Dibattiti tal-kamra tad-deputati
MINISTERU GĦALL-FINANZI - LISTA TA' DIRECT ORDERS
Yüklə 128,49 Kb.
|
MINISTERU GĦALL-FINANZI - LISTA TA' DIRECT ORDERS 6914. L-ONOR. MARTHESE PORTELLI staqsiet lill-Ministru għall-Finanzi: Jista’ l-Ministru jagħti lista ta’ direct orders kollha li ngħataw mill-Ministeru mid-9 ta’ Marzu 2013 sad-9 ta’ Jannar 2014? ONOR. EDWARD SCICLUNA (Ministru għall-Finanzi): Ngħarraf lill-Onor. Interpellant li l-informazzjoni mitluba għadha qed tinġabar. MINISTERU GĦALL-ENERĠIJA U KONSERVAZZJONI TAL-ILMA - LISTA TA' DIRECT ORDERS 6915. L-ONOR. MARTHESE PORTELLI staqsiet lill-Ministru għall-Enerġija u Konservazzjoni tal-Ilma: Jista’ l-Ministru jagħti lista ta’ direct orders kollha li ngħataw mill-Ministeru mid-9 ta’ Marzu 2013 sad-9 ta’ Jannar 2014? ONOR. KONRAD MIZZI (Ministru għall-Enerġija u Konservazzjoni tal-Ilma): Ninforma lill-Onor. Interpellant li d-direct orders li ngħataw huma: · Servizzi ta’ konsulenza · Air tickets – (bi 3 quotations) · Xogħol relatat mal-uffiċċju – (bi 3 quotations) MINISTERU GĦAS-SAĦĦA - LISTA TA' DIRECT ORDERS 6916. L-ONOR. MARTHESE PORTELLI staqsiet lill-Ministru għas-Saħħa: Jista’ l-Ministru jagħti lista ta’ direct orders kollha li ngħataw mill-Ministeru mid-9 ta’ Marzu 2013 sad-9 ta’ Jannar 2014? ONOR. GODFREY FARRUGIA: Ninforma lill-Onor. Membru li t-tweġiba għal din il-mistoqsija għadha qed tinġabar u tingħata f’xi seduta oħra. ĊENTRI TAR-RIŻORSI GĦALL-FAMILJA – FTEHIM 6995. L-ONOR. CLYDE PULI staqsa lill-Ministru għall-Familja u Solidarjetà Soċjali: Tista’ l-Ministru tqiegħed fuq il-Mejda tal-Kamra kopja tal-ftehim li jirregola l-Public-Social Partnerships li se jkunu qed joperaw iċ-Ċentri tar-Riżorsi għall-Familja? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f’seduta oħra. ĊENTRI TAR-RIŻORSI GĦALL-FAMILJA – GĦAJNUNA KONTRA L-FAQAR U L-ESKLUŻJONI SOĊJALI 6996. L-ONOR. CLYDE PULI staqsa lill-Ministru għall-Familja u Solidarjetà Soċjali: Tista’ l-Ministru tgħid kif u b’liema mod iċ-Ċentri tar-Riżorsi għall-Familja se jkunu qed jgħinu fil-ġlieda kontra l-faqar u l-esklużjoni soċjali? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f’seduta oħra. ĊENTRI TAR-RIŻORSI GĦALL-FAMILJA - GĦAJNUNA 6997. L-ONOR. CLYDE PULI staqsa lill-Ministru għall-Familja u Solidarjetà Soċjali: Tista’ l-Ministru tgħid kemm huwa ppjanat li se jiġu indirizzati persuni li sal-lum għadhom mhux jiġu indirizzati permezz taċ-Ċentri tar-Riżorsi għall-Familja, fil-ġlieda kontra l-faqar u l-esklużjoni soċjali? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f’seduta oħra. ĊENTRI TAR-RIŻORSI GĦALL-FAMILJA - PJANIJIET 6998. L-ONOR. CLYDE PULI staqsa lill-Ministru għall-Familja u Solidarjetà Soċjali: Tista’ l-Ministru tgħid kemm huwa ppjanat li se jinħarġu persuni mill-faxxa ta’ riskju ta’ faqar permezz taċ-Ċentri tar-Riżorsi għall-Familja? Sa meta? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f’seduta oħra. ĊENTRI TAR-RIŻORSI GĦALL-FAMILJA - PJANIJIET 6999. L-ONOR. CLYDE PULI staqsa lill-Ministru għall-Familja u Solidarjetà Soċjali: Tista’ l-Ministru tgħid kemm huwa ppjanat li se jinħarġu persuni mill-faxxa ta’ faqar permezz taċ-Ċentri tar-Riżorsi għall-Familja? Sa meta? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f’seduta oħra. ĊENTRI TAR-RIŻORSI GĦALL-FAMILJA – POLITIKA STRATEĠIKA NAZZJONALI GĦALL-ANZJANITÀ ATTIVA 7000. L-ONOR. CLYDE PULI staqsa lill-Ministru għall-Familja u Solidarjetà Soċjali: Tista’ l-Ministru tgħid kif u b’liema mod iċ-Ċentri tar-Riżorsi għall-Familja se jkunu qed jgħinu biex jintlaħqu l-għanijiet tal-Politika Strateġika Nazzjonali għal Anzjanità Attiva? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f’seduta oħra. ĊERTIFIKATI DWAR L-ENERĠIJA FIL-BINI 7034. L-ONOR. ĊENSU GALEA staqsa lill-Ministru għall-Enerġija u Konservazzjoni tal-Ilma: Jista’ l-Ministru jagħti tagħrif dwar kemm hu n-numru ta’ persuni li huma awtorizzati li joħorġu ċertifikati dwar l-enerġija fil-bini? Meta sar l-aħħar kors biex ikunu jistgħu jiġu akkreditati tali persuni u meta hu mistenni li jsir kors ieħor għal dan l-istess għan? ONOR. KONRAD MIZZI: Ninforma lill-Onor. Interpellant biex jagħmel il-mistoqsija lill-Ministeru kkonċernat. EŻAMIJIET GĦALL-PROMOZZJONIJIET FIL-GRADI TA’ MESSAĠIERA 7035. L-ONOR. ĊENSU GALEA staqsa lill-Prim Ministru: Jista’ l-Prim Ministru jagħti tagħrif dwar meta saru l-aħħar eżamijiet għall-promozzjonijiet fil-gradi differenti tal-messaġġiera? Kemm kien in-numru ta’ messaġġiera li qagħdu għal dan l-eżamijiet? Għal kemm kien validu l-istess eżami? Meta hu mistenni li jingħataw il-promozzjonijiet dawk li kienu għaddew minn dawn l-istess eżamijiet? ONOR. JOSEPH MUSCAT: It-tabella li twieġeb l-ewwel parti ta’ din il-mistoqsija parlamentari tpoġġiet fuq il-Mejda tal-Kamra waqt il-ħin ta’ Tqegħid ta’ Karti. Rigward l-aħħar parti, ninforma lill-Onor Interpellant li l-postijiet jimtlew skont l-eżiġenzi tas-Servizz u l-prijoritajiet tal-Amministrazzjoni. MINISTERU GĦALL-FAMILJA U SOLIDARJETÀ SOĊJALI - LISTA TA' DIRECT ORDERS 7055. L-ONOR. CHRIS AGIUS staqsa lill-Ministru għall-Familja u Solidarjetà Soċjali: Tista’ l-Ministru tagħti, sena b’sena, lista kollha ta’ direct ordersli ngħataw mill-Ministeru, inkluż mill-aġenziji, awtoritajiet, fondazzjonijiet, kumpaniji u/jew korporazzjonijiet li jaqgħu taħt id-dekasteru