«didaktika oqitiw teoriyasi» temasında Lektor: assistent oqıtıwshı J. Abdijabbarova



Yüklə 445 b.
tarix05.03.2018
ölçüsü445 b.
#29831


«DIDAKTIKA OQITIW TEORIYASI» temasında

  • Lektor: assistent oqıtıwshı J.Abdijabbarova


Sabaq jobası:

  • 1. Didaktika haqqında tu`sinik

  • 2. Didaktikanın` rawajlanıwı

  • 3. Tiykarg`ı didaktikalıq tu`sinikler

  • 4. Didaktika ha`m jeke metodikalar

  • 5. Ha`zirgi zaman didaktikasının` baslı ma`seleleri



Tayanısh tu`sinikler:

  • Pedagogika, didaktika, metodika, jeke metodika, oqıtıw, oqıtıw teoryası, oqıtıw mazmunı, sabaq beriw, oqıw, mag`lıwmat, oqıtıw nızamlıqları, oqıtıw printsipleri, oqıtıw prosesi.



Didaktika pedagogikanın` bir bo`limi bolıp, onda bilim beriw menen mag`lıwmat beriw teoriyası bayan etilgen.

  • Didaktika pedagogikanın` bir bo`limi bolıp, onda bilim beriw menen mag`lıwmat beriw teoriyası bayan etilgen.





Didaktika haqqında tu`sinik

  • Oqıtıw protsesi ha`m oqıtıw mazmunı – didaktikanın` u`yreniw ob`ektine aynaldı. Sabaq beriw menen oqıwdın` baylanısı, birligi ha`m o`z-ara ha`reketi – didaktika pa`ni bolıp qa`liplesti.

  • Didaktikanı ayrım avtorlar o`z miynetlerinde oqıtıw teoriyası dep, al basqa avtorlar mag`lıwmat teoriyası dep atadı. Keyin didaktikanı oqıtıw ha`m mag`lıwmat teoriyası dep ataw da`stu`rge kirdi.



Didaktika tariyxı

  • Farabiy (873-950) orta a`sirdegi shıg`ıs pedagogikası iliminin` tiykarın salıwshılardan biri boldı. Ol o`zinin` miynetlerinde didaktika, du`n`ya tanıw, ta`lim-ta`rbiya faktorları ha`m onın` psixologiyalıq ma`selelerin bayan etti.

  • Beruniy (973-1037) ag`artıwshılıqqa u`lken dıqqat awdardı. Oqıtıw printsipleri, oqıtıwdı sho`lkemlestiriw tu`rleri, metodları tuwralı bahalı miyraslar qaldırdı. Ulug`bek (1394-1449) Samarqandta du`n`yada birinshilerden bolıp astronomiya mektebin jarattı, ag`artıwshılıqtın` ullı darg`alarınan biri boldı.



Didaktikanın` rawajlanıwı

  • Farg`aniy, Farabiy, Ibn-Sino, Beruniy, Xorezmiy, Ulug`bek ha`m basqalardın` pedagogikalıq ideyaları du`n`ya ju`zi pedagogikasının`, onın` bir bo`limi didaktikanın` rawajlanıwına IX-XVII a`sirde ku`shli ta`sir jasag`an.



YA.A.KOMENSKIY (1592-1670)

  • Ulıwma ha`m baslawısh ta`lim teoriyasın rawajlandırıwda ayrıqsha xızmet isledi. «Ullı didaktika» atlı miynetinde oqıtıw mazmunın, printsiplerin, quralların, metodların ha`m oqıtıwdı sho`lkemlestiriwdin` klass-sabaq sistemasın islep shıqtı. Onın` didaktika boyınsha ozıq ta`liymatı bizin` milliy pedagogikamızda bu`gingi ku`nde de jas a`wladqa ta`lim-ta`rbiya beriwde tabıslı qollanılıp atır. Ol jaratqan oqıtıw protsesin sho`lkemlestiriwdin` sabaq tu`ri du`n`yanın` ko`pshilik ma`mleketleri sıyaqlı bizin` g`a`rezsiz respublikamız mekteplerinde neshe jıllardan beri jaqsı na`tiyjeler bermekte.



