222
xalqın qəzəbi Romaya qarşı deyil, Verresə qarşıdır». Metell bildirdi ki, «sən özünü
irəlilətmək üçün bu şansdan istifadə etmək istəyirsən». Sonra sıçrayıb ayağa
duraraq dedi: «Mən səhər götürdüyünüz sənədləri geri qaytarmağı əmr edirəm».
Tsitseron bildirdi ki, qubernator unutmasın ki, azad Roma vətəndaşına
müraciət edir və o, özünə həvalə edilmiş vəzifəni yerinə yetirəcəkdir. «Görünür,
siz, Lutsi Metell, Verresin layiqli varisisiniz».
Verres rüşvət verməyə pulu olmayanları kimdənsə borc almağa məcbur
edirdi. Beləliklə, Verres rüşvət tələb edirdi və qurbanına təkid edirdi ki,
Karpinatidən lazım olan nəğd pulu borc götürsün. Tsitseron onu «parlaq əclaf,
parlaq tamahkar, səfeh əclaf» adlandırırdı. Sənədlər isə Qay Verrusinin adına
rəsmiləşirdi, əslində isə
heç bir Verrusi yox idi, bu, Verresin özü idi.
Tsitseronun məhkəmədə qələbə çalması
Reqiumdan Romaya səfər nisbətən asan idi. Tsitseron öz ittihamlarını
Verresin korrupsiyasına, vergi yığanda və rəsmi gəlir götürüləndə rüşvətə, özəl və
munatsipial mülkiyyəti qarət etməyə və nəhayət, qanunsuz və tiranlara xas olan
qaydadakı cəzalar bölməsinə ayırırdı. Şahid bəyanatları və məlumatları müvafiq
qaydada qruplaşdırılmışdı.
Tsitseronun başlıca qayğısı isə edil seçilmək üçün fonda malik olmaq idi.
O, bunun üçün pul toplamalı idi. Krass, yəqin ki, ona borc pul verməyəcəkdi.
Konsul seçkisində Pompey nəhayət qalib elan edildi. Hortensi Kvint
Metellə birlikdə ikinci konsul vəzifəsi uğrunda mübarizə aparırdı. Mark Metell
pretor seçilmək üçün səslərin çoxunu aldı. Keçmiş konsul Verresi qucaqlayıb
demişdi ki, «bugünkü seçki sənin bəraət almağın deməkdir».
Tsitseron bilməli idi ki, Pompey onunla görüşməyə razılıq verəcəkdir. O,
Sezarı da çoxdan tanıyırdı. Tərəfdarları isə Sezar haqqında deyirdilər ki, o, hətta
beşikdə olandan dahi idi. Özünü yüksəltmiş adam olan Tsitseron onlara nifrət və
paxıllıq edirdi. Sezarın özü də inanırdı ki, o, Veneranın birbaşa törəməsidir,
aşağıdan qalxanlardan isə başqalarının işinə qarışanlar kimi zəhləsi gedirdi.
Tsitseron çox işləyirdi, bir dəfə qulu Tirona demişdi ki, təşviş keçirmə, –
biz öləndə
elə vaxt gələcəkdir ki, kifayət qədər yatacağıq.
Avqustun 5-də Mark Qney Pompeyin və Mark Lutsi Krassın
konsulluğunda, Steninin ilk dəfə Tsitseronun yanına gəlməsindən bir il doqquz ay
keçirdi. Artıq məhkəmə öz işinə başlamışdı. Tsitseron ayağa durub çıxışına
başladı. Hortensi Korneli qanununa əsaslanaraq tələb etdi ki, ittihamçı 48 şahiddən
artıq siyahı verməməlidir, Tsitseron isə məhkəməyə ikiqat artıq şahid gətirmişdi ki,
onları qorxuda bilməsinlər. O, çıxışında dedi:
– Məhkəmə centlemenləri! Bu böyük siyasi böhranda sizə indi təklif
edilən heç də insan müdrikliyindən irəli gəlmir, birbaşa göylərin hədiyyəsi kimidir,
bu şeyə isə sizin əksəriyyətiniz möhtacsınız. İnam baş tutacaqdır, respublikaya və
sizin özünüzə zərərli olan bir iş baş verəcəkdir, - bu məhkəmələr senatorlardan
ibarət jüri ilə aparılır və heç vaxt kifayət qədər pula malik olan adamı məhkum
etməyəcəkdir.
223
Kütlə bu sözləri eşitdikdə qışqırdı: «Sən burada səhv etmirsən».
Tsitseron çıxışına davam etdi:
– Lakin mənim ittiham etdiyim adamın xarakteri elədir ki, siz öz yaxşı
adınızı bərpa edə bilərsiniz. Verres xəzinəni qarət etmişdir və özünü dəniz qulduru
kimi aparmışdır, öz Siciliya əyalətində taun xəstəliyi yaymaqla onu məhv etmişdir.
Siz təkcə bu adamı təqsirkar sayın və sizin iradəniz hesabına düzgünlük bərpa
olunacaqdır. Əgər siz bunu etməsəniz, – onun nəhəng var-dövləti sizin
vicdanlılığınızı parçalayıb dağıtmaq üçün kifayətdir, – onda yaxşı mən azı bir şeyə
nail olacağam. Millət Verresin haqq olduğuna və mənim səhv olduğuma
inanmayacaqdır, – lakin onlar Roma senatorlarından ibarət jüri barədə hər şeyi
bilməyə ehtiyac duyduqlarını əminliklə öyrənəcəklər.
Bu, çıxışın başlanğıcı üçün yaxşı sözlər idi: «Qoy mən sizə indi Verresin
ağlında olan həyasız və qanlı planı deyim. O bilir ki, mən onu quldur kimi
çökdürəcəyəm və təkcə məhkəmədəki dinləmələrlə deyil, ancaq bütün dünyanın
gözü qarşısında. Bunun əksinə, o, aristokratiyanın rəyinə o qədər aşağı baxır və
inanır ki, senatorlar məhkəmələri bütünlüklə yoxa çıxmışdır
və görünür, bununla o,
açıqca lovğalanır ki, öz mühakiməsinin təhlükəsiz olacağı məlumatını satın
almışdır. O, təkcə jürini deyil, həm də konsul seçkisini də özünün iki titullu dostu
naminə təhlükəsiz şəkildə satın almışdır. Onlar mənim şahidlərimi qorxutmağa
cəhd etmişlər».
Çıxışın bəyənilməsi ifadəsi kimi hay-küy qalxdı. Metell hirslə ayağa
durdu. Hortensi ilə o, hirslə Tsitserona jest nümayiş etdirdilər.
Tsitseron dedi: «Metell, mən sənə təəccüb edirəm. Şahidləri, xüsusən
Siciliyada bədbəxtliyə düçar olmuşları qorxutmağa cəhd etməklə, onlarda seçilmiş
konsul kimi qorxu yaratmısan. Sən qardaşlarının da hakimiyyətindən istifadə
edirsən – məgər bu, hüquqi korrupsiya deyilmi, bunun nə olduğunu bilmək mənə
xoş olardı. Niyə sən bir əclafa görə öz borcundan və şərəfindən imtina edirsən.
Mən sənə bunu deyirəm: Verres gəzib, hər yerdə deyir ki, onun gərginliliyinə görə
sən konsul olmusan və yanvardan etibarən o, iki konsula malik olacaqdır və
məhkəmənin sədri də ona yararlı olacaqdır.
Verres hirslə
öz vəkilinə əl işarəsi etdi ki, buna son qoysun. Məhkəmənin
işi isə yalnız bayramlardan sonra, Mark Metell jüri üzvü olanda bərpa olunacaqdı.
Tsitseron çıxışında dedi: «Ən böyük təhlükə ondadır ki, mənim ittiham
etdiyim adam barmaqlarımın arasından sürünüb çıxacaqdır. Hortensi, bu da düzdür
ki, mən sənin oyununu oynamayacağam. Mən işin yanvaradək uzanmasına imkan
verməyəcəyəm ki, o vaxt sən və Metell konsullar kimi mənim şahidlərimi
qorxutmaq üçün öz liktorlarınızdan istifadə edəsiniz. O, davam etdi: «Bu gün
dünyanın gözü bizə dikilmişdir, görən, adamlar öz vicdanlarına qulaq asacaqlarmı
və qanuna riayət edəcəklərmi?»
Sonra o, Termedən olan birinci şahidi Stenini dəvət etdi. Hortensi
Steninin nə deyəcəyini bilmirdi. Steni ona müraciət edərək dedi:
– Sizin yadınıza düşmürəm, çünki siz çox məşğul olan adamsınız.
Senator, mən isə sizi xatırlayıram. Siz dediniz ki, Verresi təmsil edirsiniz, onun nə