Dövlətin intuitiv təfəkkürlə idarə olunması
Yüklə 2,8 Kb. Pdf görüntüsü
|
151 ümumiyyətlə yox səviyyəsindədir. BMT-nin fəaliyyətsizliyini biz dünya sakinləri XXI əsrdə daha çox görürürk. Postsovet məkanları, İraq, Əfqanıstan, Liviya, Suriya problemlərinin həllində qurum dayanıqsız, fəaliyyətsiz bir skeletə çevrilib. Rusiya ilə Ukrayna arasında baş verən son münaqişədə , Cənubi Qafqaz münaqişələrində, Rusiya ilə Türkiyə arasında yaşanan gərginliklərdə qurumun fəaliyyəti gözə çarpmır. Gərginliklər üçün formatlı barışdırıcı missiyalar işə düşmür. Bu qurum NATO-nun əlində bir oyuncağa çevrilib. Təhlükəsizlik Şurasının qərarları ya icra olunmur, ya da yalnız böyük dövlətlərin qlobal və regional miqyaslı imperialist maraqlarının təminatını həyata keçirən normalar və qaydalardan ibarət olur. Cənab Baş Katib, sadə bir dünya sakini kimi mən BMT-nin mövcud zaman və gələcək səmərəli və ədalətli fəaliyyətinə şübhə ilə yanaşıram. Hesab edirəm ki, belə qurumun mövcudluğu ümumdünya davamlı sülhü üçün heç də faydalı və ümidverici deyil. Sualla müraciət edirəm: - hanı qurumun Rusiya-Türkiyə gərginləşən münasibətlərində nəticəsi olan barışdırıcılıq fəaliyyəti, önləyici diplomatiyası? Bu gün faktiki olaraq NATO ilə Rusiya arasında gərginlik yaşanır. Heç bu sahədə BMT-nin fəaliyyəti varmı, -Sizdən soruşuram? Qurumun Nizamnaməsi hərbi-siyasi bloklar üçün sadəcə bir hüquqi istinad nöqtəsinə çevrilib. Siyasət isə tam başqadır. Siyasətə sərf edən məqamda hüquq obyektə çevrilir. Bu məsələ heç BMT-ni də maraqlandırmır? Cənab Baş Katib, zəmanəmizdə dünyada milyonlarla insan qaçqına çevrilir. Say da ki, günbəgün artır. Qlobal güclərin regional maraqlarının qurbanı olaraq zavallı insanlar öz doğma yurdlarından didərgin düşürlər. Sizə məlumdur ki, tək 2011-ci ildən bu yana Suriyadan 6 milyondan çox insan didərgin düşüb. Avropa çollərində bir qarın çörək axtaran heyvani səviyyəyə eniblər. Öz doğma yurdlarında yaşayış üçün heç ilkin elementlər yoxdur, dağılıb. Terror dalğaları bütün dünyanı bürüyüb. Budurmu BMT-nin fəaliyyəti, sülh missiyasının nəticələri?! 152 BMT bilə-bilə ki, Qoca Şərqə cavan demokratiya lazım deyil, onda bəs, nə üçün intervensiyalara yol verdiniz? İşğalçı dövlətlərin qabağını kəsmədiniz? Nəticəsini hesablaya bilmədiniz? Onda qurumun nə elmi, nə siyasi, nə də humanitar- mədəni fəaliyyətinə biz insanlarda ümid yoxdur. XXI əsr hara gedir, biz dünya sakinləri dəyərlər qazanmaq əvəzinə, tarix boyu qazandıqlarımızı itiririk. Bunumu deyir: -nizamnamələr, konvensiyalar, bəyannamələr, xartiyalar, sazişlər, digər müqavilələr, razılaşmalar? Qəbul olunan sənədlər zibil yeşiyinə tullanası kağız yığınıdırmı!? Sadə bir dünya sakini kimi Sizdən soruşuram, -bəs, hanı