J.J.RUSSO (1712-1778)

  • «Emil` yamasa ta`rbiya haqqında» degen ko`rnekli shıg`armasında (1762) oqıwshı shaxsın rawajlandırıw protsesin, qorshap alg`an ta`biyiy ha`m miynet ortalıg`ında balanı tabıslı oqıtıwdın` sha`rt-sharayatların ashıp berdi. Ol avtoritarlıq oqıtıw sistemasına pu`tkilley qarsı boldı, oqıtıwdın` insanıylıq ha`m demokratiyalıq sıpatta bolıwın jaqladı. Bunnan bir neshe a`sir ilgeri mashqalalı oqıtıwdı usındı, onın` artıqmashlıqların da`lilledi. Mashqalalı oqıtıw bizin` respublikamız mekteplerinde ha`zirgi ku`nde tabıslı qollanılmaqta.



I.G.PESTALOSSI (1746-1827)

  • O`zinin` ku`ta` bay ta`lim-ta`rbiya ta`jiriybesin «Lingrad i Gertruda», «Gertruda o`zinin` balaların qalay oqıtadı» ha`m basqa miynetlerinde bayan etti. Elementar` bilim teoriyasın jarattı. Oqıtıwdın` rawajlandırıwshı sıpatın da`lillep, didaktikanın` rawajlanıwına ayrıqsha u`les qostı. Ullı rus pedagogı K.D.Ushinskiy bunı «Pestalotstsidin` ashqan ullı jan`alıg`ı» dep atadı. I.G.Pestalotstsi biliw teoriyası, oqıtıw printsipleri, metodları ha`m didaktikanın` basqa ma`seleleri jo`ninde de bahalı miyraslar qaldırdı. Onın` miynetleri didaktikanın` rawajlanıwına ku`shli ta`sir jasadı.



K.D.USHINSKIY (1824-1870)

  • K.D.Ushinskiy (1824-1870) rus pedagogikasının` atası. Ol ta`lim-ta`rbiyanın` teoriyalıq ha`m a`meliy ma`selelerin islep shıqtı. Rus pedagogikasında baslawısh mektep didaktikasının` tiykarın salg`an a`jayıp pedagog. Neshe a`wladlar onın` «Ana tili», «Balalar du`n`yası» sabaqlıqların oqıp sawat ashtı. «Adam ta`rbiya predmeti sıpatında» atlı miynetinde oqıtıwdın` psixologiyalıq-pedagogikalıq tiykarların ashıp berdi. Baslawısh ta`lim mazmunın, printsiplerin, metodların islep shıg`ıwda, oqıtıw metodların jetilistiriwde zor miynet etti. Sonın` ushında K.D.Ushinskiy jaratqan, rawajlandırg`an baslawısh ta`lim teoriyası ha`m a`meliyatı ha`zirgi ku`nde de og`ada bahalı.



Didaktikanın` rawajlanıwı

  • Bayan etilgen pikirlerden ilimiy didaktikanın` payda bolıwı, rawajlanıwı ha`m qa`liplesiwi adamzat ja`miyetinin` tariyxıy rawajlanıw protsesi menen sabaqlas degen juwmaq shıg`arıwg`a imkan beredi.



Tiykarg`ı didaktikalıq tu`sinikler

  • Oqıtıw ha`m mag`lıwmat teoriyasında didaktikanın` tu`p ma`nisin an`latatug`ın ha`m ma`nisin ashıp beretug`ın negizgi tu`sinikler qollanıladı. Olar qatarına: oqıtıw, sabaq beriw, oqıw, mag`lıwmat, oqıtıw nızamlıqları, oqıtıw printsipleri, oqıtıw protsesi tu`sinikleri jatadı.





OQITIW

  • Mug`allim menen oqıwshının` bir maqsetke qaratılg`an birgeliktegi xızmeti bolıp onda oqıwshı bilim menen qurallandırıladı, ta`rbiyalanadı ha`m rawajlanadı. Oqıtıw ta`rbiyalawshı sıpatqa iye bolg`an menen de bir o`zi ha`r ta`repleme, u`ylesikli rawajlang`an shaxstı qa`liplestiriw ma`selelerin u`zil-kesil sheshe almaydı. Sonlıqtan oqıw-ta`rbiya orınlarında oqıtıw isleri menen bir qatarda klasstan ha`m mektepten tıs ha`r tu`rli ta`lim-ta`rbiyalıq jumıslar ju`rgiziledi. Oqıtıw menen ta`rbiyanın` birgeliktegi ta`siri na`tiyjesinde shaxstı ha`r ta`repleme rawajlandırıwdın` bir pu`tin protsesi a`melge asırıladı.