tagħha, minn Settembru 1998 sat-8 ta’ Marzu 2013? ONOR. MARIE LOUISE COLEIRO PRECA: Tweġiba għal din il-mistoqsija parlamentari se tingħata f'seduta oħra. MINISTERU GĦAD-DJALOGU SOĊJALI, AFFARIJIET TAL-KONSUMATUR U LIBERTAJIET ĊIVILI - LISTA TA' DIRECT ORDERS 7056. L-ONOR. CHRIS AGIUS staqsa lill-Ministru għad-Djalogu Soċjali, Affarijiet tal-Konsumatur u Libertajiet Ċivili: Tista’ l-Ministru tagħti, sena b’sena, lista kollha ta’ direct ordersli ngħataw mill-Ministeru, inkluż mill-aġenziji, awtoritajiet, fondazzjonijiet, kumpaniji u/jew korporazzjonijiet li jaqgħu taħt id-dekasteru tagħha, minn Settembru 1998 sat-8 ta’ Marzu 2013? ONOR. HELENA DALLI (Ministru għad-Djalogu Soċjali, Affarijiet tal-Konsumatur u Libertajiet Ċivili): Ninforma lill-Onor. Interpellant li l-informazzjoni għall din il-mistoqsija parlamentari għadha qed tinġabar u għalhekk se tingħata f’xi seduta oħra. UFFIĊĊJU TAL-PRIM MINISTRU – LISTA TA’ VARJAZZJONIJIET 7057. L-ONOR. CHRIS AGIUS staqsa lill-Prim Ministru: Jista’ l-Prim Ministru jagħti, sena b’sena (bejn l-2008 u t-8 ta' Marzu 2013), lista ta’ varjazzjonijiet kollha li ngħataw mill-Uffiċċju tal-Prim Ministru inkluż mill-aġenziji, awtoritajiet, fondazzjonijiet, kumpaniji u/jew korporazzjonijiet li jaqgħu taħt id-dekasteru tiegħu? Jista’ jagħti n-natura tal-kuntratt, min ingħata dan il-kuntratt, il-valur oriġinali tal-kuntratt u l-valur finali tal-kuntratt? ONOR. JOSEPH MUSCAT: Ninforma l-Onor. Interpellant li l-informazzjoni mitluba għadha qed tinġabar u tingħata f’xi seduta oħra MINISTERU GĦALL-AFFARIJIET EWROPEJ U T-TWETTIQ TAL-MANIFEST ELETTORALI - LISTA TA' VARJAZZJONIJIET 7058. L-ONOR. CHRIS AGIUS staqsa lid-Deputat Prim Ministru u Ministru għall-Affarijiet Ewropej u t-Twettiq tal-Manifest Elettorali: Jista’ d-Deputat Prim Ministru jagħti, sena b’sena (bejn l-2008 u t-8 ta' Marzu 2013), lista ta’ varjazzjonijiet kollha li ngħataw mill-Ministeru inkluż mill-aġenziji, awtoritajiet, fondazzjonijiet, kumpaniji u/jew korporazzjonijiet li jaqgħu taħt id-dekasteru tiegħu? Jista’ jagħti n-natura tal-kuntratt, min ingħata dan il-kuntratt, il-valur oriġinali tal-kuntratt u l-valur finali tal-kuntratt? ONOR. LOUIS GRECH (Deputat Prim Ministru u Ministru għall-Affarijiet Ewropej u t-Twettiq tal-Manifest Elettorali): Ninforma lill-Onor. Interpellant li ma ngħatat l-ebda varjazzjoni fil-perjodu kkonċernat mid-dekasteru tiegħi. MINISTERU GĦALL-AFFARIJIET BARRANIN - LISTA TA' VARJAZZJONIJIET 7059. L-ONOR. CHRIS AGIUS staqsa lill-Ministru għall-Affarijiet Barranin: Jista’ l-Ministru jagħti, sena b’sena (bejn l-2008 u t-8 ta' Marzu 2013), lista ta’ varjazzjonijiet kollha li