Dövlətin intuitiv təfəkkürlə idarə olunması
Yüklə 2,8 Kb. Pdf görüntüsü
|
157 hökm sür” adlanan imperialist siyasətini tətbiq etməkdədir. XX əsrin 90-cı illərinin əvvəllərindən başlayaraq, İraqda, keçmiş Yuqoslaviyada, Əfqanıstanda, Liviyada, Suriyada hücum taktikasını tətbiq edir. Dinc insanlar qırılır, soyqırımlar həyata keçirilir. Dünyada müharibə qaçqınlarının sayı-hesabı yoxdur. Cənab Baş Katib, sadə bir dünya sakini olaraq, Sizdən soruşuram, SSRİ dağıldıqdan sonra bu quruma nə lüzum var idi!? Nə üçün SSRİ-ə qarşı yaradılmış qurum elə SSRİ-nin dağılması ilə öz fəaliyyətinə xitam vermədi?! Əksinə, SSRİ-dən qopan əraziləri öz ağuşuna aldı və təkrar olaraq Rusiyanı özünə düşmən hesab elədi?! Siz bu Rusiyadan nə istəyirsiniz?! Nəyə görə bu dövlətə qarşı hücum taktikasını seçmisiniz və “Anakonda strategiyası”nı tətbiq edirsiniz? Postsovet məkanını nəyə görə bu dövlətə qarşı çevirirsiniz? Hamı görür ki, rolunuz qızışdırıcılıqdan, Rusiya ətrafında, sərhədlərində olan və tarixən bağlı olan dövlətləri bu dövlətlə düşmən etməkdən ibarətdir. Sizə kim haqlar verib ki, dünya dövlətlərinin “şər” və “xeyir” təsnifatını həyata keçirirsiniz? Şər dövlətlərin siyahısını tutursunuz. Şər dövlətlər formulasını Siz haradan, hansı əsaslarla müəyyən etmisiniz? İki qonşu dövlətdən birini “şər qüvvə” adlandırırsınız? Buradan da görünür ki, Qurumun işi regionda sülh şəraitində yaşayan qonşu dövlətlərin arasına nifaq salmaqdan ibarətdir. Hörmətli, Baş Katib, Qurumun iç üzü kiçik dövlətləri Rusiyaya və digər NATO üzvü olmayan dövlətlərə qarşı qızışdırmaq, çətin anlarda isə onu müdafiəsiz buraxmaqdan ibarətdir. Biz Qurumun bu iç üzünü 2008-ci ilin Rusiya- Gürcüstan müharibəsində yaxşı gördük. Gürcüstan Qurum tərəfindən müdafiəsiz qaldı. Sonra da Ukraynanı qızışdırıb Rusiya ilə düşmən etdiniz, sonra da bu dövləti müdafiəsiz qoydunuz. Nədir, Qurumda olan bu qeyri-səmimilik? Nə üçün mədəniyyəti, geni, soyu bir olan iki qardaş xalqı düşmən edirsiniz? Cənubi Qafqazı, Baltikyanı ölkələri, digər postsovet məkanını Rusiya ilə düşmən etmək strategiyasını tətbiq 158 edirsiniz. İşiniz Rusiya ilə sərhəd dövlətlərdə yığıncaqlar təşkil etməkdən və Rusiyanı dünyada təcavüzkar dövlət kimi tanıtmaq yolunda ritorik çıxışlar etməkdən ibarətdir. Rusiya ilə birbaşa siyasətdən isə çox qorxursunuz. Ancaq Siz yaxşı bilirsiniz ki, Rusiya Alyansın qəbul etdiyi qərarları zibil yeşiyinə atılan kağız parçası hesab edir. Öz hərbi siyasətini maneə olmadan həyata keçirir. Sizə bir daha sualla müraciət edirəm: -nə istəyirsiniz bu Rusiyadan. İstəyirsiniz dünya nüvə müharibəsi baş versin. XX əsrin 60-cı illərində “Kuba raket böhranı” Sizə dərs olmayıb? Rusiyanın nüvə başlıqlı raketərini işə salmaq istəyirsiniz? İşiniz elə Rusiyanı və bir çox ölkələri onların sərhədlərində hədələməkdən ibarətdir. Rusiyanın sərhədlərində hərbi bazalar Sizin nəyinizə lazım? Cənab Baş Katib, mən Cənubi Qafqazlı, Azərbaycanlıyam. Qurumun daxili mahiyyətini, nə demək istədiyini yaxşı bilirəm. Elmi konfranslarda görmüşəm. Bilirsiniz, məni Azərbaycanlı olaraq nə düşündürür? –Siz ölkəmizə tez-tez gəlib bizi qonşu ölkələrlə düşmənçiliyə səsləyəcəksiniz. Siyasi şüurumuzu dəyişməyə çalışacaqsınız. Günlərin bir günü biz Sizin təhrikinizlə düşmən hesab edəcəyimiz o qonşu ölkələrdən birinin hərbi təcavüzü ilə rastlaşacağıq. Onda, NATO-nun rolu bilirsiniz nədən ibarət olacaq? –Nümayəndələriniz mövsümə uyğun olaraq isti və ya da sərin bir zalda yığışacaq, gözdən pərdə asılmış dəstəyin sübutu olaraq təcavüzkar ölkəni pisləyəcəklər, sadəcə qaralanmış bir kağızı xatırladan hər hansısa bir beynəlxalq sənəd qəbul edəcəklər. Ürəklə kağıza imzalar atılacaq. Sonra da konfrans öz işini bitirib istirahətə gedəcək. Nümayəndələr axşam olanda barlarda, diskotekalarda, retoranlarda bir kef məclisinə də qatılacaq. Azərbaycana təcavüz yada da düşməyəcək. Yazıq Azərbaycan xalqı Sizin günahlarınızdan təcavüzə əl atmış ölkə ilə üzbəüz qalacaq. Günahsız yerə qanlar axıdılacaq. Bəli, budur reallığın mənzərəsi. Şəxsən bu reallıq mənə aydındır. Mənə bir şey də çox maraqlıdır. Nəyə görə Siz Rusiyanı gedib məhz Moskvada, digər şəhərlərində təcavüzkar 159 adlandırmırsınız? Çünki, qorxursunuz. Ancaq onun sərhəd ölkələrində bu dövləti ittiham atəşinə tutursunuz. Cənab Baş Katib, Avropa İttifaqı Alyansın iqtisadi rıçaq qanadıdır. Dünya iqtisadiyyatında böhran yaratmaq da elə Qurumun daxili mahiyyətinin göstəricisidir. Embarqolar, iqtisadi sanksiyalar, digər qadağalar- bütün bunlar nə üçündür? Nəyə görə dünya iqtisadiyyatını sağlam şəkildə inkişaf etməyə qoymursunuz? İqtisadiyyatın strateji məhsulları üzrə qiymətləri oyun alətlərinə çevirmisiniz. Bəs, bu dünya xalqlarının taleyi Qurumu düşündürmür? Haradadır Sizin ədalətli və humnanist fəaliyyətiniz? XX əsrin 90-cı illərindən başlayaraq Qoca Şərqi dağıda- dağıda gəlirsiniz. Sivilizasiyanın beşiyi, göbəyi parça-parçadır. Bütün insanı dəyərləri ucuzlaşdırmısınız. Göydən yağan bombaları sanki yağış sanırsınız. Bu, nə məsələdir? Şərqi Qərb sanıb yalançı demokratiya axtarmaqla məşğulsunuz. Demokratiya adıya göydən ildırım kimi bombalar yağdırdınız. Bu, Şərqə lazım idi? İraq, Əfqanıstan, Liviya, Suriya: bu ölkələrdə Qərb təfəkkürü var? Nə oyunlarla məşğulsunuz? Hanı bu ölkələrdəki əməllərinizin faydaları? Hörmətli Baş Katib, deyirsiniz NATO dünyada demokratik dəyərləri, sülhü və sabitliyi qoruyur. Yaxşı, əgər bu belədirsə, son dövr Türkiyə və Rusiya arasında yaşanan bu gərginlikdə NATO-nun barışdırıcı missiyası haradadır? Nə üçün barışdırıcılıq üçün vasitəçilik missiyasını tətbqi etmək əvəzinə, Qara və Aralıq dəniz regionlarını silahlandırma ilə məşğul olursunuz. Bosfor və Dardanel boğazları hərbi gərginlik yaşayır. Bəs, oradakı dinc sakinləri nəzərə almırsınız? Müharibə axtarırsınız? Bəs, dərk etmirsiniz ki, indiki qlobal müharibələrin qalibi yoxdur? Cənab Baş Katib, hesab edirəm ki, NATO-nun genişlənməsi dayanmalıdır. Qlobal miqyaslı sülh naminə, regionların parçalanmasının qarşısını almaq məqsədilə, bu qurumun fəaliyyətinə xitam verilməlidir. NATO dünya sülhünə ən böyük Yüklə 2,8 Kb. Dostları ilə paylaş:
|