194
Tsitseron artıq yaxınlaşan təhlükə barədə Senatı çətinliklə inandıra bildi,
ancaq «sonuncu dekret»
(«Sanatos consiilium ultimum») bir qədər hərbi qanun
proklamasiyasına bənzəməklə, 22 oktyabrda Senatdan keçdi. 8 noyabrda isə öz
həyatına olan sui-qəsddən qaçıb qurtardıqdan sonra, o, Senatda Katilina əleyhinə
ilk çıxışını etdi və təhlükə hiss edən Katilina gecə ikən Romadan qaşmaq istədi.
Lakin 2–3 dekabr gecəsi o, Qall elçilərinin köməyi ilə Romanı tərk etdikdə həbs
edildi və 5 dekabrda Senatdakı müzakirədən sonra – burada Kiçik Katon onun
edam edilməsi zərurəti barədə danışmışdı, Sezar isə bunun əksinə çıxmışdı, –
Katilina və ona kömək edənlər bilavasitə Tsitseronun məsuliyyəti altında edam
edildilər.
Tsitseron kütləyə Katilinanın edam edilməsini elan edəndə
«vixerunt»
(«onlar ölmüşlər») kimi sadə bir söz işlətdi. Bütün siniflərdən olanlar bu xəbəri
alqışlarla qarşıladılar. Bu vəziyyət onu siyasətdə sonrakı addımı atmağa -
«concordia ordinium»-a. – «siniflər arasında razılıq» yaranmasına səsləməyə
ilhamlandırdı. Katul onu «ölkənin atası» kimi salamladı. Bu, Tsitseronun siyasi
karyerasının kulminasiya nöqtəsi idi.
Katilina qəsdi açılanda o, böyük ustalıqla hərəkət edirdi, hətta
tənqidçiləri də onun fəaliyyəti ilə razılaşırdılar. Baxmayaraq ki, o, heç vaxt
qəsdçilərin edamına görə peşman olmamışdı, ancaq həmin edamın qanuni
olmasının özü isə şübhəli idi. Bu səlahiyyəti ona Senatdan keçən «son dekret»
vermişdi, lakin onun inzibati fərmanı ilk dəfə b.e.ə. 121-ci ildə icra edilmişdi. Bu
qayda edamdan əvvəl Roma vətəndaşlarının mühakimə edilməsi barədəki
fundamental haqqını inkar edirdi. Bu, populyarlar tərəfindən heç vaxt
bəyənilməmişdi, onlar isə hökumətə Senatın ağalıq etməsinin əleyhdarları idilər.
63-cü ilin yayında isə onlar Sezarın köməkliyi ilə qətl mühakiməsi vaxtı kənara
çəkilmişdilər.
60-cı ilin sonunda Tsitseron Sezar, Krass və Pompey siyasi ittifaqına –
Triumvirata qoşulmaq barədə Sezarın təklifini rədd etdi. O, bu üçlük ittifaqını
Konstitusiyaya zidd hesab edirdi və həmçinin Sezarın, onun Qalliyadakı
qərargahında vəzifə tutmaq barədəki təklifindən də imtina etdi.
Tsitseronun əleyhinə şəhadət verən Publi Klodi 58-ci ildə tribun
vəzifəsinə gəldikdə, Tsitseron onun düşmənçiliyi hesabına artıq təhlükədə idi və
mart ayında Pompeyin ona kömək göstərməkdən imtina etməsinə görə ondan
narazı qalıb, Romadan qaçmağa məcbur oldu. Sabahısı günü Klodi Roma
vətəndaşlarının məhkəməsiz edam edilməsinin bütünlüklə
qadağan edilməsi barədə
təklifi ifadə edən qanun layihəsini Senata təqdim etdi. Klodi sonra ikinci qanun
layihəsini də Senatdan keçirdi. Leqallığı şübhəli olsa da, həmin qanun Tsitseronun
sürgün olunmasını xeyli asanlaşdırdı. Klodi öz bandaları vasitəsi ilə Tsitseronun
Palatindəki evini, o, bu evi 62-ci ildə almışdı, Tuskulandakı və Romadakı
villalarını dağıtdı.
Tsitseron əvvəlcə Makedoniyadakı Fessalonikaya yollandı, sonra
İllerikuma getdi. 57-ci ildə Pompeyin fəaliyyəti və xüsusən tribun Milonun
hesabına o, 4 avqustda geri çağırıldı. Brunduziyada həmin gün sahilə çıxıb,
Romaya qədər olan uzun yol boyu hərarətlə salamlandı. Bir ay sonra isə Romaya
195
gəlib çıxdı. Onun Romadan getməsi, əvvəllər ona peşmançılıq kimi gəlsə də, indi
romalılar üçün artıq altruist qəhrəmanlıq kimi görünürdü.
57–56-cı illərin qışında Tsitseron Pompeyi Sezardan uzaqlaşdırmaq üçün
uğursuz cəhddə bulundu. Pompey Tsitseronun məsləhətinə məhəl qoymadı, 56-cı
ilin aprelində Sezar Krass ilə əlaqəsini Lukada bərpa etdi. Pompeyin təzyiqi altında
Tsitseron razılaşmalı oldu ki, hər iki siyasətçi ilə münasibətlərini düzəltməlidir.
Onun
De provinciis consularibus-u bu təzə ittifaqa girmək cəhdinin əlaməti idi. O,
öz köhnə düşmənlərindən müdafiə olunmağa məcbur idi və 58-ci ildə ictimai
həyatı tərk etməli oldu. Sonrakı bir neçə il ərzində «De oratore» və «De republica»
əsərlərini tamamladı və 52-ci ildə isə «De Regibus» kitabını yazmağa başladı.
52-ci ildə Milon Appi yolunda baş verən sözləşmədə Klodini öldürəndə,
Tsitseron öz quduz düşməninin sıradan çıxmasına çox sevindi. O, Milonun
məhkəmədəki müdafiəsini öz üzərinə götürdü. Nitqlərinin çox təsirli olmasına
baxmayaraq, Milonun müdafiəsində o, uğursuzluğa düçar oldu və məhkəmə
Milonu təqsirkar kimi məhkum etdi.
51-ci ildə onu Kiçik Asiyadakı Kilikiya əyalətini bir illiyə idarə etmək
üçün oraya yollanmağın vacibliyinə inandırdılar. O, özü ilə qardaşı da daxil
olmaqla qərargahının üzvlərini də apardı. Bu əyalət parfiyalıların müdaxiləsini
gözləyirdi, lakin həmin müdaxilə baş vermədi. Tsitseron da sakit dayanmırdı.
Amanus dağında bir neçə quldur dəstəsini təslim etməyə müvəffəq oldu. Buna görə
Senat ona minnətdarlığını bildirdi, lakin Tsitseron triumf keçirməyə ümid edirdi.
Triumf Romaya qayıdanda şəhərə təntənə ilə girmək demək idi. Hamının həm də
yekdil rəyi ondan ibarət idi ki, o, Kilikiyanı vicdanla idarə etmişdir.
Tsitseron Romaya qayıdan vaxt Pompey ilə Sezar arasında tam
hakimiyyətə sahib olmaq üstündə mübarizə gedirdi. 49-cu ilin yanvarında Sezar
Rubikonu keçib İtaliyaya müdaxilə edəndə, Tsitseron Romanın kənarında idi.
Yanvarın 17-də Tsitseron Pompeylə Roma ərafında görüşdü və Kampaniya
əyalətindən əsgərlər yığılmasına nəzarət etmək vəzifəsini öz üzərinə götürdü. Onun
qətiyyətliliyi heç də inanılası deyildi, lakin Pompey strategiyasını tənqid etməsi də
onun təcrübəsizliyindən xəbər verirdi.
Tsitseron 28 martda Sezarla söhbətində öz şərtlərini elan etməklə, əlbəttə
ki, cəsarətini nümayiş etdirdi. O, Sezarın Pompeyə qarşı heç vaxt müharibəyə
başlamayacağı barədə Senata təkliflə müraciət edəcəyini bildirdi, baxmayaraq ki,
Sezar Pompeylə
elə bir şəraitdə idi ki, o, bu təklifi heç cür qəbul edə bilməzdi.
7 iyulda o, Pompeyə birləşmək üçün Qetadan gəmi ilə yola düşdü. 48-ci
ildə o, özünün xəstəliyinə görə Pompey düşərgəsini tərk edib, Dirraxiyaya
yollandı. Farsalda Pompeyin məğlubiyyətindən sonra respublika qüvvələrinə
komandanlıq etmək təklifindən imtina etdi və 48-ci ilin oktyabrında, öz
təhlükəsizliyi barədə Sezardan təminat aldıqdan sonra İtaliyaya qayıtdı. O, Sezarın
diktaturasını bəyənmirdi, həm də anlayırdı ki, 45-ci ilə qədər davam edən
döyüşlərin uğurundan sonra, zəfərlərə ardıcıl olaraq imza atan Sezarın düşmənləri
sırasındakı qurbanlarının birincisi yəqin ki, Tsitseronun özü olacaqdır. Bu, onun
intensiv ədəbi məhsulları istehsalının qızğın ikinci dövrü idi. O dövrdəki əsərlərə
46-cı ildə yazılan «Brutus», «Paradox», «Orator», 45-ci ildəki «De finibus»