ngħataw mill-Ministeru inkluż mill-aġenziji, awtoritajiet, fondazzjonijiet, kumpaniji u/jew korporazzjonijiet li jaqgħu taħt id-dekasteru tiegħu? Jista’ jagħti n-natura tal-kuntratt, min ingħata dan il-kuntratt, il-valur oriġinali tal-kuntratt u l-valur finali tal-kuntratt? ONOR. GEORGE VELLA (Ministru għall-Affarijiet Barranin): L-informazzjoni mitluba qiegħda tinġabar. Risposta tingħata f'seduta oħra. MINISTERU GĦAT-TURIŻMU - LISTA TA' VARJAZZJONIJIET 7060. L-ONOR. CHRIS AGIUS staqsa lill-Ministru għat-Turiżmu: Jista’ l-Ministru jagħti, sena b’sena (bejn l-2008 u t-8 ta' Marzu 2013), lista ta’ varjazzjonijiet kollha li ngħataw mill-Ministeru inkluż mill-aġenziji, awtoritajiet, fondazzjonijiet, kumpaniji u/jew korporazzjonijiet li jaqgħu taħt id-dekasteru tiegħu? Jista’ jagħti n-natura tal-kuntratt, min ingħata dan il-kuntratt, il-valur oriġinali tal-kuntratt u l-valur finali tal-kuntratt? ONOR. KARMENU VELLA (Ministru għat-Turiżmu): Ninsab infurmat li l-informazzjoni mitluba qed tinġabar u għaldaqstant tweġiba tingħata f’xi seduta oħra. SERVIZZ TAT-TRASPORT PUBBLIKU – OVERTIME LILL-ĦADDIEMA 7087. L-ONOR. ĊENSU GALEA staqsa lill-Ministru għat-Trasport u l-Infrastruttura: Fit-28 ta' Novembru 2013, b'ittri kbar fl-ewwel faċċata ta’ gazzetta lokali tħabbar li l-ħaddiema tal-Arriva kienu għamlu rebħa kbira għaliex kienu se jibqgħu/ jibdew jitħallsu paga tripla fil-jiem tal-festi pubbliċi, Jista' l-Ministru jagħti tagħrif dwar jekk il-ħaddiema fil-fatt irċevewx il-paga tagħhom tripla fil-festi li kien hemm bejn it-28 ta' Novembru 2013 u l-jum li fih l-Arriva għaddiet għand il-Gvern ta' Malta (amministrata minn kumpanija mwaqqfa apposta) kif ukoll minn dakinhar li l-Arriva għaddiet għand il-Gvern ta' Malta? Jista' jagħti tagħrif dwar liema huma l-festi pubbliċi nklużi f'dan il-ftehim, u jekk il-Ħdud humiex ukoll parti mill-istess ftehim? ONOR. JOE MIZZI: Ninforma lill-Onor. Interpellant li l-ħaddiema rċevew ħlas triplu għall-festi pubbliċi kollha fis-sena 2013 li ħabtu mit-Tnejn sal-Ġimgħa, inkluż dawk li kien hemm bejn it-28 ta’ Novembru 2013 u l-jum li fih l-Arriva Malta Ltd għaddiet għand il-Gvern. Dan il-ħlas sar skont il-ftehim li l-Arriva Malta Ltd għamlet mal-General Workers Union fit-23 t’April 2013. Infurmat ukoll li mit-2 ta’ Jannar 2014, li hija d-data minn meta l-Arriva Malta Ltd għaddiet għand il-Gvern, ma kien hemm l-ebda festa pubblika. GĦAWDEX – TRASPORT PUBBLIKU 7115. L-ONOR. CHRIS SAID staqsa lill-Ministru għat-Trasport u l-Infrastruttura: Jista’ l-Ministru jgħid kemm hemm vetturi jaħdmu fuq l-iskeda tat-trasport pubbliku f’ Għawdex (ex-Arriva)? X’ tip ta’ vetturi huma dawn u