226
etdim. Mənim bütün həyatım uzun müddətli xüsusi komandanlıqdan başqa bir şey
deyildir. İndi yeni və pretsedenti olmayan bir hədə özünü respublikaya təhlükə
törətmək üçün göstərir. Bu təhlükəni qarşılamaq üçün yeni və pretsedenti olmayan
səlahiyyətlərə malik bir vəzifə haqlı olaraq təklif olunur. Kim öz çiynini bu yükün
altına versə, bütün dərəcələrdən və bütün siniflərdən olan dəstəyə malik olmalıdır.
Çünki böyük bir adama təklif olunan belə böyük hakimiyyətə, həm də ona
göstərilən böyük bir etimadın olması daxildir. Mən bunları bəyan etməklə özümün
namizəd göstərilməyimə razılıq verməyəcəyəm. Böyük Pompey xüsusi
komandanlığa tam malik olmuşdur. Bu gün mən ictimai vəzifədən imtina edirəm
və o vaxta qədər şəhərdən istirahətə gedirəm ki, torpağı məndən əvvəlki
əcdadlarım kimi becərim.»
Qabini rostranın qabağına çıxıb, – bu vaxt Pompey orada sakit
vəziyyətdə dayanmışdı, – dedi: «Buna icazə verilə bilməz! Böyük Pompey təkcə
özü üçün deyil, Roma üçün doğulmuşdur!»
Krassın ambisiyası
Sonrakı iki həftə ərzində Romada yeganə başlıca mövzu dəniz quldurları
barəsində idi. Qabini və Korneli haqqında deyirdilər ki, onlar «rostra üzərində
yaşayırlar», çünki hər gün xalq qarşısında dəniz quldurlarının təhlükəsi barədə
söhbət açır, çox sayda şahidlər göstərirdilər. Dəhşətli əhvalatlar barədə danışmaq
onların ixtisası idi. Misal üçün, dəniz quldurlarının əsirliyində olmuşlardan biri
bəyan edirdi ki, o, Roma vətəndaşı idi, guya onu həbs edənlər qorxduqlarını bildirir
və bağışlanmalarını xahiş edirdilər.
Tsitseron özü rostradan danışmamışdı. Pompeyin Alban dağlarındakı
malikanəsindəki evindən hər gün yeni xəbərlər gəlirdi. Bizim yeni Tsintsinnat
vaxtının çoxunu yer şumlamaqla keçirirdi. (B.e.ə. V əsrin gökəmli hərbi xadimi
Tsintsinnat Vatikanda 4 yugerlik (1 hektarlıq) sahəsini şumlayıb becərirdi,
müharibə başlayan kimi onu hərbi diktator seçib, baş komandan təyin edirdilər.
Müharibəni qələbə ilə başa vurub, yenə özünün sadə əkinçi əməyinə qayıdırdı.)
Ona görə də Tsitseron Pompey barəsindəki öz müşahidəsini istehza qaydasında
belə qiymətləndirirdi.
Senatorlar danışıq aparmaq üçün Pompeyi dəvət etmək istəyirdilər.
Krass yarım düjün senatoru götürüb, Pompeyin düşərgəsinə gəldi. Aristokratların
əksəriyyəti daha çox qorxduqları adam kimi ona dəstək verirdilər. Krassa görə,
Pompeyin üstünlüyü küçə kütləsi arasındakı populyarlığı idi. Tsitseron Krassla
Pompey haqqında deyirdi ki, «onlar bir-birinin başına dolanan iki əqrəbə
bənzəyirlər. Heç biri açıq şəkildə qalib gələ bilməz, həm də hər biri digərini öldürə
bilər».
Krass Tsitseronun evinə gələndə dedi: «Sənin çox yaxşı evin vardır,
kiçikdir, ancaq rahatdır». Tsitseron cavab verdi: «Əgər bu ev od tutub yansa, sən
onu ilk bilən olacaqsan». Krass əlavə etdi ki, «Sən iri mülkiyyətə sahib olmalısan!»