SABAQ BERIW HA`M OQIW

  • Oqıtıw protsesi sabaq beriw ha`m oqıw jumıslarının` birliginen quraladı. Oqıtıw barısındag`ı mug`allimnin` xızmeti sabaq beriw dep ataladı, oqıwshının` xızmeti oqıw dep ju`rgiziledi. Oqıw o`zbetinshe bilim alıw ha`m aralıqtan oqıw protsesinde de iske asadı.



MAG`LIWMAT

  • Mag`lıwmat delingende oqıwshının` aldın maqsetli tu`rde ilimiy bilimler sistemasın o`zlestiriwi, bilim, eplilik ha`m ko`nlikpelerdi iyelewi, onın` du`n`yag`a ko`z-qarasının`, ulıwma insanıy ha`m milliy pazıyletlerdin` qa`liplesiwi ko`zde tutıladı. Mag`lıwmatlı bolıwda sotsiallıq ortalıq belgili ta`sir jasaydı, xabar, baylanıs texnologiyası, komp`yuter tarmaqları, internet ha`m tag`ı basqalar ma`lim xızmet atqaradı. Mag`lıwmat alıw ishten oqıw, sırttan oqıw, eksternat ha`m aralıqtan oqıw arqalı a`melge asırıladı.



OQITIW NIZAMLILIQLARI

  • Oqıtıw belgili nızamlılıqlarg`a tiykarlanadı. Oqıtıw protsesi menen ken` ma`nistegi sotsiallıq protsesler arasındag`ı sırtqı, oqıtıw protsesinin` ayrım bo`limleri (maqset, mazmun, tu`r, qural, metod t.b.) arasındag`ı ishki qatnasıqlarda ju`zege shıg`atug`ın ulıwma, baslı, za`ru`riy ha`m turaqlı ta`kirarlanatug`ın baylanıslarg`a oqıtıw nızamlıqları dep ataladı.



OQITIW PRINTSIPLERI

  • Didaktika ta`repinen ashılg`an oqıtıw nızamlıqlarınan oqıtıw jumıslarının` en` baslı talapları kelip shıg`adı. Ol talaplardı pedagogikada oqıtıw printsipleri dep ataydı. Oqıtıw printsiplerin basshılıqqa alıw, onı do`retiwshilik penen sheber iske asırıw arqasında oqıtıw protsesin ku`ta` maqul da`rejede o`tkeriwge qolaylı jag`daylar jaratıladı. Ma`selen, pedagog, psixolog alımlar ta`repinen oqıtıw protsesine qanshelli ko`birek seziw organları qatnastırılsa, bilimdi iyelewdin` sonshelli tabıslı bolatug`ın nızamlıg`ı ashıldı. Usıg`an baylanıslı orınlı, za`ru`rli jerinde, kerek waqtında ko`rsetpeli ha`m texnikalıq qurallardı ken` qollaw talabı kelip shıqtı. Bul talap didaktikada ko`rsetpeli oqıtıw printsipleri dep ju`rgizilmekte.



OQITIW PROSESI

  • Mug`allimnin` bilim beriwdegi, oqıwshılardın` bilim iyelewdegi, bir maqsetke qaratılg`an birgeliktegi xızmetine oqıtıw protsesi delinedi. Oqıtıw protsesinin` sapalı ha`m na`tiyjeli bolıwı ko`p jag`daylarg`a: mug`allimnin` pedagogikalıq sheberligine, oqıtıwshı ha`m oqıwshının` biliw xızmeti nızamlıqların buljıtpay basshılıqqa alıwına ha`m oqıwshının` bilim alıwg`a sanalı qatnasına baylanıslı boladı. Oqıtıw protsesin sıpatlaytug`ın tu`sinikler: maqset, wazıypa, mazmun, tu`r, usıl, qural, metod ha`m basqalar olarg`a bag`ıshlang`an arnawlı baplarda ha`m temalarda jaratıladı.



DIDAKTIKA HA`M JEKE METODIKALAR

  • Pedagogikanın` rawajlanıwı menen didaktikada rawajlandı. Ulıwma didaktikadan onın` qatar tarawları: baslawısh mektep didaktikası, orta mektep didaktikası, ka`sip-o`ner ta`limi didaktikası ha`m joqarı mektep didaktikası ajıralıp shıqtı.



