşmasının və ya fəallaşdırılmasının
təsadüfi olmadığını bildirmişdir. O, haqlı olaraq yazır ki, şifa-
hi xalq ədəbiyyatının dövrün tələbinə operativ reaksiyasını
yazılı ədəbiyyatda da özünü çox gözlətmədi: “Yazılı ədəbiyyat
bu şərəfli vəzifəni yerinə yetirməkdə heç də geridə qalmadı.
O da Vərqa kimi qəhrəman-aşiq döyüşkən insan obrazını ya-
ratdı. Vərqa əvvəlki aşiqlərdən-məcnunlardan, dəhnamələr-
dəki aşiqlərdən öz qoçaqlığı, mübarizliyi ilə fərqlənir. O, bizə
nağıllardakı, dastanlardakı qəhrəman, qılınc oynadan aşiqlə-
ri xatırladır. Bu, XVII-XVIII əsr yazılı ədəbiyyatını bəzəyən
yeni bir keyfiyyət kimi diqqətli cəlb edir” [80, 16-17].
Çoxcildlik ədəbiyyat tarixi üçün yazdığı oçerkdə Qöv-
si Təbrizinin həyat və yaradıcılığının tədqiq tarixindən da-
nışarkən M.Seyidov mövzunun təfsilatlı təvsirini verməyə,
S.Mümtaz, H.Araslı kimi alimlərin əsərləri barədə nisbətən
ətraflı bəhs etməyə çalışmış, İ.Hikmətin də bu sahədəki xid-
mətini qeyd etmiş, onun ümumi şəkildə müəyyən yanlışlıq-
lara yol verdiyini nəzərə çarpdırmışdır.
Ənənəvi olaraq, monaqrifiyada da şairin ictimai görüşlə-
rinin təhlilinə oçerklə müqayisədə daha geniş yer verilmiş-
dir. Təfsilatlı təhlil şairin ictimai görüşləri haqqında daha da
dolğun təsəvvür oyada bilmişdir. Təfsilatlı təsvir dedikdə biz,
ilk növbədə, şairin şeirlərini onun yaradıcılığı üçün səciyyəvi
olan anlayışların əsasında təhlili nəzərdə tuturuq. Bunların
sırasında “ağ”, “qara”, “fələk”, “dilsizlik” və s. bu kimi anlayış-
ları xüsusi qeyd etmək mümkündür. Müəllif bu tipli anlayış-
ların üzərində bir də ona görə ətraflı dayanmışdır ki, bunlar
Qövsi Təbrizinin poeziyasının ideya-məzmun xüsusiyyətlə-
rinin gizli qatlarını açmaq imkanı yaratmağa qadirdirlər.
Qövsi Təbrizi şeirlərinin birində özünü “bir üzü bağlı,
~~~ 58 ~~~
gözü bağlı şikarəm” deyə səciyyələndirmiş və “bizəban” ol-
duğundan şikayətlənmişdir. M.Seyidov şairin yaradıcılığın-
dakı “bizəbanlıq” ideyasını bir tərəfdən yuxarıda sadalanan
anlayışlarla, digər tərəfdən də həmin ideyanın Azərbaycan
ədəbiyyatındakı təzahür ənənəsi ilə əlaqəli götürmüşdür. Üz
tutulan mətləbin əhatəli götürülməsi həm Qövsi poeziyası-
nın, həm də bu və ya digər dərəcədə Azərbaycan ədəbiyya-
tının ictimai motivlərinin davamlı təzahür ənənəsini işıq-
landırmağa imkan vermişdir: “Azərbaycan ədəbiyyatının bir
çox qabaqcıl sənətkarları, o cümlədən Nəsimi, Füzuli, Saib
Təbrizi və başqaları yeri düşdükcə “bizəbanlıq”dan - dilsiz-
likdən şikayətlənmişlər. Qövsi, eləcə də yuxarıda adları çə-
kilən sənətkarlar “bizəbanlıq” dan şikayətlənərkən, əsasən,
zəmanənin özünəməxsus ədəbi nəzarətini də nəzərdə tutur-
dular. Buna görə də orta əsr şairləri, o cümlədən Qövsi ic-
timai fikirlərini bəzən örtülü, bəzən də eyhamla deyirdilər”
[80, 35-36].
