Downloaded from KitabYurdu org
Yüklə 3,61 Mb. Pdf görüntüsü
|
413
Rəngləri, şəkillərilə canlı biryuxuydu... Yuxuda atasının Livandan qayıtmasını görmüşdü. Sanki bu yuxu Sofinin xaçlı boyunbağını tapdığı yuxunun davamı idi. Yuxusunda eynilə, Sofinin yuxusundakı kimi, sahildə oturmuşdu. Qulağına kimsə astaca “Salam, mənim adım Sofidir” demişdi. Hilde səsin haradan gəldiyini kəsdirməyə çalışırdı. Sofi pıçıldamağa davam edirdi: “Kar və korsan, deyəsən” - deyirdi. Bu vaxt atası BMT əsgəri geyimində bağa girdi, “Hilde!” çağırdı. Hilde qalxıb qaça-qaça özünü atasının boynuna atdı. Yuxu burada bitdi. Yadına Arnulf Överlandın bir şeirindən bu misralar gəldi: “Qəribə bir yuxudan oyandım bir gecə, Bir səs mənimlə danışırdı elə bil, Yerin altından axan su kimi uzaq idi səs, Qalxdım, dedim: “Nədir istədiyin məndən?” Pəncərənin qarşısında dayananda anası gəldi. - Aa... Oyanmısan? - Bilmirəm... - Həmişəki kimi, axşam dörd ərəfəsində gələcəyəm. - Oldu.
- Sağ ol, Hilde. - Sən də sağ ol! Anası qapını örtüb çıxan kimi Hilde yenidən yerinə girdi və qovluğu açdı.
“... Mayorun şüuraltına dala bilərəm, Sofi. Səninlə yenidən görüşənədək orada qala bilərəm”. Hə, burada qalmışdı. Qaldığı yerdən oxumağa davam etdi. Artıq əlilə bir neçə səhifə qaldığını hiss edirdi. *** Sofi mayorun evindən çıxanda gölün kənarındakı Disney qəhrəmanları hələ oradaydılar. Amma sanki Sofi yaxınlaşdıqca onların cizgiləri qeyb olurdu. Axırda tam yox oldular. Qayıqda avar çəkərkən də, qayığı sahilə çəkərkən də qollarını çoxlu- çoxlu yellətdi. Məqsədi mayorun diqqətini çəkmək, Albertonun rahat-rahat planını götür-qoy etməsinə kömək olmaq idi. downloaded from KitabYurdu.org 414
Cığırboyu tullanıb-düşərək qaçdı. Gəzən kuklanı təqlid edərək yeridi. Mayor darıxıb fikrini başqa yerə çevirməsin deyə, mahnı da oxudu. Bir müddət oturub Albertonun planını düşünməyə başlamışdı. Sonra nə haqda düşünməsinin fərqinə varıb utandı, tez bir ağaca dırmaşdı. Dırmaşdıqca dırmaşdı. Ağacın lap başına çatanda yenidən aşağı enməyin mümkünsüz olduğunu gördü. Bir az dincəlib sonra aşağı enməyə cəhd etmək istədi, amma bu müddətdə də hərəkətsiz qalmamalıydı. Yoxsa mayorun diqqəti qaçar, Albertonu izləməyə başlayardı. Sofi qollarını yellətdi, bir neçə dəfə xoruz kimi banladı, axırda qədim bir xalq mahnısı oxumağa başladı. 