DIDAKTIKA HA`M JEKE METODIKALAR

  • Baslawısh mektep didaktikası baslawısh ta`limnin` maqsetin, wazıypaların, printsiplerin, mazmunın, quralların, metodların, texnologiyaların, oqıtıwdı sho`lkemlestiriwdin` tu`rleri menen nızamlıqların u`yrenedi. Ulıwma orta ta`limnin` maqsetin, wazıypaların, printsiplerin, mazmunın, quralların, metodların, texnologiyaların oqıtıwdı sho`lkemlestiriw tu`rleri menen nızamlıqların u`yreniw menen orta mektep didaktikası shug`ıllanadı.



DIDAKTIKA HA`M JEKE METODIKALAR

  • Ko`p zamanlardan berli oqıtıw teoriyası menen oqıtıw metodikası didaktikanın` u`yreniw ob`ekti boldı. Waqıttın` o`tiwi, ta`jiriybenin` toplanıwı menen ha`r bir pa`ndi oqıtıwdın` o`zine ta`n bolg`an o`zgesheliklerin ashıp beriwde didaktikanın` mu`mkinshiligi joqlıg`ı sezile basladı. A`sirese, gumanitar, ta`biyiy ha`m ja`miyetlik pa`nlerdi oqıtıwdag`ı ayırmashılıqlar ku`ta` aytarlıqtay boldı. Na`tiyjede didaktikadan jeke metodikalar bo`linip shıqtı ha`m o`z aldına pedagogikalıq pa`n bolıp qa`liplesti.



DIDAKTIKA HA`M JEKE METODIKALAR

  • Didaktika menen jeke metodikalardın` u`yreniw ob`ekti jan`asha belgilendi. Didaktika oqıtıw protsesinin` ulıwma ilimiy-teoriyalıq ma`selelerin u`yrenetug`ın boldı. Al jeke metodikalar bolsa ol ya bul pa`ndi oqıtıwdın` jeke o`zine ta`n bolg`an o`zgeshelikleri menen nızamlıqların u`yreniw menen shug`ıllanadı. Didaktika ha`m jeke metodikalar bir-biri menen tıg`ız baylanısta rawajlanıp, birin-biri teoriyalıq ha`m a`meliy jaqtan bayıtıp baradı.



DIDAKTIKA HA`M JEKE METODIKALAR

  • Bilimlendiriw Nızamı ha`m kadrlar tayarlawdın` milliy bag`darlamasının` qabıl etiliwi didaktika menen jeke metodikalardın` rolin og`ada ko`terdi. Sebebi, didaktika menen jeke metodikalar jan`a milliy qa`nigelerdi tayarlawda, jan`a pedagogikalıq texnologiyalardı jaratıw menen qollanıwda, xabar baylanıs texnologiyasınan, komp`yuter, Internet, aralıqtan oqıtıw ha`m aldın`g`ı is-ta`jiriybelerden paydalanıwda mug`allimlerge na`tiyjeli ja`rdem ko`rsetiwi lazım. Mug`allimlerdi ba`rhama u`yreniwge, izleniwge, izertlewge ha`m ta`lim-ta`rbiyanı do`retiwshilik penen o`tkeriwge jollawı tiyis.



Ha`zirgi zaman didaktikasının` baslı ma`seleleri

  • Milliy ideya menen qurallang`an, milliy g`a`rezsizlik ideologiyası ruwxında kamalg`a kelgen bilimdan, o`z betinshe erkin pikirleytug`ın jaslardı ta`rbiyalaw, do`retiwshilikke uqıplı, shet elli ka`siplesleri menen ba`sekige tu`siwge tayar maman qa`nigelerdi jetilistiriw milliy pedagogikamızdın` ha`zirgi ku`ndegi en` a`hmiyetli wazıypaları. Onın` esesine du`n`ya ilimi, texnikası, texnologiyası, ekonomikası ha`m ma`deniyatının` rawajlanıwı menen milliy pedagogikamızda jan`a mashqalalar payda bolmaqta.



Ha`zirgi zaman didaktikasının` baslı ma`seleleri

  • Pedagogikalıq jan`a tu`sinikler (pedagogikalıq texnologiyalar, xabar ha`m baylanıs texnologiyası, ma`mleketlik bilimlendiriw standartı, elektron pochta, komp`yuter tarmag`ı, internet, monitoring orayı, pedagogikalıq innovatsiya, aralıqtan oqıw, menedjment, algoritmlestiriw, modellestiriw t.b.) ken` tu`rde kirip kelmekte, oqıtıwdın` jan`a texnikalıq qurallarınan paydalanıw za`ru`rligi ku`nnen ku`nge artpaqta.