Tədqiqatçı “bizəbanlıq”dan şikayətin bir səbəbini də
şairin doğma dilin taleyi ilə baglı keçirdiyi narahatlıqla
əlaqələndirirdi. Şairin “Doludur” rədifli qəzəlini təhlil edən
M.Seyidov yuxarıda nəzərə çarpdırdığımız mülahizəsini
genişləndirərək yazırdı: “Bu qəzəldə Qövsi bir-biri ilə üzvi
surətdə bağlı olan iki böyük ictimai bəlanı vermişdir. Bun-
lardan biri zamanın zülmkarlığı, digəri isə “dilsizlik” məsələ-
sidir. “Nə dilim var, nə də dil anlayanım” deməklə, şair bir
tarixi həqiqətə - Azərbaycan dilinin ədəbi həyatda sıxışdırıl-
dığına işarə etmişdir” [80, 37]. Araşdırıcının digər maraqlı
tezisi şairin ictimai görüşlərini dəqiq səciyyələndirən belə
fikri ilə bağlıdır: “Şair şeirlərinin birində özü ilə ney arasında
oxşarlıq axtarmagı yersiz hesab edirdi:
Dilim yoxdur benim, ey ney, sənə heç nisbətim yoxdur,
Veribdirlər bənə dərdi, alıbdırlar fəqan bəndən “
[34, 316].
~~~ 59 ~~~
“ Ney kimi kirdarimiz, bəndindədir, bəndindədir göftarımız,
Qulluğa bel bağlamaqdır qövlisiz, ilqarımız.
...Gənci-badavər kimi, ey ney, bu viran dəhrdə,
Gərçi bimaqdarıq, əmmə həq bilir miqdarımız “
[34, 174].
Tədqiqatçı araşdırmasının sonrakı mərhələsində Qövsi
Təbrizinin sufi görüşlərindən danışmasaydı, onun da Füzuli,
Saib Təbrizi kimi vəhdəti-vücudu öyrəndiyini, dünyagörüşü-
nün formalaşmasına “Şərq panteizminin işıqlı cəhətlərinin
təsiri olduğunu” [80, 48] yazmasaydı, onun bu şeir haqqında
elmi təhlili ilə razılaşmaq olardı. Bütün tənqidi qeydləri ilə
birlikdə alimlə razılaşsaq ki, Qövsi Təbrizi sufi olub və ya sufi
ideyalara meyilli yaradıcı şəxsiyyət olubdur, onda onun şei-
rində işlənən ney anlayışını qüdrətli türk sufi şair C.Ruminin
yaradıcılığındakı neylə müqayisədə götürüb nəzərdən keçir-
mək lazımdır [130, 43-44]. Nəzərə almaq lazımdır ki, ney an-
layışına müraciət Qövsi poeziyasında təkrarlanır. Başqa bir
qəzəlində şair “Ney tək bu bizəbanlara dil ver, harayı gör”
mirasını işlətmişdir. Bu isə artıq bir obrazın təkrar işlədilmə-
sindən daha çox müəyyən və sabit məna tutumu qazanmış
anlayışın rəmzi tutumundan istifadə deməkdir. Haqqında
söhbət gedən monoqrafiya tədqiqatçının sufizm haqqında
bu qədər geniş danışılan və bu dərəcədə obyektiv elmi mə-
lumat verilən yeganə əsərlərindən biridir. Çox təəssüf ki, o,
araşdırmalarında axıra qədər eyni elmi mövqedə qalmamış,
sonrakı mərhələdə şairi “dini-fəlsəfi” görüş hesab etdiyi su-
fizmdən “xilas etməyə” çalışmışdır.
Bəzən özünü Şeyx Sənanla müqayisə edən Qövsinin
guya Şərq panteizmindən üz döndərdiyi, dini-fəlsəfi cərəyan
olan sufizmə meyil göstərməklə, məqsədinin “islam ehkam-
larına qarşı” [80, 51] çıxmaq olması kimi hökmlərlə razı-
laşmaq mümkün deyildir. Eyni sözləri şairin şiəliklə əlaqəsi
haqqındakı mülahizələrinə də şamil etmək olar. İlk növbədə,
ona görə ki, araşdırmasının bu hissələrində alim ədəbiyyat
Dostları ilə paylaş: |