Sonra mövzunu dəyişib bildirdi ki, komandanız olduqca böyükdür, buradakı bir
227
otaq iki adam üçün kifayətdir. Sonra o, əsas siyasi məsələyə keçdi. Qney Pompey
qoy Şərqi götürsün və mən Qərbi götürərəm. Yaxud Pomey dənizdə, mən isə
quruda vuruşacağam. Yaxud da əskinə. Mən qərar verə bilmirəm. Bizim
aramızdakı məsələnin mahiyyəti ondan ibarətdir ki, biz dünyanı idarə edə bilərik.
Sən isə bizi birləşdirən körpü ola bilərsən».
Krass əlavə etdi ki, «Mən hər bir adamın istəyə biləcəyi bütöv var-
dövlətə malikəm, lakin bunun özü yalnız dar məna verir və özlüyündə heç də son
deyildir. Sən mənə deyə bilərsənmi ki, xalq kiməsə, o, varlı olduğuna görə heykəl
ucaltmışdır? Yeganə daim davam edən şərəf səhifə üzərindədir, – mən heç də şair
deyiləm, – və ya döyüş meydanındadır».
Tsitseron insan təbiəti haqqında öz düşüncəsini bir dəfə belə ifadə
etmişdi: «Doğulandan uşaq kimi qanmağa məhkum olmuş adam öz qarşısında nə
baş verəcəyini anlamamaq vəziyyətindədir». Lakin Krassın Tsitseronun yadına
saldığı kimi, kübarlar bir neçə ay sonra qisas almağa qalxa bilərlər, məhz belə bir
vaxtda Tiberi Qrakx (Qay Qrakxın böyük qardaşı, vətəndaşların tuta biləcəkləri
ictimai torpaqların azaldılması hesabına kəndli fermerlərə paylanmasını təklif
etdiyinə görə aristokratlar ona düşmən kəsilmişdi və b. e. ə. 133-cü ildə
əleyhdarlarının qaldırdığı buntda 30 yaşında vəhşicəsinə öldürüldü. Onun kiçik
qardaşı Qay isə Tiberinin aqrar qanununu yenidən irəli sürdüyünə və latınlıların
vətəndaşlığının genişləndirilməsini tələb eydiyinə gorə müxalif fraksiyalar arasında
bunt qalxanda, b. e. ə. 121-ci ildə 32 yaşında özünü intihar etdi.) tribun olduğu
halda, Fides məbədində mühasirəyə alınaraq, nizə və çomaqla ölənə qədər döyüldü
və onun bədəni Tibrə atıldı. «Əgər Krass Tiberi Qrakxın kabusunu çağırmaq
istəyirsə, o, buna nail olacaqdır».
Pompeyin pərəstişkarı Qabini bəyan etdi ki, «Xalq bütünlüklə ali
komandan arzu edirsə, onlar bu vəzifənin Pompeyə verilməsini istəyirlər.» Bu da
bir fakt idi ki, Krassın pul kisəsi o qədər dərin idi ki, iki tribunu satın ala bilərdi və
onlara öz iradələri ilə hərəkət etməyə icazə verməzdi.
Pompeyin uğurlarının şişirdilməsi. Tsitseronun pretorluğu
Terentsiya Pompey barədə daha düzgün rəy söyləyirdi və Tsitseron
arvadının dedikləri ilə razılaşmaq məcburiyyətində qalmışdı. Belə ki, Pompeyin
qələbələrini dillərə düşmüş sürəti barədə müəyyən şübhələr var idi. Elə bil ki, o,
dəniz quldurlarını xalça kimi büküb, məhv etmişdi. Pompeyin dənizdə və quruda
keçirdiyi nəhəng döyüşlərdə 10 min adam öldürmüş və 4 yüz gəmi məhv etmişdi.
Digər 12 min nəfər isə əsir götürülmüşdü. Söhbət onların çarmıxa çəkilməsindən
gedirdi, heç şübhə yox idi ki, bunu Pompey yox, Krass etmişdi. Pompey göstəriş
vermişdi ki, dəniz quldurları öz arvadları və ailə üzvləri ilə birlikdə ölkənin
içərilərində, Yunanıstanın və Kiçik Asiyanın əhalisi azalan kiçik şəhərlərində
məskunlaşdırılsınlar. Bunların hamısı Senatın rəyi soruşulmadan edilmişdi.
Tsitseron öz patronunun fantastik proqressinə qarışıq bir hisslə yanaşırdı.
Dostları ilə paylaş: |