Ha`zirgi zaman didaktikasının` baslı ma`seleleri

  • Bul a`diwli wazıypalardı ilimge, teoriyalıq bilimge negizlenbey turıp jemisli sheshiw mu`mkin emes. Mektep turmısına jan`a pedagogikalıq texnologiyanı, xabar baylanıs texnologiyasın, pedagogikalıq innovatsiyanı kiritiw, ma`mleketlik bilimlendiriw standartın jetilistiriw, ta`limdi milliy mazmun menen bayıtıw, xalıq pedagogikasınan, du`n`ya ju`zi pedagogikası jan`alıqlarınan o`nimli paydalanıw ushın pedagogika ilimine, oqıtıw protsesi menen oqıtıw mazmunının` baylanısın ashıp beretug`ın didaktikag`a tiykarlanıw za`ru`r.



Ha`zirgi zaman didaktikasının` baslı ma`seleleri

  • Usı a`hmiyetli wazıypalarg`a tiykarlanıp didaktikanın` ha`zirgi da`wirdegi en` baslı mashqalalarına to`mendegilerdi kiritiw mu`mkin:

  • – du`n`ya bilimlendiriw standartı negizinde ma`mleketlik bilimlendiriw standartın, ta`lim mazmunının` pedagogikalıq tiykarların islep shıg`ıw;

  • – oqıtıw protsesinin` nızamlıqların, qarama-qarsılıqların ha`m ha`reketke keltiriwshi ku`shlerin anıqlawdı dawam etiw;



– jan`a milliy pedagogikalıq texnologiyanı jaratıw, qollaw, jetilistiriw mashqalalarının` teoriyalıq ha`m a`meliy ma`selelerin u`yreniw, na`tiyjelerin mektep turmısına en jaydırıw;

  • – jan`a milliy pedagogikalıq texnologiyanı jaratıw, qollaw, jetilistiriw mashqalalarının` teoriyalıq ha`m a`meliy ma`selelerin u`yreniw, na`tiyjelerin mektep turmısına en jaydırıw;

  • – oqıtıw protsesin sho`lkemlestiriwdin` da`stu`riy tu`rlerin jetilistiriw, da`stu`riy emes tu`rlerin jaratıw ha`m rawajlandırıw;

  • – oqıtıw protsesin insanıylastırıw ha`m demokratiyalastırıwdın` jolların izertlew, na`tiyjelerin oqıw-ta`rbiya orınlarına en jaydırıw;



– oqıwshılardı o`z betinshe erkin do`retiwshilik penen pikirlewge, jedellikke, intalılıqqa, bilimge ha`m jan`alıqqa qumarlılıqqa u`yretiwdin`, biliw ku`shleri menen biliw uqıplılıqların rawajlandırıwdın` metodların jaratıw;

  • – oqıwshılardı o`z betinshe erkin do`retiwshilik penen pikirlewge, jedellikke, intalılıqqa, bilimge ha`m jan`alıqqa qumarlılıqqa u`yretiwdin`, biliw ku`shleri menen biliw uqıplılıqların rawajlandırıwdın` metodların jaratıw;

  • – xabar, baylanıs texnologiyası, komp`yuter, internet, aralıqtan oqıw, oqıtıwdın` jan`a texnikalıq qurallarınan paydalanıwdın` ilimiy-a`meliy tiykarların islep shıg`ıw;

  • – ta`limnin` oqıw-metodikalıq ha`m oqıw-materiallıq bazasının` pedagogikalıq mashqalaların islep shıg`ıw;



– oqıw jobaların, oqıw bag`darlamaların, sabaqlıqlardı ha`m oqıw qollanbaların ma`mleketlik bilimlendiriw standartı negizinde jan`asha du`ziwdin` ilimiy-a`meliy tiykarın jaratıw;

  • – oqıw jobaların, oqıw bag`darlamaların, sabaqlıqlardı ha`m oqıw qollanbaların ma`mleketlik bilimlendiriw standartı negizinde jan`asha du`ziwdin` ilimiy-a`meliy tiykarın jaratıw;

  • – du`n`ya bilimlendiriw talaplarına ılayıq milliy pedagogikalıq kadrlardı tayarlaw, olarg`a do`retiwshilik ushın sha`rt-sharayatlar jaratıw, jan`a oqıtıw texnologiyaları menen qurallandırıw ma`selelerinin` ilimiy-metodikalıq tiykarların islep shıg`ıw.