Qurumun sülh fəaliyyəti, haqqı müdafiə fəaliyyəti? Bu ki, səmərəsiz bir qurum olacaqsa, yumşaq məzmunlu, etinasız fəaliyyətli, çox zaman da fəaliyyətsiz kompleksə çevriləcəksə, onda mövcudluğuna nə gərək?! Orada çalışanlar rahat kreslolarda, geniş işıqlı otaqlarda otururlar, münaqişə ocaqlarında isə alovlar yaşayış yerləri ilə birlikdə insanları alovlandırıb külə çevirir. Nədir, o insanların günahı!? Bu qurumu dünyada içi boş balaban kimi nə üçün səsləndirirsiniz!? Quruma xərclənən pullar olmazmı kasıb regionlara yönəlsin?! Onsuz da havayı xərclərdən ibarətdir. Cənab Pan Qi Mun, qurumun icraçı baş katibi kimi dünya üçün şəxsən Sizin elə bir töhfəniz də yoxdur. Yalnız bəyanatlar verməklə məşğulsunuz. İstefa verməyinizi tövsiyə edirəm! Ümid edirəm, Sizə və BMT-yə olan etirazımı mənim təbii haqqım kimi qəbul edəcəksiniz və cavablayacaqsınız! 17 dekabr 2015-ci il 153 Şimali Atlantika Müqaviləsi Təşkilatının (NATO) Baş Katibi Yens Stoltenberqə Cənab Baş katib! Beynəlxalq münasibətlər sferası bir dəyər strukturu olaraq, bütün xalqlar və onları təmsil edən əsas subyektlər olan dövlətlər üçün ideal formada və məzmunda istəniləndir, arzu olunandır. İnsanlar beynəlxalq əlaqələrə özlərinin bəşəri hüquqlarının müdafiəsi və təminedici müstəvisi kimi baxırlar. Həm də bu varlığa yaxınlaşdırıcı bir vəhdət kimi yanaşırlar. Beynəlxalq əlaqələr bütün dünya sakinlərinin əməl və ruh vəhdətliyi üçün əsas müstəvini təşkil edir. Yer kürəsinin sakinləri dünyanın ümumi sərvətlərindən dinc məqsədlərlə birgə istifadə etməni qarşılarına məqsəd kimi qoyurlar. Bu niyyətlə dünya birliyinə qəlblərdə inam mövcud olur. İnsanlar bu gün həm öz dövlətlərinə, həm də dünya ictimaiyyətinə bir arxa qüvvə kimi baxırlar. O da məlumdur ki, hər bir insan, xalq özünü beynəlxalq müstəvidə digəri ilə bərabər görmək istəyir. Hər bir dünya sakini özlüyündə özünü digərləri ilə yanaşı, bərabər tərzdə hiss etməyə qərar verir. Dövlətlərin ərazicə, sərvətcə, potensial baxımından böyüklüyü, zənginliyi, eləcə də kiçikliyi və azlığı, həmçinin dünya xalqlarının sayca böyüklüyü və kiçikliyi sadəcə bu bütöv dünyada Uca Tanrının və tarixin bəxş etdiyi rəngarənglik üçündür. İdeal-praktik məzmunlu dövlətlər və onların yaratdıqları ideal əlaqələr qurumu arzu olunandır, xəyalların obyektidir. Rəngarəngli, çalarlı dünyada bir dövlətin və ya da dövlətlər qurupunun və xalqın digərisi üzərində hökmranlığı, bu baxımdan, fiziki, maddi və ruhi üstünlüyü qəbul edilən deyil. Bu kimi hallar azad ruha ziddir. Təəssüf ki, biz insanlar təzadlı, ziddiyyətli bir dünyada da yaşayırıq. Dünyanın iç üzü maraqlar üzrə bölünüb. Dünya əksər hallarda üzdə bir, daxildə başqa məzmunla görsənir. Yüklə 2,8 Kb. Dostları ilə paylaş:
|