kemm hi s-seating capacity ta’ kull vettura? Meta hi d-data tal-manifattura ta’ kull vettura li taħdem f’Għawdex? ONOR. JOE MIZZI: Ninforma lill-Onor. Interpellant li ninsab infurmat li n-numru ta’ vetturi li jaħdmu fuq l-iskeda tat-trasport pubbliku f’Għawdex huwa ta’ 12, fejn 10 vetturi jintużaw fuq is-servizz tat-trasport pubbliku u 2 vetturi oħra jinżammu bħala vetturi addizzjonali. Id-dokument li jindika is-seating capacity, it-tip ta’ vettura kif ukoll id-data tal-manifattura tat-12-il vettura li hemm allokati ġewwa Għawdex tpoġġew fuq il-Mejda tal-Kamra waqt il-ħin tat- Tqegħid ta’ Karti. GĦAWDEX – TRASPORT PUBBLIKU 7116. L-ONOR. CHRIS SAID staqsa lill-Ministru għat-Trasport u l-Infrastruttura: Jista’ l-Ministru jgħid kemm hemm impjegati (ex-Arriva) mal-kumpanija li issa qed tħaddem it-trasport pubbliku f’ Għawdex? F’liema gradi huma impjegati dawn il-ħaddiema? ONOR. JOE MIZZI: Ninforma lill-Onor. Interpellant li bil-ftehim li ntlaħaq bejn il-Gvern u l-Arriva Group, l-ishma tal-kumpanija li kienet topera t-trasport pubbliku f’Malta, jiġifieri l-Arriva Malta Ltd, għaddew f’ idejn il-Gvern u l-isem tal-kumpanija inbidel f’Malta Public Transport Services (Operations Ltd). B’ hekk il-ħaddiema li kienu impjegati ma’ din il-kumpanija għadhom impjegati mal-istess kumpanija b’isem differenti. B’ kollox f’Għawdex hemm 44 ħaddiem maqsumin fil-kategoriji hekk kif muri fit-tabella t’hawn taħt:
GĦAWDEX – IĊ-ĊITTADELLA – PROĠETTI 7117. L-ONOR. CHRIS SAID staqsa lill-Ministru għal Għawdex: B’referenza għar-risposta tal-mistoqsija parlamentari 6949, jista’ l-Ministru jgħid liema huma dawk is-sejħiet għall-offerti li hemm bħalissa fis-suq għal xogħlijiet bħala parti mill-proġett taċ-Cittadella – ERDF 246 – Implimentazzjoni tar-Rakkomandazzjonijiet taċ-Cittadella u fl-liema stadju jinsabu dawn is-sejħiet? ONOR. ANTON REFALO (Ministru għal Għawdex): Is-sejħiet għall-offerti li hemm bħalissa fis-suq għal xogħlijiet bħala parti mill-proġett taċ-Ċittadella – ERDF 246 – Implimentazzjoni tar-rakkomandazzjonijiet tal-Masterplan taċ-Ċittadella huma kif imniżżla fit-tabella li tpoġġiet fuq il-Mejda tal-Kamra waqt il-ħin tat-Tqegħid ta’ Karti. GĦAWDEX - IĊ-CITTADELLA – XOGĦLIJIET TA’ RESTAWR 7118. L-ONOR. CHRIS SAID staqsa lill-Ministru għal Għawdex: Jista’ l-Ministru jgħid kemm intefgħu offerti għat-tender numru CT3086/2013 – xogħlijiet ta’ restawr ta’ faċċati ta’ bini fiċ-Cittadella u kemm kien il-valur ta’ kull offerta li ġiet sottomessa? ONOR. ANTON REFALO: Ninsab infurmat li ntefgħu ħames offerti għal din is-sejħa. Il-valur ta’ kull offerta huwa kif jidher hawn taħt;
Yüklə 128,49 Kb. Dostları ilə paylaş:
|