15 illik həyatında ilk dəfə idi ki, bu mahnını oxuyurdu. Belə baxanda, heç də pis oxumurdu. Yenidən aşağı enməyə cəhd etdi, amma olduğu yerdən tərpənməsi mümkünsüz görünürdü. Bu vaxt haradansa böyük bir qaz gəldi və budağa qondu. Gördüyü o qədər Disney qəhrəmanlarından sonra Sofi qazın danışmağa başlamasına heç təəccüblənmədi. - Mənim adım Mortendi, - qaz dedi. - Əslində ev qazıyam, amma xüsusə səbəbdən Livandan bura gələn vəhşi qaz dəstəsinə qoşulub gəlmişəm. Görürəm, ağacdan düşmək üçün köməyə ehtiyacın var. - Sən balacasan, mənə kömək edə bilməzsən, - Sofi dedi. - Belə tez nəticə çıxarma, xanım qız. Bəlkə də mən balaca deyiləm, sən böyüksən. - Nə fərqi var, ikisi də birdi! - Bəli, amma bil ki, mən sən yaşdakı bir kəndli oğlanı bütün İsveçin üzərindən daşıyaraq keçirmişəm. Onun adı Nils Holgersson idi. - Mənim on beş yaşım var. - Nilsin on dörd yaşı var idi. Daşıyanda bir yaşın fərqi olmur. - Onu necə qaldıra bildin? - Qanadımla onu xəfifcə vurdum, özündən getdi. Oyananda baş barmaq boyda idi. - Məni də qanadınla xəfifcə vura bilərsən, zəhmət olmasa? Yoxsa ömrümün axırına qədər burada qalmalı olacağam. Üstəlik, şənbə günü fəlsəfi bir bağ şənliyində sahibəlik etməliyəm. downloaded from KitabYurdu.org
415
- Maraqlıdı. Onda bu, fəlsəfə kitabı olmalıdı. Nilslə İsveçin üstündən uçanda Varmlandda Maarbaka adlı bir yerdə dincəlmişdik. Nils orada məktəb uşaqarı üçün İsveçdən danışan bir kitab yazmaq niyyətində olan bir qadınla tanış oldu. Qadın kitabın həm maarifləndirici, həm də hər şeyi olduğu kimi danışan kitab olmasını istəyirdi. Nils ona mənim belimdə uçmağından, gördüklərindən danışanda qadın kitabında bunları yazmaq qərarına gəldi. - Çox qəribədi. - Hə, düzünü desəm, çox ironik idi, çünki biz də həmin kitabın içində idik.
Qəfildən Sofi yanağında xəfifcə şapalaq hiss etdi. Bir an sonra balacalaşdı. Üstündə olduğu ağac böyük bir meşə, qaz isə böyük at kimi görünürdü. Gəl, gəl, - qaz dedi. Sofi budağın üzəriylə addımlayıb qazın belinə dırmaşdı. Tükləri çox yumşaq idi, amma indi Sofi kiçik olduğundan, tüklər onu qıdıqlamaqdan çox tikan kimi bədəninə batırdı. Nəhayət, yerini bərkidəndə qaz uçmağa başladı. Qaz ağacların başı üstdən uçurdu. Sofi aşağı baxanda gölü və mayorun evini gördü. Yəqin ki, indi Alberto orada oturub planıyla məşğul olurdu. Bu qısa mənzərəli gəzinti bugünlük bəsdir, - qaz qanadlarını çırpa- çırpa dedi. Beləcə, Sofi bir az əvvəl dırmaşmağa başladığı ağacın altına enməyə başladı. Qaz yerə qonanda Sofi onun belindən yerə yuvarlandı. Bir az başı gicəlləndi, amma tezliklə özünə gəldi. Qəribəsi o idi ki, yenidən böyüyüb əvvəlki kimi olmuşdu. Qaz Sofinin ətrafında bir neçə dəfə dövrə vurdu. - Çox sağ ol! - Sofi dedi. - Xırda şeydi, dəyməz. Doğrudan, sən fəlsəfə kitabı demişdin? - Bunu mən yox, sən demişdin. - Nə fərqi var, ikisi də birdi. Mənə qalsa, səni də Nilsi İsveçin üzərində uçurduğum kimi, fəlsəfə tarixinin üzərində uçurardım. Milet, Afina, Qüds, İsgəndəriyyə, Roma, Florensiya, London, Paris, downloaded from KitabYurdu.org Yüklə 3,61 Mb. Dostları ilə paylaş:
|