Ha`zirgi zaman didaktikasının` baslı ma`seleleri

  • Joqarıda ko`rsetilgen mashqalalardı tabıslı sheshiw, jan`a milliy kadrlardı tayarlaw jol-jobasın islep shıg`ıw ha`m turmısqa asırıw ha`zirgi zaman didaktikasının` baslı wazıypalarınan esaplanadı.



O`zin-o`zi tekseriw ha`m bahalaw ushın sorawlar, ma`seleler, tapsırmalar ha`m testler:

  • 1. Didaktika degenimiz ne?

  • 2. O`zbekstandı pedagogikanın`, didaktikanın` da`slepki watanı dep aytıwg`a bolama?

  • 3. O`tmishtegi danıshpan pedagog-alımlarımızdın` didaktikanın` rawajlanıwına qosqan u`lesleri haqqında ne aytasız?

  • 4. Bizin` pedagog-alımlarımızdın` pedagogikalıq ideyaların du`n`ya ju`zinde ha`m Evropada kimler ja`nede rawajlandırg`an?

  • 5. Didaktikanın` tiykarg`ı tu`siniklerine (kategoriyalarına) neler kiredi? Ulıwma didaktika qanday tarawlarg`a bo`linedi ha`m ol tarawlar qanday ma`selelerdi u`yrenedi?



6. Didaktika neni u`yrenedi, jeke metodikalar neni u`yrenedi ha`m olar bir-biri menen qalay baylanısqan?

  • 6. Didaktika neni u`yrenedi, jeke metodikalar neni u`yrenedi ha`m olar bir-biri menen qalay baylanısqan?

  • 7. Elektronlı bilimlendiriw a`siri didaktikanın` aldına qanday jan`a wazıypalar qoydı?

  • 8. Bilimlendiriw nızamında ha`m qa`nigeler tayarlawdın` milliy bag`darlamasında didaktika ma`seleleri qanday sa`wlelengen?

  • 9. Geypara xalıq bilimlendiriw xızmetkerleri mug`allim bolıw ushın didaktikanı, metodikanı arnawlı tu`rde u`yreniw sha`rt emes. Burınları didaktikanı, metodikanı u`yrenbey-aq ataqlı ustaz da`rejesine erisken. Mug`allim bolıw ushın pa`ndi jaqsı bilse boldı deydi. Bul pikirler haqqında Sizin` jeke oyın`ız qanday?



10. Qaysı izbe-izlik pedagogika, didaktika ha`m jeke metodika arasındag`ı balanıstı durıs ko`rsetedi?

  • A) Pedagogika, jeke metodika, didaktika;

  • B) Didaktika, pedagogika, jeke metodika;

  • S) Pedagogika, didaktika, jeke metodika;

  • D) Jeke metodika, didaktika, pedagogika;

  • E) Didaktika, jeke metodika, pedagogika.



PAYDALANG`AN A`DEBIYATLAR:

  • 1. I.A .Karimov Yuksak ma`naviyat- engilmas kuch. Toshkent 2008 y.

  • 2. Barkamol avlod- O’zbekiston taraqqiyotining poydevori. T-1996 y

  • 3. Kadrlar tayyorlashning milliy dasturi. Toshkent-1996 y

  • 4. Ozbekiston Respubliqasi “ Ta`lim xaqidagi qonuni”. T-1996 y

  • 5. Rubinskiy.V. Tarbiyaviy ish metodikasi. T-1991y

  • 6. R.J. Ishmuhamedov «Innovatsion texnologiya yordamida ta`lim samaradorligini oshirish yollari» Toshkent 2004 y

  • 7. U. Tolipov, M.Usmonboeva «Pedagogik texnologiyaning tadbiqiy asoslari» Toshkent 2006

  • 8. N.Gaybullaev., R.Yodgorov., R.Mamatkulova. Pedagogika T- 2005

  • 9. O.Xasanbeva va boshkalar Oila pedagogikasi T 2006 y

  • 10. X.Ibragimov Pedagogika T 2006 y

  • 11. U.Askarova va boshkalar Pedagogika T 2008 y

  • 12. Q.Qosnazarov., A.Pazilov., A.Tilegenov Pedagogika «Bilim» No’kis 2009

  • 13.A.Pazilov Tarbiya haqqinda oylar «Bilim» No’kis 2009 j



DIQQATLARIN`IZ USHIN RAXMET!

  • DIQQATLARIN`IZ USHIN RAXMET!



Yüklə 445 b.

Dostları ilə paylaş:




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə