6
6.
Qəbul imtahanları və müsabiqə
6.1.
Doktoranturaya qəbul olmaq istəyənlər ixtisas fənnindən, xarici dildən (rus dili istisna
olmaqla, seçim sərbəst və ya ixtisasa uyğun olmalıdır) və fəlsəfədən ali təhsil pilləsinin
magistratura səviyyəsi üçün qüvvədə olan tədris proqramları həcmində qəbul imtahanları
verirlər.
6.2.
Qəbul imtahanlarını keçirmək məqsədi ilə ali təhsil müəssisələrində və elmi təşkilatlarda
müvafiq fənlər üzrə imtahan komissiyaları yaradılır.
6.3.
İxtisas fənnindən qəbul imtahanını doktoranturanın fəaliyyət göstərdiyi ali təhsil
müəssisəsinin və elmi təşkilatın rəhbəri tərəfindən yaradılan komissiya həyata keçirir.
Komissiyanın tərkibində müvafiq ixtisas üzrə ən azı iki elmlər doktoru və ya professor
olmalıdır. Nəzərdə tutulan rəhbərlər də komissiyanın üzvü ola bilərlər. Komissiyanın
sədri ali təhsil müəssisəsinin və elmi təşkilatın rəhbəri, yaxud elmi işlər üzrə müavini
təyin edilir. Müstəsna hallarda, bəzi ixtisaslar üzrə elmlər doktorları və professorlar
olmadıqda, komissiyanın tərkibinə fəlsəfə doktorları (elmlər namizədləri), dosentlər,
xarici dil üzrə isə elmi (alimlik) dərəcəsi olmayan təcrübəli mütəxəssislər daxil edilə
bilər.
6.4.
Bərabər ballar toplandığı halda, müsabiqədə ixtisas fənnindən daha yüksək qiymət alan
və çap edilmiş elmi əsərləri olan şəxslərə üstünlük verilir.
6.5.
Ali təhsil müəssisələrində və ya elmi təşkilatlarda yaradılmış qəbul komissiyaları
imtahanların nəticələri əsasında müvafiq qərar qəbul edirlər.
6.6.
Ali təhsil müəssisələri və elmi təşkilatların elmi şuraları doktorantların dissertasiya
mövzularını və elmi rəhbərlərini onların qəbul komissiyaları tərəfindən doktoranturaya
qəbul olunmaları haqqında qərar qəbul etdikləri gündən 1 aydan gec olmamaq şərtilə
təsdiq edir.
6.7.
Ali təhsil müəssisəsinin və elmi təşkilatın elmi şurası müvafiq şöbə, bölmə, kafedra və ya
laboratoriyanın təqdimatı əsasında iddiaçının dissertant təhkim olunması, onun
dissertasiya mövzusu, fərdi iş planı və elmi rəhbəri (məsləhətçisi) haqqında qərar qəbul
edir. Elmi şuranın qərarı əsasında ali təhsil müəssisəsi və ya elmi təşkilatın rəhbəri
iddiaçının təhkim olunması haqqında əmr verir.
7.
Elmi rəhbər
7.1.
Doktoranturaya qəbul haqqında qərarda (əmrdə) doktorantın dissertasiyasının mövzusu,
təhsil müddəti və rəhbəri (rəhbərləri) göstərilir və onlara bu haqda məlumat verilir. Bir
qayda olaraq, doktorantın elmi rəhbəri elmlər doktoru və ya professor olur.
7.2.
Müstəsna hallarda, ali təhsil müəssisələrinin və elmi təşkilatların elmi şuralarının qərarı
əsasında müvafiq ixtisasa malik fəlsəfə doktorları (elmlər namizədləri) da doktorantlara
elmi rəhbərlik işinə cəlb oluna bilərlər.
7.3.
Müxtəlif ixtisasları əhatə edən mövzular üzrə elmi tədqiqatlar apararkən doktoranta iki
elmi rəhbər, yaxud rəhbər və məsləhətçi təyin oluna bilər. Onlardan biri fəlsəfə doktoru
(elmlər namizədi) ola bilər.
7.4.
Elmi rəhbər doktoranta elmi iş üzrə məsləhətlər verir, doktorantın təsdiq edilmiş fərdi iş
planına (tədris proqramına) uyğun fəaliyyətinə rəhbərlik edir və dissertasiya işinin
müəyyən olunmuş vaxtda keyfiyyətlə yerinə yetirilməsinə nəzarət edir.
8.
Fərdi iş planı
8.1.
Doktoranturada təhsil müddətində doktorant (dissertant) ali təhsil müəssisəsinin və elmi
təşkilatın elmi şurası tərəfindən təsdiq edilmiş fərdi iş planı (Bax: doktorantlar üçün
Əlavə 1 və dissertantlar üçün Əlavə 2) əsasında fəaliyyət göstərir.
7
8.2.
Doktorant təhsil müddətində:
peşə biliklərinə dərindən yiyələnməli;
müstəqil elmi tədqiqat işi aparmaq vərdişləri əldə etməli;
elmi tədqiqatlar aparmaq metodologiyasını mənimsəməli;
fərdi iş planını tam yerinə yetirməli;
nəzərdə tutulan doktorluq imtahanlarını verməli;
elmi tədqiqatlarının nəticələrini əks etdirən məqalələr dərc etdirməli;
elmi tədqiqatlarının nəticələrini aprobasiya etdirməli;
elmi tədqiqat işini bitirməlidir.
8.3.
Doktorant fərdi iş planının yerinə yetirilməsi barədə vaxtaşırı şöbə, bölmə, kafedra,
laboratoriya iclaslarında hesabat verir.
9.
Attestasiya
9.1.
Doktorantlar ildə bir dəfədən az olmamaq şərtilə, ali təhsil müəssisələri və elmi
təşkilatlar tərəfindən təsdiq olunmuş attestasiya haqqında əsasnamələrə uyğun olaraq,
attestasiyadan keçməlidirlər (Əlavə 3). Attestasiyanın keçirilmə müddəti ali təhsil
müəssisəsi və elmi təşkilatların rəhbərləri tərəfindən müəyyən edilir. Doktorantın növbəti
tədris ilində təhsilini davam etdirməsi attestasiyanın nəticəsinə əsasən müəyyən edilir.
9.2.
Ali təhsil müəssisələrinin və elmi təşkilatların elmi şuralarında doktorantların elmi
rəhbərlərinin vaxtaşırı hesabatları dinlənilir.
9.3.
Doktoranturada fərdi iş planını yerinə yetirən və elmi tədqiqat işini bitirən şəxslər
«Fəlsəfə doktoru» elmi dərəcəsi almaq üçün dissertasiya işinin müdafiəsinə buraxılırlar.
Qeyd: Doktorantların attestasiyası adətən hər il dekabr ayında keçirilir. Attestasiya
doktorantın təhkim olunduğu kafedrada keçirilir. Doktorant və onun elmi rəhbəri cari il
üçün nəzərdə tutulan planın yerinə yetirilməsi haqqında hesabat verirlər və növbəti il üçün
nəzərdə tutulan iş haqqında iclas iştirakçılarına məlumat verirlər. Attestasiyanın nəticəsi
kafedranın iclas protokolunda əksini tapmalıdır. Kafedranın iclas protokolundan çıxarış və
doktorantın hesabatı Magistratura və doktorantura şöbəsinə təqdim olunmalıdır.
Üzürsüz səbəblərə görə fərdi iş planını yerinə yetirməyən, təhkim olunduğu kafedra
ilə əlaqə saxlamayan şəxs attestasiyadan keçməmiş hesab olunur və doktoranturadan xaric
olunur.
10.
Doktorluq imtahanları
10.1.
Fəlsəfə doktoru proqramı üzrə təhsil alan doktorantlar - ixtisas fənnindən (həmçinin
ixtisas uyğunluğu nəzərə alınmaqla, digər fəndən), informatikadan və xarici dildən
doktorluq imtahanları verməlidirlər;
10.2.
«Fəlsəfə doktoru» elmi dərəcəsi üzrə dissertantlıq yolu ilə təhsil alan şəxslər müəyyən
olunmuş qaydada ixtisas fənnindən, fəlsəfə, informatika və xarici dildən, həmçinin ixtisas
uyğunluğu nəzərə alınmaqla, digər fəndən də doktorluq imtahanları verirlər.
10.3.
Əcnəbilər və vətəndaşlığı olmayan şəxslər fəlsəfə doktoru üzrə doktoranturada və
dissertantlıq yolu ilə təhsil müddətində «Azərbaycan dili» fənnindən əlavə doktorluq
imtahanı verirlər.
Qeyd:
1.
Xarici dil, fəlsəfə və Azərbaycan dili üzrə doktorluq imtahanları Qafqaz
universitetində keçirilir.
2.
“İnformatika” fənni doktorluq imtahanı AMEA İnformasiya Texnologiyaları
İnstitutunda keçirilir. Buna görə də doktorant və dissertantlar AMEA İnformasiya